ᑐᐹᑭ ᓱᒃᑯᑎᕆᕗᖅ ᓄᓇᕕᒻᒥ

ᓱᐴᕈᓯᔭᕐᓂᖅ ᐃᓄᐃᑦ ᐃᓗᕐᕈᓯᖓᓐᓄᑦ ᐃᓚᐅᓯᒪᖕᖏᑐᖅ. ᖃᖓ ᖃᓄᕐᓗ ᑕᒪᓐᓇ ᐊᓯᑦᔨᓯᓂᕐᕐᑲ?

ᐃᓄᑐᐃᓐᓇᐅᖏᑦᑐᑦ (ᖃᓪᓗᓈᑦ) ᓯᕿᓂᑦᑎᓂᑦ ᐱᓯᒪᔪᑦ, ᒥᕐᖁᓕᓐᓂᓗ ᑕᐅᕐᓯᑑᑎᖃᓲᖑᓯᒪᔪᑦ, ᐊᕐᕕᓂᐊᓲᕕᓂᐊᓗᐃᓪᓗ ᐅᒥᐊᒻᒪᕆᒃᑯᑦ ᐊᒻᒪᓗ ᐊᔪᕿᑦᑐᐃᔩᓪᓗ ᑎᑭᑉᐸᓕᐊᓯᒪᒻᒪᑕ ᐃᓄᐃᑦ ᓄᓇᖓᓐᓄᑦ, ᑎᑭᐅᑦᔨᓱᑎᒃ ᓱᓇᒐᓚᓐᓂᒃ, ᓱᓇᐅᑦᓴᒪᖔᑕ ᐃᓄᐃᑦ ᖃᐅᔨᒪᖕᖏᑕᖏᓐᓂᒃ ᐆᑦᑑᑎᒋᓗᒍ ᐱᑕᑦᓴᖅ/ ᒪᒪᕐᓴᐅᑎᒃ, ᑏ, ᑳᐱᒃ, ᐃᒥᐊᓗᒃ, ᑐᐹᑭ, ᓄᐃᓯᒻᒥᓱᑎᒃ ᓱᓇᑐᐃᓐᓀᑦ ᐋᖓᔮᓐᓇᑐᑦ. ᐊᓱᐃᓛ, ᐊᖑᑎᕙᓪᓗᐃᑦ ᓱᐴᕈᓯᔭᕐᑎᕈᕐᓱᑎᒃ, ᐊᒻᒪᓗ ᑌᒪᖕᖓᐅᖏᑦᑑᒐᓗᐊᖅ ᑐᐹᑭ ᐊᒥᒐᕐᐸᓂᕐᒪᑦ. ᐃᓄᐃᑦ ᖃᓂᖕᖏᑐᐊᓗᒻᒧᑦ ᐊᐅᓚᕙᑦᑐᕕᓃᑦ, ᒥᕐᖁᓕᓐᓂᒃ ᑕᐅᕐᓯᐅᑎᑦᓴᒥᓂᒃ ᑐᐹᑭᒧᑦ. ᓯᐊᕈᒋᐊᖑᓕᕐᒪᓗ, 1940 ᒐᓛᒥ, ᐊᒥᓱᖕᖑᐸᓪᓕᐊᓯᒪᔪᑦ ᐃᓄᐃᑦ ᓱᐴᕈᓯᔭᕐᑎᕈᕐᓱᑎᒃ.

ᐃᓕᓐᓂᐊᒐᑦᓭᑦ ᑐᐸᑭᑌᓕᓂᕐᒨᓕᖓᔪᑦ ᐊᒻᒪᓗ ᐱᕕᑦᓭᑦ ᓄᕐᖃᑐᑦ:

ᐅᐃᕆᒪᓇᕐᓂᖓ ᑐᐹᕿᐅᑉ

ᐅᐃᕆᒪᓇᕐᑐᑦ ᐃᒣᓕᖓᕗᖅ, ᐃᓗᓯᕐᓱᓯᐊᕐᓇᖏᑦᑐᑦ ᐊᒥᓱᐃᓕᖓᔪᓄᑦ ᐃᓕᖓᒍᓐᓇᖁᖅ (ᐃᓄᒻᒧᓘᓐᓃᑦ, ᐊᑑᑎᔭᕕᓂᖓᓘᓐᓃᑦ ᐊᓐᒪᓘᒻᓃᑦ ᐅᐃᕆᒪᓇᕐᑐᑕᓕᓐᓂᓗ) ᓱᕐᕃᓱᓂ ᐱᐅᓯᑦᑎᓂᒃ ᐃᑉᐱᓂᐊᕐᓂᑎᓐᓂᒃ ᐊᒻᒪᓗ ᐅᖁᒣᑦᑐᓂᓪᓗ  ᐱᓀᓗᑦᓰᓯᒪᑦᓱᓂ ᐃᓅᓯᑦᑎᓂ.

ᓱᐴᕈᑎᐅᑉ ᐅᐃᕆᒪᓇᐅᑎᖓ (NICOTINE) ᓚᔭᐅᓲᖅ ᐅᐃᕆᒪᓇᓐᓚᕆᑦᑐᑕᓕᒃ ᑐᐹᑭᐅᑉ ᐃᓗᐊᓂ. ᐃᓗᓯᓕᕆᔨᒻᒪᕇᑦ ᐅᖃᕐᓯᒪᕗᑦ ᓱᐴᕈᑎᐅᑉ ᐅᐃᕆᓯᒪᓇᕐᑐᑕᖓ (NICOTINE) ᓲᖑᓂᕐᓴᐅᒋᐊᖓ ᐋᖓᔮᓐᓇᑐᒻᒪᕆᓐᓂᒃ (HEROIN/ COCAINE) ᓚᔭᐅᕙᑦᑐᓂᒃ ᐅᐃᕆᓯᒪᓇᕐᓂᓴᐅᑦᓱᑎᒃ. ᓯᕗᓪᓕᒥᓪᓕ, ᓱᐴᕈᓯᔭᕐᑎᐅᔪᖃᓕᕋᒥ ᖃᓄᐃᖕᖏᑑᔮᕐᓱᓂ ᐃᓚᖃᖃᑦᑕᓕᕐᓱᓂ ᓱᐴᕈᓯᔭᕐᑎᐅᒥᔪᓂᒃ ᑭᓯᐊᓂᓕ ᐊᔪᕆᓯᒪᔪᕆᓇᒃ ᖃᐅᔨᓕᕐᒥᔪᑎᑦ ᓱᐳᕈᑎᐅᑉ ᐅᐃᕆᓯᒪᐅᑎᐊᓂᒃ (NICOTINE) ᓚᔭᐅᔪᒧᑦ ᑎᒍᒥᐊᕐᑕᐅᓕᕇᕐᑐᑎᑦ.

ᖃᓄᐃᓕᖓᓕᖓ ᐅᐃᕆᓯᒪᐅᑎᐅᔪᖅ

ᖃᓄᐃᓂᖓᔪᒦᑉᐲᑦ ᐅᐃᕆᓯᒪᓇᒃᑐᑯᑦ?

  • ᐅᐱᒍᓲᑎᒋᕕᐅᒃ ᓱᐴᕈᓯᔭᕐᑎᐅᒋᐊᖅ ᐊᓕᐊᓇᕐᓱᓂᓗ
  • ᐃᑉᐱᒋᔦᑦ ᓱᐴᕈᓯᔭᕐᑎᐅᒋᐊᒥᒃ ᐱᐅᖕᖏᑐᐊᓘᓂᖓᓂᒃ

ᐅᐃᕆᓯᒪᓕᑐᐊᕋᒥ , ᐊᔪᕐᓇᓯᒻᒪᕆᓯᓲᖅ ᓄᕐᖃᕋᓱᐊᕆᐊᑦᓴᖅ. ᐃᑲᔪᕈᓐᓇᑐᕐᑕᖃᕐᒪᑦ ᖃᐅᔨᒪᒋᑦ ᐃᓕᓐᓂᒃ ᓄᕐᖃᕈᓐᓇᓯᒍᓐᓇᕋᕕᑦ.

 

ᐱᐅᖕᖏᑐᓐᒪᕆᐅᓂᖓ ᓱᐴᕈᓯᔭᕐᑎᐅᓱᓂ ᐃᒣᓕᖓᕗᖅ

1. ᓱᐴᕈᓯᔭᕐᑎᐅᓱᓂ ᐊᑭᑐᔪᒻᒪᕆᐊᓗᒃ.

ᐃᓄᒃ ᐅᐃᕆᓯᒪᓕᕋᒥ ᓱᐴᕈᑎᒥᑦ, ᐊᑐᕐᑐᐹᓘᓯᑦᓴᖁᖅ ᑮᓇᐅᔭᓂᒃ ᓱᐴᕈᑎᖃᐃᓐᓇᕆᐊᖃᓕᕋᒥ.

2. ᓱᐴᕈᓯᔭᕐᑎᐅᓱᓂ ᓱᒃᑯᑎᕆᕗᖅ ᐃᓗᓯᑦᑎᓂᒃ ᐊᒻᒪᓗ ᐃᓅᒍᓐᓀᒍᑎᒋᒍᓐᓇᑕᕗᑦ.

ᐊᒥᓱᒻᒪᕇᑦ ᐅᐊᕈᑎᐊᓗᖏᑦ ᓱᐴᕈᑎᐅᑉ ᐃᓗᐊᓃᑉᐳᑦ ᓱᒃᑯᐃᒍᓐᓇᑐᑦ ᓱᕐᕂᒍᓐᓇᖁᑦ ᐃᓗᓯᕐᓂᒃ. ᐊᒥᓲᕗᑦ ᐋᓐᓂᐊᑖᕆᔭᐅᖃᑦᑕᑐᑦ ᑲᒡᒍᑎᑖᖃᑦᑕᑐᓪᓗ ᐋᓐᓂᐊᓂᒃ ᐋᕐᕿᑕᐅᕐᖃᔭᖕᖏᑐᓂᒃ ᓄᐃᑦᓯᖃᑦᑕᑐᖅ, ᐃᐱᓂᐊᓚᖀᖃᑦᑕᓱᓂᓗ, ᐊᓂᕐᑎᕆᑦᓯᐊᕈᓐᓇᐃᓚᐋᖀᖃᑦᑕᓱᓂᓗ, ᑕᒪᒃᑯᐊ ᐊᒥᓱᖕᖑᖃᑦᑕᑐᑦ ᐋᓐᓂᐊᑦ ᓄᐃᖃᑦᑕᑐᑦ ᐅᐃᕆᒪᔪᐊᓘᓕᕋᒥ ᓱᐴᕈᑎᐊᓗᒻᒥᒃ.

  • ᐳᕙᒃᑯᑦ ᑲᒃᑯᑎᑖᖃᑦᑕᑐᑦ (ᐋᕐᕿᑕᐅᕐᖃᔭᖕᖏᑐᓂᒃ ᐋᓐᓂᐊᑖᖃᑦᑕᑐᑦ)
  • ᖃᓂᒃᑯᑦ ᑲᒃᖁᑎᑖᖃᑦᑕᑐᑦ (ᐋᕐᕿᑕᐅᕐᖃᔭᖕᖏᑐᕐᑖᖃᑦᑕᑐᑦ
  • ᐃᒡᒋᐊᑯᑦ ᐋᕐᕿᑕᐅᕐᖃᔭᖕᖏᑐᕐᑖᖃᑦᑕᑐᑦ
  • ᐳᕙᓕᕆᔪᒻᒪᕆᐊᖃᑦᑕᑐᑦ ᐋᓐᓂᐊᑖᕐᓱᑎᒃ (ᐳᕙᓪᓗᓚᕿᔪᑦ, ᐃᐱᓂᐊᕐᑐᑦ)
3. ᐊᓯᑉᐱᑦ ᑐᐹᑭᑦᑕᖓᓂᒃ ᓂᐅᕐᖃᑎᑕᐅᓂᖅ.

ᐃᓅᓕᕐᖃᒦᑦ ᐱᐊᕌᐲᓪᓗ ᐅᑭᐅᖃᕋᑕᖕᖏᑐᑦ ᓀᒪᑎᑕᐅᖃᑦᑕᑐᐊᕋᒥᒃ ᐃᓅᑉ ᑐᐹᑭᑦᑖᓗᐊᓂᒃ ᐃᓅᒍᓐᓀᓚᕿᐅᑕᐅᖃᑕᑐᑦ ᒥᑭᔪᐊᐱᐅᖏᓐᓇᓱᑎᒃ. ᑕᒪᓐᓇ ᑌᔭᐅᒍᓯᓕᒃ (SIDS).

 

ᓱᐴᕈᓯᔭᕐᓂᒥᒃ ᓄᕐᖃᕋᓱᐊᕐᓂᖅ

ᐃᑲᔪᕐᑕᐅᖏᓪᓗᓂ, ᓄᕐᖃᕋᓱᐊᕆᐊᑦᓴᖅ ᓱᐴᕈᑎᒥᒃ ᐊᔪᕐᓇᑐᓐᒪᕆᒃ ᑭᓯᐊᓂ ᐊᔪᕐᓇᖏᑦᑐᖅ ᐱᒍᓐᓇᓯᒍᓐᓇᒥᔪᑎᑦ ᐊᔪᐃᓐᓇᓗᑎᑦ.

ᑯᑦᓲᓱᑎᒃ ᓄᕐᖃᕋᓱᐊᕈᑏᑦ ᐊᒻᒪᓗ ᐅᕕᓂᒻᒧᑦ ᓂᐱᑎᒉᑦ ᓄᕐᖃᕋᓱᐊᕈᑏᑦ

ᑯᑦᓲᓱᑎᒃ ᓄᕐᖃᕋᓱᐊᕈᑏᑦ ᐊᒻᒪᓗ ᐅᕕᓂᒻᒧᑦ ᓂᐱᑎᒉᑦ ᐃᑲᔪᕐᓯᒍᓐᓇᑐᑦ ᐱᒍᒪᔪᐊᓘᑎᑦᓯᑌᓕᒍᓐᓇᑐᑦ ᐅᐃᕆᒪᓇᕐᑐᑕᖏᓐᓂᒃ ᐊᐅᓐᓅᔭᕐᓯᒪᔪᓂᒃ.

ᓴᐳᑎᔭᐅᓯᒪᒍᓐᓇᒥᔪᑎᑦ ᐃᓚᓐᓈᑎᓐᓂᑦ ᐃᓚᑎᓐᓂᓗ

ᐃᓄᐃᑦ ᐃᑉᐱᓂᐊᕈᓐᓇᑐᑦ ᐃᒫᒃ, ᓂᐊᖁᖕᖑᓗᑎᒃ, ᐊᓕᐊᓱᖕᖏᓕᑫᓐᓇᖃᑦᑕᓗᑎᒃ, ᑳᖏᓐᓇᓗᑎᓪᓗ ᐅᕝᕙᓘᓐᓃᑦ ᑲᕙᐅᒪᖃᑦᑕᓗᑎᒃ ᐊᒻᒪᓗ ᐸᕝᕕᒍᐊᕐᑑᓗᑎᒃ ᓄᕐᖃᓱᕕᓂᐅᓗᓂ ᓱᐴᕈᑎᒥᒃ. ᐊᓯᖏᓪᓗ ᐃᓄᑑᓕᕐᑎᓗᑎᒃ ᐃᓄᐃᑦ ᐊᕙᑎᑦᑎᓃᑦᑐᑦ ᓱᐴᕈᓯᔭᕐᑎᓗᒋᑦ.

ᐃᒣᓕᖓᒋᐊᕈᓐᓇᐳᑎᑦ ᐅᖄᖃᑎᖃᕐᓂᖅ ᐅᑯᓂᖓ, ᐃᓚᑎᑦ, ᖃᑕᖕᖑᑎᑎᑦ, ᐱᓇᓱᖃᑎᑎᑦ - ᓄᕐᖃᐊᕋᓱᐊᕐᑎᓗᑎᑦ ᓱᐴᕈᑎᒥᒃ. ᐅᖄᖃᑎᖃᕈᓐᓇᒥᔪᑎᑦ ᐃᓗᓯᓕᕆᔨᒥᒃ ᐱᓀᓗᑕᕆᖃᑦᑕᑕᕐᓂᒃ ᐃᑲᔪᕐᓯᒍᓐᓇᒥᔪᐃᑦ. ᓱᐴᕈᓯᔭᕐᓂᒥᒃ ᓄᕐᖃᕋᓱᐊᕐᓂᒥᒃ ᓴᐳᑦᔨᓯᒪᔪᒃᓭᑦ ᐱᒍᑦᔨᓂᐅᓛᕐᑐᑦ ᓯᕗᓂᑦᑎᓂᒃ ᓄᐃᑕᐅᒍᒫᕐᓂᐊᑐᑦ ᐊᒻᒪᓗ ᐃᑲᔪᕐᓯᒪᔪᑦᓭᑦ ᓄᕐᖃᖓᒍᒪᓕᕐᑐᓄᑦ ᐃᑲᔪᕐᓯᐅᑎᑦᓭᑦ.

 

Videos