ᕿᓄᒍᑎᓕᐅᒍᒪᔪᖃᕐᐸᑦ
cfi.nrbhss@ssss.gouv.qc.ca
1-833-405-1234
https://bit.ly/CFI-Booking
(ᑕᑯᒋᐊᕋᑦᓴᐅᒥᔪᑦ Microsoft Booking)
ᐅᒃᑯᐃᖔᕐᕕᖏᑦᑕ ᑫᕙᓪᓚᒍᓯᖏᑦ
ᐊᓪᓕᕇᒥ ᓂᕿᑦᓯᑐᓄᑦ
8:30 ᐅᓪᓛᑯᑦ - 4:30 ᐅᓐᓄᓴᒃᑯᑦ
ᑭᓇᒃᑯᑦ ᑐᑦᓯᕋᐅᑎᓕᐅᕈᓐᓇᐸᑦ ?
ᑕᑲᒃᑯᐊ ᑐᑦᓯᕋᐅᑎᓕᐅᕈᓐᓇᑐᑦ:
- ᐊᖓᔪᕐᖄᑦ ᑲᒪᔨᖓᓘᓐᓃᑦ ᑲᒪᒋᔭᓖᑦ ᐃᓄᑐᐃᓐᓇᒥᒃ ᕿᑐᕐᖓᕆᔭᐅᔪᕐᒥᒃ
- ᐃᓄᑐᐃᓐᓇ ᕿᑐᕐᖓᕆᔭᐅᔪᖅ 16-ᓂᒃ ᐅᑭᐅᓕᓐᓂᑦ ᐅᖓᑖᓄᓪᓘᓃᑦ, ᐃᒻᒥᓂᒃ ᑭᒡᒐᑐᕐᑐᑦ (ᐃᓘᓐᓇᖏᓐᓄᑦ ᐱᒍᑦᔨᒍᑎᓄᑦ)
- ᐃᓄᑐᐃᓐᓇ ᕿᑐᕐᖓᕆᔭᐅᔪᖅ 14-ᓂᒃ ᐅᑭᐅᓕᓐᓂᑦ ᐅᖓᑖᓄᓪᓘᓃᑦ, ᐃᒻᒥᓂᒃ ᑭᒡᒐᑐᕐᑐᑦ (ᐃᓗᓯᓕᕆᔭᐅᓂᕐᒧᑦ ᐱᒍᑦᔨᒍᑎᓄᑦ ᑭᓯᐊᓂ)
- ᐊᖏᕐᑕᐅᓯᒪᑦᓱᓂ ᑭᒡᒐᑐᕐᑐᖅ ᕿᑐᕐᖓᕆᔭᐅᔪᒥᒃ, ᐊᖓᔪᕐᖄᕆᔭᐅᔪᖅ ᑲᒪᔨᖓᓘᓐᓃᑦ (ᐊᖓᔪᕐᖄᕆᔭᐅᔪᖅ ᑲᒪᔨᖓᓘᓐᓃᑦ ᐅᖃᐅᓯᒃᑯᑦ ᐊᓪᓚᓯᒪᔫᑎᓪᓗᒍᓘᓐᓃᑦ ᐊᖏᕈᑎᓕᐅᕐᓯᒪᒋᐊᓖᑦ)
ᑐᑦᓯᕋᐅᑎᓕᐅᕈᓐᓇᓂᖅ
** ᐊᓯᖏᓐᓂᒃ ᐊᓪᓚᖁᑎᓂᒃ ᐃᓚᖃᕆᐊᖃᑐᐃᓐᓇᕆᐊᓕᒃ ᒪᓕᓪᓗᒍ ᑮᓇᐅᔭᓂᒃ ᑐᑦᓯᕋᐅᑎᓕᐊᖑᔪᖅ
ᕿᓄᒍᑎᑕᖏᑦ:
ᑐᑦᓯᕋᐅᑎᓕᐅᕈᓰᑦ
ᐱᒍᓐᓇᓯᑐᐊᕐᐸᑦ ᑐᑦᓯᕋᐅᑏᑦ ᐋᑕᐅᓯᒪᓕᕐᐸᑦ, ᓯᕗᓪᓕᐅᔨᓚᕗᑦ ᕿᑐᕐᖓᕗᑦᐱᓇᓱᑦᑎᖏᑦ ᕿᒥᕐᕈᒐᔭᕐᑐᑦ ᑐᑦᓯᕋᐅᑎᒥᒃ. ᑲᒪᒋᔭᐅᒌᕐᐸᑕ, ᑐᑭᑖᕐᑕᐅᒍᑎᖏᑦ ᖃᐅᔨᑎᑦᓯᐅᑎᐅᒐᔭᕐᑐᑦ ᑐᑦᓯᕋᐅᑎᓕᐅᕐᑐᕕᓂᕐᒧᑦ ᖃᕆᑕᐅᔭᒃᑯᑦ ᑐᕌᒍᑎᖓᒍᑦ. ᑲᒪᒋᔭᐅᒍᑎᐅᑉ ᑭᓯᑦᓯᒍᑎᖓ ᐋᕐᕿᑕᐅᒐᔭᕐᑐᖅ ᑮᓇᐅᔭᖃᕐᑎᑕᐅᓂᕐᒧᑦ ᑐᑦᓯᕋᐅᑎᓕᐊᕕᓂᕐᓄᑦ. ᑌᒣᒻᒪᑦ, ᖃᐅᔨᒋᐊᕕᖃᕈᒪᕈᕕᑦ ᐅᕙᑦᑎᓄᑦ ᑐᑦᓯᕋᐅᑎᕐᐱᑦ ᒥᑦᓵᓄᑦ, ᑲᒪᒋᔭᐅᒍᑎᕐᐱᑦ ᑭᓯᑦᓯᒍᑎᖓ ᐱᔭᐅᓪᓚᕆᒋᐊᓕᒃ ᑮᓇᐅᔭᖃᕐᑎᑕᐅᒍᒪᐅᑎᒨᓕᖓᔪᒥᒃ.
| ᐃᓄᑑᓈᕐᑎᑐᖅ/ᐃᓚᒌᓄᑦ ᑐᑦᓯᕋᐅᑎᒃ | 2 ᐱᓇᓱᓐᓀᑦ ᐅᓪᓗᐃᑦ (ᐊᓪᓕᕇᒥ ᓂᕿᑦᓯᑐᓄᑦ) |
| ᐊᒥᓱᐃᓕᖓᔪᓄᑦ/ᐱᓇᓱᐊᕐᑕᓂᕐᒧᑦ ᑐᑦᓯᕋᐅᑎᒃ | 5 ᐱᓇᓱᓐᓀᑦ ᐅᓪᓗᐃᑦ (ᐊᓪᓕᕇᒥ ᓂᕿᑦᓯᑐᓄᑦ) |
ᓈᒻᒪᒋᖕᖏᑐᐊᕈᕕᒃᑭᑦ ᑐᑭᑖᕐᑕᐅᒍᑏᑦ, ᖃᐅᔨᒋᐊᕈᓐᓇᑐᑎᑦ ᐊᓯᑦᔩᒋᐊᕕᖃᕈᓐᓇᕕᒃ ᖃᕆᑕᐅᔭᕐᑎᒍᑦ.
ᐅᑎᕐᑎᓯᕕᐅᒍᑎᑦᓭᑦ
** ᐱᒻᒪᕆᐅᕗᖅ ᓇᓗᓀᕐᓯᒪᓗᒍ ᓯᕗᓪᓕᐅᔨᓚᕗᑦ ᕿᑐᕐᖓᕗᑦ ᐱᒋᐅᕐᑎᓯᒍᑎᒃ ᐊᑐᐃᓐᓇᐅᑎᑦᓯᓲᖑᖕᖏᓂᖓᓂᒃ ᓯᕗᓂᐊᒍᑦ ᑮᓇᐅᔭᖃᕐᑎᓯᓂᕐᒥᒃ ᑭᓯᐊᓂ ᐊᐅᓚᓂᖃᕐᓱᓂ ᐅᑎᕐᑎᓯᕕᐅᓯᒪᓂᒃᑯᑦ ᑐᖕᖓᕕᖃᕐᓱᓂ ᐃᑲᔪᕐᓯᐅᑎᒋᔭᐅᑎᓪᓗᒋᑦ ᐊᑭᓖᖁᔨᒍᑏᑦ.
ᑭᓇᒃᑰ ᑐᑦᓯᕋᐅᑎᓕᐅᕈᓐᓇᖃᑦ ᐅᑎᕐᑎᓯᕕᐅᒍᒪᓂᕐᒥᒃ?
ᓂᐅᕕᐊᕕᓂᕐᓄᑦ ᐱᒍᑦᔨᐅᑎᐅᓯᒪᔪᓄᓪᓗ ᐊᑭᓕᕐᑕᐅᒌᕐᓯᒪᔪᓄᑦ, ᓇᓪᓕᐊ ᐱᒍᑦᔨᔪᕕᓂᕐᓘᓃᑦ ᑮᓇᐅᔭᕐᑐᕈᑎᑦᓴᓕᐅᕐᑐᕕᓂᖅ ᐅᑎᕐᑕᐅᒍᒪᐅᑎᓕᐅᕈᓐᓇᑐᖅ.
ᖃᓄᖅ ᑲᔪᓯᐅᑦᔨᒍᓐᓇᒪᖔᕐᐱᒋᑦ ᐅᑎᕐᑎᓯᕕᐅᒍᑏᑦ?
ᑐᑦᓯᕋᐅᑎᓕᐅᕈᒪᒍᕕᑦ ᐅᑎᕐᑎᓯᕕᐅᒍᑎᓂᒃ, ᐅᑯᐊ ᒪᓕᓪᓗᒋᑦ ᖃᓄᐃᓘᕐᑕᐅᒍᓯᖏᑦ:
- ᑕᑕᕐᓴᓗᒍ ᐅᑎᕐᑎᓯᕕᐅᒍᒪᒍᑎᒃ ᑐᑦᓯᕋᐅᑎᒃ ᑕᑕᕐᓴᒐᖅ.
- ᑎᒃᑯᐊᓯᓗᒍ ᐅᑎᕐᑎᓯᕕᐅᒍᒪᐅᑎᐅᑉ ᓇᓪᓕᐊᒎᒐᔭᕐᓂᖏᑦ:
- ᑐᕃᓐᓇᑐᒥᒃ ᑐᕐᖁᐃᕕᐅᓂᖅ: ᑕᑕᕐᓴᕇᑦᓯᐊᓗᒍ ᑕᑕᕐᓴᒐᖓ ᐊᒻᒪᓗ ᐱᒍᑦᔨᓗᑎᑦ ᓯᐊᒃᑭᖑᐊᒥᒃ.
- ᓯᐊᒃᑭᒃ: ᑕᑕᕐᓴᕇᕐᓗᒍ ᑕᑕᕐᓴᒐᖓ.
- ᐊᐅᓪᓚᑎᓗᒋᑦ ᐱᔭᕇᕐᓯᒪᔪᑦ ᑕᑕᕐᓴᒉᑦ ᐃᓚᐅᑎᓗᒋᑦ ᐊᑭᓖᖁᔨᒍᑎᖏᑦ ᖃᕆᑕᐅᔭᒃᑯᑦ ᑐᕌᕈᑎᖓᓄᑦ ᐊᖏᑕᐅᒍᑎᖓᓂᒃ ᐊᓪᓚᓯᒪᔪᒧᑦ. ᐃᓚᐅᑎᑦᓯᐊᓗᒍ ᑲᒪᒋᔭᐅᒍᑎᖓᑕ ᑭᓯᑦᓯᒍᑎᖓ ᑮᓇᐅᔭᖃᕐᑎᑕᐅᒍᑎᑦᓴᖓᓅᓕᖓᔪᑦ.
ᓂᐅᕕᐊᒍᑎᕕᓂᕐᓄᑦ ᐊᒻᒪᓗ ᐱᒍᑦᔨᒍᑎᕕᓂᕐᓄᑦ ᐊᑭᓖᒍᑎᐅᒌᕐᓯᒪᓕᕐᑐᓄᑦ, ᐃᓄᒃ ᑮᓇᐅᔭᕐᑐᕈᑎᕕᓂᖏᓐᓂᒃ ᑐᑦᓯᕋᐅᑎᓕᐅᕈᓐᓇᑐᖅ ᐅᑎᕐᑎᓯᕕᐅᒍᒪᐅᑎᒥᑦ. ᐱᒍᑦᔨᔪᑦᓴᓄᑦ ᑐᕃᓐᓇᕕᐅᓗᑕ ᐊᑭᓕᕋᑦᓴᓕᐅᕐᑕᐅᒍᓐᓇᑐᒍᑦ ᐊᖏᕈᑕᐅᓯᒪᒌᕐᑐᓂᒃ ᕿᓄᒍᑎᓂᒃ.
ᖃᐅᔨᒪᒋᑦᓯ ᐅᑎᕐᑎᓯᕕᐅᒍᑏᑦ ᐊᑯᓃᑎᒋᒍᓐᓇᓂᖏᓐᓂᒃ 21-ᓂᒃ ᐱᓇᓱᓐᓀᑦ ᐅᓪᓗᓂ. ᐅᖓᑖᓅᑦᓴᓂᕐᐸᑦ, ᐱᕋᑕᖕᖏᑐᕕᓂᐅᕈᕕᑦ ᑐᕃᓐᓇᑐᒥ ᑐᕐᖁᐃᕕᐅᓂᕐᒧᑦ, ᖃᐅᔨᑎᑕᐅᒍᒪᔪᒍᑦ. ᐅᑎᕐᑎᓯᕕᐅᒍᑏᑦ ᓯᐊᒃᑭᑰᕐᑐᑦ ᐊᑯᓃᓂᕐᓴᐅᕈᓐᓇᒥᔪᑦ.