ᓄᓇᕕᒻᒥ ᐋᓐᓂᐊᓯᐅᕆᓂᕐᓄᓕᖓᔪᓂᒃ ᐸᕐᓀᕈᑎᒃ

ᐱᐅᓯᐅᒥᒋᐊᕆᓂᖅ ᐃᓗᓯᖏᓐᓂᑦ ᑎᒥᒃᑯᑦ ᐃᓱᒪᒃᑯᓗ ᐃᓗᓯᕐᓱᓯᐊᕆᐊᖃᕐᓂᖏᓐᓂᑦ ᓄᓇᕕᒻᒥᐅᑦ

ᓱᒐᒥ?
  • ᑐᑭᓕᐅᕆᒋᐊᑦᓯᐊᓂᖅ ᐃᓂᓪᓚᑎᕆᒋᐊᕐᓂᓗ ᐃᓗᓯᓕᕆᓂᕐᓂ ᓄᓇᕕᒻᒥ ᒪᓕᓪᓗᑎᑦ ᓄᓇᕕᒻᒥᐅᑦ ᐱᒻᒪᕆᖁᑎᖏᓐᓂᑦ ᑕᑯᓐᓇᐅᔮᕐᑕᖏᓐᓂᓗ
  • ᐱᒍᑦᔭᐅᓯᐊᕐᓂᓴᐅᓗᑎᑦ ᓄᓇᓕᖏᓐᓂ ᓄᓇᕕᒻᒥ
  • ᐱᒍᑦᔨᓗᑎᑦ ᐃᓄᓐᓂᑦ ᐃᓄᓐᓄᑦ ᐱᒍᑦᔭᐅᓗᑎᑦ
  • ᑐᑭᓕᐅᕆᐊᑦᓯᐊᓗᑎᑦ ᑭᖕᖑᒪᒋᔭᖏᓐᓂᓗ ᑲᒪᒋᐊᕐᓗᑎᑦ ᓄᑖᓂᑦ ᐋᓐᓂᐊᕕᑦᑖᓂᕐᑎᒍᑦ
ᓱᓇᐅᕙ ᐋᓐᓂᐊᓯᐅᕆᓂᕐᒧᑦ ᐸᕐᓀᕈᑎᒃ?

ᐋᓐᓂᐊᓯᐅᕆᓂᕐᒧᑦ ᐸᕐᓀᕈᑎᒃ ᐊᓪᓚᓯᒪᔪᖅ ᑐᓂᔭᐅᓛᕐᑐᖅ ᑐᕐᖃᑕᕐᕕᖓᓄᑦ ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ ᐱᒍᑦᔨᕕᖓᓄᑦ ᕿᒥᕐᕈᔭᐅᔪᑦᓴᐅᓗᓂ ᐊᖏᕐᑕᐅᔪᑦᓴᐅᓗᓂᓗ. ᐊᓪᓚᓯᒪᔪᒥ ᑐᕌᒐᖓ ᓄᐃᑦᓯᓗᑎᑦ ᑭᖕᖑᒪᒋᔭᐅᔪᓂᑦ ᑐᑭᓯᓇᑦᓯᐊᑐᓂᑦ, ᖃᓄᕐᑐᕈᑎᑦᓴᓕᐅᕐᓗᑎᑦ ᐋᓐᓂᐊᓯᐅᕆᓂᕐᒧᓕᖓᔪᓂᑦ ᑲᒪᒍᓐᓇᓯᓂᐊᕐᒪᑕ ᑭᖕᖑᒪᒋᔭᖏᓐᓂᑦ ᖃᓄᐃᓕᖓᓂᐅᒍᓐᓇᑐᓂᑦᓗ ᓄᐃᑦᓯᓗᑎᑦ ᐃᓪᓗᒪᕆᐅᒐᔭᕐᑐᓂᑦ, ᓴᐳᑦᔨᒍᓐᓇᓯᓂᐊᕐᑐᓂᑦ ᐋᓐᓂᐊᓯᐅᕆᓂᕐᒥ ᑎᒥᐅᔪᓂᑦ ᑲᒪᒍᓐᓇᓯᓗᑎᓗ ᒫᓐᓇᐅᓕᕐᑐᖅ ᑭᖕᖑᒪᒋᔭᐅᔪᓂᑦ 20 ᐊᕐᕌᒍᓂᑦ ᓯᕗᓂᑦᑎᓄᓕᖓᔪᓂᓗ.

ᖃᓄᐃᓗᕆᐊᒍᑎᒋᓂᐊᕐᑕᖏᑦ ᐋᓐᓂᐊᓯᐅᕆᓂᕐᒧᑦ ᐸᕐᓀᕈᑎᖓ
  1. ᓄᓇᕕᒻᒥᐅᑦ ᐃᓚᐅᖁᔭᐅᕗᑦ ᐊᓯᑦᔩᒋᐊᕐᓂᒧᑦ: ᐅᐱᕐᖓᓴᖓᓂ 2018ᒥ, ᐃᓱᒪᒋᔭᒥᓂᑦ ᐅᖃᕐᕕᖃᕈᓐᓇᓚᐅᔪᕗᑦ ᖃᐅᔨᓴᕐᓂᑎᒍᑦ. ᐊᐱᕐᓱᑲᑦᑕᑕᐅᓐᓂᖁᑦ (ᐅᐱᕐᖓᓴᖓᓂ 2019) ᐅᖄᖃᑎᒌᑦᑎᑕᐅᑦᓱᑎᓗ (ᐅᑭᐊᖓᓂ 2018 ᐅᑭᐅᖓᓂ 2019) ᓄᐃᑦᓯᒐᓱᑦᓱᑎᑦ ᓈᒻᒪᓈᑦᓯᐊᑐᒥᒃ ᖃᓄᐃᓕᖓᓕᕐᓂᖏᓐᓂᑦ. ᑐᕌᒐᖓ ᐃᒣᓐᓂᖁᖅ:

    ᐊ. ᕿᒥᕐᕈᓗᑎᑦ ᐃᓗᓯᕐᒧᓕᖓᔪᑦ ᑭᖕᖑᒪᒋᔭᐅᔪᓂᑦ ᓄᓇᕕᒻᒥᐅᓄᑦ (2040-ᐅᓕᕐᐸᑦ);
    ᐸ.  ᕿᒥᕐᕈᒋᐊᓪᓛᓗᑎᑦ ᒫᓐᓇᐅᑎᓪᓗᒍ ᐋᓐᓂᐊᓯᐅᕐᑕᐅᒍᑎᓂᑦ ᐱᒍᑦᔨᒍᑎᓂᓗ    ᓇᓗᓀᕐᓯᓗᑎᓗ ᐱᒍᑦᔭᐅᒍᑎᐅᒐᔭᕐᑐᓂᑦ ᓄᓇᖓᓂ, ᓄᓇᕕᒻᒥ, ᐊᕐᕌᒍᒋᓂᐊᕐᑕᑎᓐᓂ.

  2. ᓄᐃᑦᓯᓗᑎᑦ ᐃᓘᓐᓈᒍᕐᑐᓂᑦ ᐱᒍᑦᔨᓂᕐᓂᑦ ᐃᓗᕐᕈᓯᒥᒃ ᐊᑦᑕᓀᑦᑐᒥᑎᑦᓯᔪᒥᒃ ᑐᑭᒧᐊᒍᑎᐅᓂᐊᕐᑐᒥᓗ ᐱᒋᐊᕐᑎᓯᒍᑎᐅᓗᓂ ᐅᑎᕐᑎᓯᕙᓪᓕᐊᓂᕐᓂ ᐋᓐᓂᐊᓯᐅᕆᒍᑎᓂᑦ ᐱᒍᑦᔨᒍᑎᓂᓗ ᓄᓇᕕᒻᒧᑦ 2040-ᐅᓕᕐᐸᑦ.
  3. ᓄᐃᑦᓯᓗᑎᑦ ᑭᖕᖑᒪᒋᔭᐅᔪᓂᑦ ᐃᓪᓗᒪᕆᓐᓄᓕᖓᔪᓂᑦ ᓴᐳᑦᔨᒍᓐᓇᓂᐊᕐᒪᑕ ᐱᒋᐊᕐᑎᑕᐅᔪᓂᑦ ᐃᓘᓐᓈᒍᑦ ᐱᒍᑦᔨᓂᕐᓄᓕᖓᔪᓂᑦ.
  4. ᐊᖏᕐᑕᐅᐸᑕ ᑐᕐᖃᑕᕐᕕᖓᓄᑦ ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ ᑲᑎᒪᔨᒃᑯᓄᑦ, ᑐᓂᓗᒋᑦ ᐸᕐᓀᕈᑎᓕᐊᕕᓂᖅ ᑐᕐᖃᑕᕐᕕᖓᓄᑦ ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ ᐱᒍᑦᔨᕕᖓᓄᑦ.
ᐱᑐᕝᕕᐅᒍᓐᓇᑐᐃᑦ
  • ᖃᐅᔨᒋᐊᕈᒪᒍᕕᑦ ᐋᓐᓂᐊᓯᐅᕆᓂᕐᒧᑦ ᐸᕐᓀᕈᑎᒥᒃ, ᐅᓇ ᓃᓂᕈᒃ
  • ᖃᐅᔨᒋᐊᕈᒪᒍᕕᑦ ᐃᓗᐃᑦᑐᓂᑦ ᖃᐅᔨᓴᕐᓂᒥ ᖃᐅᔨᒍᑎᕕᓂᕐᓂᑦ ᐅᐱᕐᖔᖓᓂ 2018, ᓃᓂᕐᓗᒍ ᐅᓇ
  • ᓀᓪᓕᑎᕐᓯᒪᔪᒥᒃ ᖃᐅᔨᓴᕐᓂᒥ ᖃᐅᔨᒍᑎᕕᓂᕐᓂᑦ ᑕᑯᒍᒪᒍᕕᑦ, ᓃᓂᕐᓗᒍ ᐅᓇ