ᓄᓇᕕᒻᒥ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓ ᓱᓇᒥᑦᓯᕗᖅ ᐋᓐᓂᐊᓯᐅᑎᑖᕆᔭᐅᒋᐊᓕᓐᓂᒃ ᐋᓐᓂᐊᓯᐅᑎᓂᒃ ᓱᕐᖁᐃᑐᓂᒃ ᓂᐅᕕᐊᕆᔭᐅᒍᓐᓇᑐᓂᒃ ᐋᓐᓂᐊᓯᐊᑎᓂᒃ ᐊᑐᐃᓐᓇᐅᔪᓂᒃ ᐋᓐᓂᐊᓯᐅᑎᑖᕐᕕᐅᔪᓂ ᐊᐅᓚᑕᐅᒍᓐᓇᓗᑎᓪᓗ ᐊᓂᕐᕋᒥ ᐅᕝᕙᓘᓐᓃᑦ ᐃᒻᒥᓂᕐᓱᒍᓐᓇᑐᒦᑦᑐᓄᑦ. ᐃᓚᐅᔪᖅ ᐅᕝᕙᓘᓐᓃᑦ ᑲᒪᔨᒋᔭᖓ ᓄᐃᑦᓯᒋᐊᓕᒃ ᐋᓐᓂᐊᓯᐅᑎᓕᕆᔨᒧᑦ ᐃᓚᐅᔫᔪᖁᑎᒥᓂᒃ ᐃᓪᓓᒍᑎᑦᓴᔭᒥᓂᒃ ᐊᒻᒪᓗ ᐊᓪᓚᓯᒪᑦᓱᓂ ᐋᓐᓂᐊᓯᐅᑎᑖᕈᑎᒥᒃ ᐊᓪᓚᑕᕕᓂᕐᒥᒃ ᐋᓐᓂᐊᓯᐅᕐᑎᒪᕆᒻᒧᑦ ᐅᕝᕙᓘᓐᓃᑦ ᐊᓯᖏᓐᓄ ᐋᓐᓂᐊᓯᐅᕐᓂᓕᕆᔨᒧ ᐱᔪᓐᓇᐅᑎᓕᒻᒧᑦ ᑯᐯᒃ ᒪᓕᒐᖓᑕ ᐊᑖᒍᑦ.
ᐱᒻᒪᕆᒃ:
- ᐃᓚᖏᑦ ᐋᓐᓂᐊᓯᐅᑎᓕᕆᔩᑦ ᓱᖏᐅᓯᒪᖕᖏᑐᑦ ᑖᑦᓱᒥᖓ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᓄᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓᓂ ᐊᐱᕆᑐᐃᓐᓇᕆᐊᖃᕐᓱᑎᓪᓗ ᐃᐊᓐ ᑭᓯᑦᓯᒍᑎᒥᒃ; ᐃᐊᓐ ᑭᓯᑎᓯᒍᑎᖃᖕᖏᑐᕕᑦ ᐃᓚᐅᔫᑉᐱᑦ ᐃᓪᓓᒍᑎᑦᓴᔮᐱᖓᓂ, ᐊᐱᕆᒋᑦ ᐋᓐᓂᐊᓯᐅᑎᓕᕆᔨᒥᒃ ᐊᐅᓪᓚᑎᑦᓯᖁᓗᒍ ᖃᕆᑕᐅᔭᑎᒍᑦ ᐱᓇᓱᐊᕈᑎᒥᓂ ᓄᓇᕕᒻᒥ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᓄᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓᓄᑦ ᐅᕗᖓ ssna.rrsssn@ssss.gouv.qc.ca.
- ᐃᓚᐅᔫᔫᖅ ᑲᒪᔨᒋᔭᖓᓘᓐᓃᑦ ᐊᐱᕐᓱᒋᐊᓕᒃ ᐋᓐᓂᐊᓯᐅᑎᓕᕆᔨᒥᒃ ᖃᐅᔨᒋᐊᕐᕕᖃᖁᔨᓗᓂ ᓄᓇᕕᒻᒥ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓᓄᑦ ᐱᕕᖃᓂᐊᑐᐊᕈᓂ ᐊᖏᕐᑕᐅᒍᑎᒥᒃ ᓇᓗᓀᕐᓯᔪᒥᒃ ᐅᑎᕐᕕᐅᒍᑎᐅᒍᓐᓇᑐᒥᒃ ᓱᕐᖁᐃᑕᐅᑦᓯᐊᓚᐅᑲᑦᑎᓗᒍ ᐃᓚᐅᔫᔫᑉ ᐱᒍᓐᓇᕕᖃᕐᓂᖓᓂᒃ, ᐊᓪᓚᓯᒪᔫᓗᓂ ᐋᓐᓂᐊᓯᐅᑎᑖᕈᑎᒃ, ᐊᒻᒪᓗ ᐋᓐᓂᐊᓯᐅᑎᓕᕆᔨᐅᑉ ᐱᓇᓱᐊᕐᓂᕕᓂᖓ.
- ᐊᖏᕐᑕᐅᒍᑎᐅᔪᖅ ᒪᓂᔭᐅᔪᖅ ᓄᓇᕕᒻᒥ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓᓄᑦ ᓇᓗᓀᕐᓯᓯᒪᒐᔭᕐᑐᖅ ᐅᓄᕐᓂᖓᓂᒃ ᐅᑎᕐᑎᑕᐅᒍᑎᑦᓴᖓᓂᒃ ᑐᕃᓐᓇᑐᒧᑦ ᐋᓐᓂᐊᓯᐅᑎᓕᕆᔨᒧᑦ.ᐃᒣᓕᖓᔪᒦᑉᐸᑦ ᑖᓐᓇ ᐱᕙᓪᓕᖁᑎᐅᔪᖅ ᐱᕕᖃᕐᑎᓯᖕᖏᐸᑦ ᐊᑭᓕᕐᑕᐅᑎᑦᓯᒍᓐᓇᖏᑉᐸᑦ ᐃᓗᓐᓇᖓᓂᒃ, ᐃᓚᐅᔫᔫᖅ ᐊᑭᓖᔪᑦᓴᕈᕋᔭᕐᑐᖅ ᐊᒥᐊᒃᑯᖏᓐᓂᒃ ᐋᓐᓂᐊᓯᐅᑎᓕᕆᔨᒧᑦ.