ᐱᐊᕃᑦ ᓯᕗᓪᓕᐅᔭᐅᒋᐊᖃᕐᓂᖏᑦᑕ ᐱᓇᓱᐊᕐᑕᐅᓂᖓ (CFI) ᑲᕙᒪᑐᖃᒃᑯᓄᑦ ᐱᒋᐊᕐᑎᑕᐅᓯᒪᕗᖅ ᐱᐅᓯᒋᐊᕐᑎᑕᐅᖁᑦᓱᒋᑦ ᐱᒍᑦᔭᐅᒍᑎᖏᑦ ᐃᓄᐃᑦ ᕿᑐᕐᖓᖏᑦᑕ ᖃᓄᐃᖕᖏᓯᐊᕆᐊᖃᕐᓂᖅ ᐱᓪᓗᒍ, ᐃᓄᓕᕆᓂᖅ ᐱᓪᓗᒍ ᐊᒻᒪᓗ ᐃᓕᓐᓂᐊᓂᓕᕆᓂᖅ. ᐱᐊᕃᑦ ᓯᕗᓪᓕᐅᔭᐅᒋᐊᖃᕐᓂᖏᑦᑕ ᐱᓇᓱᐊᕐᑕᐅᓂᖓ ᑲᔪᓯᑎᑕᐅᓂᖃᓲᒍᕗᖅ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᓄᑦ ᑐᕌᒐᖃᕈᑕᐅᑦᓱᓂ ᑮᓇᐅᔭᖃᕐᑎᓯᓂᕐᒥᒃ ᐱᒍᑦᔨᒍᑎᑦᓴᓅᓕᖓᔪᓂᒃ ᐊᑐᐃᓐᓇᐅᓂᖕᖏᐸᑕ ᐱᒍᑦᔨᐅᑎᐅᒋᐊᓖᑦ ᐊᑯᓂᕆᑦᓯᖏᑦᑐᒥᒃ ᐅᕝᕙᓘᓐᓃᑦ ᐱᒍᑦᔭᐅᒍᑎᑦᓴᖃᖕᖏᓗᑐᕐᐸᑦ. ᐊᑦᔨᒌᖕᖏᑐᑦ ᓄᓇᕕᒻᒥ ᐱᓇᓱᕝᕖᑦ ᐊᐅᓚᑦᓯᓲᑦ ᑕᒪᒃᑯᓂᖓ ᐱᒍᑦᔨᐅᑎᓂᒃ ᓄᓇᕕᒻᒥ ᑲᑐᑦᔨᖃᑎᒌᒍᑎᖃᕐᐸᐳᑦ ᓄᐃᑦᓯᒍᒪᑦᓱᑎᒃ ᐊᑯᓃᕐᑐᒨᓕᖓᔪᓂᒃ ᐱᒍᑦᔨᐅᑎᑦᓴᓂᒃ ᑭᖕᖒᒪᓇᕐᑐᓂᒃ ᐃᓄᐃᑦ ᕿᑐᕐᖓᖏᓐᓄᑦ ᓈᒻᒪᓈᕐᑕᓯᐊᕐᐸᑎᓪᓗᒋᑦ ᐃᓄᐃᓪᓗ ᐃᓕᕐᖁᓯᖓᓅᓕᖓᑦᓯᐊᑎᓪᓗᒋᑦ.
***ᐅᖄᖃᑎᖃᖁᔨᕗᒍᑦ ᐃᓕᓐᓂᒃ ᐱᓇᓱᑦᑎᒪᕆᓐᓄᑦ ᐊᑐᐃᓐᓇᐅᔪᓄᑦ ᓄᓇᓕᓐᓂ ᑕᑕᕐᓭᓚᐅᕐᑎᓇ ᐊᐱᕐᓲᑎᒥᒃ ᐃᓕᓴᕐᓂᓕᕆᔨᒃᑯᓄᑦ ᑮᓇᐅᔭᓕᕆᓂᕐᒧᑦ.
ᓱᓇᓂᒃ ᐱᒍᑦᔭᐅᒍᑎᑦᓴᑕᓕᒃ ?
ᓇᓂᒃ ᐱᒍᑦᔭᐅᒍᑎᑦᓴᑕᓕᒃ ? ᕿᑐᕐᖓᕆᔭᐅᔫᑉ ᐊᑑᑎᔭᖓ ᐊᑦᔨᒋᔭᐅᓲᒍᖕᖏᑐᖅ. ᑕᑲᒃᑯᐊᑕᒐ ᐆᑦᑐᕋᐅᑎᑦᓭᑦ ᓱᓇᐅᒻᒪᖔᑕ ᐃᓚᖏᑦ ᐱᒍᑦᔭᐅᒍᑎᐅᓲᑦ:
- ᐃᑉᐱᒋᔭᐅᑦᓯᐊᖁᒧᑦ ᑭᖑᓂᖓᒍᑦ ᖃᓄᐃᓕᕐᒪᖔᑕ ᖃᐅᔨᒋᐊᕐᑕᐅᖃᑦᑕᕆᐊᖃᕐᓂᖏᑦᑕ ᑭᑐᕐᖓᕆᔭᐅᔪᑦ ᐃᓚᖏᓪᓗ (ᐱᒍᑦᔭᐅᒋᐊᓪᓚᑖᕆᐊᓕᓐᓂᒃ ᐱᒍᑦᔨᔩᑦ, ᐱᓇᓱᕝᕕᒥᓄᑦ ᐅᑎᕐᐸᓕᐊᒋᐊᓕᓐᓂᒃ ᐱᒋᐅᕐᓴᑎᑦᓯᔩᑦ, ᐊᓯᖏᓪᓗ);
- ᑎᒥᒻᒥᒍᑦ ᐱᕐᖃᔭᑦᓯᐊᖏᑦᑑᒍᑎᓖᑦ ;
- ᐃᓱᒪᒃᑯᑦ ᖃᓄᐃᑦᑐᖃᕐᒪᖔᑦ ᖃᐅᔨᓴᕐᑕᐅᔪᖃᕆᐊᖃᕐᐸᑦ; ᐱᒍᑦᔨᒋᐊᓪᓚᑖᕈᑎᑦᓭᑦ ᐋᓐᓂᐊᓯᐅᕆᒍᑏᑦ ᐱᓇᓱᒍᑎᑦᓭᓗ;
- ᑭᖕᖒᒪᓇᕐᑐᑦ;
- ᖃᕆᑕᕐᒨᓕᖓᔪᓕᕆᔨᓄᑦ;
- Etc.
ᑭᓇᒃᑯᑦ ᐱᒍᑦᔭᐅᒍᓐᓇᐸᑦ
ᐃᓄᐃᑦ ᑭᑐᕐᖓᓕᒫᖏᑦ, ᓇᓂᒥᐅᒍᒐᓗᐊᕈᑎᒃ ᑲᓇᑕᒥ, ᑐᒃᓯᕋᐅᑎᓕᐅᕈᓐᓇᑐᑦ ᑮᓇᐅᔭᓂᒃ ᑲᒃᑲᓛᑦ ᐱᐊᕃᑦ ᓯᕗᓪᓕᐅᔭᐅᒋᐊᖃᕐᓂᖏᓐᓄᑦ ᐱᒋᐊᕐᑎᑕᐅᓯᒪᔪᑎᒍᑦ.
ᑲᒃᑲᓛᖅ ᐱᐊᕋᖅ ᐃᒣᒋᐊᓕᒃ:
- ᐃᓄᐃᑦ ᓄᓇᖓᓂ - ᓄᓇᑖᕋᓱᐊᕐᓂᒧᑦ ᐱᓇᓱᕝᕕᖓᓄᑦ;
- ᓄᓇᖃᕐᕕᒥᓂᓪᓘᓃᑦ ᐅᑭᐅᑭᓗᐊᕐᓂᕋᕐᑕᐅᔪᑦ.
ᑭᓇᒃᑯᑦ ᑐᒃᓯᕋᐅᑎᓕᐅᕈᓐᓇᐸᑦ
ᑕᑲᒃᑯᐊ ᑐᒃᓯᕋᐅᑎᓕᐅᕈᓐᓇᑐᑦ:
- ᕿᑐᕐᖓᓖᑦ ᑲᒪᔩᓪᓘᓃᑦ;
- ᕿᑐᕐᖓᕆᔭᐅᔪᖅ 16-ᓂᒃ ᐅᑭᐅᓕᓐᓂᑦ ᐊᖓᔪᑦᓯᐅᓗᓂ, ᐃᒻᒥᓂᒃ ᑭᒡᒐᑐᕐᓗᓂ;
- ᑭᒡᒐᑐᕐᑐᖅ ᕿᑐᕐᖓᕆᔭᐅᔪᒥᒃ, ᐊᖓᔪᕐᖄᕆᔭᐅᔪᖅ ᑲᒪᔨᓘᓐᓃᑦ (ᐊᖓᔪᕐᖄᕆᔭᐅᔪᖅ ᑲᒪᔨᓘᓐᓃᑦ ᐅᖃᐅᓯᒃᑯᑦ ᐊᓪᓚᓯᒪᔫᑎᓪᓗᒍᓘᓐᓃᑦ ᐊᖏᕈᑎᓕᐅᕐᓯᒪᒋᐊᓖᑦ);
- ᓇᓪᓕᐊᓘᓐᓃᑦ ᐱᒍᑦᔨᕕᐅᔪᖅ ᑐᒃᓯᕋᐅᑎᓕᐅᕈᓐᓇᑐᑦ ᐊᒥᓱᓂᒃ ᕿᑐᕐᖓᕆᔭᐅᔪᓂᒃ ᑐᒃᓯᕋᐅᑎᓕᐅᕈᑎᖃᕐᓗᑎᒃ ᐊᑦᔨᒌᕙᓪᓗᓂᒃ ᑭᖕᖒᒪᑦᓯᓂᖃᕐᑐᓂᒃ ᐊᑦᔨᒌᖕᖏᑐᓂᓪᓗ ᐃᓚᒌᓂᑦ ᐱᓯᒪᓗᑎᒃ ᐅᕝᕙᓘᓐᓃᑦ ᑲᒪᒋᔨᓕᓐᓂᒃ ᑖᒃᑯᓂᖓᑦᓭᓇᐅᖕᖏᑐᖅ.
ᑐᒃᓯᕋᐅᑎᓕᐅᕈᓐᓇᓂᖅ
ᐱᐊᕃᑦ ᐅᕝᕙᓘᓐᓃᑦ ᐱᐊᕋᖅ ᑲᒪᒋᔦᑦ ᑭᖕᖒᒪᑦᓯᒍᓇᑦᓴᑐᖅ ᐱᒍᑦᔨᒍᑎᓂᒃ ᖃᓄᐃᖕᖏᓯᐊᕐᓂᒨᓕᖓᔪᓂᒃ, ᐃᓄᓕᕆᓂᕐᒨᓕᖓᔪᓂᒃ ᐅᕝᕙᓘᓐᓃᑦ ᐱᕕᑦᓴᓂᒃ ᐃᓕᓴᕐᓂᓕᕆᓂᕐᒨᓕᖓᔪᓂᒃ?
ᑐᒃᓯᕋᐅᑎᓕᐅᕈᓐᓇᓂᖅ:
ᐊᑕᐅᓯᐅᑦᑎᑐᑦ ᑐᒃᓯᕋᐅᑎᓕᐅᕐᕕᖓ ᐊᓪᓚᕕᒋᓗᒍ ᐊᐅᓪᓚᑎᓗᒍᓗ ᐅᕗᖓ
cfi.nrbhss@ssss.gouv.qc.ca
ᐊᒥᓲᓈᕐᑎᑐᑦ ᑐᒃᓯᕋᐅᑎᓕᐅᕈᒪᑉᐸᑕ:
ᑲᒪᔪᖅ ᐊᒥᓲᓈᕐᑎᑐᓂᒃ ᑐᒃᓯᕋᐅᑎᓕᐅᕈᑦᔨᒍᓐᓇᑐᖅ ᐱᒍᑦᔨᒍᑎᐅᒋᐊᓖᑦ ᒪᓕᓪᓗᒋᑦ ᐊᑕᐅᓯᐅᑦᑎᑎᓪᓗᒋᓪᓗ ᕿᑐᕐᖓᕆᔭᐅᔪᑦ ᑐᒃᓯᕋᐅᑎᓕᐅᕈᑦᔨᓗᒋᑦ.
ᑐᒃᓯᕋᐅᑎᓕᐊᒍᓯᒪᔪᑦ ᓱᓇᒥᑦᓯᐊᑎᓪᓗᒋᑦ ᐅᕗᖓ ᑎᑭᑎᑕᐅᒍᓐᓇᑐᑦ cfi.nrbhss@ssss.gouv.qc.ca. ᐅᑯᓂᖓ
ᐊᓪᓚᖁᑎᑕᖃᕆᐊᓕᒃ ᑐᒃᓯᕋᐅᑎᒃ:
- ᓇᓗᓀᕐᓯᒍᑎᒥᒃ ᐃᓕᑕᕆᔭᐅᓂᖓᓂᒃ ᐃᓚᐅᒍᑎᖃᕐᓂᒧᑦ ᓄᓇᕕᒻᒥ, ᒪᑭᕝᕕᒥᑦ ᐱᔭᐅᓯᒪᔪᒥᒃ (ᑲᒃᑲᓛᑉ, ᐱᐊᕋᐅᑉ N number-ᖓᓂᒃ, ᐊᖓᔪᕐᖄᕆᔭᐅᔫᑉ N number-ᖓᓂᒃ, ᐊᓯᖏᓐᓂᓗ);
- ᑐᓴᕐᑎᓯᒍᑎ ᑲᒃᑲᓛᑉ ᐱᐊᕋᐅᑉ ᐱᐅᓯᕆᖃᑦᑕᓯᒪᔭᖏᓐᓂᒃ ᑭᖕᖒᒪᒋᓂᕐᐹᖏᓐᓂᓗ;
- ᐋᓐᓂᐊᕕᒻᒥ, ᐃᓕᓴᕐᕕᒥ ᐃᓅᓯᒃᑯᓘᓐᓃᑦ ᖃᐅᔨᓴᕐᑕᐅᓯᒪᓂᖓ ᓇᓗᓀᕐᓗᒍ ᓱᓇᐅᒻᒪᖔᑦ, ᐱᒍᑦᔭᐅᒍᑎᒋᒋᐊᓕᖓ ᐃᑲᔪᕐᓯᔭᐅᒍᑎᒋᒋᐊᓕᖓᓘᓐᓃᑦ ᑲᒃᑲᓛᑉ ᐱᐊᕋᐅᑉ ᑭᖕᖒᒪᒋᔭᖓᑎᒍᑦ;
- ᐊᓪᓚᓯᒪᔪᓂᒃ ᐊᑎᓕᐅᕐᕕᓯᒪᔪᓂᒃᐅᓐᓂᑑᑎᓕᐊᒍᓯᒪᔪᓂᒃ ᖃᓄᐃᖕᖏᓯᐊᕐᓂᓕᕆᕕᒻᒥ ᐱᓇᓱᑦᑎᒧᑦ ᐃᓕᓭᔨᒧᓪᓘᓃᑦ ᐃᓄᓕᕆᔨᒧᓪᓘᓃᑦ ᑐᑭᓯᓇᕐᑎᓯᒍᑎᑕᓕᓐᓂᒃ ᕿᑐᕐᖓᕆᔭᐅᔫᑉ ᑭᖕᖒᒪᒋᔭᖏᓐᓂᒃ ᐋᓐᓂᐊᓯᐅᕐᑎᒪᕆᒻᒧᓗ ᖃᐅᔨᔭᐅᒍᑎᒋᓯᒪᔭᖏᓐᓂᒃ ᓱᓇᓪᓚᕆᒻᒥᒃ ᖃᓄᐃᒍᑎᖃᕐᒪᖔᑦ ᐱᒍᑦᔭᐅᒍᑎᑦᓴᖏᓐᓂᒃ ᕿᓄᓚᕿᒍᑕᐅᑦᓱᑎᒃ; ᐱᒍᑦᔨᓂᐊᕐᓂᒧᑦ ᐊᑭᓕᐊᕆᓯᒪᔭᖏᓐᓂᒃ ᐱᓇᓱᑦᑎᐅᑉ ᐱᒍᑦᔨᓂᐊᕐᓂᕋᕐᓯᒪᔫᑉ.
ᐊᓯᖏᓐᓂᒃ ᐊᓪᓚᖁᑎᓂᒃ ᐃᓚᖃᕆᐊᖃᑐᐃᓐᓇᕆᐊᓕᒃ ᑐᒃᓯᕋᐅᑎᒃ.
***ᖃᐅᔨᒪᔭᐅᒋᐊᖃᕐᐳᖅ ᑐᒃᓯᕋᐅᑎᒃ ᐃᓄᓐᓅᓕᖓᑎᑕᐅᓯᒪᕋᑕᖕᖏᒪᑦ. ᐃᓄᓐᓅᓕᖓᑎᑕᐅᓕᑐᐊᕐᐸᑦ, ᙯᑦᓯᒍᓐᓇᓛᕐᑐᒍᑦ. ᑕᒐᑕᒐᐅᓂᖓᓂ, ᐊᓪᓚᖂᑎᑕᖏᑦ ᖃᓪᓗᓈᑎᑑᑐᐃᓐᓇᑐᑦ ᐅᐃᒍᐃᑎᑐᓪᓗ.
ᑐᒃᓯᕋᐅᑎᓕᐅᕈᓰᑦ
ᕿᒥᕐᕈᔭᐅᒐᔭᕐᑐᑦ ᑐᒃᓯᕋᐅᑏᑦ ᓄᓇᓕᓕᒫᓂ ᖃᐅᔨᒋᐊᕐᕕᓴᓕᐊᒍᓯᒪᔪᒧᑦ. ᕿᒥᕐᕈᔭᐅᒌᕐᓯᒪᓕᕐᐸᑦ, ᑐᑭᑖᕈᑕᐅᒐᔭᕐᑐᖅ ᐊᓪᓚᕕᐅᑎᓪᓗᒍ ᑐᒃᓯᕋᐅᑎᓕᐅᕐᑐᕕᓂᖅ. ᑐᒃᓯᕋᐅᑎ ᐊᖏᕈᑕᐅᓐᓂᖏᑉᐸᑦ, ᑐᑭᑖᕈᑕᐅᔪᓂᒃ ᑐᒃᓯᕋᐅᑎᓕᐅᕐᑐᕕᓂᖅ ᐊᖓᔪᕐᖃᐅᑎᐅᓂᕐᓴᓄᑦ ᕿᓄᒍᑎᖃᕈᓐᓇᑐᖅ ᑌᑲᓂ ᐊᕐᕌᒍᒥ ᑐᒃᓯᕋᐅᑎᓕᐅᕐᕕᒋᔭᕕᓂᕐᒥᓂ ᖃᖓᑐᐃᓐᓇᖅ.
ᑭᓇᒃᑯᑦ ᑮᓇᐅᔭᓂᒃ ᑎᑭᑎᑦᓯᕕᐅᒐᔭᕐᑐᑦ
- ᐱᑎᑕᐅᒍᓐᓇᓲᖅ ᕿᑐᕐᖓᓕᒃ ᑲᒪᔨᓘᓐᓃᑦ ᐳᔮᕙᓐᓯᒥᓂ ᓄᓇᖃᕐᕕᒥᓂᓪᓘᓃᑦ ᐅᑭᐅᑭᓗᐊᕐᓂᕋᕐᑕᐅᐸᑦ ᕿᑐᕐᖓᖓ ;
- ᐱᒍᑦᔨᕕᐅᔪᕐᓘᓃᑦ ᑐᕃᓐᓇᑐᒃᑯᑦ ᑮᓇᐅᔭᓂᒃ ᐱᑎᑕᐅᒍᓐᓇᓲᑦ.
ᐅᑎᕐᑎᓯᕕᐅᒍᑎᑦᓭᑦ
ᐅᑎᕐᑎᓯᕕᐅᒍᒪᒍᑎᓂᒃ ᑐᒃᓯᕋᐅᑎᓕᐅᕐᑐᖃᕆᐊᓕᒃ:
- ᐅᑎᕐᑎᑕᐅᖁᓗᒋᑦ ᐊᑮᑦ ᐊᑭᓕᕇᕐᓯᒪᔭᑎᑦ;
- ᐊᑭᓕᕐᑕᐅᒍᒪᔪᖃᕈᓂ ᐊᑭᓖᒍᑎᑦᓴᓂᒃ ᐱᒍᑦᔨᒍᑎᑖᕐᕕᐅᓲᓂᒃ ᐱᒍᑦᔨᕕᐅᔪᓂᓪᓘᓃᑦ.
ᐅᑎᕐᑎᓯᕕᐅᒍᒪᒍᕕᑦ, ᑕᑲᒃᑯᐊ ᐊᑑᑎᒐᑦᓴᐅᕗᑦ:
- ᐊᓪᓚᕕᒋᓗᒍ (ᐊᓪᓚᕕᑦᓴᑕᖓᓂᒃ ᑎᑭᑎᑦᓯᒍᓐᓇᑐᒍᑦ ᐃᑲᔪᕈᓐᓇᓱᑕᓗ ᐊᓪᓚᕕᒋᓕᕈᕕᐅᒃ);
- , ᑎᑭᑎᓗᒍ ᐅᑎᕐᑎᓯᕕᐅᒍᒪᒍᑎᒃ ᐊᓪᓚᖁᑎᑕᕆᒋᐊᓕᖏᑦ ᐃᓚᐅᑎᓪᓗᒋᑦ ᖃᕆᑕᐅᔭᒃᑯ ᑐᕌᕈᑎᑦᑎᓄᑦ ᐊᓪᓚᓯᒪᔪᓃᑦᑐᑦ ᐊᖏᕈᑎᑕᓕᒻᒥ, ᐊᓪᓚᓯᐊᕐᓗᒍᓗ ᑲᒃᑲᓛᑉ, ᐱᐊᕋᐅᑉ ᐊᓪᓚᖁᑎᖏᑦᑕ ᑭᑎᑦᔪᑎᖓ.
ᕿᓄᒍᑎᓕᐅᒍᒪᔪᖃᕐᐸᑦ
ᐱᐊᕃᑦ ᐅᕝᕙᓘᓐᓃᑦ ᐱᐊᕋᖅ ᑲᒪᒋᔦᑦ ᑭᖕᖒᒪᑦᓯᒍᓇᑦᓴᑐᖅ ᐱᒍᑦᔨᒍᑎᓂᒃ ᖃᓄᐃᖕᖏᓯᐊᕐᓂᒨᓕᖓᔪᓂᒃ, ᐃᓄᓕᕆᓂᕐᒨᓕᖓᔪᓂᒃ ᐅᕝᕙᓘᓐᓃᑦ ᐱᕕᑦᓴᓂᒃ ᐃᓕᓴᕐᓂᓕᕆᓂᕐᒨᓕᖓᔪᓂᒃ?
ᐱᓇᓱᑦᑎᕗᑦ ᐅᖄᖃᑎᒌᒍᓐᓇᓲᑦ ᐊᓯᖏᓐᓂᒃ ᑎᒥᐅᔪᓂᒃ ᐱᒍᑦᔨᒍᑎᑖᕐᑎᓯᓂᕐᒧᒃ ᐃᓕᓐᓂᒃ ᑭᐅᒍᓐᓇᑐᑦ ᐊᐱᕐᓲᑎᑎᓐᓂᒃ, ᐱᒍᓐᓇᑎᑦᓯᒥᔪᖅ ᐃᓕᓐᓂᒃ ᑮᓇᐅᔭᖃᕐᑎᑕᐅᒍᑎᓂᒃ ᐱᓯᒪᔪᓂᒃ ᑎᒥᐅᔪᓂᒃ ᐊᒻᒪᓗ/ᐅᕝᕙᓘᓐᓃᑦ ᐁᑦᑐᐃᒍᓐᓇᑐᑦ ᑕᑕᕐᓭᒍᑎᓂᒃ ᐅᑎᕐᑎᓯᒐᓱᓐᓂᒧᑦ ᑮᓇᐅᔭᓂᒃ ᐊᒻᒪᓗ ᐃᓕᓐᓂᒃ ᐃᑲᔪᕈᓐᓇᑐᑦ ᑕᑕᕐᓭᓂᕐᒧᑦ ᑕᑕᕐᓭᒍᑎᓂᒃ.
ᐊᐱᕐᓲᑎᖃᕈᕕᑦ ᐅᕙᑦᑎᓄᑦ ᐅᖄᓚᒍᓐᓇᓯᐊᕐᖁᑎᑦ ᐊᓪᓚᕕᖃᕈᓐᓇᓯᐊᕐᓱᑎᓪᓗ.
- ᑕᑯᒋᐊᕋᑦᓴᐅᒥᔪᑦ Microsoft Booking: https://bit.ly/CFI-Booking
- ᖃᕆᑕᐅᔭᑎᒍᑦ: : cfi.nrbhss@ssss.gouv.qc.ca
- ᐅᖄᓚᐅᑎᒃᑯᑦ: 1-833-405-1234
- ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᒍᑦ: nrbhss.ca/CFI
*ᑐᑭᓯᒋᐊᓪᓚᕕᑦᓭᑦ Jordan Principle -ᒨᓕᖓᔪᓂᒃ: https://www.sac-isc.gc.ca/fra/1568396042341/1568396159824
