ᑖᓐᓇ ᐱᕙᓪᓕᖁᑎᐅᔪᖅ ᐱᕕᖃᕐᑎᓯᔪᖅ ᐊᔾᔨᒌᖕᖏᑐᓂᒃ ᑭᒍᑎᓕᕆᔭᐅᓂᕐᓂᒃ, ᓇᓗᓀᕐᑕᐅᒪᔪᓂᒃ ᐅᕙᓂ ᑭᒍᑎᓕᕆᔭᐅᒍᑏᑦ ᐱᕙᓪᓕᖁᑏᑦ ᒪᓕᒐᖓᓂ, ᐊᑐᐃᓐᓇᐅᑎᑕᐅᔪᖅ ᐅᕙᓂ ᖃᕆᑕᐅᔭᑎᒍᑦ https://www.sac-isc.gc.ca.
ᑭᒍᑎᓕᕆᔭᐅᒍᑎᑐᐃᓐᓀᑦ ᐃᓚᓖᑦ ᐅᑯᓂᖓ:
- ᓱᕐᖁᐃᓱᒋᐊᕐᑕᐅᓂᕐᒧᑦ ᐱᔾᔪᔨᕖᑦ;
- ᓯᕗᕐᖐᒋᐊᕐᓃᑦ ᐱᔾᔪᔨᕖᑦ;
- ᖃᓄᐃᖕᖏᓯᐊᕐᓂᒨᕐᑎᓯᓂᕐᒧᑦ ᐱᔾᔪᔨᕖᑦ;
- ᑭᒍᑌᕐᓯᔨᒻᒪᕇᑦ ᐱᔾᔪᔨᕖᑦ;
- ᑭᒍᑎᐅᑉ ᓂᕿᖓᓂ ᒪᒥᓭᓂᕐᒧᑦ ᐱᔾᔪᔨᕖᑦ;
- ᑭᒍᑎᖕᖑᐊᓕᕆᓂᕐᒧᑦ ᐱᔾᔪᔨᕖᑦ;
- ᖃᓂᕐᒥᒍᑦ ᐱᓚᒃᑐᐃᓂᕐᒧᑦ ᐱᔾᔪᔨᕖᑦ;
- ᑭᒍᑎᓂᒃ ᓯᑦᑐᑎᕆᓂᕐᒧᑦ ᐱᔾᔪᔨᕖᑦ;
- ᐱᔾᔪᔭᐅᒋᐊᓪᓚᓂᕐᒧᑦ ᐱᔾᔪᔨᕖᑦ.
ᑖᓐᓇ ᐱᕙᓪᓕᖁᑎᐅᔪᖅ ᐱᕕᖃᕐᑎᓯᔪᖅ ᐃᓚᐅᔫᒍᓐᓇᑐᓂᒃ ᐱᕕᖃᓂᐊᕐᑎᓗᒋᑦ ᐱᕙᓪᓕᖁᑎᐅᔪᓂᒃ ᐱᕕᖃᕐᑎᑕᐅᖕᖏᑑᔪᓂᒃ ᓇᐅᓕᒫᓄᑦ ᓇᒻᒥᓂᕐᓅᓕᖓᔪᓄᓪᓘᓃᑦ ᐋᓐᓂᐊᓯᐅᕐᓂᓕᕆᐅᑏᑦ ᐃᒻᒪᖃᐅᑎᑖᕈᑎᐅᔪᑦ ᐸᕐᓀᓯᒪᐅᑎᖏᓐᓄᑦ.
ᐱᕕᖃᕐᕕᖃᓂᐊᕈᓂ ᑖᑦᓱᒥᖓ ᐱᕙᓪᓕᖁᑎᐅᔪᒥᒃ, ᐃᓚᐅᔫᔫᖅ ᐅᕝᕙᓘᓐᓃᑦ ᑲᒪᔨᒋᔭᖓ ᐋᕐᕿᓱᐃᒋᐊᓕᒃ ᖃᖓ ᑕᑯᔭᐅᕕᑦᓴᒥᓂᒃ ᑲᒪᒋᔭᐅᒐᔭᕋᒥ ᐅᕝᕙᓗᓘᓐᓃᑦ ᐱᓗᓂ ᖃᓄᖅ ᒪᒥᓴᕐᑕᐅᒍᑎᑦᓴᕆᒐᔭᕐᑕᒥᓂᒃ ᐸᕐᓀᓯᒪᐅᑎᒥᒃ.
ᐱᒻᒪᕆᒃ
- ᐃᓚᐅᔫᔫᖅ ᑲᒪᔨᒋᔭᖓᓘᓐᓃᑦ ᐊᐱᕐᓱᒋᐊᓕᒃ ᐋᓐᓂᐊᓯᐅᑎᓕᕆᔨᒥᒃ ᖃᐅᔨᒋᐊᕐᕕᖃᖁᔨᓗᓂ ᓄᓇᕕᒻᒥ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓᓄᑦ ᐱᕕᖃᓂᐊᑐᐊᕈᓂ ᐊᖏᕐᑕᐅᒍᑎᒥᒃ ᓇᓗᓀᕐᓯᔪᒥᒃ ᐅᑎᕐᕕᐅᒍᑎᐅᒍᓐᓇᑐᒥᒃ ᓱᕐᖁᐃᑕᐅᑦᓯᐊᓚᐅᑲᑦᑎᓗᒍ ᐃᓚᐅᔫᔫᑉ ᐱᒍᓐᓇᕕᖃᕐᓂᖓᓂᒃ, ᐊᓪᓚᓯᒪᔫᓗᓂ ᐋᓐᓂᐊᓯᐅᑎᑖᕈᑎᒃ, ᐊᒻᒪᓗ ᐋᓐᓂᐊᓯᐅᑎᓕᕆᔨᐅᑉ ᐱᓇᓱᐊᕐᓂᕕᓂᖓ.
- ᐊᖏᕐᑕᐅᒍᑎᐅᔪᖅ ᒪᓂᔭᐅᔪᖅ ᓄᓇᕕᒻᒥ ᓄᓇᕕᐅᑉ ᐃᒻᒪᖃᐅᓯᕐᑕᐅᒪᖕᖏᑐᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑎᒋᔭᖓᓄᑦ ᓇᓗᓀᕐᓯᓯᒪᒐᔭᕐᑐᖅ ᐅᓄᕐᓂᖓᓂᒃ ᐅᑎᕐᑎᑕᐅᒍᑎᑦᓴᖓᓂᒃ ᑐᕃᓐᓇᑐᒧᑦ ᐋᓐᓂᐊᓯᐅᑎᓕᕆᔨᒧᑦ. ᐃᒣᓕᖓᔪᒦᑉᐸᑦ ᑖᓐᓇ ᐱᕙᓪᓕᖁᑎᐅᔪᖅ ᐱᕕᖃᕐᑎᓯᖕᖏᐸᑦ ᐊᑭᓕᕐᑕᐅᑎᑦᓯᒍᓐᓇᖏᑉᐸᑦ ᐃᓗᓐᓇᖓᓂᒃ, ᐃᓚᐅᔫᔫᖅ ᐊᑭᓖᔪᑦᓴᕈᕋᔭᕐᑐᖅ ᐊᒥᐊᒃᑯᖏᓐᓂᒃ ᐋᓐᓂᐊᓯᐅᑎᓕᕆᔨᒧᑦ.