ᑕᑯᓐᓇᕋᑦᓴᐅᑉ ᐃᓗᓕᖏᑦ
ᓱᐳᕐᑐᓲᑦ ᐅᓄᕐᓕᐸᐅᕗᑦ ᓄᓇᕕᒻᒥ ᑲᓇᑕᒥ, ᐃᓚᒋᔭᐅᑦᓱᑎᒃ ᓄᓇᖃᖄᓯᒪᔪᔪᓄᑦ, ᕋᓗᐊᕐᑎᓗᒍ, ᓱᐳᕐᑐᓂᖅ ᐃᓚᒋᔭᐅᓚᐅᔪᖕᖏᑐᖅ ᐃᓄᐃᑦ ᐱᐅᓯᖏᓐᓄᑦ. ᓱᓪᓕᑎᐅᔪ ᒪᓐᓇ, ᐃᓄᐃᑦ ᐱᐅᓯᑐᖃᖓ ᐃᓚᖃᓚᐅᖕᖏᓚᑦ ᓱᐳᕐᑐᓂᕐᒥᑦ.
ᖃᓄᐃᑉᐱᑖ? 2017, ᖃᐅᔨᓴᕐᓂᖃᑦᑎᓗᒍ ᖃᓄᐃᒻᒪᖔᑕ ᓄᓇᕕᒻᒥᐅᑦ, ᑕᑯᓂᕋᓚᐅᔪᐃᑦ 72%-ᖑᒋᐊᖏᑦ ᓱᐳᕐᑐᓲᑦ ᐅᑭᐅᓖᑦ 16-ᓂᒃ ᐅᖓᑖᓄᓪᓗ.
ᓱᐳᕐᑐᓂᐅᑉ ᐱᕙᓪᓕᐊᒍᑎᖓ
ᐅᕐᓱᕈᑎᐅᓗᔭᖅ, ᑐᐸᑭᒥᓲᖅ ᐅᐃᕆᑎᑦᓯᒍᓐᓇᑐᖅ ᓱᐳᕐᑐᓂᕐᒥᑦ ᓄᕐᖃᖃᔦᕐᓂᒧᑦ. ᖃᓄᐃᖕᖏᑐᔪᕆᓂᕐᒥᑦ ᓄᐃᑎᑦᓯᓲᖅ ᐅᐃᕆᑎᑦᓯᓱᓂ ᐃᓄᒻᒥᒃ ᐊᐅᓚᑦᓯᑎᑦᓯᖃᔦᓱᓂ ᓱᐳᕐᑐᓂᖓᓂᒃ. ᑕᒡᒐᓂ, ᑎᒥᒃ ᐊᔪᕆᑦᓱᓂ ᑐᐸᑭᒧᑦ, ᐃᓄᒃ ᓱᐳᕈᓯᔭᕈᒪᓕᕐᐸᓕᐊᑐᐃᓐᓇᑐᖅ ᐱᒍᒪᕙᓪᓕᐊᑐᐃᓐᓇᓕᕐᓱᓂ ᓯᕗᓪᓕᐅᓚᐅᕐᑐᒥᓂᑦ.
ᑐᐸᑭᑦᓴᔭᖅ ᐱᕈᕐᑐᕕᓂᐅᑦᓱᓂ ᐅᐊᕈᑎᓕᑦᓴᔭᖅ ᑐᐸᑭᓕᐊᖑᓱᖑᕗᖅ. ᓱᐳᕈᑎᒃ ᐃᑭᑕᐅᑐᐊᕋᒥ, ᑐᐸᑭ ᐳᔪᓕᕐᐳᖅ ᐃᓗᓕᖃᕐᓱᓂ 7000-ᓂᒃ ᐅᐊᕈᑎᓕᒻᒥᑦ, ᐊᓐᓂᐊᑕᓚᕿᐅᑎᐅᑦᓱᑎᒃ ᐊᕐᕿᑕᐅᕐᖃᔭᖕᖏᑐᒥᑦ ᐊᓂᕐᑎᕆᓂᒃᑯᑦ ᐊᓐᓂᐊᓕᕐᓗᑎᒃ, ᐅᒻᒪᑎᓕᕆᓗᑎᓪᓗ.
ᐊᕐᕿᑕᐅᖃᔭᖕᖏᑐᓴᔦᑦ
- ᐳᕙᒃᑯᑦ ᐊᓐᓂᐊᑕᕐᓂᖅ
- ᐃᒡᒋᐊᑯᑦ ᐊᓐᓂᐊᑕᕐᓂᖅ
- ᐃᑎᕈᖃᐅᑎᒃᑯᑦ ᐊᓐᓂᐊᑕᕐᓂᖅ
- ᐊᓯᖏᓪᓗ.
ᓱᐳᕐᑐᑕᐅᔫᑉ ᐳᔪᖓ
ᓱᐳᕐᑐᑕᐅᔫᑉ ᐳᔪᖓ ᓱᐳᕐᑐᑕᐅᔪᒥᑦ ᐱᑦᓱᓂ ᐊᒻᒪᓗ ᓱᐳᕐᑐᑑᑉ ᐊᓂᐊᔭᖓ. ᑕᓐᓇ ᓱᐳᕐᑐᑕᐅᔫᑉ ᐳᔪᖓ, ᐅᐊᕈᑎᖃᕐᓱᓂ 4000 ᐅᖓᑖᓄᑦ, ᐅᓗᕆᐊᓇᕐᓱᓂ ᓱᐳᕐᑐᑐᓄᑦ ᓱᐳᕐᑐᑎᐅᖕᖏᑐᒐᓗᐊᓄᓪᓗ ᐊᑦᔨᒋᑦᑐᒥᑦ. ᐱᐊᕋᐃᑦ ᓱᐳᕐᑐᑕᐅᔫᑉ ᐳᔪᖓᓄᑦ ᓂᐅᕐᖃᖃᑦᑕᐸᑕ ᐊᓐᓂᐊᑕᑐᐃᓐᓇᕆᐊᓖ
ᓱᐳᕐᑐᓂᖅ ᐊᒻᒪᓗ ᓇᕙᓐᓇᔪᐊᖅ 19
ᑯᕕᑦ-19 ᓇᕙᓐᓇᔪᐊᖅ ᐅᓇᑕᕐᓂᓱᖑᑦᓱᓂ ᐊᓂᕐᓴᕈᑎᐅᔪᓂᒃ (ᐊᓂᕐᓴᕈᑎᐅᑉ ᐊᕐᕿᑎᖏᓐᓂᑦ) ᑌᒣᒐᒥ ᐳᕙᓗᓯᓲᑦ. ᓱᐳᕐᑐᑎᐅᔪᑦ ᑯᕕᑦ-19 ᑕᕐᑐᕕᓃᑦ ᐅᓗᕆᐊᓇᕐᑐᒥᓐᓂᓭᑦ ᐊᓂᕐᓴᕈᑎᒃᑯᑦ ᐊᓐᓂᐊᑕᕐᑐᐊᕈᑎᒃ ᐊᓐᓂᐊᕕᓕᐊᑦᓴᕈᑎᒃᑭᓯᐊᓂᐅᕗᑦ.
ᓱᐳᕈᑎᐅᔭᖅ
ᓱᐳᕈᑎᐅᔭᐃᑦ ᑌᒪᑦᓭᓇᖅ ᓱᐳᕈᑎᑎᑐᑦ ᐅᓗᕆᐊᓇᕐᑐᑕᖃᒻᒥᔪᑦ. ᓱᐳᕈᑎᐅᔭᕐᑐᑐᑦ ᒥᓗᓯᓱᑎᒃ ᐊᓂᑦᓱᒍᓗ ᐳᔪᕐᒥᑦ ᓱᐳᕈᑎᐅᔭ ᐃᑯᒪᐅᑎᒧᕐᑐᖅ ᐊᑐᕐᓱᒍ, ᑌᔭᐅᒍᑎᖓ ᐃᓯᕐᑐᒥᑦ ᓂᐅᕐᖃᕈᑎ. ᓴᓇᔭᐅᓯᒪᔪᖅ ᐃᒪᑦᓴᔭᐅᓱᓂ ᐅᓇᕐᓯᔭᐅᑦᓱᓂ ᓂᐅᕐᖃᐅᑎᒧᑦ, ᐃᓯᖓ ᓂᐅᕐᑕᐅᓂᐊᓕᕐᒪᑦ ᖃᓂᒃᑯᑦ.
ᓱᐳᕈᑎᐅᔦᑦ
ᓱᐳᕈᑎᐅᔭᕐᑐᓂᖅ, ᑌᒪᓭᓇᖅ ᑐᐸᑭᑎᑐᑦ ᐅᕐᓱᕈᑎᐊᓗᔭᓖᑦ ᐅᐊᕈᑎᑕᓖᑦ ᐅᐃᕆᓇᕐᑐᑕᖃᕐᓱᑎ. ᐃᓯᖓ ᓂᐅᕐᑕᐅᓲᖅ ᐳᕙᒻᒧᑦ ᐊᒻᒪᓗ ᐃᕐᐸᓱᖑᑦᓱᓂ ᐊᐅᒻᒧᑦ. ᐊᑐᕆᐊᒥᒃ ᓱᐳᕈᑎᐅᔭᓂᒃ ᐊᑦᑕᓇᕐᑐᕗᖅ, ᐃᓗᓯᖓᓗ ᖃᐅᔨᒪᓇᕋᓂ.
ᓱᐳᕈᑎᐅᔭᕐᑐᓂᖅ ᐊᑦᑕᓇᖕᖏᓂᕐᓴᐅᒐᓗᐊᕐᓱᓂ ᑐᐹᑭᒥᑦ, ᓄᕐᖃᒐᓱ.
--
ᓱᐳᕈᑎᒥᑦ ᓄᕐᖃᕋᓱᐊᕐᓂᖅ
ᑭᖑᕋᐃᔭᖏᓪᓚᑎᑦ ᓄᕐᖃᕋᓱᓪᓗᑎᑦ. ᓱᐳᕐᑐᑎᐅᕙᓚᐅᕐᑐᑦ (videotaped testimonials) ᐅᐱᒍᓱᑉᐳᑦ ᐱᕙᓪᓕᖁᑎᒋᓕᕐᑕᒥᓂᑦ ᐃᓗᓯᕐᓱᓯᐊᓕᕋᒥ ᐊᒻᒪᓗ ᑭᓇᐅᔭᖃᓂᓴᐅᓕᕐᓱᑎᒃ. ᑎᐸᒋᕙᓚᐅᕐᑕᖏᑦ ᓱᕐᕋᑕᐅᓯᒪᓚᐅᕐᑐᑦ ᓱᐳᕈᑎᒧᑦ ᓱᒃᑫᑐᒥᑦ ᐊᕐᕿᐸᓪᓕᐊᓯᑦᓱᑎᒃ.
ᐊᑦᑕᓇᕐᑐᓂᖓ ᐊᓐᓂᐊᑕᕐᓂᒧᑦ ᐊᕐᕿᑕᐅᕐᖃᔭᖕᖏᑐᒥᑦ ᐳᕙᒃᑯᑦ, ᐅᒻᒪᑎᒃᑯᓗ ᒥᑭᓕᕋᔭᕐᑐᑦ ᓄᕐᖃᑐᐊᕈᑎᒃ ᓱᐳᕐᑐᓂᕐᒥᑦ. ᓱᐳᕈᑎᐅᑉ ᓱᒃᑯᓇᕐᓂᖓ ᑲᑕᕋᔭᕐᑐᖅ, ᓄᕐᖃᕋᒥ ᐃᓄᒃ ᑭᖑᓂᕐᓗᕋᔭᕐᑐᑦ ᓱᐳᕐᑐᓂᕐᒥᑦ.
ᐱᐊᕋᑦᓴᖃᓪᓗᓂ
ᐊᕐᓇᖅ ᓱᐳᕐᑐᓂᕐᒥᑦ ᓄᕐᖃᐸᑦ ᐱᐊᕋᑦᓴᖃᓪᓗᓂ ᐱᑦᓯᐊᐳᖅ ᐃᒻᒥᓄᑦ ᐊᒻᒪᓗ ᐱᐊᕋᑦᓴᒥᓄᑦ. ᖃᓂᒻᒪᓴᕆᓂᓴᐅᓂᐊᕐᒪᑦ ᐅᑦᑐᑎᒋᓗᒍ ᐱᐊᕋᕐᑕᓂᕐᒧᑦ ᓇᒻᒪᓯᕋᑕᕐᑎᓇᒍ ᐊᒻᒪᓗ ᒥᑭᓗᐊᕐᑐᒥᑦ ᐅᕝᕙᓗᓐᓃᑦ ᓱᒃᑯᓗᓂ ᐱᐊᕋᑦᓴᖓ.
ᓄᕐᖃᕋᓱᐊᕐᑎᓗᑎᑦ ᓴᐳᒻᒥᔭᐅᒍᒪᑐᐊᕈᕕᑦ, ᐃᑲᔪᕐᑕᐅᓗᑎᑦ ᐃᓚᑎᓐᓄᑦ ᑲᔪᖏᕐᓴᐃᓗᑎᑦ ᐃᓕᓐᓂᒃ. ᐊᓐᓂᐊᓯᐅᕐᑎᓄᕕᑦ ᐅᖄᕕᖃᓪᓗᑎᑦ ᐃᓕᑦᓯᕕᒋᓇᓱᓪᓗᒍ ᑐᑭᖃᑦᓯᐊᓂᐊᕋᕕᑦ. ᐊᒥᓱᑲᓪᓚᐃᑦ ᐃᑲᔪᕈᑎᐅᒍᓐᓇᑐᑦ ᑕᒪᒃᑯᓄᖓ ᓄᕐᖃᕈᒪᔪᓄᑦ. ᓄᕐᖃᕋᓱᐊᕈᑏᑦ ᓂᐱᓲᑦ, ᑯᑦᓱᐃᑦ, ᐅᖁᒻᒥᐊᑦ, ᓱᐳᕈᑎᐅᔦᑦ ᐱᔭᕆᐊᑭᓪᓕᑎᑦᓯᕋᔭᕐᑐᑦ ᑎᒥᒧᑦ ᐱᕐᓯᕙᓪᓕᐊᓯᓗᑎᒃ ᓱᐳᕐᑐᕈᒪᓂᕐᒥ ᐃᑲᔪᕋᔭᕐᒥᔪᑦ ᐃᓕᓐᓂᒃ.