ᖃᓂᒪᓐᓇᖅ 19 ᑲᐴᑎᖓ
ᓱᒧᑦ ᐱᒻᒪᕆᐅᕙ ᑲᐱᔭᐅᓂᖅ?
ᑲᐳᕐᑕᐅᓂᖅ ᐃᒻᒥᓄᑦ ᓴᐳᒻᒥᒍᑎᑦᓯᐊᖑᓂᕐᐸᐅᔪᖅ ᖃᓂᒪᓐᓇᑖᕇᒃᑯᑎᐅᑦᓱᓂ COVID-19-ᒥᒃ ᐊᒻᒪᓗ ᐱᔭᕆᐊᑦᑐᕈᑎᐅᒍᓐᓇᑐᓂᒃ. ᒥᑭᓕᐅᒥᑎᑦᓯᒥᑦᓱᓂᓗ ᖃᓂᑕᖃᕐᓂᒧᑦ ᐃᕐᐸᒍᑎᐅᒍᓐᓇᑐᒥᒃ ᐋᓐᓂᐊᒥᒃ, ᐋᓐᓂᐊᕕᒻᒦᖏᒍᑎᐅᒍᓐᓇᓚᕆᑦᓱᓂ ᐊᒻᒪᓗ ᑐᖁᓚᕿᒍᑎᐅᔪᓂᒃ COVID-19 ᖁᐱᕐᕈᐊᕈᓯᖓᓄᑦ. ᑲᐳᕐᑕᐅᓂᖅ ᓯᕗᕐᖐᒍᑎᐅᒍᓐᓇᒥᔪᖅ ᐊᑌᓐᓇᑐᓂᒃ ᖃᓄᐃᒍᑎᐅᔪᓂᒃ ᐊᒥᓱᓂᑦ ᑕᕐᕿᓂᒃ (ᑕᑯᒋᐊᕐᓗᒍ ᐊᑯᓃᕐᑐᒥᒃᑯᕕᑦ COVID-ᖃᕐᓂᖅ).
ᐱᒻᒪᕆᐅᓂᕐᓴᔪᖅ ᐃᓄᓐᓄᑦ ᓴᐳᒻᒥᓂᖃᑦᓯᐊᖏᑦᑐᓄᑦ ᑎᒥᒻᒥ (ᓴᐳᒻᒥᒍᑎᖏᑦ ᑎᒥᖏᓐᓂ ᓴᖕᖏᓕᒋᐊᕐᓯᒪᔪᓂᒃ) ᐅᕝᕙᓘᓐᓃᑦ ᐃᓄᓐᓄᑦ ᑲᒪᒋᔭᐅᓲᓄᑦ dialysis-ᑎᒍᑦ ᑲᐱᔭᐅᓂᕐᒥᒃ ᓴᐳᒻᒥᒐᓱᐊᕐᓂᒧᑦ ᖃᓂᒻᒫᓗᒻᒥᒃ ᑰᕕᑦ-19-ᒥᒃ ᒪᓕᓪᓗᒋᑦ ᐊᑑᑎᖁᔭᐅᔪᑦ, ᑮᑕ ᓴᐳᒻᒥᓂᖃᑦᓯᐊᖏᓐᓂᓴᐅᒍᓐᓇᒪᑕ ᖁᐱᕐᖁᑯᓗᒻᒥᒃ ᓄᐃᑦᓯᒍᓐᓇᒪᑦ ᐋᓐᓂᐊᓂᒃ ᐱᒻᒪᕆᐅᔪᓂᒃ ᑖᑦᓱᒥᖓ ᐁᑦᑑᑎᐅᒍᓐᓇᑐᒥᒃ ᐁᑦᑐᑕᐅᔪᕕᓂᐅᑉᐸᑕ. ᑎᒥᒥᒍᑦ ᖃᓂᒪᒥᒃ ᐹᒍᑎᖃᑦᓯᐊᖏᑦᑐᑦ ᐅᖃᓚᕕᖃᕈᓐᓇᑐᑦ ᐊᓐᓂᐊᕕᒻᒥᓂᒃ ᖃᐅᔨᒐᓱᐊᕐᕕᖃᕐᓗᑎᒃ ᑲᐴᑎᒥᒃ ᓴᐳᑎᓯᒪᔭᐅᒍᑎᖃᑦᓯᐊᕋᓗᐊᕐᒪᖔᒻᒥᒃ.
ᖃᑦᓯᕕᓪᓗᓂ ᑲᐱᔭᐅᓯᒪᒋᐊᖃᕐᖃ?
ᖃᑦᓯᕕᓪᓗᑎᑦ ᑲᐳᕐᑕᐅᖁᔨᒍᑎᖏᑦ ᑐᖕᖓᕕᖃᕐᖁᑦ ᐊᒥᓱᒐᓚᓐᓂᒃ ᐱᑦᔪᑎᐅᔪᓂᒃ, ᐅᑦᑑᑎᒋᓗᒍ ᐅᑭᐅᖏᑦ ᐊᒻᒪᓗ ᐃᓅᑉ ᐃᓗᓯᖓᑕ ᖃᓄᐃᓕᖓᓂᖏᑦ.
ᐅᑕᕐᕿᖁᔭᐅᓲᖅ ᐃᑭᓐᓂᓴᐅᑎᓗᒋᑦ 3-ᓂᒃ ᑕᕐᕿᓂᒃ ᑖᑦᓱᒥᖓ ᐋᓐᓂᐊᑖᕇᕐᑐᕕᓂᐅᑉᐸᑦ ᐅᕝᕙᓘᓐᓃᑦ ᑲᐱᔭᐅᒌᕐᑐᕕᓂᐅᑉᐸᑦ, ᑲᐱᔭᐅᒋᐊᓪᓛᓂᕐᒧᑦ.
ᓱᒧᑦ ᑲᐱᔭᐅᒋᐊᓪᓚᓂᖃᕆᐊᖃᑦᓴᕆᕙ ᓱᖑᓯᓭᒍᑎᒧᑦ?
ᑲᐴᑎ ᖃᓂᒪᓐᓇᖅ 19-ᒥ ᐹᒍᑎᑦᓯᐊᖑᒋᐊᖓ ᑐᑭᓯᔭᐅᓯᒪᓕᕐᑐᖅ. ᑭᓯᐊᓂ, ᖃᐅᔨᔭᐅᓯᒪᔪᑦ ᑐᑭᓯᒍᑎᐅᓯᒪᕗᑦ ᓴᐳᓗᑕᓕᐊᖑᓯᒪᔪᑦ ᑎᒥᒥ ᓄᖑᑉᐸᓕᐊᓲᖑᒋᐊᖏᑦ ᑕᖀᑦ ᐊᒥᓱᒐᓓᑦ ᐊᓂᒍᑐᐊᕐᒪᑕ ᑲᐱᔭᐅᓱᖓᕐᕕᕕᓂᖓᓂᑦ. ᓱᖑᓯᓭᒍᑎᒃ ᑲᐴᑎᒃ ᓴᐳᓗᑕᕆᓕᕐᑕᖏᓐᓂᒃ ᑎᒥᐅᑉ ᓱᖑᓯᑎᑦᓯᒋᐊᓲᖅ ᐹᓐᓂᒍᓐᓇᓯᐊᕐᓂᐊᒪᑦ ᖁᐱᕐᕈᑯᓗᒻᒥᒃ ᐊᓯᑦᔨᑕᓂᕆᓲᖏᓐᓂᓗ.
ᓱᓇᐅᕚᑦ ᓱᕐᕋᑕᐅᒍᑎᐅᒍᓐᓇᑐᑦ??
ᑲᐱᔭᐅᒋᕐᑐᖃᒥ, ᓱᕐᕋᑕᐅᒐᓛᐱᖕᖏᓂᐊᖏᑐᖅ. ᑕᒃᑯᐊ ᓱᕐᕋᑕᐅᒍᑎᖏᑦ ᑎᒥᐅᑉ ᐅᓪᓗᓂ ᐃᑭᑦᑐᐊᐱᓐᓂ ᓄᐃᑕᓲᑦ, ᐃᓱᕐᕆᕈᓐᓀᑎᑦᓯᒍᓐᓇᓱᑎᓪᓗ, ᑭᓯᐊᓂ ᐊᑦᑕᓇᖕᖏᑐᑦ. ᑎᒥᑦᑕ ᐃᓕᑕᕐᓯᒍᑎᑐᐃᓐᓇᖏᑦ ᖃᓂᒪᒥᒃ ᐹᒍᑎᓕᐅᕆᐊᖃᕐᒥᒃ. ᐅᑯᐊᓗᐊᖕᖑᐊᑦ ᓱᕐᕋᑕᐅᒍᑎᐅᓲᑦ:
- ᑲᑉᐳᓕᕆᓂᖅ ,
- ᓂᐊᖁᖕᖑᓂᖅ ,
- ᓄᑭᓕᕆᓂᖅ ᓇᒡᒍᐊᓕᕆᓂᕐᓘᓃᑦ,
- ᑕᖃᒪᕙᕐᔪᐊᓂᖅ ,
- ᐃᑎᑦᑕᓂᖅ ,
- ᒥᕆᐊᑎᕆᓂᖅ ,
- ᐅᓂᕐᒥ ᕿᓂᕐᓰᑦ ᐳᓪᓕᓕᕐᓂᖓ ,
- ᐆᓇᕿᓂᖅ ᐆᓕᖃᑦᑕᓂᕐᓗ.
ᐃᓚᖏᑎᒍᑦ ᐊᐅᐸᓪᓚᓯᒪᔪᕐᑕᖃᕋᓐᓇᑐᖅ ᐳᓪᓕᓗᓂᓗ ᑲᐳᕐᑕᐅᕕᕕᓂᖓᓂ, ᐃᓚᖓᓂ ᓄᐃᕚᓪᓗᒍᓐᓇᓱᓂ ᐱᓇᓱᐊᕈᓯᓕᒫᑦ ᑭᖑᓂᐊᒍᑦ ᑲᐳᕐᑕᐅᓯᒪᓕᕐᓗᓂ.
ᑲᐴᑏᑦ ᐃᓚᖓᓂ ᑎᒥᒥᒃ ᓱᕐᕃᒐᓚᐱᒍᓐᓇᓂᖃᕐᒥᔪᒐᓗᐊᑦ. ᑭᓯᐊᓂ ᒪᕐᕈᐃᓈᒃ 100,000-ᓂ ᐃᓄᓐᓂ ᑌᒣᓕᓚᕿᓲᑦ ᑲᐱᔭᐅᑐᐊᕋᒥᒃ. ᑲᐱᔭᐅᒋᑦᓴᑐᐊᕋᒥ ᖃᐅᔨᔭᐅᓲᖅ ᓱᕐᕋᑕᐅᒋᐊᖓ ᑎᒥᒃᑯᑦ ᑲᒪᒋᔭᐅᒍᑎᑦᓴᑕᖃᕐᓱᓂᓗ ᑌᒣᓕᔪᖅ. ᑌᒣᒻᒪᑦ ᐅᑕᕐᕿᒋᐊᖃᕐᑎᑕᐅᓲᑦ 15 ᒥᓂᑦᓯᓂᒃ ᑲᐱᔭᐅᒋᑐᐊᕋᒥᒃ ᓱᕐᕋᑕᐅᓚᖓᖕᖏᑲᓗᐊᕐᒪᖔᑦ ᓇᐅᑦᓯᑐᕐᑕᐅᓱᑎᒃ.
ᐅᒻᒪᑎᐅᑉ ᓄᑭᖏᑦ ᐳᓪᓕᓕᕐᑎᑕᐅᒍᓐᓇᒥᔪᑦ ᑭᓯᐊᓂ ᑌᒣᓕᑭᑕᕐᑐᖃᕐᓯᒪᖕᖏᑐᖅ (ᒪᕐᕉᒃ ᐃᓅᒃ 100,000-ᓂ). ᐊᖑᑏᑦ ᐃᓅᓱᑦᑐᑦ 30-ᓂᒃ ᐅᑭᐅᓕᓐᓂᑦ ᓄᑲᕐᓰᑦ ᑌᒣᓕᒍᐊᕐᓂᐸᐅᓂᕋᕐᑕᐅᔪᑦ. ᐊᑦᑕᓇᕐᓯᔪᒨᓲᖑᖕᖏᑐᑦ ᖃᓄᐃᒍᓐᓀᓴᐅᑎᒋᑦᓱᑎᓪᓗ.
ᑲᐴᑏᒃ ᐊᑦᑕᓇᕐᖃ?
ᖃᓂᒪᓐᓇᖅ 19-ᒥᒃ ᐹᒍᑎᒃ ᑲᐴᑎᒃ ᐊᑦᑕᓇᖕᖏᑐᖅ. ᖃᐅᔨᓴᕐᑕᐅᖃᑦᑕᓯᒪᔪᖅ ᑲᐴᑎᒃ ᑌᒪᓪᓗᐊᓭᓐᓇᑎ ᐊᓯᖏᑦ ᖃᓂᒪᑖᕆᒃᑯᑎᑦ ᑲᐴᑏᑦ ᑲᒪᒋᔭᐅᒍᓯᒋᖃᑦᑕᓯᒪᔭᖓᑎᑐᑦ ᐊᖏᕐᑕᐅᓯᒪᑦᓯᐊᓱᓂᓗ ᑲᓇᑕᐅᑉ ᐊᓐᓂᐊᓂᓕᕆᔨᖏᓐᓄᑦ. ᐅᓪᓗᒥᒧᑦ, ᒥᓕᐊᒐᓴᕐᓃᓕᕐᑐᑦ ᑲᐱᔭᐅᓯᒪᔪᑦ ᓄᓇᕐᔪᐊᓕᒫᒥ. ᑖᒃᑯᐊᓕᒫᑦᓯᐊᑦ ᖃᐅᔨᒪᒍᑎᐅᔪᑦ ᑲᐴᑎᐅᑉ ᐊᑦᑕᓇᖏᒋᐊᖓᓂᒃ.
ᖃᓄᖅ ᑲᐱᔭᐅᒍᓐᓇᖁᖓ?
ᐊᐱᕐᓱᒍᓐᓇᖁᑎᑦ ᐋᓐᓂᐊᕕᓐᓄᑦ ᑲᐱᔭᐅᒍᓐᓇᒪᖔᕐᐱᑦ ᓴᐳᒻᒥᒐᓱᐊᕐᓂᒧᑦ ᖃᓂᒻᒪᓯᕐᒥᒃ ᑰᕕᑦ-19-ᒥᒃ ᐊᒻᒪᓗ ᑕᑯᔭᐅᕕᑦᓴᑖᕐᑎᑕᐅᓗᑎᑦ ᑲᐱᔭᐅᓂᕐᒧᑦ ᑲᐱᔭᐅᒍᓐᓇᓂᕋᕐᑕᐅᑐᐊᒍᕕᑦ. ᑲᐱᔭᐅᒍᓐᓇᕋᔭᕆᕗᑎᑦ ᓴᐳᒻᒥᒐᓱᐊᕐᓂᒧᑦ ᖃᓂᒻᒪᓯᕐᒧᑦ ᐊᑕᐅᑦᓯᑯᑦ ᑲᐱᔭᐅᒋᐊᕐᑐᓯᒍᕕᑦ.