ᐅᓪᓕᕕᒃ ᑐᑭᓕᒃ "ᐃᓂᒃ ᓇᔪᒐᖅ ᐅᕝᕙᓘᓐᓃᑦ ᐅᑕᕐᕿᕕᒃ" ᐃᓄᒃᑎᑐᑦ.
ᐅᓪᓕᕕᒃ ᑲᒪᒋᔭᑦᓴᔭᖃᕐᖁᖅ ᐱᕕᑦᓴᖃᕐᑎᓯᒍᓐᓇᕆᐊᒥᒃ ᐃᓗᕐᖁᓯᑎᒍᑦ ᓈᒻᒪᓈᕐᑐᒥᒃ ᐊᑦᑕᓀᑦᑐᓯᐊᒥᓪᓗ ᐊᑭᖃᖕᖏᑑᑎᓪᓗᒍ ᑐᔪᕐᒥᐅᓂᕐᒥᒃ, ᓂᕆᒍᑏᑦ ᐅᓯᔭᐅᑲᑦᑕᓃᓪᓗ ᐋᓐᓂᐊᕕᓕᐊᓕᕐᐸᑕ ᐋᓐᓂᐊᕕᐅᔪᓄᑦ ᑕᐅᓇᓂ ᒫᓐᑐᔨᐊᑉ ᓄᓇᖁᑎᖓᓂ.
- ᐃᓚᐅᔫᔪᑦ ᐅᐯᒍᓐᓇᕕᓖᑦ ᖁᓕᕇᓕᒻᒧᑦ ᓯᑕᒪᐅᔪᓂᒃ 87-ᓂ ᓱᓇᓕᒫᓕᓐᓂᒃ ᖃᕆᐊᓕᒻᒥᒃ, ᐃᓚᐅᑎᓪᓗᒍ 12 ᖃᕆᐊᑦ ᐃᓄᖕᓄᑦ ᐱᕐᖃᔭᑦᓯᐊᖏᑦᑐᓄᑦ ᑎᒥᒥᒍᑦ, ᓂᕆᕕᖃᕐᓱᓂ, ᓂᕿᑐᐃᓐᓇᑐᕐᕕᖃᕐᓱᓂ, ᐳᓛᕐᕕᖃᕐᓱᓂ ᑕᓚᕖᓴᓕᒻᒥᒃ, ᖃᕆᑕᐅᔭᕐᕕᖃᕐᓱᓂ ᑐᑦᓯᐊᕕᐊᐱᖃᕐᓱᓂᓗ.
- ᓄᓇᕕᐅᑉ ᓯᓚᑖᓅᓕᖓᔪᑦ ᐱᔾᔪᔨᒍᑏᑦ ᑲᑎᑦᑕᑎᖏᑦ, ᑐᑭᒧᐊᕐᑎᑕᐅᑦᓱᓂ ᓄᓇᕕᐅᑉ ᓯᓚᑖᓅᓕᖓᔪᑦ ᐱᔾᔪᔨᒍᑏᑦ ᑲᒪᔨᒻᒪᕆᖓᓄᑦ ᑲᑎᒪᔨᖃᕐᓱᓂᓗ ᐳᕐᑐᓂᕐᓴᓂᒃ ᐱᓯᒪᔪᓂᒃ ᑕᒣᓐᓂᒃ ᐋᓐᓂᐊᕕᐅᔫᓐᓂᒃ ᓄᓇᕕᒻᒥ ᐊᒻᒪᓗ ᓄᓇᕕᒻᒥ ᓄᓇᓕᓕᒫᑎᒍᑦ ᐃᓗᓯᓕᕆᔨᒻᒪᕆᒃᑯᑦ, ᐅᓐᓂᑑᑎᓕᐅᓲᑦ ᐱᕙᓪᓕᐅᒥᒍᑎᑦᓴᓂᒃ ᐱᔾᔪᔨᒍᑎᓂᒃ ᑭᖕᖑᒪᒋᔭᐅᔪᑦ ᐃᑉᐱᒋᓗᒋᑦ ᐋᓐᓂᐊᕕᓕᐊᕐᑐᐃᓗ ᓯᕿᓂᕐᒧᑦ ᐋᓐᓂᐊᓯᐅᕐᑕᐅᔭᕆᐊᕐᑐᑐᑦ.
- ᓄᓇᕕᐅᑉ ᓯᓚᑖᓅᓕᖓᔪᑦ ᐱᔾᔪᔨᒍᑏᑦ ᐱᓇᓱᐊᕐᕕᖓ ᐃᑉᐱᒋᔭᕆᒋᐊᓕᒻᒥᓂᒃ ᑕᑯᑦᓴᐅᑎᑦᓯᒋᐊᖃᕐᖁᖅ ᑐᕐᖃᑕᕐᕕᒃ ᐋᓐᓂᐊᓯᐅᕐᓂᓕᕆᔨᓄᑦ ᐃᓄᓕᕆᔨᓄᓪᓗ ᑯᐯᒃᒥ ᐅᓪᓕᕕᒻᒧᑦ, ᑕᕝᕘᓇᓗ ᑕᒪᓐᓇ ᑭᒡᒐᑐᕐᓂᖅ ᐃᓚᒋᐊᕆᕗᖅ ᐱᕕᖃᕐᑎᓯᓂᕐᒥᒃ ᓈᒻᒪᓈᑦᓯᐊᑐᓂᒃ ᐱᔾᔪᔨᓂᐅᔪᓂᒃ.