ᐃᑲᔪᕐᓯᔭᐅᕖᑦ ᐊᒻᒪᓗ ᑭᒡᒐᑐᕐᑕᐅᕖᑦ

ᓄᖑᑎᕐᓗᒍ ᐃᓱᒻᒪᓯᑐᖄᓗᒃ!

• ᐅᖄᒍᑕᐅᓕᑐᐊᕋᒥ ᐃᒻᒥᓂᐊᕐᓂᖅ ᐊᑑᑎᑎᑦᓯᑌᓕᒪᑦᔪᑎᓕᐅᕋᓱᐊᕐᓂᒥ, ᑲᑦᓱᙰᓕᓵᕆᒍᑕᐅᓲᒍᖕᖏᑐᖅ ᐃᓄᓐᓂᒃ ᐃᓱᒪᓚᖀᓂᕐᒧᑦ ᐃᒻᒥᓂᐊᕈᒪᓂᕐᒥᒃ ᐅᕝᕙᓘᓐᓃᑦ ᐃᒻᒥᓂᐊᕋᓱᐊᓚᕿᑎᑦᓯᒍᑕᐅᓲᖑᒐᓂ.
• ᑐᑭᓯᓂᕐᓘᒪᒍᑕᐅᓲᒍᒻᒪᑦ ᐅᑉᐱᕆᔭᖃᓕᕐᓂᖅ ᓇᓪᓕᐊ ᐅᖄᒍᑎᖃᖃᑕᓕᑐᐊᕐᒪᑦ ᐃᒻᒥᓂᐊᕈᒪᒋᐊᒥᒃ ᐃᓱᒪᖃᑦᑕᓕᕐᓂᒥᓂᒃ ᑖᒃᑯᓂᖓ ᐅᖄᔪᓂᒃ ᓵᖕᖓᔭᐅᒍᒪᒍᓗᑐᐃᓐᓇᓂᕋᕐᓱᒍ, ᐃᑉᐱᒋᔭᐅᑦᓯᐊᕆᐊᖃᕐᐳᖅ ᖃᓄᓕᒫᖅ ᓴᕐᕿᑎᑦᓯᒍᑕᐅᔪᑦ ᐃᒻᒥᓂᐊᕈᒪᓂᕐᒥᒃ ᐃᓱᒪᖃᑦᑕᑐᑦ ᑐᓭᓐᓇᑕᐅᖃᑦᑕᕆᐊᖃᖕᖏᒪᑕ.
• ᓇᓪᓗᐊ ᐃᓱᒪᖃᑦᑕᑐᖅ ᐃᒻᒥᓂᐊᕈᒪᓂᕐᒥᓂᒃ ᐃᓱᒪᒍᑕᐅᓲᒍᖕᖏᑐᖅ ᓴᖕᖐᑐᑦᓴᔭᕈᓘᔪᕆᑦᓱᒍ. ᐃᓱᓕᑎᑦᓯᒍᒪᑐᐃᓐᓇᒪᑦ ᐊᕐᓱᕉᔭᕐᓂᒥᓂᒃ ᐃᓱᒪᒥᒍᑦ ᑐᑭᑖᕈᓐᓇᖏᐅᒪᒍᓗᑐᐃᓐᓇᓱᓂ ᐃᓅᒍᒪᑦᓴᖏᓐᓈᕋᓗᐊᕐᒪᖔᕐᒥ ᐊᒻᒪᓗ ᐃᓅᓯᕐᒥᓂ ᐊᕐᓱᕉᔭᕐᓂᒥᓂᒃ ᐃᓱᓕᑎᑦᓯᒍᒪᓂᕐᓴᐅᓴᕋᓗᐊᕐᒪᖔᕐᒥ.
• ᐃᓅᓯᕐᒥᓂᒃ ᑭᐱᓯᓂᖅ ᑕᕝᕓᓇᓪᓗᑐᖅ ᐃᓱᒪᑖᕆᑦᓱᒍᓗ ᐊᑑᑎᔭᐅᓲᒍᖕᖏᑐᖅ; ᐊᑑᑎᑲᑖᑦᓱᕕᓈᓗᓐᓄᑦ ᐊᑯᓂ ᐃᓱᓕᓂᐅᓲᖅ. ᐃᓘᓐᓈᒍᑦ ᑕᑯᓐᓇᓱᒍ, ᑲᖐᑦᓴᓕᕈᑎᑦᓴᓕᐊᖏᑦ ᐊᑑᑎᔭᒥᒍᑦ ᑐᑭᓯᒍᑕᐅᒍᓐᓇᓲᑦ ᐃᓛᓗ ᐃᓚᖓᓂ ᑲᖐᑦᓴᓚᕿᐅᑕᐅᒍᓐᓇᐸᖕᖏᒥᔫᒐᓗᐊᑦ ᐃᓅᓯᖓᑕ ᐊᑦᑕᓇᕐᑐᒦᓕᕐᓂᖓᓂᒃ.
• ᐃᑯᓪᓚᓚᕿᑎᑦᓯᑲᓪᓚᒐᓱᐊᑦᓴᐅᑎᒋᓂᖅ ᑲᑉᐱᐊᓇᕐᑐᒦᕋᑖᕐᑐᒥᒃ ᐅᕝᕙᓘᓐᓃᑦ ᐊᓯᑦᔨᑐᕃᒐᓱᐊᕐᓂᖅ ᐃᓅᑉ ᐊᑑᑎᔭᖓᓂᒃ ᐊᕐᓱᕈᕐᓂᖓ ᐃᑯᓚᐅᒥᐊᕐᕈᓴᕐᖂᒥᒃ ᐃᓱᒪᒍᑕᐅᒋᐊᖃᖕᖏᒥᔪᖅ. ᑕᒪᒃᑯᑎᒎᓈᕋᓗᐊᕈᓂᓗ ᑕᒪᒃᑯᐊ ᑲᖐᓱᓚᕿᐅᑕᐅᔪᑑᓚᕿᒍᓐᓇᖏᒻᒥᒐᑎᒃ.
• ᐃᓛ ᐃᒻᒥᓂᐊᕐᓂᖅ ᑌᒪᖕᖓᓕᒫᑲᓴᖅ ᐱᑐᑦᓯᒪᓂᖃᓲᑦᓴᔭᐅᒻᒥᔪᖅ ᑭᑦᓴᓂᖓᓄᑦ ᐃᓅᑉ, ᐃᒻᒥᓂᐊᕐᓂᒥᒃ ᐅᓇᒻᒥᓱᓲᑦ ᐃᓄᐃᑦ ᑌᒪᖕᖓᓕᒫᖅ ᓄᐃᑕᑎᑦᓯᒍᓐᓇᓲᒍᖕᖏᒥᒻᒪᑕ ᑭᑦᓴᓂᕐᒥᑕ ᐱᐅᓯᖏᓐᓂᒃ.

https://www.aqps.info/comprendre/mythes-realites.html

ᖃᓄᖅ ᐃᓕᑕᕐᓯᒍᓐᓇᐱᑦ ᐃᓄᒻᒥᒃ ᐃᒻᒥᓂᐊᕈᒪᓂᕐᒥᒃ ᐅᓇᒻᒥᓱᓕᕐᑐᒥᒃ?

ᐅᓐᓂᑑᑦᔨᒍᑕᐅᕗᖅ ᐃᓄᒃ ᐃᓄᑑᑎᕙᒍᓐᓀᓗᓂ ᐊᕐᓱᕉᔭᕐᓂᒥᒃ ᐃᑉᐱᓂᐊᕐᓂᖃᓕᕈᓂ; ᐅᖃᖃᑎᖃᖃᑦᑕᓗᑎᑦ ᐱᖃᓐᓈᓂᒃ, ᐃᓚᓐᓃᐅᕕᑦ ᖃᓂᑕᕆᔭᕐᓂᒃ, ᐃᓄᑐᖃᕐᒥᒃ, ᐱᓇᓱᑦᑎᖓᓂᓘᓐᓃᑦ ᐋᓐᓂᐊᕕᐅᑉ. ᐱᒻᒪᕆᐅᑎᑦᓯᐊᓗᒋᑦ ᐃᑉᐱᓂᐊᕐᓂᑎᑦ ᐃᓱᒪᒋᓕᕐᑕᑎᓪᓗ ᐅᖄᒍᑎᒋᒋᐊᖃᕋᕕᒃᑭᑦ ᐃᓄᒻᒧᑦ ᑕᑎᒋᔭᕐᓄᑦ.

ᐃᓱᒫᓘᑎᖃᑐᐊᕈᕕᑦ ᓇᓪᓕᒋᔭᕐᓂᒃ, ᐱᖃᓐᓈᓂᒃ, ᐱᓇᓱᖃᑎᓐᓂᐅᕕᓪᓘᓂᑦ, ᐊᖕᖏᐊᕆᑦᑌᓕᒍᒃ ᑕᒪᓐᓇ; ᐃᑲᔪᕐᑕᐅᑎᒋᐊᕐᑐᓴᐅᑎᒋᓗᑎᑦ, ᐃᒻᒥᓂᒃ ᐃᓱᒫᓗᐃᕈᕕᑦ ᐊᓯᓐᓂᒃ ᐃᑲᔪᕈᓐᓇᓯᒐᔭᕋᕕᑦ ᐊᕐᓱᕉᔭᕐᑐᓂᒃ. ᐃᓱᒪᒐᓱᐊᖃᑎᒌᒍᑕᐅᓕᑐᐊᕋᒥ ᑕᒪᓐᓇ ᐊᑕᐅᓯᐅᖕᖏᑐᒧᑦ ᐃᓕᑕᕐᓯᕙᓪᓕᐊᑕᕐᓇᓂᕐᓴᐅᓲᒍᒻᒪᑦ ᖃᓄᐃᓕᖓᔪᖃᓕᕐᒪᖔᑦ.

ᑐᑭᓯᕚᓪᓕᕈᑎᑦᓴᓂᒃ ᖃᐅᔨᒋᐊᓪᓛᕈᒪᓐᓂᕈᕕᑦ ᐱᓇᓲᑎᑦᓴᒋᐊᓪᓚᓂᓗ ᐱᔪᒪᒍᕕᑦ, ᐃᓕᓐᓂᐊᓂᖅ "ᑎᑭᐅᑦᔫᕆᑦ" ᑌᔭᐅᔪᖅ ᐊᑐᐃᓐᓇᐅᑎᑕᐅᓲᖅ. ᑐᓴᕋᓱᐊᕐᕕᖃᕐᓗᑎᒃ ᕕᕈᓂᒃ ᐸᕋᑏᒥᒃ, ᐊᑕᐅᑦᓯᑰᕐᑎᓯᔨᖓᓂᒃ ᐃᒻᒥᓂᐊᕐᑌᓕᒪᑦᔪᑎᓕᕆᓂᐅᑉ ᐊᓪᓚᕕᖓᑕ ᐃᓗᓯᓕᕆᔨᒃᑯᑦ ᐃᓪᓗᖁᑎᖓᓂ, ᐅᖃᓚᐅᑎᓕᒃ 819-964-2222 ᐊᓪᓚᕕᖓ 280.

ᑕᑯᒋᐊᕋᑦᓭᑦ ᐊᑐᐃᓐᓇᐅᑎᑕᐅᔪᑦ ᑭᒡᒐᑐᕐᕖ

ᐳᓖᓯᒃᑯᑦ: 819-XXX-9111

ᐃᓄᓕᕆᔨᒃᑯᑦ (ᑭᑎᑦᔪᑎᒃ ᐊᑕᐅᓯᖅ ᓄᐃᒋᐊᕕᑦᑐᖅ!)