ᑯᐯᒻᒥ ᑲᐴᕐᑕᐅᒋᐊᖃᕐᓂᒧᑦ ᐱᓇᓱᐊᕈᑕᐅᔪᖅ ᖃᖓᐅᒋᐊᖃᕐᓂᖏᓐᓂᒃ ᑲᐴᕆᓃᑦ ᐊᑐᐃᓐᓇᐅᑎᑦᓯᕗᖅ ᐊᑭᖃᖕᖏᑐᒥᒃ ᖃᐱᔭᐅᖃᑦᑕᖁᓪᓗᒋᑦ ᐱᐊᕃᑦ ᑲᐴᕆᓂᖃᓕᕐᐸᑦ ᐃᓕᓐᓂᐊᕕᓐᓂ.
ᓄᓇᕕᒻᒥ, ᑲᐴᕆᓃᑦ ᐱᐊᕋᕐᓂᒃ ᐊᑑᑎᔭᐅᓲᑦ ᐅᑯᓇᓂ :
ᑲᐴᑏᑦ ᐊᑐᐃᓐᓇᐅᑎᑕᐅᔪᑦ ᐃᑉᐱᒋᑦᓱᒋᑦ ᐱᐊᕋᐅᑉ ᓇᓪᓕᐊᓂᒃ ᐳᕐᑐᓂᖃᕐᓂᖓ. ᐊᓯᖏᑦ ᐱᑦᔪᑕᐅᒍᓐᓇᕋᓗᐊᕐᒥᑎᓪᓗᒋᑦ, ᐅᑦᑑᑎᒋᓗᒍ ᖃᓄᐃᓐᓂᖓ ᑲᐱᔭᐅᓯᒪᑎᒋᓂᖓᓗ ᐱᐊᕋᐅᓂᕐᒥᓂ.
ᑐᑭᓯᒪᒍᑎᑦᓴᑎᓐᓂᒃ ᑲᐴᕆᓂᐅᒋᐊᓕᐅᑉ ᐃᓕᓐᓂᐊᕕᒻᒥ ᐱᑎᑕᐅᓛᕐᑐᑎᑦ. ᐊᐱᕆᐅᑎᑦᓴᖃᕆᐊᓪᓚᕈᕕᑦ, ᖃᐅᔨᒋᐊᕐᕕᖃᕈᓐᓇᑐᑎᑦ ᐋᓐᓂᐊᕕᑦᓯᓂᒃ .
ᑲᐱᔭᐅᓂᕐᒥᒃ ᐊᖏᕐᓂᖅ
ᐊᑐᐊᕐᓯᖁᔭᐅᕗᑎᑦ ᑲᐴᕆᓂᕐᒨᓕᖓᔪᓂᒃ ᐃᓕᓐᓅᑕᐅᓚᐅᕐᑐᓂᒃ ᐅᖄᒍᑎᒋᓗᒋᓪᓗ ᕿᑐᕐᖓᓄᑦ.
- ᕿᑐᙰᑦ 14-ᓂᒃ ᐅᑭᐅᓕᒻᒥᑦ ᓄᑲᕐᓯᐅᐸᑦ, ᑕᑕᕐᓭᒋᐊᖃᕐᑐᑎᑦ ᐊᖏᕈᑎᒥᒃ ᐅᑎᕐᑎᓴᐅᑎᒋᓗᒍᓗ ᐃᓕᓐᐊᕕᒻᒧᑦ. ᐱᒻᒪᕆᐅᕗᖅ ᑕᑕᕐᓴᑕᐅᒋᐊᖃᕐᓂᖓ ᑖᑦᓱᒪ, ᐊᖏᓚᖓᒍᕕᑦ ᐊᖏᓚᖓᖕᖏᑲᓗᐊᕈᕕᓪᓗ ᕿᑐᕐᖓᐱᑦ ᑲᐱᔭᐅᓂᑦᓴᖓᓂᒃ.
- ᕿᑐᙰᑦ 14-ᓂᒃ ᐅᑭᐅᖃᕐᐸᑦ ᐊᖓᔪᑦᓯᐅᓗᓂᓗᓐᓃᑦ, ᐱᖁᔭᑎᒍᑦ ᐊᖏᕈᓐᓇᐅᑎᓕᒃ ᑲᐱᔭᐅᓂᕐᒥᓂᒃ. ᐊᖓᔪᕐᖃᐅᓗᑎᑦ ᐃᑲᔪᕐᓯᒪᖏᓐᓇᕆᐊᓖᑦ ᑐᑭᑖᕋᓱᐊᓕᑐᐊᕐᐸᑦ.
ᑲᐴᕆᓂᖅ ᐃᓕᓐᓂᐊᕕᒻᒥ ᐱᒻᒪᕆᐅᕙ? ᐊᑑᑎᖃᑦᓯᐊᐸᑦ? ᐊᑦᑕᓇᖕᖏᓛᑦ?
ᐋ, ᐃᓗᓐᓇᑎᒃ ᑲᐳᑏᑦ ᐊᑐᐃᓐᓇᐅᑎᑕᐅᔪᑦ ᑯᐯᒻᒥ ᑲᐴᕐᑕᐅᓯᒪᒋᐊᖃᕐᓂᕋᐅᑎᐅᔪᓄᑦ ᐱᓇᓱᐊᕐᑕᐅᓂᖅ ᐱᒻᒪᕆᐅᕗᑦ ᓴᐴᓗᑕᖃᑦᓯᐊᖁᓪᓗᒍ ᕿᑐᕐᒃᙰᑦ ᐊᓐᓂᐊᑖᕈᑕᐅᒍᓐᓇᑐᓂᑦ ᐅᖑᒪᔭᐅᒍᓐᓇᑐᓂᒃ ᑲᐴᑎᒧᑦ. ᐊᑑᑎᖃᑦᓯᐊᑐᑦ ᐊᑦᑕᓇᕋᑎᓪᓗ.
ᖃᐅᔨᒋᐊᑦᓯᐊᕈᒪᒍᕖᑦ ᖃᐴᑏᑦ ᒥᑦᓵᓄᑦ ᐅᓇ ᑕᑯᒋᐊᕐᕕᓴᖅ.
ᓱᒧᑦ ᑲᐴᕆᓂᖅ ᐃᓕᓐᓂᐊᕕᒻᒥ?
ᑲᐴᕆᓂᖅ ᐃᓕᓐᓂᐊᕕᒻᒥ ᐊᒥᓱᓂᒃ ᐊᑐᕐᓂᓕᒃ:
- ᐱᐊᕃᑦ ᐃᓕᓐᓂᐊᕆᐅᕐᓂᐅᓕᕐᑐᑦ ᑎᒥᖓᑕ ᖃᓂᒪᓐᓇᒥᒃ ᐹᒍᑎᖏᑦ ᐃᑲᔪᕐᓯᔭᐅᒍᓐᓇᓯᐊᕐᓂᐸᐅᒻᒪᑕ ᑖᒃᑯᓄᖓ ᐃᓕᓐᓂᐊᓕᕐᓱᑎᒃ ᑲᐴᕐᑕᐅᒍᑎᐅᔪᓄᑦ;
- ᑲᐱᔭᐅᓂᖅ ᐃᓕᓐᓂᐊᕕᒻᒥ ᓴᐴᓗᑕᓕᐅᑦᓯᐊᑐᖅ ᐱᐊᕋᕐᓂᒃ ᐊᓐᓂᐊᖑᒍᓐᓇᑐᓄᑦ ᓄᐃᕕᐅᖕᖏᓂᖏᓐᓂ, ᐊᑑᑎᖃᑦᓯᐊᓂᕐᓴᐅᕗᖅ ᑲᐴᑎ ᓴᐳᓗᑕᖃᑦᓯᐊᑫᑦᓱᓂᓗ;
- ᓴᐴᓗᑕᓕᐅᕐᑕᐅᓯᒪᑦᓯᐊᕈᓐᓇᓯᑎᑦᓱᒋᓪᓗ ᐱᐊᕃᑦ ᐊᑯᓂᐅᖕᖏᑐᖅ ᐋᓐᓂᐊᕕᒻᒨᕆᐊᑐᕈᓐᓀᑎᑦᓯᓱᓂᓗ ᐊᖓᔪᕐᖃᐅᔪᓂᒃ.
ᐱᒻᒪᕆᐅᕗᖅ ᐊᑐᐊᕐᓯᓯᐊᕆᐊᖃᕐᓂᖅ ᐊᓪᓚᓯᒪᔪᓂᒃ ᐃᓕᓐᓄᑦ ᑐᕌᕐᑎᑕᐅᔪᓂᒃ ᑲᐴᕆᓂᐅᒐᔭᕐᑐᖅ ᐃᓕᓐᓂᐊᕕᒻᒥ ᐱᑦᔪᑕᐅᑎᓪᓗᒍ ᐊᒻᒪᓗ ᑲᐱᔭᐅᖁᔨᓂᕐᒧᑦ ᐊᖏᕈᑎᒃ ᑕᑕᕐᓴᕆᐊᖃᕐᓱᒍ ᑲᐱᔭᐅᖁᔨᒍᕕᑦ ᕿᑐᕐᖓᓂᒃ ᑲᐱᔭᐅᕕᑦᓴᕆᒋᐊᓕᖓᓂ.
ᐊᑦᑕᓇᖕᖏᓛ ᐊᑕᐅᓯᖕᖏᑐᓄᑦ ᐊᑕᐅᑦᓯᑯᑦ ᑲᐱᔭᐅᑉᐸᑦ?
ᐋ, ᐊᑦᑕᓇᖕᖏᑐᖅ ᑕᒪᓐᓇ. ᐊᑕᐅᓯᕐᒧᑦ ᐊᒥᓲᓂᕐᓴᓄᓪᓘᓃᑦ ᑲᐱᔭᐅᒍᓐᓇᑐᑦ ᐊᑕᐅᑦᓯᑰᕐᑎᓗᒋᑦ, ᐊᑦᑕᓇᕋᓂᓗ.
W ᓱᒋᐊᖃᕐᐱᑦ ᑲᐴᕆᓂᖃᓚᐅᕐᑎᓇᒍ ᐃᓕᓐᓂᐊᕕᒻᒥ?
ᑐᑭᓯᒪᒍᑎᑦᓴᓂᒃ ᐁᑦᑐᑕᐅᒐᔭᕐᑐᑎᑦ ᑲᐴᕆᓂᖃᓛᓕᕐᐸᑦ ᐃᓕᓐᓂᐊᕕᒻᒥ. ᑖᒃᑯᐊ ᑐᑭᓯᒪᒍᑎᒋᒐᔭᕐᑕᑎᑦ ᑐᑭᑖᕈᑎᖃᑦᓯᐊᕈᑎᑦᓴᑎᓐᓂᒃ ᕿᑐᕐᖓᐱᑦ ᑲᐱᔭᐅᓂᕆᒋᐊᓕᖓᓄᑦ. ᐊᐱᕆᐅᑎᑦᓴᖃᕆᐊᓪᓚᕈᕕᑦ ᐋᓐᓂᐊᕕᑦᓯᓄᑦ ᐅᖄᓚᒍᓐᓇᑐᑎᑦ.
- ᐊᖓᔪᕐᖄᕆᔭᐅᒍᕕᑦ ᑲᒪᔨᒋᔭᐅᒍᕕᓪᓘᓃᑦ ᐱᐊᕋᕐᒧᑦ 14-ᓂᒃ ᐅᑭᐅᓕᒻᒥᑦ ᓄᑲᕐᓯᒧᑦ ᑲᐱᔭᐅᖁᒍᕕᐅᓪᓗ ᑲᐱᔭᐅᖁᔨᒍᑎᐅᔪᒧᑦ, ᑕᑕᕐᓭᒋᐊᖃᕐᑐᑎᑦ ᑕᑕᕐᓴᕋᑦᓴᒥᒃ ᑕᒪᑐᒧᖓᓕᖓᔪᒥᒃ. ᐱᒻᒪᕆᐅᕗᖅ ᑕᑦᓱᒪ ᑕᑕᕐᓴᑕᐅᑦᓯᐊᕆᐊᖃᕐᓂᖓ, ᐊᑎᓕᐅᕐᕕᒋᓗᒍᓗ ᐅᑎᕐᑎᒋᐊᓕᒃ ᐃᓕᓐᓂᐊᕕᒻᒧᑦ.
- ᐱᐊᕃᑦ (ᐃᓅᓱᑦᑐᐃᑦ) ᐅᑭᐅᓖᑦ 14-ᓂᒃ ᐊᖓᔪᑦᓰᓗ ᐃᒻᒥᓂᕿᓗᑎᒃ ᐊᖏᕈᓐᓇᕕᓖᑦ ᑲᐱᔭᐅᓂᕐᒥᒃ ᐱᖁᔭᖅ ᒪᓕᑦᓱᒍ. ᐊᖓᔪᕐᖃᐅᓃᑦ ᐊᑐᕐᓗᒍ, ᕿᑐᕐᙰᑦ ᖃᓄᐃᓕᔪᑦᓴᐅᒪᖔᑦ ᑐᑭᓯᑎᒐᑦᓴᔭᕆᔦᑦ ᑐᑭᑖᕈᓐᓇᖁᓪᓗᒍ ᕈᒪᐅᓯᒥᒍᑦ.
ᓱᒋᐊᖃᕐᓂᖅ ᑲᐱᔭᐅᒌᕐᓗᓂ?
ᑲᐱᔭᐅᒋᕐᓴᑐᐊᕐᐸᑦ, ᐋᓐᓂᐊᓯᐅᕐᑎ ᐊᐱᕆᒐᔭᕐᑐᖅ ᕿᑐᕐᖓᓂᒃ ᐅᑕᕐᕿᖁᓗᒍ 15 ᒥᓂᑦᓯᓂᒃ ᐊᓂᓚᐅᕋᓂ. ᑲᐴᑎᒧᑦ ᓱᕐᕋᓗᑲᑦᑕᐅᑐᐊᕐᐸᑦ, ᓄᐃᕕᐅᒍᓐᓇᑐᖅ ᐊᑯᓂᐅᖕᖏᑐᐊᐱᒃ ᑲᐱᔭᕕᓂᐅᒌᕐᓗᓂ, ᑲᒪᒋᔭᐅᓯᑦᓴᐅᑎᒋᒐᔭᕐᓱᓂᓗ ᐋᓐᓂᐊᓯᐅᕐᑎᒧᑦ.
ᐊᓂᕐᕋᓯᒪᓕᕐᓗᓂ, ᕿᑐᕐᙰᑦ ᐅᕕᓂᖓ ᐊᒻᒪᑎᕐᐸᑦ ᐳᓪᓕᓕᕐᓂᕈᓂᓪᓘᓃᑦ ᑲᑉᐳᒥᒍᑦ, ᓂᓪᓕᓇᕐᑐᑕᑦᓯᒋᐊᓕᒃ ᑲᑉᐳᖓ. ᐆᓇᕿᒌᒃᑯᑎᒥᒃ ᐋᓐᓂᐊᒌᒃᑯᑎᒥᓪᓘᓃᑦ ᐄᓯᑎᒍᓐᓇᒥᔦᑦ ᕆᐊᖃᑐᐊᕐᐸᑦ.
ᐋᓐᓂᐊᕕᒻᒧᑦ ᐅᖄᓚᒍᓐᓇᑐᑎᑦ ᐃᒣᓕᑦᓴᐸᑦ:
- ᕿᑐᕐᙰᑦ ᐊᔪᒉᑦᑐᓂᒃᐊᑦᑕᓇᕐᓂᐊᖑᕐᑐᓂᓪᓗ ᐃᑉᐱᓂᐊᓯᑉᐸᑦ;
- ᑖᒃᑯᐊ ᐃᑉᐱᓂᐊᕐᑕᖏᑦ ᐱᐅᓯᐅᒥᕙᓪᓕᐊᖏᑉᐸᑕ
48 ᑫᕙᓪᓚᒍᓰᑦ ᐅᖓᑖᓄᑦ ᐃᑉᐱᓂᐊᕆᑉᐸᖏᑦ
ᖃᐅᔨᒋᐊᑦᓯᐊᕈᑎᑦᓭ ᑲᐴᕆᓂᐅᒐᔭᕐᑐᓅᓕᖓᔪᑦ ᐃᓕᓐᓂᐊᓇᐅᑉ ᐊᕐᕌᒍᖓᓂ ᐊᑑᑎᔪᒥ ᑐᑭᓯᒍᒪᒍᕕᒃᑭᑦ, ᐳᕐᑐᓂᖓ ᕿᑐᕐᖓᐱᑦ ᒪᓕᓪᓗᒍ ᖃᐅᔨᒋᐊᕈᓐᓇᑐᑎᑦ ᐅᑯᓄᖓ :
ᑐᑭᓯᒪᐅᑎᑦᓭᑦ ᑲᐴᕆᓂᕐᒥᒃ ᐃᓕᓐᓂᐊᕕᒻᒥ :
School-based vaccination | Gouvernement du Québec (quebec.ca).