ᐃᒻᒪᖃᐅᓯᕐᑕᐅᒪᖕᖏᑐᓄᑦ ᐊᓐᓂᐊᓂᓕᕆᓂᒃᑯᑦ ᐱᕙᓪᓕᖁᑎᖏᓐᓄᑦ ᐃᑲᔪᕐᓯᒪᐅᑏᑦ
ᓄᓇᓕᓕᒫᑦ ᐊᑐᓲᓂᒃ ᐃᖏᕐᕋᐅᑎᖃᕐᑎᓯᒍᑎᓄᑦ ᑐᕌᒉᑦ ᓄᓇᕕᐅᑉ ᓄᓇᖓᓂ
ᑯᐯᒃ ᑕᕐᕋᖓᓂ ᐊᓐᓂᐊᕕᓕᐊᕐᓯᒪᔪᓕᕆᔩᑦ
ᓄᓇᕕᐅᑉ ᓯᓚᑖᓂ ᐱᒍᑦᔨᒍᑏᑦ
ᐃᒻᒪᖃᐅᓯᕐᑕᐅᒪᖕᖏᑐᓄᑦ ᐋᓐᓂᐊᓂᓕᕆᓂᒃᑯᑦ ᐱᕙᓪᓕᖁᑎᖏᓐᓄᑦ ᐃᑲᔪᕐᓯᒪᐅᑏᑦ
ᑖᓐᓇ ᐱᓇᓱᐊᕐᕕᒃ ᑐᕌᒐᖃᓗᐊᖑᐊᓲᖑᕗᖅ ᐊᐅᓚᑦᓯᒋᐊᖃᕐᓂᒥᒃ ᐃᑲᔪᕐᓯᒪᐅᑎᓂᒃ ᑕᒪᒃᑯᓄᖓ ᐃᒻᒪᖃᐅᓯᕐᓯᒪᔪᓂᒃ/ᐃᒻᒪᖃᐅᓯᕐᑕᐅᒪᖕᖏᑐᓂᒃ ᐋᓐᓂᐊᓂᓕᕆᓂᒃᑯᑦ ᐱᕙᓪᓕᖁᑎᖏᓐᓂᒃ ᐃᓗᓕᑕᖃᕐᑐᓂᒃ ᐱᒍᑦᔨᒍᑎᐅᒋᐊᓪᓚᓲᓕᒫᓂᒃ ᐃᓚᐅᔪᓂᒃ ᐃᓕᑕᕆᔭᐅᒪᔪᓂᒃ ᓇᓗᓀᕐᑕᐅᒪᔪᓂᓪᓗ ᐅᑯᐊ ᐊᑖᒍᑦ ᔦᒥᔅᐯᒥᓗ ᑯᐯᒃ ᑕᕐᕋᖓᓂᓗ ᐊᖏᖃᑎᒌᓐᓂᖓᑦ (ᐊᖏᖃᑎᒌᓐᓂᖅ).
ᐊᖏᖃᑎᒌᓐᓂᒧᑦ ᐃᓚᐅᔪᐃᑦ ᓄᓇᕕᐅᑉ ᓯᓚᑖᓂ ᓄᓇᓕᖃᕐᑐᐃᑦ, ᓇᓪᓕᑐᐃᓐᓇᖓᓂᒥᐅᔭᐅᒐᓗᐊᕈᑎᒃ, ᐱᕕᖃᕐᑎᑕᐅᒍᓐᓇᖏᑦᑐᑦ ᑖᒃᑯᐊ ᐃᑲᔪᕐᓯᒪᐅᑏᑦ ᐊᑖᒍᑦ, ᐃᓚᐅᑎᑕᐅᖏᓐᓇᕋᓗᐊᕐᑎᓗᒋᑦ ᐳᕐᑐᓂᕐᓴᒥ ᐃᓕᓐᓂᐊᑏᑦ ᐱᒋᐅᕐᓴᑎᑕᐅᔪᐃᓪᓗ (ᑲᔪᓯᑎᑕᐅᔪᓄᑦ ᑲᑎᕕᒃ ᐃᓕᓐᓂᐊᓂᓕᕆᕕᖓᓄᑦ) ᐅᑎᓚᖓᓗᑎᒃ ᓄᓇᓕᒥᓄᑦ, ᑎᒍᔭᐅᒪᔪᓄᓪᓗ ᐊᒻᒪᓗ ᐋᓐᓂᐊᕕᓕᐊᕐᓯᒪᔪᓄᑦ ᐱᒍᑦᔭᐅᓂᖃᕐᑐᓄᑦ ᓄᓇᕕᐅᑉ ᓯᓚᑖᓂ.
ᑖᒃᑯᐊ ᐱᕙᓪᓕᖁᑎᓄᑦ ᐃᑲᔪᕐᓯᒪᐅᑏᑦ ᐱᑕᖃᕐᑎᑕᐅᒋᐊᓪᓚᑐᑦ ᐱᒍᑦᔨᒍᑎᐅᓲᓄᑦ ᐱᕕᖃᕐᑎᑕᐅᓂᖃᕐᑐᓄᑦ ᑯᐯᒃᒥᐅᓕᒫᓄᑦ ᐋᓐᓂᐊᓯᐅᑎᖃᕐᑎᓯᓂᒃᑯᑦ ᐃᑲᔪᕐᓯᒪᐅᑎᖃᕐᑎᓯᓂᒃᑯᑦ ᐊᐅᓚᑕᐅᓂᖃᕐᑐᓂᒃ ᑯᐯᒃ ᑲᕙᒪᖓᓄᑦ. ᑕᒪᒃᑯᐊ ᐱᒍᑦᔨᒋᐊᓪᓚᕈᑏᑦ ᐃᓗᓕᖃᕐᓱᑎᒃ ᐊᑦᔨᒋᖏᑐᓂᒃ ᓂᐅᕕᕐᑕᐅᒍᓐᓇᑐᓂᓪᓗ ᐱᒍᑦᔨᒍᑎᓂᓪᓗ ᓯᕗᓂᐊᒍᑦ ᐱᕕᖃᕐᑎᑕᐅᓯᒪᖕᖏᑐᓄᑦ ᐃᓚᐅᔪᓄᑦ ᐊᖏᖃᑎᒌᓐᓂᒧᑦ ᑕᒪᒃᑯᓄᖓ ᐊᓯᖏᓐᓄᑦ ᐱᒍᑦᔨᕕᓐᓄᑦ ᐅᕝᕙᓘᓐᓃᑦ ᐊᓯᖏᓐᓄᑦ ᐃᑲᔪᕐᓯᒪᐅᑎᓄᑦ ᑯᐯᒃᒥ.
ᓄᓇᕕᒻᒥ ᐃᓗᓯᓕᕆᔩᑦ ᑲᑎᒪᔨᖏᑦ ᑲᒪᒋᔭᖃᓲᖑᕗᑦ ᑖᒃᑯᓂᖓ ᐃᒻᒪᖃᐅᓯᕐᓯᒪᓂᒃᑯᑦ ᐋᓐᓂᐊᓂᓕᕆᓂᒃᑯᑦ ᐱᕙᓪᓕᖁᑎᖏᑦᑕ ᐃᑲᔪᕐᓯᒪᐅᑎᖏᓐᓂᒃ ᐊᒻᒪᓗ ᑮᓇᐅᔭᑎᒍᑦ ᑐᕌᒐᖏᓐᓂᒃ ᑕᒪᒃᑯᐊ ᐱᒍᑦᔨᒍᑏᑦ ᐱᕕᖃᕐᑎᑕᐅᑦᓯᐊᖁᓪᓗᒋᑦ ᐊᑦᔨᒋᑦᓯᐊᑐᒥᒃ.
ᑖᒃᑯᐊ ᓄᓇᕕᒻᒥ ᐃᓗᓯᓕᕆᔩᑦ ᑲᑎᒪᔨᖏᑦ ᑕᒪᒃᑯᓂᖓ ᑲᒪᒋᔭᖃᓲᖑᕗᑦ ᓇᒻᒪᓂᖃᕐᑐᓂᒃ ᑭᓯᑕᐅᒪᒋᐊᓕᓐᓄᑦ ᑮᓇᐅᔭᓕᕆᐅᑎᐅᒋᐊᓕᓐᓄᓗ.
ᑖᒃᑯᐊ ᐃᒻᒪᖃᐅᓯᕐᓯᒪᔪᓂᒃ ᐃᑲᔪᕐᓯᒪᐅᑏᑦ ᑮᓇᐅᔭᖃᕐᑎᑕᐅᓲᖑᕗᑦ ᑲᒪᒋᔭᐅᑦᓱᑎᓪᓗ ᑐᖕᖓᕕᒋᑦᓱᒋᑦ 100% ᐳᓴᓐᑎᓕᒫᖏᑦ ᐊᑭᒋᔭᐅᓯᒪᔪᓄᑦ ᓂᐅᕕᕐᑕᐅᒋᐊᓕᓪᓗ ᐱᒍᑦᔨᒍᑎᐅᒋᐊᓕᓪᓗ, ᑕᒪᒃᑯᓄᖓ ᑮᓇᐅᔭᕐᑑᑎᐅᓯᒪᔪᑦ ᓲᓱᒋᔭᖃᑦᓴᓚᐅᕐᐸᑕ ᐃᑲᔪᕐᓯᒪᐅᑎᓄᑦ ᒪᓕᒐᓕᐊᖑᓯᔪᓂᒃ.
ᓄᓇᕕᒻᒥ ᐃᓗᓯᓕᕆᔩᑦ ᑲᑎᒪᔨᖏᑦ ᑲᒪᒋᔭᖃᓲᖑᕗᑦ ᑖᒃᑯᓂᖓ ᐃᒻᒪᖃᐅᓯᕐᓯᒪᔪᓂᒃ ᐋᓐᓂᐊᓂᓕᕆᓂᕐᒧᑦ ᐃᑲᔪᕐᓯᒪᐅᑎᖏᓐᓂᒃ ᐃᒻᒥᒎᓕᖓᓂᖃᕐᑎᓗᒋᑦ. ᑖᒃᑯᐊ ᓄᐃᑦᓯᓲᖑᒻᒪᑕ ᑎᒍᒥᐊᕐᓱᑎᓪᓗ ᑌᒃᑯᓂᖓᓪᓗᐊᖅ ᑲᒪᒍᑎᓂᒃ ᑮᓇᐅᔭᓕᕆᐅᑎᑦᓴᒧᑦ ᐊᑭᒋᔭᐅᓪᓚᕆᓲᓄᑦ ᐋᓐᓂᐊᓂᓕᕆᓂᕐᒧᑦ ᐃᑲᔪᕐᓯᒪᐅᑎᓄᑦ ᑕᒪᒃᑯᓄᖓ ᐊᑐᓂᑦ ᐊᑐᕐᑐᓄᑦ ᐸᑦᔭᓕᐊᕆᔭᐅᓯᒪᔪᑦ ᒪᓕᑦᓱᒋᑦ.
ᐅᑯᐊ ᑮᓇᐅᔭᕐᑑᑏᑦ ᐸᑦᔭᕆᔭᐅᔪᕐᓃᑦᑎᑕᐅᓲᑦ ᐃᒻᒪᖃᐅᓯᕐᓯᒪᔪᓂᒃ ᐋᓐᓂᐊᓂᓕᕆᐅᑎᖏᑎᒍᑦ:
- ᐋᓐᓂᐊᓯᐅᑏᑦ;
- ᐋᓐᓂᐊᓯᐅᑎᓕᕆᐅᑏᑦ ᐊᒻᒪᓗ ᐱᐅᒃᑯᑏᑦ;
- ᐋᓐᓂᐊᕕᓕᐊᕐᓯᒪᔪᓂᒃ ᐃᖏᕐᕋᐅᑎᖃᕐᑎᓯᒍᑏᑦ, ᒪᓕᑦᑕᐅᑎᑦᓯᒍᑏᑦ, ᑐᓵᔨᖃᕐᑎᓯᒍᑏᑦ ᓯᓂᑦᑕᐅᑏᓪᓗ;
- ᐃᔨᓕᕆᔭᐅᒍᑏᑦ, ᐃᓚᖃᕐᑐᓂᒃ ᐃᔭᐅᑎᓂᒃ ᐊᒻᒪᓗ ᐃᔨᐅᑉ ᐃᔭᐅᑎᑦᓴᔭᖏᓐᓂᒃ ᔭᕆᐊᖃᕐᐸᑕ ᐋᓐᓂᐊᓂᓕᕆᔭᐅᓂᒃᑯᑦ;
- ᑭᒍᑎᓕᕆᐅᑎᓄᑦ, ᐃᓚᖃᕐᑐᓂᒃ ᑭᒍᑎᖕᖑᐊᑦ ᐊᒻᒪᓗ ᖃᓂᕐᒥᐅᑕᓕᕆᐅᑎᓂᒃ;
- ᑐᓵᒍᑏᑦ;
- ᐃᓱᒪᒃᑯᑦ ᖃᓄᐃᖏᓯᐊᕐᓂᓕᕆᔭᐅᒍᑏᑦ (ᐊᑯᓃᖕᖏᑐᓂᒃ);
- ᐃᔨᒃᑯᑦ ᐱᓚᑦᑕᐅᒍᑎᓄᑦ;
- ᐅᐃᒪᓇᕐᑐᑰᕐᑎᓯᒍᑏᑦ;
For Additional Information:
- Access the Current NIHB Framework Policy
- Contact: ssna.rrsssn@ssss.gouv.qc.ca
ᓄᓇᓕᓕᒫᑦ ᐊᑐᓲᓂᒃ ᐃᖏᕐᕋᐅᑎᖃᕐᑎᓯᒍᑎᓄᑦ ᑐᕌᒉᑦ ᓄᓇᕕᐅᑉ ᓄᓇᖓᓂ
ᑖᒃᑯᐊ ᑐᕌᒉᑦ ᑲᒪᒋᔭᐅᓂᖃᓲᖑᕗᑦ ᓄᓇᕕᐅᑉ ᓯᓚᑖᓂᑦᑐᓂᒃ ᐱᒍᑦᔨᒍᑏᑦ ᐱᓇᓱᐊᕐᕕᖓᓄᑦ ᐊᒻᒪᓗ ᐊᑐᕐᑎᑕᐅᓲᖑᑦᓱᑎᒃ ᐃᓅᓕᑦᓯᕕᐅᑉ ᐋᓐᓂᐊᕕᒻᒪᕆᖓᓄᑦ ᐊᒻᒪᓗ ᑐᓚᑦᑕᕕᒃ ᐋᓐᓂᐊᕕᒻᒪᕆᖓᓄᑦ. ᑖᓐᓇ ᐅᓪᓗᒥ ᑐᕌᒉᑦ ᑲᔪᓯᑎᑕᐅᓯᒪᔪᑦ ᓄᓇᕕᒻᒥ ᐃᓗᓯᓕᕆᔩᑦ ᑲᑎᒪᔨᖏᓐᓄᑦ ᕕᕗᐊᕆ 28, 2013-ᒥ, ᐊᒻᒪᓗ ᐊᓯᑦᔩᒍᑎᐅᓚᐅᔪᑦᓱᑎᒃ ᓯᕗᐊᓂᒍᑦ ᑲᔪᓯᑎᑕᐅᓯᒪᔪᓂᒃ ᐊᐅᒍᔅᑎ 1996-ᒥᓗ ᔫᓂ 2004-ᒥᓗ. ᑖᒃᑯᐊ ᐊᑐᕐᑎᑕᐅᓲᑦ ᐱᑦᔪᔨᕕᓐᓄᑦ ᑕᒫᓂ ᓄᓇᖁᑎᒃ 17-ᖓᓂ (ᓄᓇᕕᒻᒥ) ᐋᓐᓂᐊᓯᐅᕐᑎᑯᓐᓄᑦ ᐊᖏᕐᑕᐅᒪᔪᓄᑦ ᐊᐅᓚᒍᑎᐅᒋᐊᖃᓕᑐᐊᕐᒪᑕ ᓄᓇᕕᐅᑉ ᓄᓇᖓᑕ ᐃᓗᐊᓂᓗ ᓯᓚᑖᓂᓗ.
ᑖᒃᑯᐊ ᑐᕌᒉᑦ ᐱᑦᔪᑎᖃᓗᐊᖑᐊᑐᑦ ᑕᒪᒃᑯᐊ ᐋᓐᓂᐊᓂᓕᕆᓂᒃᑯᓗ ᐃᓄᓕᕆᓂᒃᑯᓗ ᐱᒍᑦᔨᓂᕐᒥᒃ ᐱᑦᔪᔨᔩᑦ ᓄᓇᕕᒻᒥ ᐊᓪᓚᕕᒻᒪᕆᖃᕐᑐᑦ ᐊᑐᓲᓂᒃ ᐁᑎᑦᓯᔨᐅᑦᓱᑎᒃ ᐱᑦᔪᔨᕕᓐᓄᑦ ᑲᒪᒍᓐᓇᓯᐊᕐᑐᓄᑦ ᐱᒍᑦᔨᓯᐊᕈᓐᓇᑐᓄᓪᓘᓃᑦ ᐋᓐᓂᐊᕈᑎᖏᑦ ᒪᓕᑦᓱᒋᑦ. ᑖᒃᑯᐊ ᑐᕌᒉᑦ ᐃᓗᓕᑕᖏᑦ ᐊᑐᕐᑎᑕᐅᔪᑦ ᐃᓚᐅᔪᑦ ᐊᑖᒍᑦ ᔦᒥᔅᐯᒥᓗ ᑯᐯᒃ ᑕᕐᕋᖓᓂᓗ ᐊᖏᖃᑎᒌᓐᓂᐅᑉ (1975) ᐊᒻᒪᓗ ᓄᓇᓯᒪᕕᖃᕐᑐᓄᑦ ᓄᓇᕕᒻᒥ.
ᓄᓇᓕᓕᒫᑦ ᐊᑐᓲᓂᒃ ᐃᖏᕐᕋᐅᑎᖃᕐᑎᓯᒍᑎᓄᑦ ᑐᕌᒐᖏᑦ ᓄᓇᕕᐅᑉ ᓄᓇᖓᓂ
ᑯᐯᒃ ᑕᕐᕋᖓᓂ ᐋᓐᓂᐊᕕᓕᐊᕐᓯᒪᔪᓕᕆᔩᑦ
ᑖᒃᑯᐊ ᐋᓐᓂᐊᕕᓕᐊᕐᓯᒪᔪᓕᕆᔩᑦ ᓄᑦᑎᑕᐅᓂᖓᑕ ᐱᓇᓱᐊᕐᑕᐅᓂᖓ ᑖᑦᓱᒧᖓ ᐱᓇᓱᐊᕐᕕᒧᑦ ᑲᒪᒋᔭᐅᓗᐊᖑᐊᓕᕐᑐᖅ ᐊᒥᓱᒐᓚᓐᓂᒃ ᐊᕐᕌᒍᕐᓂ ᐱᔭᕆᕐᕕᖃᕆᐊᖃᕐᑎᓗᒍ ᓅᕕᒻᐱᕆ 2016-ᒥ.
ᑖᓐᓇ ᐋᓐᓂᐊᕕᓕᐊᕐᓯᒪᔪᓕᕆᔩᑦ ᐃᓪᓗᖁᑎᖓ ᐊᖏᓂᖃᕐᓂᐊᑐᖅ ᓯᑕᒪᓂᒃ ᓇᑎᖃᕐᓗᓂ, ᐱᐅᒃᑯᑎᖃᕐᓗᓂ ᓂᕆᕕᒻᒥᒃ, ᐊᓪᓚᕕᒻᒥᒃ ᐊᒻᒪᓗ 91-ᓂᒃ ᖃᕆᐊᓂᒃ 143-ᓂᒃ ᐃᓪᓕᖃᕐᓂᐊᑐᒥᒃ; 87-ᓂᒃ ᐊᑕᐅᓯᖃᐅᑎᒥᒃ ᐊᒻᒪᓗ ᒪᕐᕈᖃᐅᑎᓂᒃ ᐃᓪᓕᖃᕐᑎᓗᒍ, ᓯᑕᒪᓂᒃ ᐃᓄᑐᐊᑦ ᖃᕆᐊᖏᓐᓂᒃ, 12-ᓂᒃ ᖃᕆᐊᖃᕐᓱᓂ ᐃᒻᒥᓂᕿᕐᖃᔭᖕᖏᑐᓄᑦ, ᓂᕿᑐᐃᓐᓇᑐᕐᕕᖃᕐᓗᓂᓗ, ᑕᓚᕕᓴᕐᕕᖃᕐᓗᓂᓗ ᖃᕆᑕᐅᔭᒃᑰᕈᑎᓕᒻᒥᒃ, ᐊᒻᒪᓗ ᑐᑦᓯᐊᕕᒻᒥᒃ. ᑖᓐᓇ ᐃᓂᖃᕐᑎᑕᐅᓂᐊᕐᑐᖅ ᑐᐊᕚᓪᒥ.
ᓄᓇᕕᐅᑉ ᓯᓚᑖᓂ ᐱᒍᑦᔨᒍᑎᓄᑦ
ᑖᓐᓇ ᐱᓇᓱᐊᕐᕕᒃ ᑎᓕᔭᐅᒪᒍᑎᖃᕐᑐᖅ ᐱᒍᑦᔨᒋᐊᖃᕐᓂᒥᒃ ᑕᒫᓂ ᓄᓇᒥ ᐋᓐᓂᐊᕕᓕᐊᕐᓯᒪᔪᓕᕆᔩᑦ ᓯᓚᑖᒍᕐᑐᓄᑦ.
ᑖᒃᑯᐊ ᐃᓚᖃᕐᑐᑦ ᒪᒥᓭᓂᕐᒧᑦ ᐱᒍᑦᔨᒍᑎᓂᒃ ᐱᕕᖃᕐᑎᓯᒍᑎᒧᑦ ᐅᕕᒃᑲᓂᒃ ᓄᓇᕕᐅᑉ ᓯᓚᑖᓃᑦᑐᓂᒃ. ᒪᓐᑐᔨᐊᒥ ᒪᒥᓭᕕᒃ ᐱᒍᑦᔨᓲᖑᒻᒪᑦ ᐅᑭᐅᓕᓐᓂᒃ 12-ᒥᑦ 18-ᓄᑦ ᑲᒪᒋᔭᐅᓂᕐᓴᐅᒋᐊᓕᓐᓂᒃ. ᐃᓄᓐᓂᒃ ᐃᓕᓭᒍᓐᓇᑐᓂᒃ ᓄᐃᑕᔪᖃᓲᖑᓂᐊᕐᑎᓗᒍ ᑐᑭᒧᐊᒍᑎᓕᐊᕆᔭᕗᓐᓃᒥᔪᑦ, ᑐᕌᒐᖃᕐᑎᓗᒍ ᑕᒪᒃᑯᐊ ᒪᒥᓭᓃᑦ ᓲᓱᒋᔭᖃᑦᓯᐊᕋᓗᐊᕐᒪᖔᑕ ᐃᓄᐃᑦ ᐱᐅᓯᑐᖃᖏᓐᓂᓗ ᐃᓪᓕᕆᔭᖏᓐᓂᓗ.
ᐅᕕᒃᑲᓂᒃ ᒪᒥᓭᓂᕐᒧᑦ ᐱᒍᑦᔨᒍᑏᑦ ᑲᒪᒋᔭᐅᓂᖏᑦ ᑲᒪᒋᔭᐅᓲᖑᕗᑦ ᐅᖓᕙᒥ ᑐᓚᑦᑕᕕᒃ ᐋᓐᓂᐊᕕᒻᒪᕆᖓᓄᑦ ᑰᔾᔪᐊᒥ.
