ᑕᑯᒋᐊᕐᓂᖅ ᓯᓚᐅᑉ ᐊᓯᔾᔨᕙᓪᓕᐊᓂᖓᓂᒃ
ᒪᓕᑦᓱᒍ ᓯᓚᕐᔪᐊᑉ ᐃᓗᓯᕐᓱᓯᐊᕐᓂᒧᑦ ᑎᒥᐅᔪᖅ, ᓯᓚᐅᑉ ᐊᓯᔾᔨᕙᓪᓕᐊᓂᖓ ᒫᓐᓇᐅᔪᖅ ᓄᐃᑕᑎᑦᓯᔪᖅ ᐊᖏᓂᕐᐸᐅᑎᓪᓗᒍ ᐅᓗᕆᐊᓇᕐᑐᒥᒃ ᐊᓂᕐᑎᕆᔪᐃᑦ ᐃᓗᓯᕐᓱᓯᐊᕐᓂᖏᓐᓄᑦ ᓱᒃᑯᐸᓪᓕᐊᑐᐃᓐᓇᑎᓪᓗᒋᑦ ᓇᐅᓕᒫᑎᒍᑦ ᓇᓪᓕᖁᐊᒌᖕᖏᓃᑦ. ᓯᓚᐅᑉ ᓯᕗᓂᕐᒥ ᐃᒣᑦᑐᕈᒐᔭᕐᓂᐊᖒᕆᔭᐅᓂᖓ ᓂᕆᐅᒋᔭᓖᑦ ᓂᕈᒥᓐᓂᓴᐅᓂᐊᕐᑎᓗᒋᑦ ᑯᐯᒃᓕᒫᒥ, ᐱᓗᐊᕐᑐᒥᒃ ᓄᓇᕕᒻᒥ. ᑌᒫᒻᒪᕆᒻᒦᓃᑦ ᓯᓚ ᐱᔾᔪᑎᒋᑦᓱᒍ ᓱᒐᓗᓕᐅᒥᕖᖕᖓᓚᖓᔪᖅ, ᐊᑯᓂᐅᓂᕐᓴᓗ ᑌᒣᓕᖓᔪᒦᓪᓗᓂ, ᓯᓚᓗᓕᐅᒥᔭᓲᖑᓗᓂᓗ.
ᓄᓇᕕᒻᒥ, ᓯᓚᐅᑉ ᐊᓯᔾᔨᕙᓪᓕᐊᓂᖓ ᐃᒣᓕᔪᒦᒐᔭᕐᑐᖅ:
- ᐱᕙᓪᓕᐊᓕᐅᒥᔦᓐᓇᑲᓪᓛᓗᓂ ᐅᕐᖂᔪᐊᓘᓃᑦ
- ᐊᐅᑉᐸᓕᐊᓂᖏᑦ ᓂᓓᑦ ᓄᓇᐅᑉ ᐃᑭᐊᖓᓃᑦᑐᑦ
- ᑲᑕᒐᓚᖀᔪᑦ ᓯᓈᖏᑦᑕ ᓄᓀᑦ
- ᓱᕈᔪᐃᓐᓇᓂᕐᓴᐅᓕᕐᑐᖅ ᐅᐱᖕᖓᓴᒥ ᐅᑭᐊᑦᓴᒥᓪᓗ
- ᐊᑯᓂᐅᓂᕐᓴᖅ ᓄᓇᒥ ᐃᑯᐊᓚᓃᑦ
- ᐱᕐᓯᓕᐅᒥᓯᒪᓂᖅ
ᐅᕐᖂᔪᖅ
ᓂᓓᑦ ᓄᓇᐅᑉ ᐃᑭᐊᖓᓃᑦᑐᑦ
ᓯᓈᖏᑦ ᓄᓀᑦ ᑲᑕᒐᕐᑐᑦ
ᓇᐹᕐᑐᐃᑦ ᐃᑯᐊᓚᔪᑦ ᐳᔪᕐᓃᓗ
ᖃᐅᓯᕐᓇᑐᒦᓐᓃᑦ
ᐱᕐᓰᑦ
ᕿᒥᕐᕈᓂᖅ ᐃᓗᓯᕐᓱᓯᐊᕐᓂᐅᑉ ᐃᓕᒪᓇᕐᑐᒦᑐᐃᓐᓇᕆᐊᖃᕐᓂᖏᓐᓂᒃ
ᓱᓇᒥᑦᓯᐊᓱᓂ ᐃᓗᓯᕐᓱᓯᐊᕐᓂᐅᑉ ᓱᕐᕃᓂᕐᒧᑦ ᕿᒥᕐᕈᓂᖅ ᒫᓐᓇᐅᔪᖅ ᐊᑐᐃᓐᓇᐅᓕᕐᑐᖅ, ᑕᑯᑦᓴᐅᔪᓂᓪᓗ ᐃᓚᖃᕐᓱᓂ:
- ᐃᓗᓐᓈᒍᑦ ᓯᓚᒨᓕᖓᔪᓂᒃ ᐃᓕᒪᓇᕐᑐᒦᑐᐃᓐᓇᕆᐊᖃᕐᓂᖏᓐᓂᒃ ᓱᕐᕃᔪᒥᒃ ᓄᓇᕕᒻᒥ
- ᖃᐅᔨᓴᕐᓗᒋᑦ ᒫᓐᓇᐅᔪᖅ ᓯᕗᓂᕐᒥᓗ ᓂᕆᐅᒋᔭᐅᔪᑦ ᐃᓗᓯᕐᓱᓯᐊᕐᓂᒧᑦ ᓱᕐᕃᒍᓐᓇᓃᑦ
- ᓱᕐᕃᓃᖅ ᑎᒥᑎᒍᑦ, ᐃᓱᒪᒃᑯᑦ, ᐃᓗᕐᖁᓯᑎᒍᑦ ᓄᓇᓕᐅᓪᓗ ᖃᓄᐃᖕᖏᓯᐊᕐᓂᖓᓄᑦ
- ᐊᑦᑕᓇᕐᑐᒦᑦᑐᐃᑦ ᐃᓄᒋᐊᑦ ᐊᖏᓂᕐᓴᑎᒍᓪᓗ ᓇᓪᓕᖁᐊᒌᖕᖏᓃᑦ
- ᐱᕕᑦᓭᑦ ᐋᕐᕿᒋᐊᕐᓂᓄᑦ ᓴᐱᕐᑌᑑᓂᕐᒧᓗ
ᓱᕐᕃᓂᖅ ᐃᓗᓯᕐᓱᓯᐊᕐᓂᐅᑉ ᐃᓕᒪᓇᕐᑐᒦᑐᐃᓐᓇᕆᐊᖃᓂᖓᓂᒃ ᓄᓇᓕᓐᓂ
ᓯᓚᐅᑉ ᐊᓯᔾᔨᕙᓪᓕᐊᓂᖓ ᓱᕐᕃᔪᖅ ᓄᓇᓕᓐᓂᒃ ᓄᓇᕕᓕᒫᒥ ᐊᔾᔨᒌᖕᖏᑐᕐᑎᒍᑦ. ᐳᕐᑐᓂᖓ ᐃᓕᒪᓇᑐᐃᓐᓇᕆᐊᖃᒍᑎᒃ ᐃᓗᓯᕐᓱᓯᐊᕐᓂᐅᓗ ᓱᕐᕋᑕᐅᓂᖏᑦ ᐊᔾᔨᒌᖕᖏᓂᖃᓲᑦ ᑐᖕᖓᕕᒋᓗᒋᑦ ᓄᓇᓕᐅᑉ ᐊᕙᑎᕆᔭᖓ, ᐱᐅᒃᑯᑎᒻᒪᕇᑦ/ᐃᓪᓗᒪᕇᑦ, ᐱᕕᑦᓴᖃᒍᓐᓇᓂᖅ ᐃᑲᔫᑎᑦᓴᓄᑦ, ᓄᓇᓕᐅᓪᓗ ᖃᓄᐃᑦᑐᑎᒍᓐᓂᖏᑦ.
ᓇᓪᓕᖁᐊᒌᖕᖏᓃᑦ ᑕᒪᒃᑯᓂᖓ ᓯᓚᐅᑉ ᐊᓯᔾᔨᕙᓪᓕᐊᓂᖓ / ᐊᒥᓱᐃᑦ ᐃᓕᒪᓇᕐᑐᒦᑐᐃᓐᓇᕆᐊᓖᑦ
ᑕᒪᓐᓇ ᓯᓚᐅᑉ ᐊᓯᔾᔨᕙᓪᓕᐊᓂᖓ ᓱᕐᕃᒪᑦ ᑭᓇᓕᒫᒃᑯᓂᒃ, ᐃᓚᖏᑦ ᐃᓄᐃᑦ ᐊᑕᓇᕐᑐᒦᓐᓂᓴᐅᒍᓐᓇᑐᑦ ᓱᕐᕃᓂᖓᓄᑦ, ᐃᓚᑎᓪᓗᒋᑦ:
- ᐱᐊᕃᑦ
- ᐃᓄᑐᙯᑦ
- ᐱᐊᕋᑦᓴᓖᑦ
- ᐊᕐᕿᓱᐃᑦᑐᓂᒃ ᖃᓂᒻᒪᓴᓖᑦ
- ᐃᓱᐃᓪᓕᐅᓲᑦ ᐊᓂᕐᑎᕆᓂᕐᒥᑎᒍᑦ ᐅᕝᕙᓘᓐᓃᑦ ᐊᓯᖏᑎᒍᑦ ᐊᓂᕐᑎᕆᓂᕐᒧᑦ ᖃᓂᒻᒪᓴᓖᑦ
- ᓯᓚᒥ ᐱᓇᓱᐊᓲᑦ ᐅᕝᕙᓘᓐᓃᑦ ᓄᓇᒦᓲᑦ
ᑐᑭᓯᒪᓃᑦ ᑕᒪᒃᑯᓂᖓ ᐊᑦᑕᓇᕐᑑᑎᑦᓯᒍᓐᓇᑐᓂᒃ ᐃᑲᔪᕐᓯᒍᓐᓇᑐᑦ ᓄᓇᓕᓐᓂᒃ ᑐᑭᑖᕐᑐᐃᓲᓂᓪᓗ ᓇᓗᓀᔦᓂᕐᒥᒃ ᓯᕗᓪᓕᐅᔭᐅᔭᕆᐊᓕᓐᓂᒃ ᐱᔭᕆᐊᑭᓪᓖᑎᑦᓯᓂᕐᒥᒃ ᐋᕐᕿᒋᐊᕆᑦᓯᐊᓂᕐᒥᒃ ᓴᐱᕐᑌᑑᓂᕐᒥᓗ.
ᕿᓂᕐᓂᖅ ᐃᓗᓯᕐᓱᓯᐊᕐᓂᐅᑉ ᓱᕐᕋᑕᐅᒍᓐᓇᓂᖓᓂᒃ ᐊᑐᓂ ᓯᓚᐅᑉ ᐃᓕᒪᓇᕐᑐᒦᑦᑎᑕᐅᒍᓐᓇᓂᖓᓂᒃ
ᕿᒥᕐᕈᓂᖅ ᓄᐃᑕᑎᑦᓯᓯᐊᕐᑐᖅ ᖃᓄᖅ ᓯᓚᐅᑉ ᐃᓕᒪᓇᕐᑐᒦᑦᑎᑕᐅᒍᓐᓇᓂᖓᓂᒃ ᓱᕐᕃᒍᓐᓇᑐᖅ:
- ᑎᒥᒥᒍᑦ ᐃᓗᓯᕐᓱᓯᐊᕐᓂᒥᒃ ᐊᑦᑕᓀᑦᑐᒦᑦᑎᓯᓂᕐᒥᓗ
- ᐃᓱᒪᒃᑯᑦ ᐃᓗᓯᕐᓱᓯᐊᕐᓂᒥᒃ ᖃᓄᐃᖕᖏᓯᐊᕐᓂᒥᓪᓗ
- ᓂᖀᑦ ᐃᒪᐅᓪᓗ ᐊᑦᑕᓀᑦᑐᒦᑦᑎᑕᐅᓂᒋᒃ
- ᓄᓇᒨᒍᓐᓇᓂᖅ ᐱᕐᖁᓯᑐᖃᕐᑎᒍᓪᓗ ᓱᖃᑦᓯᓃᑦ
- ᓄᓇᓕᐅᑉ ᐱᐅᒃᑯᑎᒻᒪᕆᖏᑦ ᐱᔾᔪᔨᒍᑎᐅᓪᓚᕆᒋᐊᓖᓪᓗ
- ᐁᑦᑐᑕᐅᑐᐃᓐᓇᕆᐊᓕᒻᒦᑐᑦ ᖃᓂᒻᒪᓴᓄᑦ ᐆᒪᔪᓂᒃ ᐱᑦᓱᑎᒃ ᖃᓂᒻᒪᓭᑦ ᐃᓅᒻᒨᒍᓐᓇᑐᑦ
ᖃᕆᑕᐅᔭᑎᒍᑦ ᐱᓗᒋᑦ ᑐᑭᓯᓇᑦᓯᐊᑐᖅ: ᑕᑯᒋᐊᕐᓗᒍ ᓀᓪᓕᑎᕐᓯᒪᔪᖅ ᓱᕐᕃᓃᑦ ᐊᔾᔨᒌᖕᖏᑐᑦ ᐃᓕᒪᓇᕐᑐᒦᑦᑎᓯᒍᓐᓇᑐᑦ ᐃᓗᓯᕐᓱᓯᐊᕐᓂᒧᑦ ᐃᓄᓕᒫᑦ: |
ᑭᖑᓪᓖᑦ ᐊᓪᓗᕆᐊᕐᓂᓭᑦ: ᐱᕙᓪᓕᐊᑎᑦᓯᓂᖅ ᖃᓄᐃᓘᕈᑎᑦᓴᒥᒃ ᐸᕐᓀᓯᒪᐅᑎᒥᒃ
ᑕᓐᓇ ᕿᒥᕐᕈᓂᖅ ᓯᓚᐅᑉ ᐃᓕᒪᓇᕐᑐᒦᑦᑎᓯᑐᐃᓐᓇᕆᐊᖃᕐᓂᖓ ᓄᓇᓕᒻᒥᐅᑦ ᐃᓗᓯᕐᓱᓯᐊᕐᓂᖓᓄᑦ ᖃᓄᐃᖕᖏᓯᐊᕐᓂᖏᓐᓄᓗ ᑐᓴᕐᑎᓯᐅᑎᒃ, ᑕᑯᑦᓴᐅᑎᑦᓯᖏᓐᓇᓗᓂ ᐱᒻᒪᕆᕋᑕᕐᒥᒃ ᐱᕙᓪᓕᐊᔭᐅᓯᒪᓕᕐᑐᒥᒃ, ᑭᓯᐊᓂ ᐱᒋᐊᕐᕕᓕᐅᑎᐅᔪᖅ ᐋᕐᕿᒋᐊᕐᓯᒪᓂᕐᒥᒃ ᑲᔪᓯᔪᑦ.
ᑭᖑᓪᓕᖅ ᐊᓪᓗᕆᐊᕐᓂᓴᖅ ᑕᒪᑦᓱᒪ ᐱᓇᓱᐊᕐᓂᐅᑉ ᑕᑯᓐᓇᑕᑐᐊᖃᑫᓐᓇᓗᑎᒃ ᐱᕙᓪᓕᐊᑎᑦᓯᓂᕐᒥᒃ ᓯᓚᐅᑉ ᐃᓗᓯᕐᓱᓯᐊᕐᓂᐅᓗ ᖃᓄᐃᓘᕈᑎᑦᓭᑦ ᐸᕐᓀᓯᒪᐅᑎᑦᓴᖓᓂᒃ ᓯᕗᓕᕐᓂᐊᓗᓂ ᓯᕗᓪᓕᐅᔭᐅᖁᔭᐅᔪᓂᒃ ᖃᓄᐃᓕᒋᐊᕐᓂᓂᓪᓗ ᐊᕐᕌᒎᓚᖓᔪᓂ. ᑕᒪᓐᓇ ᐱᓇᓱᐊᕐᓂᖅ ᑲᔪᓯᓕᕐᑎᑕᐅᓛᕐᑐᒃ ᐃᓚᖃᕐᓗᓂ ᓄᓇᓕᓐᓂᒃ, ᑎᒥᐅᔪᓂᒃ ᓄᓇᓕᓕᒫᑎᒍᓪᓗ ᐱᓇᓱᐊᖃᑕᐅᔪᓂᒃ.
ᑖᓐᓇ ᐱᓇᓱᐊᕐᓂᓴᐅᑉ ᐸᕐᓀᓯᒪᐅᑎᖓ ᐃᒣᓕᓚᖓᔪᖅ:
- ᓇᓗᓀᕐᓯᓗᓂ ᓯᕗᓪᓕᐅᑎᔭᐅᒋᐊᓕᓐᓂᒃ ᐱᓇᓱᐊᕋᑦᓴᓂᒃ ᐃᓕᖓᓗᑎᒃ ᐃᑭᓪᓕᐅᒥᑎᑦᓯᓂᕐᒥᒃ ᐃᓗᓯᕐᓱᓯᐊᓂᐅᑉ ᐃᓕᒪᓇᒍᑎᒋᑐᐃᓐᓇᕆᐊᓕᖏᓐᓂᒃ
- ᓲᖑᓯᓭᓗᓂ ᓄᓇᓕᐅᑉ ᓴᐱᓕᕐᑌᓕᓂᕆᓲᖏᓐᓂᒃ ᐊᑐᐃᓐᓇᐅᓂᕐᒨᓕᖓᓂᕐᒧᓗ
- ᓴᐳᒻᒥᓗᒋᑦ ᐊᓯᔾᔨᑐᕐᓃᑦ ᑕᒫᓂᓕᒫᖅ ᐃᓗᓯᓕᕆᓂᐅᑉ ᐃᓄᓕᕆᓂᕐᒨᓕᖓᔪᓄᓪᓗ
- ᓄᐃᓗᒋᑦ ᓀᑦᑐᑦ-, ᐊᑯᓐᓂᖓᓃᑦᑐᑦ ᑖᕗᖓᐅᓕᖓᔪᓪᓗ ᑐᕌᒉᑦ
ᖃᐅᔨᒋᐊᕐᕕᒋᓗᒋᑦ ᐱᓇᓱᐊᖃᑎᒌᑦᑐᑦ
ᐊᕙᑎᓕᕆᓂᕐᒧᑦ ᐃᓗᓯᕐᓱᓯᐊᕐᓂᐅᑉ ᐱᓇᓱᐊᖃᑎᒌᑦᑐᖁᑎᖏᑦ: environmental.health.rr17@ssss.gouv.qc.ca
ᐊᑐᕐᑐᑦ ᐱᑐᑦᑎᓯᒍᓐᓇᑐᑦ ᖃᕆᑕᐅᔭᑎᒍᑦ
- ᒪᑭᕝᕕᐅᑉ ᑐᓴᕐᑎᓯᐅᑎᖓ: Nunavik Climate Change Adaptation Strategy – ᒪᑭᕝᕕᒃ – Makivvik/
- ᐃᓄᐃᑦ ᑕᐱᕇᑦ ᑲᓇᑕᒥ ᐸᕐᓀᓯᒪᐅᑎᓕᐊᕆᓯᒪᔭᖓ: https://www.itk.ca/national-inuit-climate-change-strategy/ (ᖃᓪᓗᓈᑎᑐᑦ ᐃᓄᒃᑎᑐᓪᓗ)
- INSPQ ᖃᕆᑕᐅᔭᑎᒍᑦ ᑕᑯᒋᐊᕐᕕᒃ ᓯᓚᐅᑉ ᐊᓯᔾᔨᕙᓪᓕᐊᓂᖓᓂ: https://www.inspq.qc.ca/changements-climatiques (ᒍᐃᒍᐃᑎᑐᑭᓯᐊᓂ)
ᑮᓇᐅᔭᑎᒍᑦ ᐃᑲᔪᕐᓯᔭᐅᓂᖃᕐᓱᓂ ᐅᑯᓇᖕᖓᑦ:
