ᖃᐅᔨᒋᐊᕐᕕᐅᒍᑎᕗᑦ

ᐱᒍᑦᔨᒍᑏᑦ ᐊᑑᑎᔭᐅᒍᓐᓇᑐᑦ ᐃᓄᓐᓄᑦ ᑭᖕᖒᒪᑦᓯᔪᓄᑦ:

ᑐᓴᕋᑦᓭᑦ ᐱᒻᒪᕆᐅᔪᑦ :

ᐱᒻᒪᕇᑦ ᐅᓪᓗᐃᑦ (ᖃᓄᐃᖕᖏᓯᐊᕐᓂᐅᑉ ᐅᓪᓗᖏᑦ):

ᐊᑦᔨᒌᖕᖏᑐᑦ ᖃᐅᔨᔭᐅᑎᑦᓯᒐᓱᐊᕈᑏᑦ:

  • ᐱᑦᔪᑎᒋᓗᒍ ᖃᓄᐃᖕᖏᓯᐊᕐᓂᖓ ᐃᓄᑐᐃᓐᓀᑦ ᐃᓄᑐᙯᑦ ᑯᐯᒃᒥ

    ᑐᑭᓯᒪᑦᓯᐊᓂᖅ ᐋᓐᓂᑎᕆᓂᕐᒥᒃ ᐱᑦᓯᐊᖏᓐᓂᒥᓪᓗ

    ᑐᑭᓯᒪᑦᓯᐊᓂᖅ ᐋᓐᓂᑎᕆᓂᕐᒥᒃ ᐱᑦᓯᐊᖏᓐᓂᒥᓪᓗ ᐃᓄᑐᖃᕐᓂᒃ ᐊᒻᒪᓗ ᐃᓄᓐᓂᒃ ᓴᐳᒻᒥᓂᖃᑦᓯᐊᖏᑦᑐᓂᒃ ᑕᒪᓐᓇ ᐱᒻᒪᕆᐅᔪᒥᒃ ᐱᓀᓗᑕᐅᕗᖅ—ᖃᐅᑕᒫᑲᓵᖅ ᓄᐃᑕᓲᖕᖏᑐᖅ ᐊᒻᒪᓗ ᐊᑦᓱᕈᕐᓇᑑᒍᓐᓇᑐᖅ ᐅᖃᕐᑕᐅᒋᐊᒥᒃ. ᐅᑯᐊ ᐊᑑᑎᔭᐅᒍᓐᓇᑐᑦ ᑎᒥᒻᒥᑎᒍᑦ, ᐃᑉᐱᓂᐊᕐᓂᑎᒍᑦ, ᑮᓇᐅᔭᒃᑯᑎᒍᑦ, ᐅᕝᕙᓗ ᐅᖃᐅᓯᒃᑯᑦ, ᑲᒪᒋᔭᐅᑦᓯᐊᖏᓐᓂᓗ. ᓇᓂᑐᐃᓐᓇᖅ ᐋᓐᓂᑎᕐᑕᐅᒍᓐᓇᑐᑦ ᐱᑦᓯᐊᑕᐅᖕᖏᑑᒍᓐᓇᑐᑦ, ᓄᓇᕕᒻᒥᒐᓴᖅ.

    ᓄᕐᖃᑎᑦᓯᓂᕐᒧᑦ ᐋᓐᓂᑎᕆᓂᕐᒥᒃ ᐱᑦᓯᐊᖏᓐᓂᒥᓪᓗ, ᐅᑯᓂᖓ ᐊᑑᑎᒋᐊᖃᕐᖁᒍᑦ: 

  • ᐃᓕᑦᓯᓯᒪᑦᓯᐊᓗᑕ ᐃᑉᐱᒍᓱᑦᓯᐊᓗᑕᓗ ᐋᓐᓂᑎᕐᑕᐅᓲᑦ ᐱᑦᓯᐊᑕᐅᓲᖕᖏᑐᐃᑦ ᐃᑉᐱᓂᐊᓲᖏᓐᓂᒃ ᐃᑉᐱᓇᕈᓐᓇᒪᑕ ᓄᐃᑕᕈᓐᓇᒪᑕᓗ
  • ᖄᖃᑎᖃᑦᓯᐊᓗᑎᑦ
  • ᐸᓯᔭᑦᓴᓕᐅᕐᓗᑎᑦ ᐃᓱᒫᓗᒋᔭᑎᓐᓂᒃ ᐱᐅᖕᖏᑐᒥᒃ ᐃᓱᐃᑦᑐᒥᓪᓗ ᐃᑉᐱᓂᐊᑐᐊᕈᕕᑦ ᑭᓇᒥᑭᐊᖅ ᐅᕝᕙᓘᓐᓃᑦ ᓱᓇᒥᑭᐊᖅ

ᓲᓱᒋᔭᐅᕗᑎᑦ ᐃᓄᑐᖃᕐᓂᒃ ᐊᒻᒣᓂᕐᒧᑦ ᖃᐅᔨᒪᓂᖏᓐᓂᒃ ᐊᑑᑎᓗᑎᑦ ᐱᕕᑦᓴᓂᒃ ᐱᑦᓯᐊᖏᓐᓂᒨᓕᖓᔪᓂᒃ ᐋᓐᓂᑎᕆᓂᕐᒨᓕᖓᔪᓂᓪᓗ ᐃᓄᑐᖃᕐᓂᒃ ᐱᑎᑕᐅᓯᒪᔪᓂᒃ ᓄᓇᕕᒻᒥ ᐃᓗᓯᓕᕆᓂᕐᒧᑦ ᐃᓄᓕᕆᓂᕐᒧᓗ ᑲᑎᒪᔨᓂᒃ, ᑐᓴᕋᑦᓴᖏᑦ ᐱᒻᒪᕆᐅᑦᓯᐊᑐᑦ ᒪᓕᑦᓯᐊᓱᑎᑦ ᐃᓄᐃᑦ ᐃᓕᕐᖁᓯᖏᓐᓂᒃ ᒪᓕᒐᑦᓴᓯᐊᖑᕗᑦ ᐱᒻᒪᕆᐅᑦᓯᐊᑐᒥᒃ ᐃᓕᑕᕐᓯᓯᒪᑦᓯᐊᓂᕐᒧᑦ ᐃᑉᐱᓂᐊᕐᓂᓂᒃ 7-ᓂᒃ ᐊᑦᔨᒌᖕᖏᑐᓂᒃ ᐃᑉᐱᓂᐊᕐᓂᖃᕈᓐᓇᓱᑎᒃ ᐃᓄᑐᙯᑦ ᐋᓐᓂᑎᕐᑕᐅᓲᑦ ᐱᑦᓯᐊᑕᐅᓲᖕᖏᑐᐃᓪᓗ. ᐊᑏ ᑕᑯᒋᐊᓚᐅᒃᑭᑦ ᖃᐅᔨᓂᐊᕋᕕᑦ ᖃᓄᖅ ᐱᕙᓪᓕᐊᑎᑦᓯᒍᓐᓇᒪᖔᑕ ᐃᓕᑕᕐᓯᓯᒪᑦᓯᐊᓂᕐᒧᑦ ᐃᑉᐱᓂᐊᕐᑕᐅᓲᓂᒃ ᐃᓄᑐᙯᑦ ᐋᓐᓂᑎᕐᑕᐅᖃᑦᑕᑐᐊᕐᐸᑕ ᐱᑦᓯᐊᑕᐅᖃᑦᑕᖏᑐᐊᕐᐸᑕᓗ ᐊᒻᒪᓗ ᐃᑲᔪᓪᓚᕆᓂᕐᒧᑦ ᓴᐳᒻᒥᓯᐊᕋᓱᐊᕐᓂᒧᑦ ᐃᓅᖃᑎᕗᓐᓂᒃ ᓴᐳᒻᒥᓂᖃᑦᓯᐊᖏᑦᑐᓂᒃ ᓄᓇᓕᕗᓐᓂ.
 

ᐊᑐᐊᕌᐲᑦ ᐊᓪᓚᖑᐊᒐᐅᑦᓱᑎᓪᓗ ᐃᓄᑐᙯᑦ ᖃᓄᐃᖕᖏᓯᐊᕐᓂᖏᓐᓄᑦ ᒥᑦᓵᓄᑦ ᐊᑑᑎᔭᕕᓃᑦ ᐃᑉᐱᒍᓱᑦᑎᓯᒋᐊᓪᓛᓂᕐᒧᑦ ᐃᓄᑐᙯᑦ ᖃᓄᐃᖕᖏᓯᐊᕐᓂᖏᓐᓂᒃ, ᑕᒪᒃᑯᐊ ᐊᑐᐊᕌᐲᑦ ᑕᐅᑦᑐᓕᐅᕐᑕᕕᐅᑦᓱᑎᓪᓗ ᐊᑑᑎᔪᑦ ᐊᓲᑎᔭᐅᓲᓂᒃ ᐊᓪᓚᖑᐊᒐᐅᑦᓱᑎᓪᓗ ᐅᓪᓗᑕᒫᑦ ᐱᒻᒪᕆᐅᑎᑦᓯᔪᑦ ᓲᓱᑦᓴᓂᕐᒥᒃ, ᐃᒻᒥᓂᒃ ᓲᓱᑦᓴᓂᕐᒥᒃ ᐃᓅᖃᑎᕗᓐᓂᓗ, ᓲᓱᒋᔭᐅᑦᓯᐊᓂᕐᒥᒃ, ᐊᒻᒪᓗ ᓄᕐᖃᑎᑦᓯᒐᓱᐊᕐᓂᒥᒃ ᐱᑦᓯᐊᖏᓐᓂᒥᒃ ᐋᓐᓂᑎᕆᓂᕐᒥᓗ. ᐊᑑᑎᑦᓱᑎᒃ ᕿᒥᕐᕈᐊᒐᕐᓂᒃ ᐊᓪᓚᖑᐊᕐᑕᕕᓂᕐᓂᒃ ᐅᓂᒃᑳᑕᐅᑦᓱᑎᒃ ᐊᓪᓚᓯᒪᔪᕐᑎᒍᑦ,

ᐊᑐᐊᕌᐲᑦ ᐊᓪᓚᖑᐊᒐᐅᑦᓱᑎᓪᓗ ᐱᔪᓐᓇᑎᑦᓯᓱᑎᒃ ᐁᑦᑐᐃᔪᑦ ᑐᓴᕋᑦᓴᓯᐊᓂᒃ ᐱᒻᒪᕆᐅᔪᓂᒃ ᐃᓘᓐᓇᑎᓐᓄᑦ, ᓲᓱᑦᓴᓯᐊᕐᓱᑎᒃ ᐃᓱᒪᑦᓯᐊᓂᕐᒥᒃ ᐊᑑᑎᑦᓯᓂᕐᒥᓗ ᐃᑲᔪᓪᓚᕆᑦᑐᓂᒃ ᓄᓇᓕᕗᓐᓂ.

ᐊᑏ ᐃᑲᔪᖃᑎᒌᑦᓯᐊᑕ ᐃᓄᑐᙯᑦ ᖃᓄᐃᖕᖏᓯᐊᕐᓂᖏᓐᓂᒃ ᐊᒻᒪᓗ ᐃᓄᓐᓂᒃ ᓴᐳᒻᒥᓂᖃᑦᓯᐊᖏᑦᑐᓂᒃ ᐅᑯᓂᖓ ᐊᑑᑎᓗᑕ:

  • ᓈᓚᑦᓯᐊᓗᑕ ᐃᓱᒪᒋᔭᕐᒥᓂᒃ ᐃᓱᒫᓗᒋᔭᕐᒥᓂᓪᓗ
  • ᐃᑲᔪᓪᓚᕆᓗᑕ ᑭᖕᖒᒪᒋᓚᕆᑦᑕᖏᓐᓂᒃ—ᓱᓇᓂᒃ ᑭᖕᖒᒪᓇᕐᑎᓯᔪᕆᑦᓯᒍᓐᓀᓗᑎᒃ
  • ᓲᓱᑦᓴᓯᐊᕐᓂᒥᒃ ᓇᒻᒥᓂᖅ ᑐᑭᑖᕆᒍᓐᓇᑕᖏᓐᓂᒃ ᐊᑑᑎᒍᓐᓇᑕᒥᓂᓪᓗ
  • ᓲᓱᑦᓴᓯᐊᕐᓂᒥᒃ ᖃᐅᔨᖁᔨᖕᖏᑕᒥᓂᒃ ᐊᓯᒥᓄᑦ ᐊᒻᒪᓗ ᐃᒻᒥᓃᕐᓱᒍᓐᓇᑕᒥᓂᒃ
  • ᐃᑲᔪᕐᓗᒋᑦ ᐃᓅᖃᑎᒌᑦᓯᐊᖃᑦᑕᕋᓗᐊᕐᒪᖔᑕ ᐊᒻᒪᓗ ᐃᓚᐅᑎᑕᐅᑦᓯᐊᖃᑦᑕᕋᓗᐊᕐᒪᖔᑕ