ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᓄᑦ ᓇᐅᓕᒫᑦ ᐃᓕᒪᓱᖃᑦᑕᖁᔭᐅᕗᑦ - ᐱᓗᐊᕐᑐᖅ ᐃᑯᒪᐅᑎᒨᕐᑐᒥᒃ ᓱᐴᕈᓯᔭᓲᑦ - ᐳᕙᓐᓂᒃ ᓱᒃᑯᐃᓚᕆᐅᒍᓐᓇᒪᑦ ᑐᖁᒍᑕᐅᒍᓐᓇᓱᓂᐊᓪᓛᑦ ᐃᑯᒪᐅᑎᒨᕐᑐᒥᒃ ᓱᐴᕐᑐᖃᑦᑕᓂᕐᒨᑐᐃᓐᓇᕆᐊᓕᒻᒥᒃ.
ᖃᒻᒥᖅ ᓱᓂᐅᖃᑦᑕᑐᑦ:
ᐊᒥᐊᔨᑫᑦ ᓄᓇᖓᓂ ᑲᓇᑕᒥᓗ, ᐊᖓᔪᕐᖃᐅᑏᑦ ᖃᐅᔨᓴᕐᑐᑦ ᐳᕙᒃᑯᑦ ᓱᒃᑯᑕᐅᓪᓚᕆᑦᓯᒪᔪᓂᒃ ᐃᑯᒪᐅᑎᒨᕐᑐᒥᒃ ᓱᐴᕐᑐᖃᑦᑕᓂᕋᕐᓯᒪᑦᓱᑎᒃ ᐃᓅᒍᓐᓀᖃᑦᑕᑐᓂᓪᓗ ᐃᑯᒪᐅᑎᒨᕐᑐᒥᒃ ᓱᐴᕐᑐᖃᑦᑕᓂᕋᕐᓯᒪᔪᕕᓂᐅᑦᓱᑎᒃ. ᐅᓄᕐᓂᓭᑦ ᐃᑯᒪᐅᑎᒨᕐᑐᒥᒃ ᓱᐴᕐᑐᖃᑦᑕᓯᒪᔪᑦ ᐅᐊᕈᑦᓯᓯᒪᔪᓂᒃ cannabinoids -ᓚᔭᐅᔪᕐᑕᓕᓐᓂᒃ ᒪᑯᓂᖓ THC, CBD (ᑖᒃᑯᐊ ᑳᓇᐱᔅᓚᔭᐅᔪᒥ ᐅᐊᕈᑎᒋᔭᐅᓲᑦ). ᐃᓚᖏᑦ ᐃᑯᒪᐅᑎᒨᕐᑐᒧᑦ ᓱᐴᕐᑐᖃᑦᑕᓯᒪᔪᑦ cannabinoids -ᓚᔭᐅᔪᓂᒃ nicotine -ᓚᔭᐅᔪᓂᓪᓗ, nicotine -ᓚᔭᐅᔪᓂᑐᐊᕐᓘᓃᑦ.
ᑕᕐᕿᓂ ᐊᓂᒍᕐᖃᒥᓐᓂ, 2000 ᐅᖓᑖᓅᕐᑐᑦ ᐳᕙᓕᕆᖃᑦᑕᓂᕐᖁᑦ ᐃᑯᒪᐅᑎᒨᕐᑐᒥᒃ ᓱᐴᕐᑐᖃᑦᑕᓂᕐᒨᓕᖓᔪᓂᒃ ᑐᓴᕐᑎᓯᒍᑎᐅᓯᒪᑦᓱᑎᒃ ᐊᒥᐊᔨᑫᑦ ᓄᓇᖓᓂ, 50-ᐅᑐᐃᓐᓇᕆᐊᓖᓪᓗ ᐃᓅᒍᓐᓀᕈᑎᖃᕐᓯᒪᑦᓱᑎᒃ ᑕᒪᑐᒥᖓ ᓱᕐᖁᐃᑐᒥᒃ. ᑯᐯᒃᒥ, ᐱᖓᓱᑦ ᐳᕙᓕᕆᖃᑦᑕᓂᕐᖁᑦ ᐃᑯᒪᐅᑎᒨᕐᑐᒥᒃ ᓱᐴᕐᑐᖃᑦᑕᓂᕐᒨᓕᖓᔪᓂᒃ ᓱᕐᖁᐃᑐᒥᒃ.
ᐅᓪᓗᒥᒧᑦ, ᓱᓇᓪᓚᕆᒻᒥᒃ ᓱᒃᑯᕈᑎᖃᖃᑦᑕᒪᖔᑕ ᓇᓗᓀᕐᑕᐅᓯᒪᕋᑕᖕᖏᑐᖅ.
ᐃᑯᒪᐅᑎᒨᕐᑐᒥᒃ ᑐᐹᑭᖃᑦᑕᓂᖅ (ᓱᐴᕐᑐᖃᑦᑕᓂᖅ) ᓱᓇᐅᕙ ?
ᐃᑯᒪᐅᑎᒨᕐᑐᒥᒃ ᑐᐹᑭᑦᑐᖅ (ᓱᐴᕐᑐᑐᖅ) ᓂᐅᕐᓯᖃᑦᑕᓱᓂ ᐊᓂᕐᓵᖃᑦᑕᓱᓂᓘᓲᖅ ᐳᔪᕐᒥᒃ ᐃᑯᒪᐅᑎᒨᕐᑐᒧᑦ ᓱᐴᕈᑎᒧᑦ.
ᐊᓂᕐᓵᑕᖓ ᐱᑕᖃᕈᓐᓇᑐᖅ ᐅᐃᕆᒪᓇᕐᑐᓂᒃ nicotine-ᓚᔭᐅᔪᒥᒃ, ᑎᐸᑦᓯᐊᓂᓪᓗ ᑳᓇᐱᔅᓚᔭᐅᔪᓂᓪᓗ (ᓇᓪᓕᖏᓐᓂᒃ THC, CBD).
ᓰᑲᔨᐊᑎᑑᖕᖏᓇᒥ, ᐃᑯᒪᐅᑎᒨᕐᑐᖅ ᓱᐴᕈᑎ ᐊᐅᒻᒪᑕᐅᒋᐊᖃᓲᒍᖕᖏᑐᖅ. ᐃᒪᕐᑕᖓ ᐆᓇᕐᓯᑎᑕᐅᓲᖅ ᐊᓂᕐᑎᕆᔭᐅᒍᓐᓇᓯᑦᓱᓂ, ᑌᒪ ᐳᔪᕐᓗᖑᕐᓂᐊᓕᕐᒪᑦ.
ᑳᓇᐱᔅᒍᓂᕋᕐᑕᖅ ᐱᓪᓗᒍ, ᓂᐅᕐᖃᑕᐅᒍᓐᓇᒥᔪᖅ ᐃᒪᖓᑕ ᐳᔪᖓ ᐊᒻᒪᓗ ᐊᐅᑦᑎᓱᒍ ᐸᕐᖄᑎᒻᒪᕆᑦᓱᒍ, ᑳᓇᐱᔅᒍᓂᕋᕐᑕᖅ (THC) (ᐃᓗᐃᒃᑲᐅᑎᓪᓗᒍ ᐃᒪᐅᑎᓪᓗᒍᓘᓐᓃᑦ).
ᓂᐅᕐᖃᕈᑏᑦ ᐊᑦᔨᒌᖕᖏᑐᑦ ᑌᔭᐅᒍᓯᕆᓲᖏᑦ: e-cigarettes or electronic cigarettes, oil pens, vape pens, THC e-juice, carts, wax pens, mods, pods, sub-ohms, dab rigs, dab pens, electronic nicotine delivery system, e-hookah, etc.
ᑕᒪᓐᓇ ᑲᓇᑕᒥ ᖃᓄᐃᓘᕈᑎᐅᕙ ᓄᓇᕕᒻᒥᓗ ?
ᑲᓇᑕᒥ ᖃᓄᐃᖕᖏᓯᐊᕐᓂᓕᕆᔩᑦ ᑯᐯᒃᒥᓗ ᑐᕐᖃᑕᕐᕕᑯᑦ ᖃᓄᐃᖕᖏᓯᐊᕐᓂᓕᕆᓂᕐᒧᑦ ᐃᒫᙰᕈᑎᓕᐅᕐᓯᒪᓕᕐᑐᑦ ᐱᑦᔪᑎᒋᑦᓱᒍ ᐳᕙᒻᒥᒃ ᓱᒃᑯᐃᓚᕆᖃᑦᑕᓂᖓᑕ ᑕᑯᔭᐅᖃᑦᑕᓂᖓ ᐊᑐᕐᑕᐅᖃᑦᑕᓂᖏᑦᑕᓗ ᓂᐅᕐᖃᕈᑎᐅᖃᑦᑕᑐᑦ. ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᑕᒪᑐᒥᖓ ᐃᑉᐱᒋᔭᖃᑦᓯᐊᒪᕆᑦᑐᑦ ᖃᐅᔨᓴᐅᑎᑦᓴᓕᐅᕐᓯᒪᑦᓱᑎᓪᓗ ᓄᓇᕕᒻᒥ ᑌᒣᓐᓂᐅᔭᕐᑐᖃᕐᓂᐸᑦ.
ᖃᓄᐃᒍᑎᐅᒍᓐᓇᓂᖓ ᐅᓐᓂᑑᑎᓕᐊᒍᓯᒪᔪᐃᓪᓗ ᓂᐅᕐᖃᕈᑕᐅᖃᑦᑕᑐᓅᓕᖓᔪᑦ:
ᓂᐅᕐᖃᕈᑏᑦ ᐊᑦᑕᓇᕐᓂᑕᖃᕐᐳᑦ. ᖃᓄᓪᓗᐊᑎᒋ ᐊᑯᓂᕐᑐᒨᓕᖓᔪᒥᒃ ᓱᕐᕃᓂᕆᒍᓐᓇᑕᖏᑦ ᖃᓄᐃᖕᖏᓯᐊᕆᐊᖃᕐᓂᒥᒃ ᖃᐅᔨᒪᔭᐅᕋᑕᖕᖏᑐᑦ.
ᑕᒐᑕᒐ, ᑭᓇᓕᒫᒃᑯᑦ ᐃᑯᒪᐅᑎᒨᕐᑐᒥᒃ ᓱᐴᕈᓯᔭᖃᑦᑕᕆᐊᖃᖕᖏᑐᑦ ᐋᖓᔮᓐᓇᑐᕐᑕᓕᒻᒥᒃ ᑳᓇᐱᔅᒍᓂᕋᕐᑕᒥᒃ (cannabinoids -ᓚᔭᐅᔪᕐᑕᓕᓐᓂᓘᓐᓃᑦ ᒪᑯᓂᖓ THC, CBD), ᐃᑯᒪᐅᑎᒨᕐᑐᖅ ᓱᐴᕈᑎ ᐱᖁᔭᑎᒍᑦ ᓂᐅᕕᐊᕆᔭᐅᒍᓐᓇᑎᓪᓗᒍ ᓂᐅᕕᐊᒍᓐᓂᐸᑦ ᐅᕝᕙᓘᓐᓃᑦ ᐱᖁᔭᑎᒍᑦ ᓂᐅᕕᐊᑦᓴᐅᑎᓐᓇᒍ ᐱᔭᐅᓐᓂᐸᑦ.
ᐊᓯᖏᓪᓗ ᐃᑯᒪᐅᑎᒨᕐᑐᒧᑦ ᓱᐴᕐᑐᑕᐅᓲᑦ ᑳᓇᐱᔅᒍᓂᕋᕐᑕᒥᒃ ᐱᑕᖃᕋᑎᒃ (nicotine-ᓚᔭᐅᔪᒥᒃ ᐱᑕᖃᕐᓱᑎᑦ ᐱᑕᖃᕋᑎᓪᓘᓃᑦ): ᐅᕕᒐᕐᑐᐃᖅ, ᐱᐊᕋᑦᓴᓖᑦ ᑐᐹᑭᑦᓲᒍᖕᖏᑐᓪᓗ ᐱᑦᑌᓕᒋᐊᖃᕐᐳᑦ ᑕᒪᒃᑯᓂᖓ.
ᐃᑯᒪᐅᑎᒨᕐᑐᒥᒃ ᓱᐴᕈᓯᔭᖃᑦᑕᓚᖓᒍᕕᑦ, ᐃᑉᐱᒍᓱᑦᓯᐊᕆᑦ:
- ᖁᐃᕐᑐᖃᑦᑕᕈᕕᑦ, ᐃᐱᓂᐊᖃᑦᑕᕈᕕᑦ ᓴᕝᕕᓕᕆᖃᑦᑕᕈᕕᓪᓘᓃᑦ ᒪᓗᓐᓇᕈᑎᐅᒻᒪᑕ. ᐋᓐᓂᐊᕕᓕᐊᑦᓴᐅᑎᒋᖃᑦᑕᕆᑦ ᓇᓪᓕᖏᓐᓂᒃ ᑕᑉᐱᑯᐊ ᒪᓗᓐᓇᐅᑎᖃᕈᕕᑦ ᖃᐅᔨᑎᑦᓯᐊᓗᒋᑦ ᑲᒪᔨᑎᑦ ᓇᓪᓕᐊᓂᒃ ᓂᐅᕐᖃᖃᑦᑕᓂᕐᒪᖔᕐᐱᑦ.
- ᐋᓐᓂᐊᓯᐅᕐᑏᑦ ᖃᐅᔨᑎᓗᒍ ᓂᐅᕐᖃᓲᒍᒻᒪᖔᕐᐱᑦ ᓂᐅᕐᖃᓯᒪᒻᒪᖔᕐᐱᓘᓐᓃᑦ, ᓱᓇᐅᒻᒪᖔᑕᓗ ᓂᐅᕐᖃᓯᒪᔭᑎᑦ.
- ᓂᐅᕕᐊᑦᓴᓕᐅᕐᑐᓄᑦ ᓂᐅᕕᐊᑦᓴᓕᐊᕕᓃᑦ ᐊᓯᑦᔨᑐᕐᑌᓕᒋᐊᓕᑎᑦ ᐃᓛᕐᑐᕈᓐᓀᓗᒋᓪᓗ ᐋᖓᔮᕋᓱᐊᕈᑎᐅᓲᑦ.
ᖃᕆᑕᐅᔭᒃᑯᑦ ᑕᑯᒋᐊᕋᑦᓭᑦ:
- Safety alert – Health Canada – 4 September 2019: https://healthycanadians.gc.ca/recall-alert-rappel-avis/hc-sc/2019/70919a-eng.php
- Press release – Ministère de la Santé et des Services Sociaux – 27 September 2019 : https://www.msss.gouv.qc.ca/ministere/salle-de-presse/communique-1927/
- Advisory on vaping of cannabis products – Ministère de la Santé et des Services sociaux – 20 November 2019 : https://www.msss.gouv.qc.ca/professionnels/tabagisme-et-vapotage/vapotage/mise-en-garde-contre-le-vapotage-de-cannabis/
- Advisory on vaping of products with or without nicotine – Ministère de la Santé et des Services sociaux – 25 november 2019 : https://www.msss.gouv.qc.ca/professionnels/tabagisme-et-vapotage/vapotage/mise-en-garde-contre-les-produits-de-vapotage-avec-ou-sans-nicotine/