ᓯᓚᐅᑉ ᐊᓯᑦᔨᓯᒪᓂᖓᑕ ᖃᕆᑕᐅᔭᒃᑯᑦ ᒪᑉᐱᒐᖓ

ᓱᓀᓐᓈ ᓯᓚᐅᑉ ᐊᓯᑦᔨᓯᒪᓂᖓ:

ᐅᖃᐅᓯᖏᒍᑦ ᓯᓚᕐᔪᐊᒥ ᐃᓗᓯᓕᕆᓂᕐᒥᒃ ᑎᒥᒻᒪᕆᖁᑎᖓ, ᓯᓚᐅᑉ ᐊᓯᑦᔨᓯᒪᓂᖓ ᒫᓐᓇᐅᔪᖅ ᐊᖏᓂᕐᐸᐅᕗᖅ ᐊᑦᑕᓇᕐᓂᑯᑦ ᐃᓄᐃᑦ ᐃᓗᓯᖏᓐᓄᑦ ᐊᒻᒪᓗ ᐃᓅᖃᑎᒌᑎᒍᑦ ᓇᓪᓕᖁᐊᒌᖕᖏᑐᕈᕐᑎᓯᖃᑦᑕᓱᓂ. ᓯᓚᐅᑉ ᖃᓄᐃᓕᖓᓂᑦᓴᕆᔭᖏᑦ ᑕᑯᓐᓇᖑᐊᕐᑕᐅᓂᖃᓕᕐᒥᔪᑦ ᐆᕐᖂᓂᕐᓴᐅᓛᕆᐊᖓᓂᒃ ᑯᐯᒃᓕᒫᒥ, ᐊᒻᒪᓗ ᐱᓗᐊᖕᖑᐊᓗᓂ ᓄᓇᕕᒻᒥ. ᐱᒐᓱᐊᒻᒪᕆᑦᑐᑦ ᓯᓚᐅᑉ ᐱᓂᐊᕐᓂᖏᑦ ᓲᖑᓂᕐᓴᐅᖃᑦᑕᓚᖓᔪᑦ, ᓯᕕᑐᓂᕐᓴᐅᓗᑎᑦ, ᐊᒻᒪᓗ ᐱᓕᐅᒥᔮᕐᓂᓴᐅᓗᑎᑦ. ᓄᓇᕕᒻᒥᑦ, ᓯᓚᐅᑉ ᐊᓯᑦᔨᓯᒪᓂᖓ ᒪᑯᓂᖓ ᐱᓚᖀᖃᑦᑕᓚᖓᔪᖅ:

  • ᐆᕐᖂᔪᐃᑦ ᐊᓄᕇᑦ ᐱᓕᐅᒥᔮᕐᓗᑎᑦ; (ᐁᑎᑦᓯᒍᑎ ᐆᕐᖁᔪᓕᕆᓂᕐᒧᑦ)
  • ᓯᓭᕐᓯᐸᓪᓕᐊᓂᖓ ᓄᓇᐅᑉ ᐊᑖᖓᑕ ᖁᐊᖑᓂᖓ;
  • ᐱᓕᐅᒥᓂᖓ ᖃᓄᐃᓕᖓᐅᓰᑦ ᓯᑦᔭᒥ ᓄᖑᑉᐸᓕᐊᓕᕐᓂᖓᓄᑦ;
  • ᓯᕈᔪᓐᓂᓴᐅᖃᑦᑕᓂᖅ ᐅᐱᕐᖓᓴᒃᑯᑦ ᐅᑭᐊᑦᓴᑯᓪᓗ;
  • ᑕᑭᓂᕐᓴᒥᒃ ᓄᓇᑐᐃᓐᓇᒥ ᐃᑯᐊᓪᓚᖃᑦᑕᑐᑦ ᑕᑭᓂᕐᓴᐅᓕᕐᓂᖓ; (ᐁᑎᑦᓯᒍᑎ ᓄᓇᑐᐃᓐᓇᒥ ᐃᑯᐊᓪᓚᑐᓕᕆᓂᕐᒧᑦ)
  • ᐱᕐᓯᓂᕐᓴᐅᖃᑦᑕᓕᕐᓂᖅ. (ᐱᕐᑐᐃᑦ)

ᓱᕐᕋᑕᐅᒍᑏᑦ ᐃᓗᓯᕐᒧᑦ

ᓄᐃᑦᓯᓚᕿᐅᑎᒋᔭᖏᑦ ᓯᓚᐅᑉ ᐊᓯᑦᔨᓯᒪᓕᕐᓂᖓᓄᑦ, ᐆᑦᑑᑎᒋᓗᒋᑦ ᐆᕐᖂᔫᑉ ᑎᑭᑲᑦᑕᓂᖏᑦ ᓄᓇᑐᐃᓐᓇᒥᓗ ᐃᑯᐊᓪᓚᖃᑦᑕᓲᑦ, ᓱᕐᕃᓯᒪᓂᖃᓚᖓᔪᑦ ᑎᒥᒃᑯᑦ ᐃᓱᒪᐅᓪᓗ ᐃᓗᓯᖓᓂᒃ, ᐊᒻᒪᓗ ᐃᓗᓯᕐᓱᓯᐊᕐᓂᒧᑦ ᐱᓚᕿᐅᑎᖏᓐᓂᒃ ᐆᑦᑑᑎᒋᓗᒋᑦ ᓂᖀᑦ. ᓯᓚᐅᑉ ᐊᓯᑦᔨᓯᒪᓕᕐᓂᖓ ᐱᓚᖀᓲᖅ ᐅᕝᕙᓗᓘᓐᓃᑦ ᐱᓕᐅᒥᑎᑦᓯᓲᖅ ᒪᑯᓂᖓ:

  • ᐃᓅᒍᓐᓀᓂᖅ, ᐋᓐᓂᓃᑦ ᖁᐊᕐᓵᓇᕐᑐᑰᕐᓃᓗ;
  • ᖃᓂᒪᑯᑖᕐᓇᑐᐃᑦ ᐋᓐᓂᐊᑦ, ᐆᑦᑑᑎᒋᓗᒋᑦ ᐆᒻᒪᑎᕐᓗᓃᑦ ᐳᕙᓪᓗᓀᓪᓘᓃᑦ;
  • ᐃᓱᒪᐅᑉ ᐃᓗᓯᖓᓄᑦ ᐱᓀᓗᑌᑦ, ᐆᑦᑑᑎᒋᓗᒋᑦ ᓯᕘᕋᕐᓂᖅ ᑭᑦᓴᓂᕐᓗ;
  • ᓂᕆᔭᑦᓭᓂᐊᕐᓂᖅ ᐊᒻᒪᓗ ᓂᕆᑦᓯᐊᖃᑦᑕᖏᓐᓃᑦ;
  • ᐱᕕᑦᓴᖃᕈᑏᑦ ᐃᒪᕐᒧᑦ;
  • ᐱᕕᑦᓴᖃᕈᑏᑦ ᓄᓇᓕᐊᕐᓂᒧᑦ;
  • ᐱᑕᖃᕐᓂᖏᑦ ᐋᓐᓂᐊᑦ ᐁᑦᑑᑎᐅᒍᓐᓇᑐᓂᒃ ᐆᒪᔪᓂᒃ ᐃᓄᓐᓄᑦ (ᔫᓇᐅᓱᔅ).

ᑕᑯᒍᒪᒍᕕᑦ ᒫᓐᓇ ᖃᓄᐃᓘᒋᐊᖁᔨᒍᑎᑦᓴᓂᒃ, ᖃᐅᔨᒋᐊᕐᕕᒋᓗᒋᑦ ᐅᑯᐊ ᒪᑉᐱᒐᐅᔪᑦ:

ᓇᓪᓕᖁᐊᒌᖕᖏᓂᖏᑦ ᓵᖓᑦᓯᑎᓪᓗᑕ ᓯᓚᐅᑉ ᐊᓯᑦᔨᓯᒪᓕᕐᓂᖓᓂᒃ / ᐃᓄᐃᑦ ᐊᑦᑕᓇᕐᑐᒦᑦᑐᑦ

ᓯᓚᐅᑉ ᐊᓯᑦᔨᓯᒪᓂᖓ ᐃᓘᓐᓇᑎᓐᓂ ᓱᕐᕃᓯᒪᔪᖅ, ᑭᓯᐊᓂ ᐃᓚᖏᑎᒍᑦ ᐃᓄᐃᑦ ᐃᓚᖏᑦ ᓱᕐᕋᑕᐅᒪᓂᕐᓴᐅᓲᖑᑐᐃᓐᓇᕆᐊᓖᑦ, ᐆᑦᑑᑎᒋᓗᒋᑦ:

  • ᐱᐊᕋᐃᑦ
  • ᐃᓄᑐᙯᑦ
  • ᐃᓄᐃᑦ ᖃᓂᒪᑯᑖᕐᓇᑐᓖᑦ
  • ᐊᓂᕐᑎᕆᑦᓯᐊᕈᓐᓀᓲᑦ
  • ᐱᐊᕋᑦᓴᓖᑦ ᐊᕐᓀᑦ
  • ᐱᓇᓱᓲᑦ ᓯᓚᒥ

ᖃᐅᔨᓴᕈᑎᖃᕐᓂᖅ ᓯᓚᑦᑎᓂᒃ ᐊᑦᑕᓇᑐᐃᓐᓇᕆᐊᓕᓐᓂᒃ ᐃᓗᓯᕐᒧᑦ ᐊᒻᒪᓗ ᖃᓄᐃᖕᖏᓯᐊᕆᖃᕐᓂᖏᓐᓄᓗ ᓄᓇᕕᒻᒥᐅᑦ

ᖃᓄᖅ ᑲᒪᒋᔭᐅᓂᖓ ᓯᓚᐅᑉ ᐊᓯᑦᔨᓯᒪᓂᖓᑕ ᐊᒻᒪᓗ ᐃᓗᓯᖏᑦ ᓄᓇᕕᒻᒥ ᐃᓚᒋᔭᐅᕗᖅ ᑯᐯᒃᒥ ᐃᕕᑦᓱᑲᐅᔭᒥ ᒪᑭᑕᒐᓱᐊᕐᓂᒧᑦ ᐸᕐᓇᓯᒪᐅᑎᖓᓄᑦ. ᑌᒫᒃ ᑲᒪᒋᔭᐅᓂᖓ ᒪᕐᕈᐃᓕᖓᔪᖅ:

  1. ᖃᐅᔨᓴᕐᑕᐅᓂᖓ ᓯᓚᑦᑎᓂᒃ ᐊᑦᑕᓚᑐᐃᓐᓇᕆᐊᓕᓐᓂᒃ ᐃᓄᐃᑦ ᐃᓗᓯᖏᓐᓄᑦ ᖃᓄᐃᖕᖏᓯᐊᕆᐊᖃᕐᓂᖏᓐᓄᓗ
  2. ᑐᑭᓯᓇᕐᓯᑎᑕᐅᒋᐊᓪᓛᓂᖓ ᓄᓇᓕᓕᒫᑦ ᐃᓄᖏᑦᑕ ᐃᓗᓯᖏᓐᓄᑦ ᓱᖏᐅᑎᑎᑦᓯᓂᕐᒧᑦ ᐸᕐᓇᓯᒪᐅᑎ ᓯᓚᐅᑉ ᐊᓯᑦᔨᓯᒪᓂᖓᓄᑦ.

ᑕᒪᑦᓱᒪᐅᑉ ᐊᑦᑕᓇᑐᐃᓐᓇᕆᐊᓕᓐᓂᒃ ᖃᐅᔨᓴᕈᑕᐅᓂᖓ ᐃᑉᐱᒍᓱᓕᐅᒥᑎᑦᓯᓚᖓᔪᖅ ᓱᕐᕃᓂᕆᓲᖏᓐᓂᒃ ᓯᓚᐅᑉ ᐊᓯᑦᔨᓯᒪᓕᕐᓂᖓ ᐃᓗᓯᕐᒧᑦ ᐊᒻᒪᓗ ᖃᐅᔨᑎᑦᓯᐅᑎᖏᑦ ᐃᓗᓯᖏᓐᓂᒃ ᓄᓇᓕᓕᒫᑦ ᑎᒥᖁᑎᖏᓐᓄᑦ. ᓄᓇᕕᒻᒥᐅᑦ ᑐᓴᕐᑎᓯᒍᑎᓕᐅᕈᓐᓇᓯᒐᔭᕐᑐᑦ ᓱᕐᕃᓂᕆᓲᖏᓐᓂᒃ ᓯᓚᐅᑉ ᐊᓯᑦᔨᓯᒪᓕᕐᓂᖓ ᐃᓗᓯᖏᓐᓂᒃ ᐃᓄᖁᑎᖏᑦᑕ ᐊᒻᒪᓗ ᐃᓚᐅᓗᓂ ᓇᓪᓕᖏᑦ ᐊᐅᓚᑦᔭᒋᐊᕈᑏᑦ ᐊᑐᓕᕐᑎᑕᐅᓂᐊᕐᒪᖔᑕ. ᐱᓇᓱᑦᑎᒌᑦ ᙯᓯᒪᓛᕐᓂᐊᑐᑦ ᓄᓇᓕᑦᓯᓂ 2025-ᖑᓕᕐᐸᑦ ᖃᐅᔨᓴᕆᐊᕐᑐᓗᑎᑦ ᐅᖃᐅᓯᑦᓴᕆᔭᑎᓐᓂᒃ. ᖃᐅᔨᒋᐊᕕᖃᕈᓐᓇᓯᐊᕐᑐᓯ ᖃᖓᑐᐃᓐᓇᑯᑦ ᖃᕆᑕᐅᔭᒃᑯᑦ ᐊᓪᓚᓗᑎᑦ ᐅᕗᖓ (environmental.health.rr17@ssss.gouv.qc.ca).

ᐃᓚᒋᔭᐅᑎᓪᓗᒍ ᐱᐅᓯᒋᐊᕆᓂᕐᒧᑦ ᓴᐱᓕᕐᓯᕇᑦᑑᓂᖏᓐᓄᑦ ᓄᓇᓖᑦ ᐱᓇᓱᐊᕈᑎᒋᓗᒋᑦ ᖃᓄᐃᓘᒋᐊᕐᑎᓯᒍᑎᑦᓭᑦ ᐋᕐᕿᒋᐊᕐᓂᒧᑦ ᓯᓚᐅᑉ ᐊᓯᑦᔨᓯᒪᓕᕐᓂᖓᓄᑦ, ᐃᓄᓕᒫᑦ ᐃᓗᓯᖏᓐᓄᑦ ᐱᒍᑦᔨᕕᒃ ᓴᐳᑦᔨᓂᖃᕐᒥᔪᖅ ᖃᓄᐃᓘᒋᐊᕐᑎᓯᒍᑎᑦᓴᓂᒃ ᐃᑯᓪᓚᒋᐊᕆᓂᕐᒧᑦ ᐳᔪᕐᓗᓂᒃ ᓯᓚᑦᑎᓅᔭᕐᑐᓂᒃ, ᐃᓚᒋᔭᐅᑎᓪᓗᒍ ᓯᓚᖃᑦᓯᐊᓂᕐᒧᑦ ᒪᑭᑕᒐᓱᐊᕐᓂᒧᑦ-ᑲᒪᒋᔭᑦᓴᐅᔪᑦ ᐊᐅᓚᑦᔭᒋᐊᕈᑎᖏᑦ (ᐆᑦᑑᑎᒋᓗᒋᑦ ᐊᑐᒐᑦᓴᐅᑎᑦᓯᒋᐊᓪᓛᓂᓕᕆᓂᖅ, ᓯᖃᓪᓕᑎᕆᓂᖅ, ᐃᑯᒪᑐᓗᐊᕐᑌᓕᓂᖅ, ᐊᓯᖏᓪᓗ.).

 

ᖃᐅᔨᒋᐊᕐᕕᐅᕕᖏᑦ ᐱᓇᓱᖃᑎᒌᖏᑦ

ᐊᕙᑎᓕᕆᓂᕐᒧᑦ ᐃᓗᓯᓕᕆᔩᑦ ᐱᓇᓱᖃᑎᒌᖏᑦ: environmental.health.rr17@ssss.gouv.qc.ca

ᐊᑑᑎᓖᑦ ᐱᑐᕝᕖᑦ