ᑎᒥᒃᑯᑦ ᖃᓄᐃᖕᖏᓯᐊᕆᐊᖃᕐᓂᖅ

ᑕᒡᒐᓂ ᐊᓪᓚᓯᒪᔪᑦ ᓄᐃᑕᑎᑦᓯᔪᑦ ᑎᒥᐅᑉ ᖃᓄᐃᖏᓯᐊᕐᓂᓕᕆᓂᕐᒧᑦ ᐱᒍᑦᔨᒍᑎᐅᒍᓐᓇᑐᓂᒃ ᓄᓇᕕᒻᒥᐅᓄᑦ.  ᓃᓂᕐᓗᒍ ᑐᑭᓯᒍᒪᔭᑎᑦ ᐃᓕᑦᓯᓂᐊᕋᕕᑦ ᖃᐅᔨᓗᑎᓪᓗ ᖃᓄᖅ ᐱᒍᑦᔨᒍᑏᑦ ᐱᕕᑦᓴᐅᒍᓐᓇᕕᖃᕐᒪᖔᑕ ᑭᖕᖒᒪᒋᔭᐅᑎᓐᓄᑦ ᓇᓪᓕᒋᔭᕐᓅᓕᖓᔪᓂᒃ. 
 
ᖃᐅᔨᒍᒪᒍᔪᖃᕐᐸᑦ ᐱᒍᑦᔨᒍᑎᐅᒍᓐᓇᑐᓂᒃ, ᑕᑯᒋᐊᕐᓗᒋᑦ ᐅᕙᓂ ᐱᑦᔪᔨᕖᑦ
 
ᐊᑦᔨᒋᖏᑐᓂᒃ ᓱᓇᓱᐊᕐᑎᓯᒍᑏᑦ - ᐋᓐᓂᐊᓂᓕᕆᓂᒃᑯᑦ ᑎᒥᓕᕆᓂᕐᒧᑦ
ᐊᑦᔨᒋᖏᑐᓂᒃ ᓱᓇᓱᐊᕐᑎᓯᒍᑏᑦ - ᐋᓐᓂᐊᓂᓕᕆᓂᒃᑯᑦ ᕿᒥᕐᕈᒍᑎᓄᑦ
ᐊᑦᔨᒋᖏᑐᓂᒃ ᓱᓇᓱᐊᕐᑎᓯᒍᑏᑦ - ᐋᓐᓂᐊᓯᐅᑎᓕᕆᓂᖅ
ᑭᒍᑌᕐᓯᔩᑦ
ᑎᒥᒃᑯᑦ ᐱᕐᖃᔦᕐᓯᒪᓃᑦ ᐊᒻᒪᓗ ᐱᔪᓐᓇᓯᑎᑕᐅᒋᐊᓪᓚᕈᑎᖏᑦ
ᐱᐊᕋᑦᓴᖃᕐᓂᒧᑦ ᐊᒻᒪᓗ ᐱᐊᕋᕐᑖᓂᕐᒧᑦ"Muli"a>
ᐋᓐᓂᐊᓇᕐᑐᒪᕇᑦ, ᐊᕐᕿᑕᐅᕐᖃᔭᖕᖏᑐᐃᑦ ᐊᒻᒪᓗ ᑲᒪᒋᔭᐅᓂᖃᕆᐊᓖᑦ
ᑲᒪᒋᐊᑦᓴᐅᑎᒋᒍᓐᓇᑐᐃᑦ ᐱᒍᑦᔨᒍᑎᖏᑦ
ᐱᒍᑦᔨᓯᒋᐊᕈᓐᓇᑐᐃᑦ ᐱᒍᑦᔨᒍᑎᖏᑦ
ᖃᕆᑕᐅᔭᒃᑯᑦ ᐱᒍᑦᔨᒍᑏᑦ 
ᐃᓗᓯᓕᕆᓂᕐᒥᒃ ᐱᒍᑦᔨᐅᑎᓂᒃ ᕿᒥᕐᕈᓂᖅ: ᐋᓐᓂᐊᕕᐅᑉ ᐱᓇᓱᐊᒐᖏᑦ ᑎᒥᐅᑉ ᖃᓄᐃᖏᓯᐊᕐᓂᖓᓄᑦ


ᐊᑦᔨᒋᖏᑐᓂᒃ ᓱᓇᓱᐊᕐᑎᓯᒍᑏᑦ - ᐋᓐᓂᐊᓂᓕᕆᓂᒃᑯᑦ ᑎᒥᓕᕆᓂᕐᒧᑦ 

ᐅᑦᑐᕋᕐᑕᐅᒍᓐᓇᑐᑦ 

ᐊᐅᒃᑯᑦ ᖃᐅᔨᓴᕐᑕᐅᒍᒪᔪᖃᓕᑐᐊᕐᒪᑦ ᐊᓯᖏᓐᓂᓘᓐᓃᑦ, ᐃᓅᓕᑦᓯᕕᐅᓪᓗ ᑐᓚᑦᑕᕕᐅᓪᓗᐊᓐᓂᐊᕕᖏᑦ ᑕᒪᒃᑯᐊᓗ ᓄᓇᓖᑦ ᐋᓐᓂᐊᕕᐊᕈᖏᑦ ᐱᒍᑦᔨᒐᑦᓴᖃᓲᑦ ᐅᖃᕐᖄᓗᑯᐊᐱᖕᖏᑐᓄᑦ ᐊᒻᒪᓗ ᐱᓇᓱᐊᕈᓯᐅᑉ ᐃᓗᐊᓂ ᓇᒻᒪᓇᕐᓯᒪᑎᑕᐅᔪᓄᑦ.  ᑐᑭᓯᒋᐊᕈᒪᔪᖃᕐᐸᑦ ᐅᓪᓗᕆᔭᐅᓲᓂᒃ ᐊᐅᓕᕆᓂᕐᒧᑦ, ᐅᖄᓚᕕᖃᕐᓗᓂ ᓄᓇᓕᑦ ᐋᓐᓂᐊᕕᖓᓂᒃ ᐅᕝᕙᓘᓐᓃᑦ ᐋᓐᓂᐊᕕᒻᒪᕆᒻᒧᑦ. 
 
ᖃᐅᔨᓴᓕᕈᕕᑦ ᐳᐃᒍᕐᑌᓖᒋᐊᓖᑦ ᒪᑯᐊ: 

  • ᓯᕿᓂᖕᖑᐊᑭᕐᓗᑎᑦ*; 
  • ᒪᓕᑦᑕᐅᒋᐊᓕᓐᓂᒃ, ᐊᑐᕐᓂᖃᕐᐸᑦ, ᑕᑯᓂᐊᓚᐅᕋᓂ (ᐊᕿᐊᕈᕐᒥᒍᓐᓀᓗᓂ, ᐃᒥᐊᓗᑦᓯᒪᒍᓐᓀᓗᓂ, ᐊᓯᖏᓐᓂᓗ); 
  • ᐋᓐᓂᐊᓯᐅᑎᑐᕈᓐᓀᓗᑎᑦ ᐊᐅᒃᑯᑦ ᖃᐅᔨᓴᕐᑕᐅᓚᖓᓗᑎᑦ ᐅᓪᓛᑯᑦ, ᐊᓯᐊᒍᕐᑎᑕᐅᓚᖓᖏᑯᕕᑦ ᐋᓐᓂᐊᓯᐅᕐᑎᓄᑦ; 
  • ᑎᒻᒥᓐᓂᑦ ᐱᓯᒪᔪᒃᑭᓗᑎᑦ ᐋᓐᓂᐊᓯᐅᕐᑎᓄᑦ ᐴᑦᓴᑖᕐᑎᑕᐅᒪᒍᑎᓐᓄᑦ, ᑕᒪᓐᓇᐅᒍᓐᓇᑐᐊᕐᐸᑦ. 

ᑎᒥᒻᒥᐅᔭᕐᓂᒃ ᐱᔦᓂᕐᒧᑦ ᐊᖏᕐᕋᒥ 
ᐊᖏᕐᕋᒥ ᑎᒥᒻᒥᐅᔭᕐᓂᒃ ᐲᔦᔪᖃᕈᓐᓇᑐᖅ ᑕᒪᒃᑯᓄᖓ ᑭᓯᐊᓂ ᐱᕐᖃᔭᑦᓯᐊᖏᑦᑐᓄᑦ ᐊᒻᒪᓗ ᓇᓗᓀᕐᑕᐅᓯᒪᔪᓄᑦ. 
 
* ᓯᕿᓂᖕᖑᐊᑦ ᐊᑐᕐᖃᔦᕐᓯᒪᑐᐊᕐᐸᑦ, ᑕᑯᓂᐊᕆᐊᓕᒃ ᓄᓇᓕᐅᑉ ᐋᓐᓂᐊᕕᖓᓄᑦ ᐋᓐᓂᐊᕕᒻᒪᕆᒻᒧᓘᓐᓃᑦ ᑕᑕᕐᓭᒋᐊᕐᑐᓗᓂ ᓯᕿᓂᖕᖑᐊᑖᕈᑎᒥᒃ. 
 

ᐊᑦᔨᒋᖏᑐᓂᒃ ᓱᓇᓱᐊᕐᑎᓯᒍᑏᑦ - ᐋᓐᓂᐊᓂᓕᕆᓂᒃᑯᑦ ᕿᒥᕐᕈᒍᑎᓄᑦ 

ᐋᓐᓂᐊᓂᓕᕆᓂᒃᑯᑦ ᕿᒥᕐᕈᒍᑏᑦ ᑐᑭᓯᒪᐅᑎᑦᓴᑖᕈᑎᐅᒍᓐᓇᐳᖅ ᐊᓂᕐᑎᕆᔫᑉ ᑎᒥᖓᓄᐊᖓᔪᓂᒃ ᒪᑯᑎᒎᓇ ᑕᕐᕋᑐᕐᑕᐅᓂᒃᑯᑦ, ᓴᓇᔭᐅᒪᔪᓄᓪᓗ ᑕᑯᒍᑎᓄᑦ, ᓂᐱᖃᕐᓂᑯᑦ ᑕᑯᑦᓴᐅᑎᑦᓯᓂᒃᑯᑦ.
ᐋᓐᓂᐊᓯᐅᕐᑎᒥᒃ ᕿᒥᕐᕈᔭᐅᖁᔨᔪᖃᕆᐊᓕᒃ ᐋᓐᓂᐊᓂᓕᕆᓂᒃᑯᑦ ᑕᑯᒋᐊᕐᑕᐅᕈᒪᔪᖃᑐᐊᕐᐸᑦ.  ᑕᒪᓐᓇ ᐱᓪᓗᒍ, ᑕᑯᓂᐊᕆᐊᖃᕋᔭᕐᐳᑎᑦ ᐃᓚᒌᑦ ᐋᓐᓂᐊᓯᐅᕐᑎᖓᓂᒃ ᐊᓯᐊᓂᓘᓐᓃᑦ ᐋᓐᓂᐊᓯᐅᕐᑎᒥᒃ ᓄᓇᓖᑦ ᐊᓐᓂᐊᕕᖓᓂᑦ ᐋᓐᓂᐊᕕᒻᒪᕆᒻᒥᓘᓐᓃᑦ . 
 
ᕿᒥᕐᕈᔭᐅᑐᐃᓐᓇᕆᐊᖃᕐᓂᒧᑦ 
 
ᑕᕐᕋᑐᕐᑕᐅᓂᒃᑯᑦ ᐊᒻᒪᓗ ᓈᒃᑯᑦ ᕿᒥᕐᕈᔭᐅᓂᒃᑯᑦ 
 
ᓄᓇᕕᒻᒥ, ᐋᓐᓂᐊᓂᓕᕆᓂᒃᑯᑦ ᕿᒥᕐᕈᔭᐅᔪᖃᕈᓐᓇᐳᖅ ᑕᕐᕋᑐᕐᑕᐅᓂᒃᑯᑦ ᐊᒻᒪᓗ ᓈᒃᑯᑦ ᕿᒥᕐᕈᔭᐅᓂᒃᑯᑦ.  ᑕᒪᒃᑯᐊ ᕿᒥᕐᕈᔭᐅᒍᓐᓇᓲᖑᕗᑦ ᐃᓅᓕᑦᓯᕕᐅᑉ ᐋᓐᓂᐊᕕᖓᓂᓗ ᐅᖓᕙᐅᑉ ᑐᓚᑦᑕᕕᒃ ᐋᓐᓂᐊᕕᖓᓂᓗ.  ᖃᐅᔨᒪᔭᐅᒋᐊᓕᒃ ᑖᒃᑯᐊ ᐊᓐᓂᐊᕖᑦ ᑲᖏᕐᓱᐊᓗᔾᔪᐊᒥ, ᓴᓪᓗᓂ, ᐃᓄᑦᔪᐊᒥ ᐊᒻᒪᓗ ᑰᔾᔪᐊᕌᐱᒻᒥ ᑕᕐᕋᑐᕈᑎᖃᕐᒪᑕ ᐊᑐᕐᑕᐅᒋᐊᖃᓕᕈᑎᒃ ᐊᑐᕐᑕᐅᓯᓲᓂᒃ.  ᖃᐅᔨᓴᕐᕕᖃᕈᓐᓇᐳᑎᑦ ᐋᓐᓂᐊᓯᐅᕐᑎᒥᒃ ᖃᖓᐅᓕᕐᐸᑦ ᐋᓐᓂᐊᓂᓕᕆᓂᒃᑯᑦ ᕿᒥᕐᕈᔭᐅᒍᓐᓇᓂᐊᕐᒪᖔᕐᐱᑦ. 

ᖃᕆᑕᐅᔭᓕᒻᒧᑦ ᑎᒥᓕᒫᒥᒃ ᕿᒥᕐᕈᒍᑎᒃ, ᓴᐅᓂᕐᓂᒃ ᕿᒥᕐᕈᒍᑎᒃ, ᓈᕐᒥᒃ ᕿᒥᕐᕈᒍᑎᒃ ᐊᓯᖏᓐᓂᓗ ᕿᒥᕐᕈᒍᑎᐅᒍᓐᓇᒥᔪᓄᑦ 
ᑌᒣᑦᑐᓂᒃ ᕿᒥᕐᕈᑎᖃᖕᖏᑐᖅ ᑕᒫᓂ ᓄᓇᒥ.  ᐅᐱᓐᓇᕋᓂ ᕿᒥᕐᕈᔭᐅᔪᖃᓲᖑᕗᖅ ᒪᓐᑐᔨᐊᑉ ᐋᓐᓂᐊᕕᖓᓅᑦᑐᓄᑦ ᑭᓯᐊᓂ.  ᒪᓕᓪᓗᒋᑦ ᐋᓐᓂᐊᓯᐅᕐᑎᒋᔦᑦ, ᐋᓐᓂᐊᕕᓪᓘᓃᑦ ᐅᕝᕙᓘᓐᓃᑦ ᐋᓐᓂᐊᕕᐅᑉ ᐸᕐᓀᑎᖏᑦ ᐊᒻᒪᓗᑦᑕᐅᖅ ᐋᓐᓂᐊᕕᓕᐊᕐᓯᒪᔪᓂᒃ ᑲᒪᔩᑦ ᐃᑲᔪᕐᓂᐊᑐᑦ ᐃᓕᓐᓂᒃ ᕿᒥᕐᕈᔭᐅᒋᐊᖃᓕᕈᕕᑦ. 

ᐊᑦᔨᒋᖏᑐᓂᒃ ᓱᓇᓱᐊᕐᑎᓯᒍᑏᑦ - ᐋᓐᓂᐊᓯᐅᑎᓕᕆᓂᖅ

ᓄᓇᕕᒻᒥ, ᓄᓇᓖᑦ ᐋᓐᓂᐊᕕᖏᓪᓗ ᐋᓐᓂᐊᕕᒻᒪᕆᓪᓗ ᐋᓐᓂᐊᓯᐅᑎᓕᕆᓂᕐᒥᒃ ᐱᒍᑦᔨᓂᖃᓲᖑᕗᑦ 
ᐃᓅᓕᑦᓯᕕᐅᓪᓗ ᑐᓚᑦᑕᕕᐅᓪᓗ ᐋᓐᓂᐊᕕᖏᓐᓂ ᐊᒻᒪᓗ ᓄᓇᓖᑦ ᐋᓐᓂᐊᕕᖏᓐᓂ.  ᑖᒃᑯᐊ ᐅᒃᑯᐃᖔᓲᑦ 
ᐊᓪᓕᕇᒥᑦ ᓂᕿᑦᓯᕕᒻᒧᑦ 9:00-ᖑᒥᑦ ᐅᓪᓛᑯᑦ 12:00-ᖑᒧᑦ ᐊᒻᒪᓗ 1:00-ᖑᒥᑦ 5:00-ᖑᒧᑦ ᐅᓐᓄᓴᒃᑯᑦ.
 

ᑭᒍᑌᕐᓯᔩᑦ 

ᑭᒍᑌᕐᓯᔨᓄᑦ ᐱᒍᑦᔨᒍᑏᑦ ᐱᕕᖃᕐᑎᑕᐅᓲᖑᕗᑦ ᑕᓯᐅᔭᕐᔪᐊᑉ ᓄᓇᓕᖏᓐᓂ ᐳᕕᕐᓂᑐᒥ ᐃᓄᑦᔪᐊᒥ ᐊᒻᒪᓗ ᓴᓪᓗᓂ.  ᐅᖓᕙᒥᓕ, ᑌᒣᑦᑐᒧᑦ ᐱᒍᑦᔨᒍᑎᖃᕐᐳᖅ ᑰᔾᔪᐊᒥ, ᑲᖏᕐᓱᔪᐊᒥᓗ ᑲᖏᕐᓱᐊᓗᔾᔪᐊᒥᓗ. 
 
ᑕᑯᓂᐊᕈᒪᒍᕕᑦ ᑭᒍᑌᕐᓯᔨᒥᒃ ᑕᑯᓂᐊᕈᓐᓇᐳᑎᑦ ᓄᓇᓕᐅᑉ ᐋᓐᓂᐊᕕᖓᓂᒃ ᐅᕝᕙᓘᓐᓃᑦ ᐋᓐᓂᐊᕕᒻᒪᕆᐅᑉ ᑭᒍᑌᕐᓯᔨᖓᓂᒃ. 
 
ᐃᓅᓕᑦᓯᕕᐅᑉ ᑭᒍᑌᕐᓯᕕᖓᑦ 
ᐅᖄᓚᐅᑎᖓ 819-988-2957, ᐊᒻᒪᕕᒋᓗᒍ 288 
 
ᑐᓚᑦᑕᕕᒃ ᐋᓐᓂᐊᕕᖓᑕ ᑭᒍᑌᕐᓯᕕᖓᑦ 
ᐅᖄᓚᐅᑎᖓ: 819-964-2905, ᐊᒻᒪᕕᒋᓗᒍ 220 
 
ᐃᓚᖏᓐᓂᒃ ᓄᓇᓕᓐᓂ ᑭᒍᑎᓕᕆᔭᐅᓂᕐᓴᐅᒍᑎᓂᒃ ᐱᕕᖃᕐᑎᑕᐅᓲᖑᕗᖅ ᑭᒍᑌᕐᓯᔨᓄᑦ ᑕᒫᓂ ᓄᓇᒦᑦᑐᓄᑦ ᐅᕝᕙᓘᓐᓃᑦ ᑕᑯᒋᐊᖁᔨᓯᓲᖑᑦᓱᑎᒃ ᑭᒍᑎᖕᖑᐊᓕᕆᔨᒥᒃ, ᐊᓪᓕᕈᓕᕆᔨᓂᒃ ᐅᕝᕙᓘᓐᓃᑦ ᑮᓇᓕᕆᔨᓂᒃ.  ᔭᕆᐊᖃᑐᐊᕐᒪᑦ ᑭᒍᑌᕐᓯᔨᒥᒃ ᑲᒪᒋᔭᐅᖁᔨᔪᖃᑐᐃᓐᓇᕆᐊᓕᒃ ᖃᓪᓗᓈᓂ ᑭᒍᑎᓕᕆᔨᒧᑦ. 

ᑎᒥᒃᑯᑦ ᐱᕐᖃᔭᑦᓯᐊᖏᓐᓂᒧᑦ ᐊᒻᒪᓗ ᐊᕐᕿᕙᓪᓕᐊᓂᕐᒧᑦ 

ᑎᒥᒃᑯᑦ ᐱᕐᖃᔭᑦᓯᐊᖏᓐᓃᑦ ᐃᒣᑦᑑᒪᑕ ᐱᕐᖃᔭᑦᓯᐊᕋᓂ ᑐᓵᓂᒃᑯᑦ, ᑕᑯᓐᓈᓂᒃᑯᑦ, ᐅᖄᓂᒃᑯᑦ ᐅᕝᕙᓘᓐᓃᑦ ᑎᒥᒃᑯᑦ.  ᑕᒪᓐᓇ ᐱᒋᐊᕈᓐᓇᓲᖑᕗᖅ ᐃᓅᓕᕐᑐᖃᑐᐊᕐᒪᑦ ᐅᕝᕙᓘᓐᓃᑦ ᖃᖓᑐᐃᓐᓇᓕᒫᒃᑯᑦ ᐃᓅᓯᕐᒥ.  ᑕᒪᓐᓇ ᑌᒣᑦᑑᖏᓐᓇᓕᒫᓯᓲᖑᕗᖅ ᑲᔪᓯᑎᑦᓯᓯᐊᕐᖃᔦᕐᓱᓂᓗ ᓱᓇᓱᐊᕐᑕᐅᓲᑐᖃᕐᓂᒃ ᐊᒻᒪᓗ ᐃᓄᖃᑎᑦᓯᐊᓂᕐᒥᒃ ᐊᓯᖏᓐᓂᓗ. 
ᐱᒍᑦᔨᒍᑏᑦ ᑎᒥᐅᑉ ᐱᕐᖃᔭᑦᓯᐊᖏᓐᓅᓕᖓᔪᑦ ᑐᕌᒐᖃᕐᐳᖅ ᒪᑯᓂᖓ: 

  • ᐱᕙᓪᓕᐊᑎᑦᓯᓗᑎᒃ ᑲᔪᓯᑎᑦᓯᓗᑎᓪᓗ ᐃᒻᒥᓂᒃ ᐊᐅᓚᒍᓐᓇᓂᖏᓐᓂᒃ; 
  • ᑖᒃᑯᐊ ᐱᕐᖃᔭᑦᓯᐊᖏᑦᑑᒍᑎᖏᓐᓄᑦ ᑕᐅᕐᓰᓯᒪᒍᑎᖏᓐᓂᒃ; 
  • ᐱᕕᖃᕐᑎᓗᒋᑦ ᐃᓗᓐᓈᒍᑦ ᐃᓅᓯᒃᑯᑦ ᐃᓚᐅᖃᑕᐅᓂᖏᑦ. 

ᐱᒍᑦᔨᒍᑏᑦ ᐱᕕᖃᕐᑎᑕᐅᔪᑦ: 

  • ᐊᖏᕐᕋᖏᓐᓂ ᐃᑲᔪᕐᑕᐅᓂᖏᓐᓂᒃ 
  • ᐋᓐᓂᐊᓯᐅᕐᑎᒧᑦ ᑲᒪᔭᐅᓂᖏᓐᓂᒃ 
  • ᐃᓅᓯᖃᑦᓯᐊᓂᕐᒧᑦ ᐱᒍᑦᔨᒍᑎᓂᒃ 
  • ᒪᒥᓴᕐᓂᒧᑦ ᐱᒍᑦᔨᒍᑎᖏᓐᓂᒃ (ᑎᒥᒃᑯᑦ ᐃᙯᓕᓴᕐᓱᑎᒃ ᐃᓱᐊᕐᓴᑕᐅᑦᓱᑎᒃ**) 
  • ᓄᒃᑭᓴᐅᑎᓕᕆᓂᒃᑯᑦ ᐱᒍᑦᔨᒍᑎᖏᓐᓂᒃ* 
  • ᐱᕕᖃᕐᑎᓯᓂᕐᒧᑦ ᐱᐅᒃᑯᑎᓄᑦ ᐃᒻᒥᓂᒃ ᐊᐅᓚᓂᕐᓴᐅᒍᑎᑦᓴᖏᓐᓄᑦ ᐊᒻᒪᓗ ᐊᑦᑕᓇᕐᑐᒥᑦᑌᓕᒍᑎᑦᓴᖏᓐᓄᑦ 
  • ᐱᕕᖃᕐᑎᓯᓂᕐᒧᑦ ᓄᓇᓕᓕᒫᑦ ᐱᕐᖃᔭᑦᓯᐊᖏᓐᓂᒧᑦ ᐃᑲᔪᕐᓯᒪᐅᑎᖏᓐᓄᑦ 

ᑐᑭᓯᒪᐅᑎᑦᓴᓄᑦ ᐊᒻᒪᓗ ᐊᑐᕐᑎᓯᓂᕐᒧᑦ ᐊᖏᕐᕋᒥ ᐃᑲᔪᕐᓯᓂᕐᒧᑦ 
ᓄᓇᓖᑦ ᐊᓐᓂᐊᕕᖏᑦ ᐊᒻᒪᓗ ᐋᓐᓂᐊᕕᒻᒪᕇᑦ ᐃᑎᕐᕕᐅᓲᖑᕗᑦ ᐃᓗᓐᓇᖏᓐᓄᑦ ᐊᖏᕐᕋᒥ ᓴᐳᒻᒥᓂᕐᒧᑦ ᐱᒍᑦᔨᒍᑎᓄᑦ.  ᑕᒪᒃᑯᐊ ᐱᕕᑦᓴᖃᕐᑎᓯᒍᓐᓇᑐᐃᑦ ᐱᓇᓱᑦᑎᖏᑦ ᐊᑐᕐᑎᓯᒋᐊᕈᓐᓇᑐᑦ ᐊᖏᕐᕋᒥ ᓴᐳᒻᒥᒍᓐᓇᑐᓂᒃ, ᐊᑦᔨᒋᖏᑐᓂᒃ ᐃᓄᑦᑕᖃᕈᓐᓇᑐᓂᒃ (ᐅᑦᑑᑎᒋᓗᒋᑦ ᐋᓐᓂᐊᓯᐅᕐᑎᓂᒃ, ᐃᓄᓕᕆᔨᓐᓂᒃ, ᐃᓚᒌᓂᒃ ᐃᑲᔪᕐᑎᓂᒃ). 
 
ᐱᕕᖃᕐᑎᓯᓂᕐᒧᑦ ᐊᓯᖏᓐᓄᑦ ᐱᒍᑦᔨᒍᑎᓄᑦ 
ᑎᒥᒥᒃ ᒪᒥᓭᓂᕐᒧᑦ ᐱᒍᑦᔨᒍᑎᖏᓐᓂᒃ ᐱᕕᖃᕐᑎᑕᐅᓲᖑᕗᖅ ᐋᓐᓂᐊᕕᒻᒪᕆᑦᑎᒍᑦ ᑭᓯᐊᓂ ᐊᓪᓕᕇᒥᑦ ᓂᕿᑦᓯᕕᒻᒧᑦ 9:00-ᖑᒥᑦ ᐅᓪᓛᑯᑦ 5:00-ᖑᒧᑦ ᐅᓪᓗᑯᑦ.  ᒪᓕᓪᓗᒍ ᖃᓄᐃᓕᖓᓕᕐᓂᖓ, ᐅᕝᕙᓘᓐᓃᑦ ᑐᖓᓕᕆᔭᐅᓕᕐᑐᒧᓪᓘᓃᑦ ᐱᖓᔪᒋᔭᐅᓕᕐᑐᒧᓪᓘᓃᑦ ᐁᖁᔭᐅᑐᐃᓐᓇᕆᐊᖃᕋᔭᕐᐳᑎᑦ ᒪᓐᑐᔨᐊᑉ ᐋᓐᓂᐊᕕᖓᓄᑦ ᐅᕝᕙᓘᓐᓃᑦ Constance Lethbridge Rehabilitation Centre (ᐊᖏᖃᑎᒌᒍᑎᖃᑐᐊᕐᐸᑦ). 
*ᐱᒍᑦᔨᒍᑏᑦ ᐱᕕᖃᕐᑎᑕᐅᔪᑦ ᐅᖓᕙᒥ ᑐᓚᑦᑕᕕᒃ ᐋᓐᓂᐊᕕᖓᓂᒃ ᑭᓯᐊᓂ. 
**ᓄᓇᓕᓕᒫᑦ ᐱᒍᑦᔨᒍᑎᑦᓴᖏᑦ ᐱᕙᓪᓕᐊᑎᑕᐅᖏᓐᓇᑐᑦ ᐊᑐᐃᓐᓇᐅᓱᓂ ᑭᓯᐊᓂ ᑐᓚᑦᑕᕕᒃ ᐋᓐᓂᐊᕕᖓᓂ. 
 

ᐱᐊᕋᑦᓴᖃᕐᓂᒧᑦ ᐊᒻᒪᓗ ᐃᓅᓕᕐᑎᓯᓂᕐᒧᑦ ᐱᐊᕋᕐᒥᒃ 

ᐱᐊᕋᑦᓴᖃᕐᐲᑦ ᐅᕝᕙᓘᓐᓃᑦ ᐱᐊᕋᑦᓴᖃᕐᑐᕆᕖᑦ? 
 
ᐋᓐᓂᐊᕕᒻᒪᕇᑦ ᐊᑦᔨᒋᖏᑐᓂᒃ ᐱᒍᑦᔨᒍᑎᓂᒃ ᐱᕕᖃᕐᑎᓯᒍᓐᓇᑐᑦ ᒪᑯᓂᖓ: 

  • ᐃᑉᐱᒋᔭᖃᕐᓂᒥᒃ ᐱᐊᕋᑦᓴᓕᒻᒥᒃ ᐊᒻᒪᓗ ᐱᐊᕋᕐᑖᓚᐅᕐᑎᓇᒍ ᑐᑭᓯᒪᐅᑎᑦᓴᓕᕆᓂᕐᒥᒃ; 
  • ᓴᐳᒻᒥᓱᑎᒃ ᐱᒍᒪᔭᐅᖏᑐᒥᒃ ᐱᐊᕋᑦᓴᖃᕐᑐᖃᑐᐊᕐᒪᑦ. 

ᐃᑉᐱᒋᔭᖃᕐᓂᒧᑦ ᐱᐊᕋᑦᓴᓕᒻᒥᒃ ᐊᒻᒪᓗ ᐃᓅᓕᔨᐊᖃᓚᐅᕐᑎᓇᒍ ᑐᑭᓯᒪᐅᑎᑦᓴᓕᕆᓂᕐᒧᑦ 

ᐱᐊᕋᑦᓴᖃᕈᕕᑦ ᔪᕆᑐᐊᕈᕕᓪᓘᓃᑦ, ᖃᐅᔨᑎᑦᓯᒋᐊᖃᕐᐳᑎᑦ ᓄᓇᓖᑦ ᐋᓐᓂᐊᕕᖓᓂᒃ ᐋᓐᓂᐊᕕᒻᒪᕆᒻᒥᓘᓐᓃᑦ ᐱᒍᑦᔭᐅᓂᐊᕋᕕᑦ. 
ᑰᔾᔪᐊᒥᐅᖑᒍᕕᑦ, ᐳᕕᕐᓂᑐᒥᓘᓐᓃᑦ, ᐃᓄᑦᔪᐊᒥᓘᓐᓃᑦ ᓴᓪᓗᓂᓪᓘᓃᑦ ᐱᐊᕋᑦᓴᕆᔦᑦ ᐃᑉᐱᒋᔭᐅᓂᐊᕐᑐᖅ ᐃᕐᖑᓯᐅᕐᑎᒧᑦ.  ᐊᓯᐊᓂᑦ ᓄᓇᓕᒻᒥᐅᖑᒍᕕᑦ ᐱᓇᓱᐊᕐᑕᐅᓂᐊᕐᓱᑎᑦ ᐋᓐᓂᐊᓯᐅᕐᑎᒧᑦ ᑎᒥᓕᕆᔨᒧᓪᓘᓃᑦ ᑎᑭᓪᓗᒍ 36 ᐅᕝᕙᓘᓐᓃᑦ 37 ᐱᓇᓱᐊᕈᓯᖃᓕᕐᒥᒧᑦ. 
 
ᐱᐊᕋᕐᑖᑎᑦᓯᕕᖃᕐᐳᖅ ᑰᔾᔪᐊᒥᓗ ᐳᕕᕐᓂᑐᒥᓗ ᐊᒻᒪᓗ ᓄᓇᓖᑦ ᐋᓐᓂᐊᕕᖏᓐᓂ (ᐃᓄᑦᔪᐊᒥᓗ ᓴᓪᓗᓂᓗ) ᐅᕝᕙᓘᓐᓃᑦ ᐊᖏᕐᕋᖓᓂ (ᑰᔾᔪᐊᒥ, ᐳᕕᕐᓂᑐᒥ ᐊᒻᒪᓗ ᓴᓪᓗᓂ).  ᐱᔭᕆᐊᖃᑐᐊᕐᒪᑦ, ᒪᓐᑐᔨᐊᑉ ᐋᓐᓂᐊᕕᖓᓂ ᐱᐊᕋᕐᑖᕆᐊᕐᑐᓲᖑᒻᒥᔪᑦ. 
 
ᐃᕐᖑᓯᐅᕐᓂᒧᑦ ᐱᒍᑦᔨᒍᑎᓄᑦ ᑐᑭᓯᒋᐊᓪᓚᕈᒪᔪᖃᕐᐸᑦ, ᑕᑯᒋᐊᕈᓐᓇᐳᑎᑦ ᐃᕐᖑᓯᐅᕐᓂᒨᓕᖓᔪᓂᒃ ᐊᓪᓚᓯᒪᔪᓂᒃ. 
 
ᑕᑯᒋᐊᕈᓐᓇᕆᕗᑎᑦ ᐅᕙᓃᑦᑐᓂᒃ Ilagiilluta (ISPEC program) (ᖃᓪᓗᓈᑎᑐᑦ ᑭᓯᐊᓂ)

ᓴᐳᒻᒥᓂᕐᒧᑦ ᐱᔭᐅᒍᒪᖕᖏᑐᒥᒃ ᐱᐊᕋᑦᓴᓕᓐᓂᒃ 

ᖃᐅᔨᓯᒪᒍᕕᑦ ᐱᐊᕋᑦᓴᖃᕆᐊᕐᐱᑦ ᐅᕝᕙᓘᓐᓃᑦ ᑲᔪᓯᑎᑦᓯᒍᒪᑦᓯᐊᖏᒃᑯᕕᑦ ᐱᐊᕋᑦᓴᖃᕐᓂᓂᒃ? 
 
ᑕᑯᓂᐊᕈᓐᓇᐳᑎᑦ ᓄᓇᓖᑦ ᐋᓐᓂᐊᕕᖓᓂᒃ ᐅᕝᕙᓘᓐᓃᑦ ᐋᓐᓂᐊᕕᒻᒪᕆᒻᒥᒃ ᐊᑑᑎᔭᐅᒍᓐᓇᑐᓂᒃ ᕿᒥᕐᕈᓂᐊᕋᕕᑦ. 
 
ᑐᑭᑖᕋᓱᐊᕆᐊᖃᓕᕈᕕᑦ ᑕᑯᒋᐊᕈᓐᓇᐳᑎᑦ ᐅᕙᓃᑦᑐᓂᒃ (ᖃᓪᓗᓈᑎᑐᑦ ᑭᓯᐊᓂ)

ᐋᓐᓂᐊᒪᕆᓐᓄᑦ, ᐊᕐᕿᑕᐅᕐᖃᔭᖕᖏᑐᓄᑦ ᐊᒻᒪᓗ ᑎᒥᐅᑉ ᐃᓗᐊᓃᑦᑐᓕᕆᐅᑎᓄᑦ 


 ᑕᒪᒃᑯᐊ ᐊᓐᓂᐊᒪᕇᑦ ᐁᑦᑑᑎᒋᔭᐅᕐᖃᔭᖏᑑᕗᑦ ᐱᕙᓪᓕᐊᒐᐅᒐᓲᖑᑦᓱᑎᒃ, ᐱᕕᑭᑦᑑᑎᑦᓯᒍᓐᓇᐳᑦ ᖃᐅᑕᒫᑦ ᓱᓇᓱᐊᕐᓂᓂᒃ ᐊᑯᓃᕐᑐᑯᑦ ᐊᒻᒪᓗ ᑌᒪᖕᖓᒐᓚᒃ ᐊᕐᕿᑕᐅᕐᖃᔭᖕᖏᑑᑦᓱᑎᒃ.  ᑭᓯᐊᓂ, ᐅᓄᕐᓂᓴᕐᑎᒍᑦ, ᐱᔭᐅᑦᑌᓕᒪᒍᓐᓇᒥᔪᑦ.  ᑖᒃᑯᐊ ᐃᓕᖓᑎᑕᐅᒍᓐᓇᑐᑦ ᐊᑦᔨᒋᖏᑐᓄᑦ ᐱᑦᔪᑎᓄᑦ ᓱᕐᕃᓂᖃᕐᑐᓂᒃ ᐃᓄᑑᓈᕐᑎᑐᒥᒃ ᐃᓅᓯᓕᒫᖓᓂ. 
 
ᐋᓐᓂᐊᒪᕇᑦ ᐃᓚᖃᕈᓐᓇᑐᑦ ᒪᑯᓂᖓ ᐆᒻᒪᑎᒃᑯᑦ ᐋᓐᓂᐊᓂᒃ, ᐱᑕᑦᓴᖃᑦᓯᐊᖏᓐᓂᒥᒃ, ᑎᒥᐅᑉ ᐃᓗᐊᒍᑦ ᐊᓐᓂᐊᒪᕆᓐᓂᒃ, ᐊᐅᖓ ᓇᒻᒪᓯᐊᕈᓐᓀᒪᓪᓘᓃᑦ, ᐋᓐᓂᐊᒪᕆᓐᓂᓗ ᓴᐅᓂᕐᓅᓕᖓᒍᓐᓇᑐᓂᒃ (ᑎᒥᒥᒃ ᐊᐅᓚᑎᑦᓯᒍᓐᓇᑐᓂᒃ), ᖃᕆᑕᒃᑯᑦ ᐋᓐᓂᐊᒪᕆᓐᓂᓂᒃ (ᒪᑯᓂᖓ Alzheimer’s, Parkinson’s ᐊᒻᒪᓗ multiple sclerosis), ᐃᓱᒪᒃᑯᑦ ᐊᕐᕿᓯᒪᑦᓯᐊᖏᓐᓂᓂᒃ ᐊᒻᒪᓗ ᐊᕐᕿᑕᐅᕐᖃᔭᖕᖏᑐᓂᒃ. 
 
ᑐᑭᓯᒋᐊᓪᓚᕈᒪᔪᖃᕐᐸᑦ, ᑕᑯᒋᐊᕈᓐᓇᐳᑎᑦ ᐅᕗᖓ prevention and health promotion ᐃᓕᑦᓯᒍᒪᒍᕕᑦ ᖃᓄᐃᖏᓯᐊᕐᑐᒥᒃ ᐃᓅᓯᖃᑦᓯᐊᕋᓱᐊᕐᓂᒥᒃ ᐋᓐᓂᐊᒪᕆᑦᑖᑌᓕᒍᑎᑦᓴᒧᑦ.

ᐊᕐᕿᑕᐅᕐᖃᔭᖕᖏᑐᖅ 

ᐊᕐᕿᑕᐅᕐᖃᔭᖕᖏᑐᖅ ᐋᓐᓂᐊᒪᕆᐅᕗᖅ ᑎᒥᒥᒃ ᐱᕈᕐᑎᓯᑦᓯᐊᖃᔦᓲᖑᑦᓱᓂ.  ᓄᓇᕕᒻᒥ ᐊᕐᕿᑕᐅᕐᖃᔭᖕᖏᑐᐃᑦ ᒪᑯᐊᖑᓗᐊᖑᐊᓲᑦ: 

  • ᐳᕙᒃᑯᑦ ᐊᕐᕿᑕᐅᕐᖃᔭᖕᖏᑐᖅ; 
  • ᐃᕐᓱᑯᑦ ᐊᕐᕿᑕᐅᕐᖃᔭᖕᖏᑐᖅ; 
  • ᐊᒫᒪᒃᑯᑦ ᐊᕐᕿᑕᐅᕐᖃᔭᖕᖏᑐᖅ. 

ᖃᐅᔨᓴᕐᑕᐅᓂᕐᒧᑦ 
ᐃᓚᖏᑦ ᖃᐅᔨᓴᕐᓃᑦ ᑲᔪᓯᑎᑕᐅᓲᖑᕗᑦ ᓄᓇᕕᐅᑉ ᐋᓐᓂᐊᕕᖏᓐᓂ ᐃᓚᖃᕐᑐᓂᒃ ᒪᑯᓂᖓ: 

  • ᖃᐅᔨᓴᕐᑕᐅᔪᖃᕐᓗᓂ ᐃᕐᓱᑯᑦ ᐊᕐᕿᑕᐅᕐᖃᔭᖕᖏᑐᖃᕐᒪᖔᑦ, ᐊᑖᒍᑦ ᑯᐯᒃᒥ ᖃᐅᔨᓴᕐᑕᐅᓂᕐᒧᑦ ᐃᑲᔪᕐᓯᒪᐅᑎᖏᑦᑕ; 
  • ᖃᐅᔨᓴᕐᑕᐅᔪᖃᕐᓗᓂ ᐊᒫᒪᒃᑯᑦ ᐊᕐᕿᑕᐅᕐᖃᔭᖕᖏᑐᖃᕐᒪᖔᑦ, ᐊᑖᒍᑦ ᑯᐯᒃᒥ ᖃᐅᔨᓴᕐᑕᐅᓂᕐᒧᑦ ᐃᑲᔪᕐᓯᒪᐅᑎᖏᑦᑕ; 
  • ᖃᐅᔨᓴᕐᑕᐅᔪᖃᕐᓗᓂ ᐃᓪᓕᐊᑯᑦ ᐊᕐᕿᑕᐅᕐᖃᔭᖕᖏᑐᖃᕐᒪᖔᑦ. 

ᑭᓪᓕᓯᓂᐊᕐᓂᒧᑦ, ᑐᑭᓯᒪᓂᕐᒧᑦ, ᒪᒥᓭᓂᕐᒧᑦ ᐊᒻᒪᓗ ᐱᒍᑦᔨᒍᑎᓄᑦ 
ᐋᓐᓂᐊᓯᐅᕐᑎᓄᑦ ᐊᕐᕿᑕᐅᕐᖃᔭᖕᖏᑐᖃᕐᑐᕆᔭᐅᓂᐊᖒᕈᕕᑦ, ᐋᓐᓂᐊᓂᓕᕆᓂᒃᑯᑦ ᖃᐅᔨᓴᕐᑕᐅᒋᐊᖃᓚᖓᕗᑎᑦ.  ᑕᒪᓐᓇ “ᑭᓪᓕᓯᓂᐊᕐᓂᐅᕗᖅ”.  ᐃᓚᖏᑦ ᖃᐅᔨᓴᕐᓂᑐᐃᓐᓀᑦ ᑲᔪᓯᑎᑕᐅᒍᓐᓇᑐᑦ ᓄᓇᕕᐅᑉ ᐋᓐᓂᐊᕕᒻᒪᕆᖏᓐᓄᑦ, ᑭᓯᐊᓂ ᐊᓯᖏᑦ ᖃᐅᔨᓴᕐᑕᐅᓂᕐᓴᐅᒍᓐᓇᕕᖃᕐᒥᔪᑦ ᒪᓐᑐᔨᐊᑉ ᐋᓐᓂᐊᕕᖓᓅᕐᓗᑎᒃ. 
 
ᐊᕐᕿᑕᐅᕐᖃᔭᖕᖏᑐᒥᒃ ᓱᕐᖁᐃᑕᐅᔪᖃᕐᐸᑦ, ᑕᒪᓐᓇ ᑐᑭᓯᔭᐅᓂᕋᕐᑕᐅᒪᑦ, ᐃᑉᐱᒋᔭᐅᓂᖃᓯᓲᑦ ᒪᓐᑐᔨᐊᑉ ᐋᓐᓂᐊᓯᐅᕐᑎᖏᓐᓄᑦ.  ᒪᒥᓴᕐᑕᐅᓂᐊᓕᕐᐳᖅ ᐱᒍᑦᔭᐅᓗᓂᓗ ᒪᓐᑐᔨᐊᒥ.  ᐃᓚᖓᑎᒍᑦ ᑎᒥᖓᑕ ᐃᓗᐊᒍᑦ ᐅᑦᑎᑕᐅᑐᐃᓐᓇᕆᐊᖃᕋᔭᕐᑐᖅ ᑕᒫᓂ ᓄᓇᒥ. 
 
ᑐᑭᓯᒋᐊᓪᓚᕈᒪᔪᖃᕐᐸᑦ 
CURE Foundation (ᐊᒫᒪᒃᑯᑦ ᐊᕐᕿᑕᐅᕐᖃᔭᖕᖏᑐᒧᑦ) (ᖃᓪᓗᓈᑎᑐᑦ ᑭᓯᐊᓂ)
ᑯᐯᒃᒥ ᐊᒫᒪᒃᑯᑦ ᐊᕐᕿᑕᐅᕐᖃᔭᖕᖏᑐᒧᑦ ᑐᖕᖓᕕᖓᑦ Québec Breast Cancer Foundation (ᖃᓪᓗᓈᑎᑐᑦ ᑭᓯᐊᓂ)
ᑲᓇᑕᐅᑉ ᐋᓐᓂᐊᓂᓕᕆᔨᒻᒪᕆᖏᑦHealth Canada  (ᖃᓪᓗᓈᑎᑐᑦ ᑭᓯᐊᓂ)
ᑲᓇᑕᒥ ᐊᕐᕿᑕᐅᕐᖃᔭᖕᖏᑐᓕᕆᔨᖏᑦ Canadian Cancer Society (ᖃᓪᓗᓈᑎᑐᑦ ᑭᓯᐊᓂ)
ᐃᕐᓱᑯᑦ ᐊᕐᕿᑕᐅᕐᖃᔭᖕᖏᑐᓕᕆᔩᑦ ᑲᑐᑦᔨᖃᑎᒌᓐᓂᖓᑦ Colorectal Cancer Association of Canada (ᖃᓪᓗᓈᑎᑐᑦ ᑭᓯᐊᓂ)

ᑎᒥᐅᑉ ᐃᓗᐊᒍᑦ ᐊᒻᒪᓗ ᐃᓅᒍᓐᓃᑐᒥᒃ ᑲᒪᒋᔭᖃᕐᓂᒧᑦ 

ᒪᓕᓪᓗᒋᑦ ᖃᓄᐃᖏᓯᐊᕐᓂᖏᑦᑕ ᖃᓄᐃᓕᖓᓕᕐᓂᖏᑦ, ᐋᓐᓂᐊᕕᓕᐊᕐᓯᒪᔪᒥᒃ ᐃᓅᒍᓐᓀᑐᖃᑐᐊᕐᒪᑦ ᐃᓚᖏᑦ ᓴᐳᒻᒥᔭᐅᓂᖃᕈᓐᓇᑐᑦ ᐊᖏᕐᕋᖏᓐᓂ, ᐋᓐᓂᐊᕕᒻᒪᕆᒻᒧᓘᓐᓃᑦ ᐅᕝᕙᓘᓐᓃᑦ ᑎᒥᓕᕆᔭᐅᕕᐅᑉ ᐃᓪᓗᖓᓄᑦ.  ᑕᒫᓂ ᓄᓇᒥ ᐋᓐᓂᐊᕕᒻᒪᕆᖏᑦ ᐃᓚᖏᓐᓂᒃ ᐱᒍᑦᔨᒍᓐᓇᓲᖑᕗᑦ.  ᓄᓇᕕᐅᑉ ᓯᓚᑖᓂᓕ, ᒪᓐᑐᔨᐊᑉ ᐋᓐᓂᐊᕕᖓᓗ ᑎᒥᓕᕆᕕᐅᓪᓗ ᐃᓪᓗᖏᑦ ᑲᒪᒍᓐᓇᕕᖃᓲᖑᒻᒥᔪᑦ ᐱᒍᑦᔨᒍᓐᓇᕕᖃᓲᖑᒻᒥᓱᑎᓪᓗ.  ᐋᓐᓂᐊᓯᐅᕐᑎᒥᒃ ᐅᖄᖃᑎᖃᕈᓐᓇᐳᑎᑦ ᐊᑑᑎᔭᐅᒍᓐᓇᑐᓄᑦ ᐅᕝᕙᓘᓐᓃᑦ ᓇᓪᓕᒋᔭᕐᓄᑦ ᐊᑑᑎᔭᐅᒍᓐᓇᑐᓄᑦ. 
 
ᑎᒥᓕᕆᓂᕐᒥᒃ ᑲᒪᒋᔭᖃᕐᓂᒧᑦ ᐱᒍᑦᔨᒍᑏᑦ ᓄᓇᕕᒻᒥ ᒫᓐᓇᐅᑎᓪᓗᒍ ᐊᕐᕿᒋᐊᕐᑕᐅᓂᖃᕐᐳᑦ, ᐱᓗᐊᕐᑐᒥᒃ ᐊᑐᕐᑎᓯᒍᑎᐅᒐᔭᕐᑐᒧᑦ ᐅᑯᓂᖓ ᐱᖁᔦᑦ ᐱᑦᔪᑎᒋᑦᓱᒋᑦ ᐃᓅᒍᓐᓀᑐᒥᒃ ᑲᒪᒋᔭᖃᕐᓂᒧᑦ.
 

ᑲᒪᒋᐊᑦᓴᐅᑎᒋᒍᓐᓇᓂᕐᒧᑦ ᐱᒍᑦᔨᒍᑎᓄᑦ 

ᑲᒪᒋᐊᑦᓴᐅᑎᒋᒍᓐᓇᓂᕐᒧᑦ ᐱᒍᑦᔨᓂᖃᓕᑐᐊᕐᒪᑦ, ᑕᒪᒃᑯᐊ ᐃᓄᑑᓈᕐᑎᑐᐃᑦ ᑭᖕᖒᒪᒋᔭᖏᑦ ᓇᐅᑦᓯᑐᕐᑕᐅᓲᖑᕗᑦ ᑲᒪᒋᔭᐅᓪᓚᕆᓯᑦᓱᑎᓪᓗ.  ᑕᒪᒃᑯᐊ ᑭᖕᖒᒪᒋᔭᐅᔪᑦ ᐃᓕᖓᑐᐃᓐᓇᕆᐊᓖᑦ ᐃᓄᑑᓈᕐᑎᑑᑉ ᑎᒥᖓᑕ ᖃᓄᐃᓕᖓᓕᕐᓂᖓᓄ (ᓄᓕᐊᕐᓂᑯᑦ ᖁᐱᕐᕆᓇᕐᑐᖃᕐᒪᖔᑦ, ᐱᐊᕋᑦᓴᖃᕐᒪᖔᑦ, ᐊᓂᕐᑎᕆᕕᖓ ᐱᓀᓗᑕᖃᕐᒪᖔᑦ, ᓴᐅᓂᖓ ᖁᐱᓯᒪᓂᐊᖑᕆᔭᐅᑉᐸᑦ, ᐊᓯᖏᓐᓂᓗ) ᐅᕝᕙᓘᓐᓃᑦ ᐃᓱᒪᒃᑯᑦ ᖃᓄᐃᖏᓯᐊᕐᓂᖓᓄᑦ.  ᐃᓕᖓᑐᐃᓐᓇᕆᐊᖃᕐᒥᔪᑦ ᐱᔭᕆᐊᑐᔪᕐᒧᑦ ᐅᕝᕙᓘᓐᓃᑦ ᐃᓱᒪᒃᑯᑦ ᐱᓀᓗᑕᖃᕐᓂᒧᑦ.

ᑲᒪᒋᐊᑦᓴᐅᑎᒋᒍᓐᓇᑐᓄᑦ ᐱᒍᑦᔭᐅᒍᑏᑦ ᐱᕕᖃᕐᑎᑕᐅᔪᑦ ᐅᑯᓇᓂ: 

  • ᐋᓐᓂᐊᕕᒻᒪᕆᓐᓂ; 
  • ᓄᓇᓖᑦ ᐊᓐᓂᐊᕕᖏᓐᓂ; 
  • ᐃᓄᑐᙯᑦ ᐃᓪᓗᖏᓐᓂ; 
  • ᓄᓇᓖᑦ ᑎᒥᖁᑎᖏᓐᓂ; 
  • ᐃᓕᓐᓂᐊᕕᓐᓂ. 

ᑕᒪᒃᑯᐊ ᐱᕕᖃᕐᑎᑕᐅᓲᖑᕗᑦ ᐋᓐᓂᐊᓯᐅᕐᑎᒧᑦ, ᐋᓐᓂᐊᓯᐅᕐᑎᒪᕆᒻᒧᑦ ᐅᕝᕙᓘᓐᓃᑦ ᐋᓐᓂᐊᓯᐅᕐᑎᑐᐃᓐᓇᒧᑦ ᖃᓄᐃᓕᐅᕈᓐᓇᓂᕐᓴᒧᑦ. 
 
ᑕᑯᓂᐊᕈᓐᓇᐳᑎᑦ ᓄᓇᓕᐅᑉ ᐋᓐᓂᐊᕕᖓᓂᒃ ᐅᕝᕙᓘᓐᓃᑦ ᐋᓐᓂᐊᕕᒻᒪᕆᒻᒥᒃ, ᐊᓪᓕᕇᒥᑦ ᓂᕿᑦᓯᕕᒻᒧᑦ, 9:00-ᖑᒥᑦ ᐅᓪᓛᑯᑦ 5:00-ᖑᒧᑦ ᐅᓪᓗᑯᑦ.  ᑫᕙᓪᓚᒍᓰᑦ ᓯᓚᑖᒍᑦ, ᐅᐃᒪᓇᕐᑐᖃᓕᕐᐸᑦ ᑭᓯᐊᓂ, ᐋᓐᓂᐊᓯᐅᕐᑎᒧᑦ ᖃᖓᓕᒫᒃᑯᑦ ᐅᖄᓚᕕᖃᕈᓐᓇᐳᑎᑦ ᐅᕗᖓ  819-XXX-9090. 
ᑕᒪᒃᑯᐊ ᑕᑯᓂᐊᕐᑕᐅᔪᓕᒫᑦ ᑭᓇᑐᐃᓐᓇᑯᓐᓄᑦ ᖃᐅᔨᒪᔭᐅᑦᑌᓕᒪᑎᑕᐅᓂᐊᕐᑐᑦ.
 

ᑐᖓᓕᕆᔭᐅᔪᓄᑦ ᐱᒍᑦᔭᐅᒍᑎᓄᑦ 

ᐃᓅᓕᑦᓯᕕᐅᑉ ᐊᓐᓂᐊᕕᖓ ᐊᒻᒪᓗ ᐅᖓᕙᒥ ᑐᓚᑦᑕᕕᒃ ᐋᓐᓂᐊᕕᖏᑦ ᐱᕕᖃᕐᑎᓯᓲᖑᕗᑦ ᑐᖓᓕᕆᔭᐅᓂᖃᕐᑐᒧᑦ ᐱᒍᑦᔨᒍᑎᓂᒃ (ᐊᑦᔨᒋᔭᐅᓂᖃᖕᖏᑐᓄᑦ) ᐊᒻᒪᓗ ᐱᖓᔪᒋᔭᐅᓂᖃᕐᑐᓄᑦ (ᐊᑦᔨᒋᔭᐅᖏᑦᑐᓚᕆᓐᓄᑦ) ᐱᒍᑦᔨᒍᑎᓂᒃ.  ᑕᒪᒃᑯᐊ ᐱᒍᑦᔨᒍᑏᑦ ᐱᕕᖃᕐᑎᑕᐅᓯᓲᖑᕗᑦ ᑕᑯᓂᐊᕐᑕᐅᔪᖃᓕᑐᐊᕐᒪᑦ ᐋᓐᓂᐊᓂᓕᕆᔨᓂᒃ, ᐱᓗᐊᕐᑐᒥᒃ ᒪᓐᑐᔨᐊᑉ ᐋᓐᓂᐊᕕᖓᓄᑦ.  ᑕᒪᒃᑯᐊ ᐱᒍᑦᔨᒍᑏᑦ ᐱᕕᖃᕐᑎᑕᐅᑐᐊᕋᒥᒃ ᐱᐅᓂᕐᓴᒥᒃ ᐱᕕᖃᕐᑎᓯᒍᑕᐅᒍᓐᓇᑐᑦ ᑲᔪᓯᑎᑦᓯᓱᑎᓪᓗ ᑲᒪᒋᔭᖃᕐᓂᒥᒃ ᑕᒪᒃᑯᓄᖓ ᓄᓇᕕᒻᒥᐅᓄᑦ ᐱᔭᐅᑎᑕᐅᒍᓐᓇᑐᓂᒃ. 
ᐊᑦᔨᒋᔭᐅᖏᑐᓄᑦ ᐱᒍᑦᔭᐅᔪᖃᕆᐊᖃᓕᑐᐊᕐᒪᑦ, ᐃᓚᒌᑦ ᐋᓐᓂᐊᓯᐅᕐᑎᖓᓂᒃ ᑖᑦᓱᒥᖓ ᐃᓄᑑᓈᕐᑎᑐᒥᒃ ᑕᑯᔭᐅᖁᔨᒍᓐᓇᑐᖅ ᐋᓐᓂᐊᓂᓕᕆᔨᒻᒪᕆᒻᒧᑦ.  ᑕᒪᒃᑯᐊ ᐱᒍᑦᔨᒍᑏᑦ ᑐᑭᒧᐊᑦᑎᑕᐅᓂᖃᓲᑦ ᑲᒪᒋᔭᖃᓲᓄᑦ ᐅᕝᕙᓘᓐᓃᑦ ᓄᓇᓖᑦ ᐋᓐᓂᐊᕕᖏᑦᑕ ᐃᓚᖏᓐᓄᑦ, ᔭᕆᐊᖃᓕᑐᐊᕐᒪᑦ. 
 
ᓱᓇᓂᒃ ᐱᒍᑦᔨᒍᑎᓂᒃ ᐱᕕᖃᕐᑎᑕᐅᔪᖃᓲᖑᕙ? 
ᐅᑯᐊ ᐱᒍᑦᔨᒍᑏᑦ ᐊᓪᓚᑕᐅᓯᒪᔪᑦ ᓄᓇᕕᐅᑉ ᓄᓇᖓᓂ ᐱᕕᖃᕐᑎᑕᐅᓲᖑᕗᑦ: 

ᑐᓚᑦᑕᕕᒃ ᐋᓐᓂᐊᕕᖓᑦ ᐃᓅᓕᑦᓯᕕᒃ ᐋᓐᓂᐊᕕᖓᑦ 
ᐊᑦᔨᒋᔭᐅᖏᑐᓂᒃ ᐋᓐᓂᐊᓯᐅᕐᓂᒍᑏᑦ ᐊᑦᔨᒋᔭᐅᖏᑐᓂᒃ ᐋᓐᓂᐊᓯᐅᕐᓂᒍᑏᑦ 
  • ᑭᒍᑌᕐᓯᔩᑦ 
  • ᑰᑦᓯᓈᒃᑯᑦ ᖃᐅᔨᓴᕐᑕᐅᓂᖅ* 
  • ᑮᓇᒃᑯᑦ ᐱᓚᑦᑐᐃᓂᖅ
  • ᐋᓐᓂᐊᓲᓕᕆᓂᕐᒧᑦ ᐋᓐᓂᐊᕕᖓᑦ 
  • ᐃᓇᓗᐊᓕᕆᓂᖅ
  • ᐃᓪᓕᐊᓕᕆᓂᖅ
  • ᑎᒥᐅᑉ ᐃᓗᐊᓃᑦᑐᒧᑦ ᐋᓐᓂᐊᓯᐅᑏᑦ 
  • ᐊᐅᒃᑯᑦ ᐱᑕᑦᓴᖃᓗᐊᕐᓂᖅ (ᐃᔨᓕᕆᔭᐅᓂᕐᓗ ᐊᐅᒃᑯᑦ ᐱᑕᑦᓴᖃᓗᐊᕐᓂᒧᑦ)
  • ᓯᐅᑎᓕᕆᓂᕐᒥ ᕿᖓᓕᕆᓂᕐᒥ ᐃᒡᒋᐊᓕᕆᓂᕐᒥᓗ ᐱᒍᑦᔭᐅᒍᑎᒃ
  • ᑭᒍᑎᓂᒃ ᐋᕐᕿᓱᐃᒋᐊᕐᓂᖅ
  • ᐃᓄᒻᒪᕇᑦ ᓴᐅᓂᓕᕆᔭᐅᓂᖏᑦ 
  • ᐱᐊᕃᑦ ᐋᓐᓂᐊᓯᐅᕐᑎᒪᕆᖓ
  • ᐱᐊᕃᑦ ᐃᓱᒪᓕᕆᔭᐅᓂᖏᑦ 
  • ᐃᓱᒪᓕᕆᔩᑦ 
  • ᓇᒡᒍᐊᓕᕆᓂᖅ
  • ᓯᓂᑦᑎᓯᒍᑏᑦ 
  • ᐃᓄᒻᒪᕇᑦ ᐆᒪᑎᓕᕆᔭᐅᓂᖏᑦ 
  • ᑯᑦᓯᓈᓕᕆᔭᐅᒍᑏᑦ 
  • ᑭᒍᑎᓕᕆᔭᐅᒍᑏᑦ 
  • ᑎᒥᒃᑯᑦ ᐱᓚᑦᑕᐅᓃᑦ* 
  • ᑮᓇᒃᑯᑦ ᐱᓚᑦᑐᐃᓂᖅ
  • ᐃᓇᓗᐊᓕᕆᓂᖅ
  • ᐃᓪᓕᐊᓕᕆᓂᖅ
  • ᐃᔨᓕᕆᔭᐅᓂᖅ
  • ᐊᐅᒃᑯᑦ ᐱᑕᑦᓴᖃᓗᐊᕐᓂᖅ (ᐃᔨᓕᕆᔭᐅᓂᕐᓗ ᐊᐅᒃᑯᑦ ᐱᑕᑦᓴᖃᓗᐊᕐᓂᒧᑦ)
  • ᓯᐅᑎᓕᕆᓂᕐᒥ ᕿᖓᓕᕆᓂᕐᒥ ᐃᒡᒋᐊᓕᕆᓂᕐᒥᓗ ᐱᒍᑦᔭᐅᒍᑎᒃ
  • ᑭᒍᑎᓂᒃ ᐋᕐᕿᓱᐃᒋᐊᕐᓂᖅ
  • ᐃᓄᒻᒪᕇᑦ ᓴᐅᓂᓕᕆᔭᐅᓂᖏᑦ 
  • ᐱᐊᕃᑦ ᐋᓐᓂᐊᓯᐅᕐᑎᒪᕆᖓ
  • ᐱᐊᕃᑦ ᐃᓱᒪᓕᕆᔭᐅᓂᖏᑦ 
  • ᐃᓱᒪᓕᕆᔩᑦ 
  • ᐳᕙᓕᕆᔭᐅᓂᖅ (ᐃᓄᒻᒪᕆᓐᓂᒃ) 
  • ᓇᒡᒍᐊᓕᕆᓂᖅ

ᒪᓗᒋᔭᐅᔪᓂᒃ ᐅᑦᑐᕋᐅᑏᑦ 

ᒪᓗᒋᔭᐅᔪᓂᒃ ᐅᑦᑐᕋᐅᑏᑦ 
  • ᖃᕆᑕᒥᒃ ᖃᐅᔨᓴᕐᓂᖅ
  • ᐅᖁᒣᑦᓴᓂᕐᒧᑦ ᐅᑦᑐᕋᐅᑏᑦ 
  • ᐆᒪᑎᓕᕆᒍᑏᑦ 
  • ᓈᕐᒥᒃ ᑕᕐᕋᑐᕈᑎᒃ
  • ᐱᐊᕋᑦᓴᒥᒃ ᑕᕐᕋᑎᕈᑎᒃ
  • ᑕᑭᔪᒥᒃ ᐃᕐᓱᓕᕆᔭᐅᒍᑏᑦ 
  • ᐊᕿᐊᕈᕐᒥᒃ ᐃᓇᓗᐊᓂᑦ ᖃᐅᔨᓴᕐᓂᖅ
  • ᐊᕐᓇᒥᒃ ᐋᓐᓂᐊᖃᕐᒪᖔᑦ ᖃᐅᔨᓴᕐᓂᖅ
  • ᐅᒻᒪᑎᐅᑉ ᑎᓪᓕᑖᕐᓂᖓᓂᒃ ᖃᐅᔨᓴᕐᓂᖅ
  • MAPA 
  • ᖃᕆᑕᒥᒃ ᖃᐅᔨᓴᕐᓂᖅ
  • ᐅᖁᒣᑦᓴᓂᕐᒧᑦ ᐅᑦᑐᕋᐅᑏᑦ 
  • ᐆᒪᑎᓕᕆᒍᑏᑦ 
  • ᓈᕐᒥᒃ ᑕᕐᕋᑐᕈᑎᒃ
  • ᐱᐊᕋᑦᓴᒥᒃ ᑕᕐᕋᑎᕈᑎᒃ
  • ᑕᑭᔪᒥᒃ ᐃᕐᓱᓕᕆᔭᐅᒍᑏᑦ 
  • ᐊᕿᐊᕈᕐᒥᒃ ᐃᓇᓗᐊᓂᑦ ᖃᐅᔨᓴᕐᓂᖅ
  • ᐊᕐᓇᒥᒃ ᐋᓐᓂᐊᖃᕐᒪᖔᑦ ᖃᐅᔨᓴᕐᓂᖅ
  • ᐅᒻᒪᑎᐅᑉ ᑎᓪᓕᑖᕐᓂᖓᓂᒃ ᖃᐅᔨᓴᕐᓂᖅ
  • MAPA 


ᑐᑭᓯᒋᐊᓪᓚᕈᒪᔪᖃᕐᐸᑦ, ᑕᑯᓂᐊᕐᓗᒍ ᐋᓐᓂᐊᓯᐅᕐᑎ ᐅᕝᕙᓘᓐᓃᑦ ᐃᑲᔪᕐᑎᖓ. 
 

ᖃᕆᑕᐅᔭᒃᑯᑦ ᐋᓐᓂᐊᓂᓕᕆᐅᑎᓄᑦ ᐱᒍᑦᔨᒍᑏᑦ 

ᓱᓇᐅᓈ ᖃᕆᑕᐅᔭᒃᑯᑦ ᐋᓐᓂᐊᓂᓕᕆᓂᖅ? 
ᖃᕆᑕᐅᔭᒃᑯᑦ ᐋᓐᓂᐊᓂᓕᕆᓂᖅ ᐅᕝᕙᓘᓐᓃᑦ ᐅᐸᑦᑕᐅᓴᐅᑎᒋᒍᓐᓇᖏᑦᑐᒥ ᐋᓐᓂᐊᓂᓕᕆᓂᖅ ᐃᓗᓕᖃᕐᐳᖅ ᐊᑐᕐᓱᓂ ᑐᑭᓯᒪᐅᑎᑦᓴᓕᕆᐅᑎᓂᒃ ᐅᖃᓕᒪᐅᑎᓕᕆᐅᑎᓂᓪᓗ ᐱᕕᖃᕐᑎᓯᒍᑎᑦᓴᒧᑦ ᐋᓐᓂᐊᓂᓕᕆᐅᑏᑦ ᐃᓚᖏᓐᓂᒃ.  ᑕᒪᓐᓇ ᐃᓕᖓᓂᖃᕐᐳᖅ ᐋᓐᓂᐊᓯᐅᕐᓂᒍᓯᕐᓂᒃ, ᐅᐸᑦᑕᐅᓴᐅᑎᒋᒍᓐᓇᑐᓄᑦ ᑐᑭᓯᓂᐊᕐᓂᖃᕐᓂᒥᒃ ᑐᑭᓯᒪᐅᑎᑦᓴᓂᓗ ᓅᑦᓯᒍᑎᓄᑦ. 
ᑐᕌᒐᖏᑦ 
ᖃᕆᑕᐅᔭᒃᑯᑦ ᐋᓐᓂᐊᓂᓕᕆᓂᖅ ᐱᐅᓯᓕᐅᒥᑎᑦᓯᒍᑕᐅᓲᖑᕗᖅ ᓄᓇᕕᐅᑉ ᐃᓄᖏᑦᑕ ᖃᓄᐃᖏᓯᐊᕐᓂᖏᓐᓂᒃ ᐱᕕᖃᕐᑎᓯᖏᓐᓇᓱᓂ ᐋᓐᓂᐊᓯᐅᕐᑎᒪᕆᒻᒧᑦ ᑲᒪᒋᔭᐅᓂᕐᒥᒃ ᐱᔪᓐᓇᕕᓕᒫᖓᒍᑦ ᓄᓇᓕᖓᓃᑦᑎᓗᒋᑦ. 
ᑐᕌᒐᖏᑦ 

  • ᓄᓇᓕᐊᕈᕐᓂ ᐅᐸᑦᑕᐅᓴᐅᑎᒋᒍᓐᓇᖏᑦᑐᓂᓪᓗ, ᐱᕕᖃᕐᑎᓯᓂᕐᓴᐅᓗᓂ ᐋᓐᓂᐊᓯᐅᕐᑎᒪᕆᒻᒧᑦ ᑲᒪᒋᔭᐅᒍᑎᓂᒃ, ᐱᔪᓐᓇᕕᓕᒫᖓᒍᑦ ᓄᓇᓕᖓᓃᑦᑐᓂᒃ, ᑕᒐ ᐊᐅᓚᒋᐊᖃᖕᖏᓂᕐᓴᐅᓂᐊᓕᕐᒪᑦ, ᑮᓇᐅᔭᕐᑐᕈᑎᐅᖏᓂᕐᓴᐅᓗᓂᓗ ᐅᖁᒣᓪᓕᐅᖏᓐᓂᓴᐅᓗᓂᓗ ᑕᒪᒃᑯᓄᖓ ᐋᓐᓂᐊᕕᓕᐊᕐᓯᒪᔪᓄᑦ ᐃᓚᖏᓐᓄᓗ. 
  • ᓄᓇᓕᐊᕈᕐᓂ ᐅᐸᑦᑕᐅᓴᐅᑎᒋᒍᓐᓇᖏᑦᑐᓂᓪᓗ, ᐱᐅᓯᓕᐅᒥᑎᑦᓯᓗᓂ ᑲᒪᒋᔭᖃᕐᓂᒥᒃ ᓱᑲᓯᑎᑦᓯᒋᐊᕐᓂᑯᑦ ᐋᓐᓂᐊᕕᒻᒥ ᑐᑭᑖᕐᑕᐅᒋᐊᓕᓐᓂᒃ, ᒪᒥᓭᒍᑎᐅᒋᐊᓕᓐᓂᓗ ᐱᒪᑎᑦᓯᑌᓕᒍᑎᓂᓗ ᐋᓐᓂᐊᓯᐅᕐᑎᓄᑦ ᐊᑐᕐᑎᑕᐅᒍᓐᓇᑐᓂᒃ, ᐱᓗᐊᕐᑐᒥ ᐅᐃᒪᓇᕐᑐᖃᓕᑐᐊᕐᒪᑦ ᖁᐊᕐᓵᖓᓇᕐᑑᓕᑐᐊᕐᒪᓗ. 

ᐱᒍᑦᔨᒍᑏᑦ ᓱᓇᐅᕙᑦ ? 

  • ᐅᕕᓂᓕᕆᓂᖅ 
  • ᑎᒥᐅᑉ ᐃᓗᐊᒍᑦ ᐋᓐᓂᐊᓂᓕᕆᔭᐅᓂᖅ pediatric ultrasound ᐅᕝᕙᓘᓐᓃᑦ pediatric renal ultrasound 
  • Genetics* 
  • ᐋᒪᒪᓕᕆᔭᐅᓂᖅ 
  • ᖃᕆᑕᓕᕆᔭᐅᓂᖅ 
  • ᐱᐊᕋᕐᒥ ᖃᕆᑕᓕᕆᓂᖅ 
  • ᐃᓱᒪᓕᕆᔭᐅᓂᖅ 

*ᑐᑭᓯᒋᐊᓪᓚᕈᒪᔪᖃᕐᐸᑦ, ᐋᓐᓂᐊᕕᐅᑉ ᐃᑲᔪᕐᑎᖓᓂᒃ ᑕᑯᓂᐊᕈᓐᓇᐳᑎᑦ. 
 

ᐃᓗᓯᓕᕆᓂᕐᒥᒃ ᐱᒍᑦᔨᐅᑎᓂᒃ ᕿᒥᕐᕈᓂᖅ: ᐋᓐᓂᐊᕕᐅᑉ ᐱᓇᓱᐊᒐᖏᑦ ᑎᒥᐅᑉ ᖃᓄᐃᖏᓯᐊᕐᓂᖓᓄᑦ 

ᑖᒃᑯᐊ ᑐᕌᒐᖃᕐᐳᑦ ᑎᒥᐅᑉ ᖃᓄᐃᖏᓯᐊᕐᓂᓕᕆᔭᐅᓂᖓᓄᑦ ᒪᑯᓂᖓ: 

  • ᒪᓂᕋᕐᑐᑯᕐᑎᓯᒐᓱᐊᕐᓂᖃᕐᓗᓂ, ᑎᒥᒃᑯᑦ ᐱᓀᓗᑕᖃᑦᓴᓕᑐᐊᕐᐸᑦ ᑎᑭᓪᓗᒍ ᒪᒥᓐᓂᖓᓄᑦ; 
  • ᐱᕙᓪᓕᐊᑎᑕᐅᔪᖃᕐᓗᓂ ᐱᒍᑦᔨᒍᑎᓄᑦ ᐊᖏᖃᑎᒋᒍᑎᖏᓐᓂᒃ; 
  • ᐃᑉᐱᒋᔭᖃᕐᓗᓂ ᐋᓐᓂᐊᓂᓕᕆᓂᕐᒧᑦ ᑲᒪᒍᑏᑦ ᓲᓱᑦᓴᓯᐊᕋᓗᐊᕐᒪᖔᑕ ᐃᓄᐃᑦ ᐃᓪᓕᕆᔭᖏᓐᓂᒃ ᐱᐅᓯᖏᓐᓂᓗ; 
  • ᐱᔪᓐᓇᕕᓕᒫᖓᒍᑦ ᑲᒪᒋᔭᖃᕐᓂᒥᒃ ᐃᓄᐃᑦ ᓄᓇᖓᓂ. 

ᓱᓇᓱᐊᕐᓃᑦ ᐊᕕᑦᑐᑎᑕᐅᓯᒪᔪᑦ ᓯᑕᒪᐅᔪᕐᑑᑎᑕᐅᑦᓱᑎᒃ ᐃᒫᒃ: 

  • ᐱᐊᕋᕐᑖᖃᒻᒥᐅᓂᕐᒧᑦ ᐊᒻᒪᓗ ᐊᕐᓀᑦ ᖃᓄᐃᖏᓯᐊᕐᓂᖏᓐᓄᑦ; 
  • ᓴᐅᓂᓕᕆᓃᑦ; 
  • ᐃᓱᒪᒃᑯᑦ ᖃᓄᐃᖏᓯᐊᕐᓂᓕᕆᓃᑦ (ᐃᓄᒻᒪᕆᓐᓂᒃ ᐊᒻᒪᓗ ᐱᐊᕋᕐᓂᒃ); 
  • ᐃᓗᓐᓀᓂᒃ ᐱᒍᑦᔨᒍᑎᓂᒃ, ᐋᓐᓂᐊᒪᕆᓐᓂᒃ, ᐊᕐᕿᑕᐅᕐᖃᔭᖕᖏᑐᓂᒃ ᐊᒻᒪᓗ ᑎᒥᐅᑉ ᐃᓗᐊᒍᕐᑐᓂᒃ; 
  • ᐋᓐᓂᐊᒪᕆᖃᕐᑐᒥᒃ ᑲᒪᒋᔭᖃᕐᓂᓂᒃ; 
  • ᐊᑦᔨᒋᔭᐅᖏᑐᒥᒃ ᐋᓐᓂᐊᓂᓕᕆᔭᐅᒍᑎᓂᒃ (ᑐᖓᓕᕆᔭᐅᓂᖃᕐᑐᓂᒃ ᐱᖓᔪᒋᔭᐅᓂᖃᕐᑐᓂᓪᓗ); 
  • ᑎᒥᒃᑯᑦ ᐱᕐᖃᔭᑦᓯᐊᖏᓐᓂᓂᒃ ᐊᒻᒪᓗ ᑎᒥᒃᑯᑦ ᒪᒥᓴᕐᓂᓂᒃ; 
  • ᑭᒍᑎᓕᕆᔭᐅᓂᕐᓂᒃ. 
ᐊᑦᔨᒋᖏᑐᓂᒃ ᓱᓇᓱᐊᕐᑎᓯᒍᑎᓄᑦ 

ᐊᑦᔨᒋᖏᑐᓂᒃ ᐱᒍᑦᔨᒍᑏᑦ ᐊᑖᓂᓐᓂᖃᕐᓂᐊᑐᑦ ᑲᔪᓯᔪᓂᒃ ᐱᒍᑦᔨᒍᑎᓄᑦ, ᐃᓚᖃᕐᓂᐊᑐᓂᒃ ᒪᑯᓂᖓ, ᐅᑦᑑᑎᒋᓗᒍ: 

  • ᐋᓐᓂᐊᒥᒃ ᖃᐅᔨᓴᕐᕕᖓᓂᒃ; 
  • ᑕᕐᕋᑐᕐᑎᓯᕕᒃ; 
  • ᐊᓐᓂᐊᕕᐅᑉ ᐊᓪᓚᖁᑎᖏᑦ 
  • ᑐᑭᓯᒪᐅᑎᑦᓴᓕᕆᐅᑎᓂᒃ; 
  • ᐊᓯᖏᓐᓂᒃ.