ᐃᓱᒪᒧᑦ ᐃᓗᓯᕐᓱᓯᐊᕐᓂᒧᑦ ᐃᓄᓕᕆᔭᐅᓂᖅ

ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓ ᐱᕕᓴᖃᕐᑎᓯᕗᖅ ᓄᓇᕕᐅᑉ ᐃᓚᐅᔪᖁᑎᖏᓐᓂᒃ ᐱᕕᖃᒍᓐᓇᕆᐊᒥᒃ ᐃᓱᒪᒧᑦ ᐃᓗᓯᕐᓱᓯᐊᓂᒨᓕᖓᔪᓂᒃ ᐃᓄᓕᕆᔭᐅᓃᑦ ᐱᕙᓪᓕᖁᑎᑖᖑᒍᓐᓇᑐᓂᒃ ᐅᕘᓇ ᐱᒍᓐᓇᑑᑉ ᐃᓱᒪᒧᑦ ᐃᓗᓯᕐᓱᓯᐊᓂᓕᕆᓂᕐᒥᒃ ᑕᕝᕘᓈᕐᑎᒍᓐᓀᓗᒍ ᐋᓐᓂᐊᓯᐅᕐᑎᑎᒎᒍᓐᓀᑎᓪᓗᒍ.

ᐃᓚᐅᔫᔫᑦ ᐱᒍᒪᓂᖃᕈᑎᒃ ᑖᑦᓱᒥᖓ ᐱᔾᔪᔨᓂᕐᒥᒃ ᓇᒻᒥᓂᖅ ᐋᕐᕿᓱᐃᒋᐊᓖᑦ ᖃᐅᔨᒋᐊᕐᕕᖃᕐᓗᑎᒃ ᐃᓱᒪᒧᑦ ᐃᓗᓯᕐᓱᓯᐊᕐᓂᓕᕆᔨᒥᒃ ᐱᒍᒪᔭᕐᓱᓗᑎᒃ. ᐃᓱᒪᒧᑦ ᐃᓗᓯᕐᓱᓯᐊᕐᓂᓕᕆᔨ ᐃᓚᐅᔫᒋᐊᓕᒃ ᑕᑎᒋᔭᐅᑦᓯᐊᓗᓂ ᐱᒍᓐᓇᓂᖃᕐᑎᓯᕕᐅᔪᒥ ᒪᓕᒐᕐᑎᒍᑦ ᑎᒥᐅᔫᕕᓕᒻᒥ ᐃᓕᑕᕆᔭᐅᓂᖃᕐᓗᓂ ᒪᓕᒐᕐᒧᑦ, ᐱᒍᓐᓇᓂᖃᕐᓗᓂᓗ ᐃᒻᒥᓂᕐᓱᒍᓐᓇᓂᕐᒥᒃ ᐱᓇᓱᒍᓐᓇᓂᕐᒥᒃ ᑯᐯᒃᓕᒫᒥ.

ᓂᕆᐅᕐᓂᖃᕐᓂᖅ ᖃᓄᐃᖕᖏᓯᐊᕐᓂᒧᑦ - Helpline

ᐊᑑᑎᓂᖃᕈᕕᑦ ᐃᑉᐱᓂᐊᕐᓂᒥᒃ ᐋᓐᓂᐊᓂᕐᒥᒃ ᐅᖄᒍᑎᒋᒍᒪᓗᒍᓗ, ᐅᖄᓚᒋᑦ 1-855-242-3310-ᒧᑦ ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐅᖄᖃᑎᖃᕐᓗᑎᒃ ᐅᕗᖓ hopeforwellness.ca. ᑖᓐᓇ ᐊᑭᖃᖕᖏᑐᖅ ᐊᓪᓚᓄᑦ ᐃᓄᖕᓄᓗ ᓂᕆᐅᕐᓂᓯᐊᖃᕐᓂᒥᒃ ᖃᓄᐃᖕᖏᓯᐊᕐᓂᒥᒃ ᖃᖓᑐᐃᓐᓇᓕᒫᖅ ᐊᑐᕐᑕᐅᒍᓐᓇᑐᖅ ᑫᕙᓪᓚᒍᓰᑦ 24 ᖃᐅᑕᒫᑦ, ᐅᓪᓗᐃᑦ ᓯᑕᒪᐅᔪᖕᖏᒐᕐᑐᑦ ᐱᓇᓱᐊᕈᓯᓕᒫᒥ.

**ᑯᒃᓴᓇᕐᑐᒦᑐᐊᕈᕕᑦ, ᓯᕙᓂᕆᑦ 9-1-1-ᒧᑦ ᐅᕝᕙᓘᓐᓃᑦ ᐅᐃᒪᓇᕐᑐᓕᕆᕖᑦ ᐱᔾᔪᔨᕕᖓᑕ ᐅᖄᓚᐅᑎᖓᓄᑦ ᓄᓇᓕᖕᓃᑐᒧᑦ.  

ᐃᓄᓕᕆᔭᐅᓃᑦ, ᐃᓚᐅᑎᓪᓗᒋᑦ ᐃᓗᕐᕈᓯᑎᒍᑦ ᐃᑉᐱᓂᐊᕐᓂᐅᑉ ᓴᐳᔾᔭᐅᓂᖓᑎᒍᓪᓗ, ᐊᑐᐃᓐᓇᐅᑎᑕᐅᒻᒥᔪᑦ ᐅᕘᓇ ᖃᕆᑕᐅᔭᑎᒍᑦ Indian Residential Schools Resolution Health Support Program, ᓄᐃᑎᑕᐅᒪᔪᖅ ᑲᕙᒪᖓᑕ ᑳᓇᑕᐅᑉ ᐃᓚᐅᒍᓐᓇᑐᓄᑦ ᐃᓕᓐᓂᐊᑎᐅᕙᑦᑐᕕᓂᕐᓄᑦ ᐃᓚᒋᔭᖏᓪᓗ.

ᐱᒻᒪᕆᒃ

  • ᐅᑎᕐᕕᐅᒍᓐᓇᓛᖕᖏᑐᑦ ᐃᓱᒪᒧᑦ ᐃᓗᓯᕐᓱᓯᐊᓂᓕᕆᔨᒧᑦ ᐋᕐᕿᑕᕕᓃᑦ ᐅᓪᓗᐃᑦ ᑭᖑᕃᔪᕕᓂᐅᔪᖃᕐᐸᑦ ᓄᕐᙯᓇᕐᑐᕕᓂᐅᔪᖃᕐᐸᓘᓐᓃᑦ ᐃᓚᐅᔫᔫᒥᒃ. ᑕᑯᔭᐅᑎᒍᒪᔪᖅ ᐃᑉᐱᔭᑦᓴᔭᕆᒻᒪᐅᒃ ᐊᑭᓖᔪᑦᓴᐅᒋᐊᖓ ᓵᑕᑦᓴᐅᓂᕐᒧᑦ ᐊᑭᓕᐅᑎᐅᒋᐊᓕᓐᓂᒃ ᑖᑦᓱᒧᖓ ᐃᓱᒪᒧᑦ ᐃᓗᓯᕐᓱᓯᐊᓂᓕᕆᔨᒧᑦ ᓄᐃᓐᓂᖏᑦᑐᓄᑦ.
     
  • ᐅᐸᐅᑎᓂᐅᒋᐊᓖᑦ ᐋᕐᕿᓯᒪᓐᓂᕈᑎᒃ ᑕᕐᕋᓕᔮᖑᔭᑎᒍᑦ, ᑲᒪᒋᔭᑦᓴᔭᕆᔭᖓ ᐃᓚᐅᔫᔫᑉ ᓱᕐᖁᐃᓱᑦᓯᐊᓚᖓᓗᓂ ᐅᖄᓚᐅᑎᐅᑉ ᑭᓯᑦᓯᒍᑎᖓᓂᒃ ᖃᐅᔨᒋᐊᕐᕕᖃᒍᑎᒥᒃ ᐃᓱᒪᒧ ᐃᓗᓯᕐᓱᓯᐊᕐᓂᓕᕆᔨᒥᒃ ᖃᕆᑕᐅᔭᕈᑎᒋᔭᖓ ᓯᖁᒥᑦᑐᕕᓂᐅᑉᐸᑦ ᑌᑲᓂ ᑕᑯᔭᑦᓴᐅᕕᕕᓂᕐᒥᓂ.