ᓴᒃᑯᐃᑦ ᐅᖁᒣᓗᑕᖓ: ᖃᓄᖅ ᓱᕐᕃᓱᖑᕙ ᐃᓗᓯᕐᓂᒃ

Lead ammunitionᐅᖁᒣᓗᑕᖅ ᓱᒃᑯᓇᕐᑑᕗᖅ ᓂᐅᕕᐊᑦᓴᐅᖃᔦᕐᓯᒪᓕᕐᑐᖅ ᐊᒥᓱᒐᓚᓐᓂᑦ ᐊᑐᕐᑕᐅᓲᓂ ᐅᑦᑑᑎᒋᓗᒋᑦ ᐅᕐᓱᐊᓗᒃ, ᒥᖑᐊᕈᑎᒃ ᐊᒻᒪᓗ ᐃᒪᐅᑉ ᓱᓪᓗᓕᖏᓐᓂᑦ.

ᑭᓯᐊᓂᓕ ᐱᑕᖃᖏᓐᓇᑐᖅ ᓴᒃᑯᒋᔭᐅᔪᓂ ᐆᒪᔪᕐᓂᐊᑎᓄᑦ ᓄᓇᕕᓕᒫᒥ. ᓱᑯᐃᔦᓂᕐᑎᒍᑦ ᖃᐅᔨᓴᕐᓃᑦ ᓄᐃᑦᓯᓯᒪᕗᑦ ᖃᓄᐃᓪᓗᐊᑐᒍᓗᑐᐃᓐᓇᐅᒐᓗᐊᕈᓂ ᓴᒃᑰᑉ ᐅᖁᒣᓗᑕᖓ ᐊᑦᑕᓀᑦᑐᒥᒍᑎᐅᖕᖏᑐᖅ. ᐱᐊᕋᑦᓴᓖᑦ (ᓄᑕᕋᑦᓴᓖᑦ) ᐊᕐᓀᑦ ᐊᑦᑕᓇᕐᑐᒦᓗᐊᖕᖑᐊᖁᑦ. ᐅᖁᒣᓗᑕᖅ ᓱᕐᕃᓂᒍᓐᓇᖁᖅ ᖃᕆᑕᖓᓂᒃ ᐱᕈᕐᐸᓕᐊᔫᑉ ᐱᐊᕋᑦᓴᕆᐅᔫᑉ (ᓄᑕᕋᑦᓴᕆᔭᐅᔫᑉ) ᐊᒻᒪᓗ ᒥᑭᔪᓂᑦ ᐱᐊᕋᕐᓂᑦ (ᑲᒃᑲᓛᓂᑦ).

ᖃᐅᔨᓴᕐᓂᐅᓯᒪᔪᖅ ᒫᓐᓇᖃᒻᒥᑯᑦ ᓄᓇᕕᒻᒥ ᓂᐅᕕᕐᓂᐊᕕᖏᓐᓂ ᖃᐅᔨᒍᑎᐅᓐᓂᖁᖅ ᓴᒃᑯᐃᑦ ᐅᖁᒣᓗᑕᓖᑦ ᓂᐅᕕᐊᑦᓴᐅᖏᓐᓇᓂᖏᓐᓂᑦ ᐃᓚᐅᑎᓪᓗᒋᑦ ᐅᖁᒣᓗᑕᓖᑦ ᓴᒃᑯᖏᑦ.ᖃᐅᔨᓴᕐᓂᖅ ᖃᐅᔨᒍᑎᐅᓐᓂᒥᔪᖅ ᐆᒪᔪᕐᓂᐊᑏᑦ ᑕᐅᕐᓯᔪᕕᓂᐅᒋᐊᖏᓐᓂᑦ ᑭᑭᐊᑦᓴᔭᓄᑦ ᓴᒃᑯᓄᑦ, ᐃᓚᖓᓂ ᓴᒃᑯᐃᑦ ᐅᖁᒣᓗᑕᖓᓂ ᐊᑐᖏᓐᓇᑎᓪᓗᒋᑦ. ᐊᒥᓲᓂᕐᓭᑦ ᐆᒪᔪᕐᓂᐊᑏᑦ ᓴᒃᑯᓂ ᐅᖁᒣᓗᑕᓕᓐᓂᑦ ᐊᑐᖏᓐᓇᖁᑦ.

ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᐱᓇᓱᖃᑕᐅᓕᕐᖁᑦ ᑎᒥᐅᔪᓄᑦ ᑲᓇᑕᒥ ᐃᑲᔪᕐᓯᖃᑕᐅᑦᓱᑎᑦ ᓂᐅᕕᐊᑦᓴᖃᖃᑦᑕᖁᔨᖕᖏᑐᓄᑦ ᓴᒃᑯᓂᑦ ᐅᖁᒣᓗᑕᓕᓐᓂᑦ. ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᒃᑯᑦ ᓇᐅᓕᒫᓂ ᖃᓄᐃᖕᖏᓯᐊᕆᐊᖃᕐᓂᒧᑦ ᐱᒍᑦᔨᕕᖓ ᓄᓇᕕᒻᒥᐅᓂᑦ ᐱᓇᓱᖃᑎᖃᕐᖁᑦ ᐆᒪᔪᕐᓂᐊᑎᓂᑦ ᐃᖃᓪᓕᐊᑎᓂᑦ ᒥᑭᒋᐊᕐᓂᐊᑎᓂᓗ ᑲᑐᑦᔨᖃᑎᒌᓐᓂᖓᓂᒃ ᓴᒃᑯᐃᑦ ᐅᖁᒣᓕᑕᖓᓂ ᐱᑕᖃᖕᖏᑐᓂᑦ ᐊᑐᕐᑕᐅᖔᑎᑦᓯᒐᓱᖃᑎᐅᑦᓱᑎᑦ.

ᐆᒪᔪᕐᓂᐊᑏᑦ ᐃᓚᒥᑕ ᖃᓄᐃᖕᖏᓯᐊᕆᐊᖃᕐᓂᖏᓐᓂᑦ ᐱᒻᒪᕆᖁᑎᖃᕐᖁᑦ. ᓂᕿᑦᓯᐊᖑᓂᕐᐹᓂᒃ ᓂᕿᑦᓴᓯᐅᓲᖑᕗᑦ. ᑕᐅᕐᓰᒋᑦ ᓴᒃᑯᑎᓐᓂᑦ ᓴᒃᑯᐃᑦ ᐅᖁᒣᓗᑕᖏᓐᓂᑦ ᐱᑕᖃᖕᖏᑐᓄᑦ. ᓴᒃᑯᐃᑦ ᐅᖁᒣᓗᑕᖏᓐᓂᑦ ᐊᒥᐊᒃᑯᖃᕐᑎᓯᑦᑌᓕᓗᑎᑦ, ᐱᓗᐊᕐᑐᒥ ᐱᐊᕌᕈᕐᓄᑦ (ᓄᑕᕋᕐᓄᑦ), ᐱᐊᕋᕐᓄᑦ (ᑲᒃᑲᓛᓄᑦ) ᐱᐊᕋᑦᓴᓕᓐᓄᓗ (ᓄᑕᕋᑦᓴᓕᓐᓄᓗ ᐊᕐᓇᓄᑦ.

See more videos