ᐃᕐᕈᑐᕐᓂᖅ ᖁᐱᕐᕈᑖᕐᑌᓕᓂᕐᒧᑦ
ᖁᐱᕐᕈᐊᕈᐃᑦ ᓄᕙᓐᓇᑐᑦ, ᖃᓂᒪᓐᓇᑐᑦ ᐊᓯᖏᓐᓂᓗ ᐊᓂᕐᑎᕆᒍᑎᓂᑦ ᐋᓐᓂᐊᓕᕈᑎᐅᒍᓐᓇᑐᑦ, ᐅᑦᑑᑎᒋᓗᒍ ᐳᕙᒃᑯᑦ ᐃᒻᒪᓂᖅ, ᐅᑭᐅᒥ ᓄᐃᑕᓪᓚᕆᓲᖑᕗᑦ.
ᖁᐱᕐᕈᐊᕈᐃᑦ ᓱᕐᓗᓂᑦᑐᑦ ᐃᒡᒋᐊᓂᓗ ᐃᓄᓐᓂ ᐋᓐᓂᐊᔪᓂ ᐁᑦᑐᑑᑎᐅᒻᒪᕆᒍᓐᓇᖁᑦ ᐃᕐᐸᕈᐊᕐᑑᓱᑎᓗ ᐃᓅᑉ ᓴᓂᐊᓃᑦᑐᓄᑦ ᖁᐃᕐᑐᓂᑦᑎᒍᑦ ᑕᒋᐅᓐᓂᑎᒍᓗ. ᖁᐱᕐᕈᐊᕈᐃᑦ ᒥᑭᔪᐊᐱᐅᑦᓱᑎᑦ ᐊᓂᕐᑎᕆᔭᕗᓐᓃᓲᖑᕗᑦ ᖃᓂᒻᒪᓇᕐᑐᑖᕐᑎᓯᑦᓱᑎᑦ ᐱᖁᑎᓂᑦ ᐊᒻᒪᓗ ᓱᓇᑐᐃᓐᓇᓂᑦ ᐊᑦᑐᔭᕐᑕᐅᓲᓂᑦ, ᐃᓚᐅᑎᓪᓗᒋᑦ ᐱᖕᖑᐊᑦ ᐅᒃᑯᐊᕈᑎᓗ. ᑌᒣᓐᓂᑯᒥᓄᑦ ᐃᓄᐃᑦ ᐊᒡᒐᖏᓐᓂ ᓄᐊᓲᖑᕗᑦ.
ᐊᓂᕐᑎᕆᒍᑏᑦ ᐋᓐᓂᐊᓕᕐᐸᑕ ᐃᓚᖓᓂ ᓱᒃᑯᕆᐊᓪᓚᕈᑎᐅᒍᓐᓇᖁᑦ ᐋᓐᓂᐊᕕᓕᐊᕈᑎᐅᓗᑎᓗ ᓄᓇᖁᑎᖓᑕ ᓯᓚᑖᓄᑦ, ᓄᑲᕐᓯᓄᑦ ᐱᐊᕋᕐᓄᓗᐊᖕᖑᐊᖅ, ᐃᓄᑐᖃᕐᓄᑦ ᐊᒻᒪᓗ ᑎᒥᒥᒍᑦ ᓴᖕᖏᓂᕐᓴᓄᑦ. ᐃᕐᕈᑐᓕᐅᒥᔮᖃᑦᑕᓗᑎᑦ ᐱᐊᕋᕐᐱᓗ ᐊᒡᒐᒋᑦ ᐃᕐᕈᑐᖃᑦᑕᓗᒋᑦ ᐃᑭᓕᐅᒥᑎᑦᓯᕗᖅ ᖁᐱᕐᕈᐊᒍᕐᓂᑦ ᐁᑦᑐᑑᑎᐅᒍᓐᓇᑐᓂᑦ ᐊᓯᑎᓐᓄᑦ. ᓴᐴᓗᑕᑦᓯᐊᖑᓂᕐᐸᐅᕗᖅ ᐃᓄᓐᓄᑦ ᓇᓪᓕᒋᔭᑎᓐᓄᑦ ᐋᓐᓂᐊᓕᕆᒃᑯᑎᐅᑦᓱᓂ.