ᓴᐳᒥᓂᖅ ᓄᓇᓕᒻᒥᒃ
ᐃᓗᓯᓕᕆᔨᒃᑯᑦ ᓄᓇᓕᓂᒃ ᓴᐳᒻᒥᒐᓱᐊᕐᑎᖏᑦ ᐱᔭᑦᓴᖃᑉᐳᑦ (1) ᓴᐳᒻᒥᓂᕐᒥᑦ ᐊᒻᒪᓗ ᖁᕕᐊᓱᓐᓂᒧᑦ ᓄᓇᕕᒻᒥᐅᑦ ᐊᕐᕿᓱᐃᓂᕐᒥᑦ ᐱᕙᓪᓕᖁᓗᒋᑦ ᐃᓗᓯᖏᓐᓂᒃ ᖃᓄᐃᖕᖏᓯᐊᕐᓂᖏᓪᓗ ᓄᓇᓕᒻᒥᓂ. (2) ᐱᓇᓱᒍᑎᖃᑦᑎᓯᓂᒃᑯᑎ ᓄᓇᓕᐅᑉ ᐃᓚᐅᔪᖏᓐᓂᒃ ᐱᓇᓱᐊᕐᑎᓗᒋᑦ ᐱᒋᐊᕐᑐᐅᒍᒪᔪᓂᒃ. (3) ᐱᕙᓪᓕᖁᓗᒋᑦ ᓄᓇᓕᒻᒥᓂ ᐊᒻᒪᓗ IQI ᐃᓄᓐᓄᓕᖓᔪᒥᑦ ᐃᓗᓯᓕᕆᓂᕐᒧᑦ ᖃᓄᐃᖕᖏᓯᐊᕐᓂᒥᓗᑦᐊᒻᒪᓗ (4) ᓴᐳᒻᒥᓗᒋᑦ ᓄᓇᓕᒻᒥ ᐃᑲᔪᕐᑏᑦ (CLWWs).
ᓴᐳᒻᒥᓂᕐᒧᑦ ᖁᕕᐊᓱᑦᑎᓯᓂᕐᒧᓗ ᓄᓇᓕᓐᓂ ᐱᓇᓱᐊᕐᑕᐅᒐᓱᐊᕐᑐᓂᒃ
ᑲᑐᑦᔨᖃᑎᒋᑐᑦ ᐱᓇᓱᐊᒍᑎᖏᑦ
ᓄᓇᓕᐅᑉ ᐊᓪᓚᓯᒪᐅᑎᖏᑦ (ᖃᓄᐃᑉᐱᑕᒃᑯᑦ 2017)
ᓴᐳᒻᒥᓂᕐᒥᑦ ᓄᓇᓕᐅᑉ ᖃᓄᐃᖕᖏᓯᐊᕐᓂᓕᕆᔨᖏᓐᓂᒃ
ᓴᐳᒻᒥᓂᖅ ᖁᕕᐊᓱᑦᑎᓯᓂᕐᒧᓗ ᓄᓇᓕᐅᑉ ᐱᓇᓱᐊᕐᑕᖏᓐᓂᒃ
- ᐱᕙᓪᓕᓇᕐᑐᓚᖓᔪᖅ ᐱᓇᓱᐊᕐᑕᐅᓚᖓᔪᑦ ᐱᓯᒪᓱᖑᒻᒪᑕ ᓄᓇᓕᒻᒥᑦ. ᐊᕐᕿᑕᐅᓯᒪᔪᑦ ᓄᓇᓕᒻᒧᑦ ᓄᓇᓕᓐᓄᓗ . ᑕᒃᑯᓇ, ᓱᓂᕆᓚᖓᔭᕗᑦ ᐃᑲᔪᕐᓗᒋᑦ ᓄᓇᓕᐅᑉ ᐃᓚᐅᔪᖁᑎᒋᓐᓂᒃ ᐱᒋᐊᕐᑎᑕᐅᔪᕕᓂᓪᓗ ᐸᕐᓇᑕᐅᓱᑎᒃ, ᐊᑐᓕᕐᑎᑕᐅᑦᓱᑎᓪᓗᓃᑦ ᑲᔪᓯᑎᑕᐅᑦᓱᑎᒃ ᐱᓇᓱᐊᕋᑦᓴᐃᑦ.
- ᐃᓚᒋᔭᐅᑎᓪᓗᒍ, ᓴᐳᒻᒥᔨᒃᑯᑦ ᓄᓇᓕᓐᓂᒃ ᐱᓇᓱᐊᕐᓂᐊᒪᑕ ᐊᓪᓚᓯᒪᔪᓕᐅᕐᓂᒧᑦ ᖁᕕᐊᓱᑎᖃᓐᓂᒧᓪᓗ ᓄᑖᓂᒃ ᐊᒻᒪᓗ ᓄᐃᑕᒋᕐᑐᓂᒃ ᐱᒋᐊᕐᑕᐅᓯᒪᔪᓂᒃ ᓄᓇᕕᒻᒥ. ᑕᑯᒋᐊᕐᓗᒋᑦ ᑐᓴᕋᑦᓴᓯᐊᑦ ᖃᕆᑕᐅᔭᒃᑯᑦ ᐊᓪᓚᓯᒪᔭᖏᑦ ᐃᓚᐅᕕᒋᓗᒋᑦ ᓄᓇᓕᐅᑉ ᐃᓚᐅᔪᖁᑎᖏᓐᓄᑦ ᐱᓇᓱᐊᕐᑕᐅᓕᕐᐸᑕ ᐃᓚᐅᕕᒋᓗᒋᑦ ᑐᓴᐅᒪᓗᒋᓪᓗ.
- ᖃᐅᔨᒋᐊᕐᕕᐅᑕ ᐅᕗᖓ: mobilizenunavik@ssss.gouv.qc.ca
ᓴᓇᕐᖁᑎᖏᑦ ᓄᓇᓕᐅᑉ ᐱᓇᓱᐊᕈᒪᔭᖏᓐᓄᑦ (ᑲᑐᑦᔨᖃᑎᒋᑦᑐᑦ)
- ᓄᓇᓕᓐᓂᒃ ᓴᐳᒻᒥᔩᑦ ᐊᕐᕿᕙᓪᓕᐊᕗᑦ ᑲᑐᑦᔨᖃᑎᒋᑐᑦ ᐱᓇᓱᐊᒍᑎᑦᓴᖏᓐᓂᒃ, ᑕᑯᔭᐅᒍᓐᓇᓗᑎᒃ ᓄᓇᕕᒻᒥ ᖃᐅᔨᒪᐅᑎᐅᓂᐊᕐᑐᓂᒃ ᓄᓇᓕᐅᑉ ᐱᓇᓱᐊᕈᒪᔭᖏᓐᓂᒃ. ᐱᓇᓱᐊᕈᑎᐅᓂᐊᕐᒪᑕ ᓄᓇᓕᒻᒧᑦ ᐱᓇᓱᐊᒍᑎᑦᓴᐅᔪᑦ ᐱᑕᖃᓐᓂᐊᒪᑕ ᓴᐳᒻᒥᔨᒃᑯᓄᑦ ᐊᒻᒪᓗ ᐱᑦᓴᑕᕐᕕᐅᒍᓐᓇᓗᑎᒃ ᓄᓇᓕᐅᑉ ᑎᒥᖁᑎᖏᓐᓄᑦ.
- ᐃᓚᒋᔭᐅᓗᑎᒃ, ᑲᑎᒪᓂᐊᕈᓰᑦ ᐃᓕᓐᓂᐊᑎᑕᐅᓂᓪᓗ ᖃᓄᖅ ᐊᑐᑦᓯᐊᓚᖓᒻᒪᖓᑕ ᓴᓇᕐᕈᑎᐅᔪᑦ ᓄᓇᓕᐅᑉ ᓯᕗᓕᕐᑎᖏᓐᓄᑦ ᐅᕕᒐᕐᑐᓄᑦ, ᐃᓕᓐᓂᐊᑎᓄᑦ, ᐊᒻᒪᓗ ᐊᓐᓂᐊᓯᐅᑎᖏᓐᓄᑦ. ᐊᑏ ᖃᐅᔨᒪᒐᓱᐊᖏᓐᓇᓚᖓᕗᓯ ᐅᓪᓗᖁᑎᖏᓐᓂᒃ ᓇᓂᓐᓂᕆᓂᐊᕐᑕᖏᓐᓂᓗ.
ᓄᓇᓕᒻᒧᓕᖓᔪᑦ ᐊᒻᒪᓗ IQI (ᖃᓄᐃᑉᐱᑖ 2017)
- 2017-ᒥ ᖃᓄᐃᑉᐱᑖ? ᖃᐅᔨᓴᕐᓂᐅᓯᒪᔪᖅ ᓄᐃᑦᓯᓚᐅᔪᒪᑦ ᖃᓄᐃᓕᖓᓕᕐᒪᖓᑕ ᐃᓄᐃᑦ ᖃᓄᐃᖕᖏᓯᐊᓂᖏᓐᓂᒃ ᐊᒻᒪᓗ 14 ᓄᓇᓕᐅᔪᑦ ᖃᓄᐃᓕᖓᐅᓯᖏᓐᓂᒃ. ᑕᒃᑯᐊ ᐊᓪᓚᓂᐊᒐᖕᖑᑎᑕᐅᓯᒪᔪᑦ ᐱᑦᓴᑕᕐᕕᐅᔪᓂᒃ ᓄᑭᖏᓐᓂᒃ ᐊᒻᒪᓗ ᑭᖕᖑᒪᒋᔭᖏᓐᓂᒃ ᓄᓇᓕᓐᓂ ᐊᑐᓂ
- ᓄᓇᓕᓐᓂᒃ ᓴᐳᒻᒥᔨᐅᔪᑦ ᐃᑉᐱᒋᔭᖃᕆᕗᑦ ᑲᑎᒪᓂᐅᕈᑎᖃᑦᑎᓯᓂᕐᒥᑦ ᖃᓄᐃᑉᐱᑕᒃᑯᓄᑦ ᐊᒻᒪᓗ ᐱᓇᓱᐊᒍᑎᑦᓴᐅᓂᐊᕐᑐᓂ ᐸᕐᓇᑕᐅᓯᒪᔪᓂᒃ .ᓯᕗᓪᓕᐸᖅ ᑲᑎᒪᓂᐊᕈᓯᖅ ᐊᑐᑎᓚᐅᔪᖅ ᑲᖏᕐᓱᐊᓗᑦᔪᐊᒥ ᐅᑭᐊᖓᓂ 2022. ᑐᖓᓕᕆᓂᐊᕐᑕᖏᑦ ᑲᑎᒪᓂᐊᕈᓰᑦ ᐊᑐᑎᔭᐅᓚᕐᒥᔪᑦ 2023-ᖑᓕᕐᐸᑦ.
ᓴᐳᒻᒥᓂᕐᒧᑦ ᓄᓇᓕᒻᒥ ᐃᑲᔪᕐᑎᐅᔪᑦ ᖃᓄᐃᖕᖏᓯᐊᕐᓂᓕᕆᔨᒃᑯᑦ (CLWWs)
- ᐃᓗᓯᓕᕆᔨᒃᑯᑦ ᓄᓇᓕᓐᓂᒃ ᓴᐳᒻᒥᔨᖏᑦ ᓴᐳᒻᒥᒥᔪᐃᑦ ᓄᓇᓕᓐᓂ ᐃᑲᔪᕐᑎᐅᔪᓂᒃ ᐊᒻᒪᓗ ᐊᓐᓂᐊᕕᐅᔪᓂ ᑐᑭᒧᐊᑦᑎᒥᔨᖏᓐᓂᒃ ᐱᓇᓱᐊᖃᑕᐅᔪᓂᒃ ᑐᓴᕐᑎᓯᓂᒃᑯᑦ, ᐸᕐᓇᓂᑉᒧᑦ, ᐱᓇᓱᑎᐅᔪᓂᓪᓗ.
- ᓄᓇᓕᓐᓂ ᐃᑲᔪᕐᑎᐅᔪᑦ ᐃᓚᐅᓚᐅᔪᒻᒥᔪᑦ ᓄᐃᑦᓯᓂᕐᒥᑦ ᓄᓇᓕᒻᒥ ᓴᐳᒻᒥᒍᑎᐅᓂᐊᕐᑐᓂᒃ ᐊᒻᒪᓗ ᐱᕙᓪᓕᖁᓗᒋᑦ ᓄᓇᓕᐅᔪᑦ 14 ᓄᓇᕕᒻᒥ. ᐱᓇᓱᐊᖃᑎᖃᓪᓗᑎᒃ ᖃᓄᐃᖕᖏᓯᐊᕐᓂᓕᕆᔨᓂᒃ ᓄᓇᓕᓐᓂ ᐃᓚᒋᔭᐅᔪᓂᒃ ᐊᒻᒪᓗ ᐊᓐᓂᐊᕕᐅᔪᓂᒃ ᐃᓄᓕᕆᕕᐅᔪᓂᓪᓗ ᓯᕗᓪᓕᐅᔭᐅᔭᕆᐊᓕᓐᓂᒃᓄᓇᓕᒻᒥᓂ ᐅᖃᐅᓯᕆᔭᐅᓯᒪᔪᑦ ᓄᓇᓕᒻᒥ ᖃᓄᐃᖕᖏᓯᐊᓂᓕᕆᓂᐅᑉ ᐅᓪᓗᖁᑎᖏᓐᓂᒃ.
- ᖃᐅᔨᒋᐊᓪᓚᕈᒪᑐᐊᕈᕕᑦ ᓄᓇᓕᓐᓂ ᐃᑲᔪᕐᑎᐅᔪᓂ ᓴᖕᖓᒐᑦᓴᖏᓐᓂᒃ ᐱᕕᖃᑦᑎᑕᐅᒍᑎᖏᓐᓂᓗ ᖃᐅᔨᒋᐊᕐᓗᒍᐅᓇ julia.caddy.rr17@ssss.gouv.qc.ca