ᐊᓐᓂᐊᓯᐅᕐᑏᑦ

ᐋᓐᓂᐊᓯᐅᕐᑎᒪᕆᐅᒋᐊᕐᑐᕆᑦ ᐃᓚᒌᓄᑦ ᐋᓐᓂᐊᓯᐅᕐᑎᒪᕆᒋᔭᐅᓂᐊᕐᓗᑎᑦ ᐅᕝᕙᓘᓐᓃᑦ ᐃᓕᓴᕐᓯᒪᑦᓱᒍ ᐱᒍᓐᓇᐅᑎᑖᕈᑎᒋᓯᒪᔭᕐᓂᒃ ᐋᓐᓂᐊᓯᐅᕐᑎᒪᕆᐅᒋᐊᕐᑐᕈᑎᖃᕐᓗᑎᑦ ᓄᓇᕕᒻᒥ ᐊᑦᔨᒋᔭᐅᖕᖏᑐᒥ ᐱᓇᓱᒋᐊᕐᑐᓗᑎᑦ. ᐱᕕᑦᓴᖃᕐᑎᑕᐅᕗᑦ ᐋᓐᓂᐊᓯᐅᕐᑎᒪᕇᑦ ᐃᓕᓴᕇᕐᖃᒦᓪᓘᓃᑦ ᐱᒋᐅᕐᓴᓂᕐᒦᑐᑦ, ᑐᑭᓯᒪᒋᐊᓕᑎᑦ ᑕᒐ ᐊᓪᓚᑕᐅᓯᒪᕗᑦ ᑕᑲᒃᑯᐊ ᑕᖅᕋᒥ ᐋᓐᓂᐊᓯᐅᕐᑎᒪᕆᐅᒋᐊᕐᑐᕈᒪᒍᕕᑦ. 

ᓄᓇᕕᒻᒥ ᐱᓇᓱᒐᑦᓭᑦ

ᐋᓐᓂᐊᓯᐅᕐᑎᒪᕇᑦ ᐃᓚᒌᓄᑦ  ᐅᕝᕙᓘᓐᓃᑦ ᐃᓕᓴᕐᓯᒪᑦᓱᒍ ᐱᒍᓐᓇᐅᑎᓖᑦ ᐋᓐᓂᐊᓯᐅᕐᑎᐅᓂᕐᒥᒃ ᐋᓐᓂᐊᓯᐅᕐᑎᒪᕆᐅᒋᐊᕐᑐᕈᓐᓇᐳᑦ ᐋᓐᓂᐊᕕᓐᓂ ᐋᓐᓂᐊᕕᐊᐱᓐᓂᓘᓐᓃᑦ.

ᐱᓇᓱᐊᕐᓂᐊᓗᓂ ᐋᓐᓂᐊᕕᒻᒥ (ᐳᕕᕐᓂᑐᕐᒥ ᑕᓯᐅᔭᕐᔪᐊᒦᑦᑐᒥ, ᑰᑦᔪᐊᒦᓪᓘᓃᑦ ᐅᖓᕙᒦᑦᑐᒥ) ᐋᓐᓂᐊᕕᒻᒦᖏᓐᓇᕆᐊᓕᓐᓂᒃ ᐱᒍᑦᔨᖃᑦᑕᓂᐊᕐᓗᓂ, ᐅᐃᒪᓇᕐᑐᓕᕆᖃᑦᑕᓂᐊᕐᓗᓂ, ᖃᐅᔨᒋᐊᕐᕕᐅᖃᑦᑕᓗᓂ  ᑕᑯᔭᐅᕕᑦᓴᓕᐅᕐᓯᒪᔪᓄᑦ ᑕᑯᔭᐅᕕᑦᓴᓕᐅᕐᓯᖕᖏᑐᓄᓪᓘᓃᑦ, ᐋᓐᓂᐊᕕᒻᒥ ᐱᓇᓱᐊᖃᑦᑕᓂᐊᕐᓗᓂ ᐃᓚᖃᕐᑎᓗᒋᑦ ᐅᐃᒪᓇᕐᓯᔪᓕᕆᓂᕐᒥᒃ (ᖃᖓᑦᑕᔫᒃᑯᑦ ᐅᐃᒪᓇᕐᑐᑯᑦ ᐊᐅᓪᓚᕆᐊᓕᓐᓂᒃ) ᓄᓇᓕᓐᓂᑦ ᐊᕐᓀᓗ ᐋᓐᓂᐊᓯᐅᕐᑎᒪᕆᖏᓐᓂᒃ ᓴᐳᑦᔨᓂᐊᕐᓗᓂ ᐃᕐᓂᓱᑦᓰᓂᕐᒥᒃ. ᐱᓇᓱᐊᕐᓂᖓ ᐋᓐᓂᐊᕕᐊᐱᓐᓂ (ᐱᒍᑦᔨᕕᑦᑕᓕᓐᓂ) ᐊᑦᔨᒐᓚᐅᓗᓂ ᐃᓚᐅᑎᓐᓇᒍ ᐋᓐᓂᐊᕕᒻᒦᖏᓐᓇᕆᖃᕐᑐᓕᕆᓂᖅ  ᐅᕝᕙᓘᓐᓃᑦ ᒪᓕᒋᐊᖃᕐᓂᖅ ᐅᐃᒪᓇᕐᑐᑯᑦ ᐊᐅᓪᓚᐅᔭᐅᔪᖃᕆᐊᖃᕐᐸᑦ ᓄᓇᓕᓐᓂᑦ. ᐱᓇᓱᖃᑎᒌᑦᓯᐊᖃᑦᑕᓗᓂ ᑕᕐᕋᒥ ᐱᓇᓱᑦᓯᐊᓇᕐᑑᕗᖅ. ᓄᓇᓕᓕᒫᑦ ᐱᓇᓱᑦᑎᖃᓲᒍᕗᑦ ᐋᓐᓂᐊᓯᐅᕐᑎᑐᐃᓐᓇᓂᒃ ᐱᓇᓱᒐᒥᑕ ᓯᓚᑖᒎᕐᑐᓂᐊᓪᓛᑦ ᐱᓇᓱᒋᐊᖃᓲᓂᒃ ᑲᒪᒋᐊᖕᖓᑎᐅᒋᐊᖃᓲᓂᒃ: ᑕᑯᔭᐅᕕᑦᓴᓕᐅᕐᓯᒪᒐᑎᒃ ᐋᓐᓂᐊᕕᐊᐱᓕᐊᓲᓂᒃ, ᐅᐃᒪᓇᕐᑐᓕᕆᒋᐊᖃᓲᒍᑦᓱᑎᒃ ᐱᓇᓱᒋᐊᓕᒥᓂᓪᓗ ᐱᒍᑦᔨᐅᑎᖃᕐᐸᓱᑎᒃ (ᐅᖄᓚᐅᑎᒃᑯᑦ ᖃᐅᔨᓴᕐᐸᓱᑎᒃ ᖃᓄᐃᑦᑐᖃᕐᒪᖔᑦ ᑕᑯᔭᐅᒋᐊᕐᑐᑐᓂᓪᓗ ᖃᐅᔨᓴᕐᐸᓱᑎᒃ). ᐋᓐᓂᐊᓯᐅᕐᑎᒪᕆᒻᒥᒃ ᐅᖄᓚᕕᖃᕈᓐᓇᓲᒍᒻᒥᔪᑦ ᒋᐊᖃᓕᕋ ᒥᒃ.

ᐋᓐᓂᐊᓯᐅᕐᑎᒪᕆᐅᒋᐅᕐᓴᓂᕐᒥᒃ ᐃᓕᓴᕇᕐᐸᓕᐊᔪᑦ ᓄᓇᕕᓕᐊᕈᓐᓇᓂᖓ

ᐃᓚᒌᓄᑦ ᐋᓐᓂᐊᓯᐅᕐᑎᒪᕆᑦᓴᐅᓂᕐᒥᒃ ᐃᓕᓴᕇᕐᐸᓕᐊᓕᕈᕕᒃ ᐅᕝᕙᓘᓐᓃᑦ ᓇᓪᓕᑳᕐᓯᒪᔭᓂᒃ ᐋᓐᓂᐊᓯᐅᕐᑎᒪᕆᐅᒋᐅᕐᓴᓂᕐᒥᒃ ᐃᓕᓴᕇᕐᐸᓕᐊᓕᕈᕕᑦ, ᖃᕆᑕᐅᔭᒃᑯᑦ ᕿᓄᒍᑎᓕᐅᕈᓐᓇᐳᑎᑦ ᐱᒋᐅᕐᓴᕆᐊᕐᑐᕈᒪᓗᑎᑦ ᓄᓇᕕᒻᒥ. ᐋᓐᓂᐊᓯᐅᕐᑎᒪᕆᐅᒋᐅᕐᓴᕈᕕᑦ (ᐊᕐᕌᒍᖓᓂ 1, 2, ᐅᕝᕙᓘᓐᓃᑦ 3) ᐋᓐᓂᐊᓯᐅᕐᑎᒪᕇᑦ ᐃᓕᓴᕐᕕᖓᓂ ᑯᐯᒃᒦᑐᒥ ᐊᐅᔭᐅᑎᓪᓗᒍᓗ ᓄᓇᕕᒻᒥ ᐱᒋᐅᕐᓴᕆᐊᕐᑐᕈᒪᒍᕕᑦ, ᑕᑯᒋᐊᕋᑦᓴᐅᕗᖅ ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᖓ ᐅᑯᐊ SARROS ᐅᕗᖓ ᑕᑯᒋᐊᕐᓗᑎᒃ : equipesarros.ca/stage

*ᖃᐅᔨᒪᑦᓯᐊᕆᑦ ᐃᓕᓴᕐᑐᑦ ᐅᑯᓈᓐᓂ ᐃᓕᓐᓂᐊᕕᕐᔪᐊᓂ  Université de Montréal and McGill University, ᐃᓕᓵᑦ ᐃᓕᓴᕐᓂᖏᑦ ᐃᒣᑦᑐᒦᑦᑐᑦ pre-med 1 and 2 ᐱᒋᐅᕐᓴᕆᐊᕐᑐᕈᓐᓇᑎᑕᐅᔪᑑᒻᒪᑕ

**ᑯᐯᒃᒥᐅᔭᐅᑦᓱᑎᒃ ᐃᓕᓴᕐᑐᑦ ᐋᓐᓂᐊᓯᐅᕐᑎᒪᕆᐅᒋᐅᕐᓴᓂᕐᒥᒃ ᑯᐯᒃ ᓯᓚᑖᓂ ᐱᕕᑦᓴᖃᕐᑎᑕᐅᔪᑑᒻᒥᔪᑦ ᐊᕐᕌᒍᓂ ᐱᖓᓱᓂ ᓯᕗᓪᓕᐹᓂ ᐃᓕᓴᕐᓂᒥᓂ.

ᐱᒋᐅᕐᓴᕆᐊᕐᑐᕈᒪᔪᖃᕈᓂ :