ᐳᑦᑕᐅᑏᑦ - “ᑭᖑᕚᕇᑦ ᒪᑭᑕᖃᑎᒌᑦᑐᑦ”

THE PUTTAUTIIT CONFERENCE 2018Schedule group ASchedule group B

ᐳᑦᑕᐅᑏᑦ ᓄᓇᕕᒻᒥ ᐊᕐᕌᒍᑕᒫᕐᓯᐅᑎᒃ ᓄᓇᓕᓕᒫᓂ ᐃᒻᒥᓂᐊᕐᑌᓕᒪᓂᕐᒥᒃ ᐱᓇᓱᐊᕐᓂᖅ ᒪᒥᓴᕐᓂᒥᓗ ᑲᑎᒪᓂᕐᔪᐊᖅ. ᐳᑦᑕᐅᑏᑦ ᐱᒋᐊᕐᑎᓯᓂᐅᕗᖅ ᓄᓇᓕᓐᓂᑦ ᐱᓇᓱᐊᕈᑎᑦᓴᓕᐅᕐᓱᑎᑦ ᐅᖁᒣᑦᑐᑲᓪᓚᒥᒃ ᐃᒻᒥᓂᐊᕐᓂᒧᓕᖓᔪᒥᒃ, ᐅᐱᒍᓱᑦᓱᑎᓗ ᐃᓄᐃᑦ ᖃᐅᔨᒪᔪᒻᒪᕆᐅᓂᖏᓐᓂᑦ ᐊᑐᐃᓐᓇᕈᕐᑎᓂᕐᒥ ᐱᓇᓱᐊᕐᑕᐅᓂᖓᓂᓗ. ᑲᑎᒪᓂᕐᔪᐊᖅ ᐊᑦᑕᓀᑦᑐᒥᑦᓱᓂ ᐃᓚᐅᑎᑦᓯᓯᐊᕐᓱᓂᓗᕐᑐᖅ, ᐃᓚᐅᔪᓂᓗ ᐱᒍᓐᓇᓯᑎᑦᓯᒐᓱᑦᓱᑎᑦ ᐃᒻᒥᓂᐊᕐᑌᓕᑎᑦᓯᒪᓂᕐᒥᒃ ᐊᓂᒎᑎᑎᑦᓯᓂᕐᒥᓗ ᐃᒻᒥᓂᐊᕋᓱᑦᑐᕕᓂᕐᓂᑦ.

ᐊᕐᕌᒍᑕᒫᑦ, ᐳᑦᑕᐅᑏᑦ ᑲᑎᒪᓂᕐᔪᐊᖃᓲᑦ ᓇᓪᓕᑳᕆᑦᓱᑎᑦ ᓄᓇᓕᓐᓂᑦ. ᓄᓇᓕᒻᒥ ᐳᑦᑕᐅᑏᑦ ᑲᑎᖕᖓᔨᖏᑦ ᓱᓇᓂᑦ ᑲᑎᖕᖓᒍᑕᐅᓂᐊᕐᑐᓂᑦ ᖃᓄᐃᓗᕐᓂᐅᓂᐊᕐᑐᓂᓗ ᑐᑭᑖᕆᓲᖑᕗᑦ. ᑕᒪᓐᓇ ᐱᕕᑦᓴᓯᐊᖑᕗᖅ ᐱᒋᐊᕐᑎᓯᒍᑎᐅᓗᓂ ᓄᓇᓕᒻᒥᐅᓂᑦ ᑲᑎᒪᓂᕐᔪᐊᖃᕐᕕᐅᓂᐊᕐᑐᓂᑦ ᐱᓇᓱᖃᑎᒌᓪᓗᑎᑦ ᐱᓀᓗᑕᐅᔪᒥᒃ ᐃᒻᒥᓂᐊᕐᓂᒥᒃ. ᓄᓇᓕᓕᒫᓂ ᐱᓇᓱᖃᑎᒌᑦᑐᓴᔭᖏᑦ ᐃᑲᔪᕐᓯᖏᓐᓇᓕᒫᓲᖑᕗᑦ ᑲᔪᓯᔪᒥᒃ ᓄᓇᓕᐅᑉ ᑲᑎᖕᖓᔨᖏᓂᑦ ᐱᓇᓱᐊᕐᓂᓕᒫᖏᓐᓂᑦ.

ᑲᑎᒪᓂᕐᔪᐊᖃᓲᑦ ᐱᓇᓱᐊᕈᓯᓕᒫᒥ, ᐃᓚᐅᑦᓱᑎᑦ 100 ᐃᓄᐃᑦ ᐅᖓᑖᓂ, ᐃᓚᐅᑎᓪᓗᒋᑦ ᓄᓇᓕᒻᒥᐅᑦ ᓯᓚᑎᖓᓂᓗ ᐱᓯᒪᔪᐃᑦ ᐃᓚᐅᔪᑦ, ᑲᑎᒪᓂᐊᕈᓰᑦ ᐃᓕᓐᓂᐊᑎᑦᓯᔨᖏᑦ, ᐃᓱᒪᑎᒍᑦ-ᐃᓅᖃᑎᒌᓐᓂᑎᒍᓪᓗ ᐃᑲᔪᕐᓯᔩᑦ, ᐊᒻᒪᓗ ᐊᑐᐃᓐᓇᕈᕐᑎᔩᑦ ᑲᑎᖕᖓᔨᖏᑦ.

ᖃᐅᑕᒫᑦ ᑲᑎᒪᓂᕐᔪᐊᒥ, ᐃᓚᐅᔪᐃᑦ ᑲᑎᒪᓂᐊᕈᓯᕐᓅᑲᑦᑕᓲᑦ ᐱᓇᓱᐊᕐᓱᑎᑦ ᐅᑦᑑᑎᒋᓗᒋᑦ ᒪᒥᓴᕐᓂᖅ ᐃᓖᕐᓯᒪᓂᕐᓗ, ᐃᓗᕐᕈᓯᑎᒍᑦ ᑭᓇᐅᓂᖅ, ᐃᓕᓐᓂᐊᓂᖅ ᐃᒻᒥᓂᐊᕐᑌᓕᒪᑎᑦᓯᓂᕐᒥᒃ, ᐱᒍᓐᓇᓯᑎᑦᓯᓂᖅ, ᐊᓯᒋᐊᓪᓚᖏᓪᓗ. ᐅᓐᓄᑯᑦ ᓱᖃᑦᓯᒍᑏᑦ ᐅᒃᑯᐃᖔᓱᖑᕗᑦ ᓄᓇᓕᒻᒥᐅᓄᑦ. ᐃᓚᖃᖃᑦᑕᓯᔪᑦ ᒪᒥᓴᕐᓂᓂᑦ, ᐅᓂᒃᑳᓂᕐᓂᑦ, ᐱᐅᔪᓕᐅᕐᓂᓂᑦ ᒥᕐᓱᓂᕐᓂᓗ, ᓂᑦᔭᓗᑦᑖᓂᖅ, ᓇᒻᒥᓂᖅ ᑲᒪᑦᓯᐊᓂᕐᒥᒃ ᓱᖃᑦᓯᒍᑏᑦ, ᓄᓇᓕᒻᒥ ᓂᕆᒻᒫᑎᑦᓯᓂᖅ, ᐊᓯᒋᐊᓪᓚᖏᓪᓗ. ᐊᒥᓱᐃᖑᔪᐃᑦ ᐃᓄᐃᑦ ᐃᓱᒪᑎᒍᑦ-ᐃᓅᖃᑎᒌᓐᓂᑎᒍᓪᓗ ᐃᑲᔪᕐᑏᑦ ᐊᑐᐃᓐᓇᐅᔪᑦ 24/7ᓂᑦ ᑲᑎᒪᓂᕐᔪᐊᒥ. ᓄᓇᓕᒻᒥ ᓄᓇᓕᓕᒫᓂᓗ ᑎᒥᐅᔪᐃᑦ ᐊᑐᐃᓐᓇᐅᑎᑦᓯᔪᑦ ᐱᒍᑦᔨᒍᑎᓂᑦ ᐱᕕᑦᓴᐅᔪᓂᓗ ᓲᖑᓯᐅᒥᑎᑦᓯᓂᕐᒧᑦ ᖃᓄᐃᖕᖏᓯᐊᕐᓂᖏᓐᓂᑦ ᓄᓇᕕᒻᒥᐅᓂᑦ.


Access  press releases related to Puttautiit published in the last few years; 


ᐅᑦᑑᐱᕆ 23 2018 ᐳᑦᑕᐅᑏᑦ ᑲᑎᒪᓂᕐᔪᐊᖓ 2018ᒥ ᑭᖑᕚᕇᑦ ᒪᑭᑕᖃᑎᒌᑦᑐ

ᓯᑦᑎᒻᐱᕆ 13 2017 ᐳᑦᑕᐅᑏᑦ ᑲᑎᒪᓂᕐᔪᐊᖓ 2017: ᑲᑎᒪᓂᖅ ᐃᑲᔪᕐᓯᓂᕐᒧᑦ, ᐃᓓᕐᓯᒪᔪᓂᑦ ᐊᒻᒪᓗ ᐃᑲᔪᕐᓯᒍᑎᑦᓴᓕᐅᕐᓂᖅ ᐃᓄᓐᓄᑦ ᐅᖁᒣᑦᑐᑯᕐᑐᓄᑦ

ᑰᑦᔪᐊᒥᑦ 18 2015 ᐳᑦᑕᐅᑏᑦ ᑲᑎᒪᓂᕐᔪᐊᖓ: ᓯᕗᓪᓕᐹᖅ ᓄᓇᓕᓕᒫᓂ ᐃᓅᓯᕐᒥᒃ ᑭᐱᓯᑦᑌᓕᒍᑎᑦᓴᓕᕆᓂᐅᓛᕐᑐᖅ ᐊᖕᖏᐊᖏᔭᕐᓂᐅᓗᓂᓗ ᓄᓇᕕᒻᒥ

ᐅᒃᑑᐱᕆ 13 2015 ᐳᑦᑕᐅᑏᑦ ᑲᑎᒪᓂᕐᔪᐊᖓᓂ ᓄᓇᕕᒻᒥᐅᑦ ᑲᑎᖃᑎᒌᑉᐳᑦ