2025-ᒥ, ᓄᓇᕕᒻᒥ ᐃᓗᓯᓕᕆᓂᕐᒧᑦ ᐃᓄᓕᕆᓂᕐᒧᓗ ᑲᑎᒪᔩᑦ ᐅᐱᒍᓱᑦᓯᐊᑐᑦ ᐸᕐᓇᓯᒪᐅᑎᒥᒃ ᐅᐃᒪᓇᕐᑐᓕᕆᔨᓄᑦ ᓄᓇᕕᒻᒥ ᐅᐱᒋᔭᐅᑦᓯᐊᓂᖓᓂᒃ 25-ᓂᕐ ᐊᕐᕌᒍᓂᒃ ᐊᑑᑎᑦᓱᑎᒃᑐᓴᕐᑎᓯᓂᖅ ᐱᒍᑦᔨᓲᓂᒃ ᓄᐃᑕᑎᑕᐅᑦᓯᐊᓂᖏᓐᓄᑦ : ᓄᓇᕕᒻᒥ ᐅᐃᒪᓇᕐᑐᓕᕆᔩᑦ. ᑖᑦᓱᒥᖓ ᐊᕐᕌᒎᔪᒥ ᓱᓇᓱᐊᕐᑐᕕᓃᑦ ᐱᒻᒪᕆᐅᑎᑦᓯᓂᕐᒧᑦ ᐱᒍᑦᔨᒍᒣᓐᓇᓕᒫᕐᓂᖏᓐᓂᒃ, ᓲᖑᔫᑦᓯᐊᓂᖏᓐᓂᒃ, ᐊᒻᒪᓗ ᐅᐃᒪᓇᕐᑐᓕᕆᔩᑦ ᓄᓇᓕᓕᒫᓂ ᐃᑲᔪᑦᓯᐊᑐᕕᓂᐅᒻᒪᑕ ᐃᑉᐱᒍᓱᑦᓯᐊᑐᕕᓂᐅᑦᓱᑎᒃ ᓄᓇᕕᒻᒥᐅᑦ ᓴᐳᒻᒥᓂᖃᑦᓯᐊᓂᖏᓐᓂᒃ ᖃᓄᐃᖕᖏᓯᐊᕐᓂᖏᓐᓂᓗ.
ᓄᓇᓖᑦ ᓂᕈᐊᖁᔭᐅᓛᕐᑐᑦ
ᒫᑦᔨᒥᒃ ᔫᓓᒧᑦ 2025-ᒥ, ᓄᓇᕕᒻᒥᐅᑦ ᙯᖁᔭᐅᓚᐅᔪᑦ ᓂᕈᐊᕐᓂᒧᑦ ᐅᐃᒪᓇᕐᑐᓕᕆᔨᓂᒃ ᐃᑲᔪᑦᓯᐊᑐᕕᓂᕐᓂᒃ ᓄᓇᓕᖏᓐᓂᒃ. ᑐᔪᕐᑕᐅᓚᐅᔪᕗᒍᑦ 57-ᓂᒃ ᓂᕈᐊᕐᑕᐅᓚᐅᔪᓂᒃ ᓄᓇᓕᓕᒫᓂ; ᐃᓘᓐᓇᖏᑦ ᓄᐃᑕᑎᑦᓯᓱᑎᒃ ᓇᑯᕐᓴᓯᐊᕐᓂᒥᓂᒃ ᐊᒻᒪᓗ ᐱᐅᑦᓴᓂᖏᓐᓂᒃ ᐅᐃᒪᓇᕐᑐᓕᕆᔩᑦ ᐃᑦᔭᒐᑦᓴᓯᐊᖑᓂᖏᓐᓂᒃ.
ᐊᑕᐅᓯᑭᐊᓂ ᓂᕈᐊᕐᑕᐅᒍᓐᓇᕋᔭᕋᓗᐊᕐᓱᓂ ᓄᓇᓕᒻᒥ ᓄᓇᓕᓕᒫᓂ ᓄᐃᑕᑎᑕᐅᓗᓂ ᑐᓴᕋᑦᓴᕗᓐᓂ, ᐊᖏᓕᒋᐊᕐᑎᓯᕗᒍᑦ ᓇᑯᕐᓴᓂᕗᓐᓂᒃ ᐅᐃᒪᓇᕐᑐᓕᕆᔨᓕᒫᓂᒃ ᐱᒍᑦᔨᒍᒣᓐᓇᓕᒫᑦᓯᐊᓂᖏᓐᓂᒃ, ᐱᓇᓱᑦᑎᓯᐊᖑᓂᖏᓐᓂᒃ, ᐊᒻᒪᓗ ᐃᑉᐱᒍᓱᑦᓯᐊᓲᖑᓂᖏᓐᓂᒃ ᓄᓇᕐᖃᑎᒥᓂᒃ.
ᓄᐃᑕᑎᑕᐅᑦᓯᐊᓂᖅ ᐱᒍᑦᔨᑎᓪᓗᒋᑦ ᑐᓴᕋᑦᓴᓂᒃ
ᐆᒃᑑᐱᕆᐅᑉ ᓯᕗᓪᓕᖓᓂ 2025-ᒥ, ᑐᓴᕋᑦᓭᑦ ᓄᐃᑕᑎᑦᓯᓂᕐᒧᑦ ᐱᒍᑦᔨᑎᓪᓗᒋᑦ ᐱᒻᒪᕆᐅᑎᑦᓯᓚᐅᔪᑦ ᐅᐃᒪᓇᕐᑐᓕᕆᔨᓂᒃ 14-ᓂᒃ ᓄᓇᓕᓕᒫᓂᒃ ᑕᕐᕋᒥ. ᐅᐃᒪᓇᕐᑐᓕᕆᔨᓕᒫᑦ ᑐᓴᕋᑦᓴᖏᑦ ᓄᐃᑕᑎᑦᓯᔪᑦ ᓯᕗᓕᕐᑎᐅᓂᖏᓐᓂᒃ, ᐱᓇᓱᖃᑎᒌᑦᓯᐊᓂᖏᓐᓂᒃ, ᐊᒻᒪᓗ ᐃᑉᐱᒍᓱᑦᓯᐊᓲᖑᓂᖏᓐᓂᒃ; ᑖᒃᑯᐊ ᐱᒻᒪᕆᐅᑎᑕᐅᓲᑦ ᑐᑭᖃᕐᑎᓯᔪᑦ ᐸᕐᓇᓯᒪᐅᑎᒥᒃ ᐊᒻᒪᓗ ᐱᕙᓪᓕᑎᑦᓯᔪᑦ ᓄᓇᓕᕗᓐᓂᒃ.
ᑕᑯᓂᐊᕆᐊᓪᓚᕈᓐᓇᖁᑎᑦ ᐅᐃᒪᓇᕐᑐᓕᕆᔩᑦ ᑐᓴᕋᑦᓴᖏᓐᓂᒃ ᐊᑦᔨᖑᐊᖏᓐᓂᓗ ᐅᐱᒋᔭᐅᓕᕐᑐᕕᓂᐅᑎᓪᓗᒋᑦ 25-ᓂᒃ ᐊᕐᕌᒍᓂᒃ ᐊᑑᑎᔭᐅᓚᐅᔪᑎᓪᓗᒍ ᐆᒃᑑᐱᕆ 9, 2025-ᒥ, ᑰᑦᔪᐊᕌᐱᒻᒥ ᐅᕘᓇ ᐊᑦᓯᔭᐅᒪᒍᑎᒨᕐᑎᓯᓲᒧᑦ:
https://www.facebook.com/media/set/?set=a.1472380631590447
ᐅᓪᓗᐃᑦ 2026-ᒨᓕᖓᔪᑦ ᓄᐃᑕᑦᓯᔪᑦ ᐅᐃᒪᓇᕐᑐᓕᕆᔨᓂᒃ
ᐃᑉᐱᒍᓱᑦᓯᐊᖃᑦᑕᓛᓕᕐᖁᑎᑦ ᐅᓪᓗᐃᑦ 2026-ᒨᓕᖓᔪᑦ ᐅᐃᒪᓇᕐᑐᓕᕆᔨᓅᓕᖓᓛᕐᑐᑦ ᓄᓇᕕᒻᒥ, ᐊᑐᐃᓐᓇᐅᓛᕐᓱᑎᒃ ᓄᓇᓕᐅᑉ ᑲᕙᒫᐱᖓᓂ ᔮᓄᐊᕆ 2026-ᒥ. (ᑌᒣᑦᑐᓂᒃ ᖃᑦᓯᒐᓚᓐᓂᑭᐊᖅ ᑭᓯᐊᓂ ᐱᑕᓕᒃ)