ᓇᓪᓕᐅᓂᖃᑦᓯᐊᑐᒍᑦ ᓴᐳᑦᔨᓱᒋᓗ ᐃᓄᒻᒪᕆᓐᓂᒃ ᓄᓇᕕᒻᒥ
ᑲᓇᑕᒥ ᐃᓄᑐᙯᑦ ᐅᓪᓗᖁᑎᖓᓂ ᓇᐅᓕᒫᓂᒃ ᑐᓴᐅᒪᔭᐅᑎᑦᓯᒍᑏᑦ, ᓯᕗᓕᕐᑕᐅᓱᑎᒃ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᒃᑯᓄᑦ, ᐊᕐᕌᒍᓂ ᐱᖓᓱᓂ ᑌᒣᓘᕝᕕᒋᓛᓕᕐᒥᔪᑦ ᓯᑉᑎᒻᐸ 28-ᒥ ᐆᒃᑐᐱᕆ 2-ᒧᑦ, 2026-ᒥ.
ᐃᓂᓪᓚᖓᑦᓯᐊᑐᒥᒃ ᐱᓇᓱᐊᕈᑎᖃᕐᓱᑎᒃ ᓄᓇᓕᒻᒥ ᑎᒥᐅᔪᓂᒃ, ᐃᓄᑐᙯᑦ ᐊᑕᐅᑦᓯᑰᕐᑎᑕᐅᓂᖏᓐᓂᒃ ᐊᑲᒍᑏᑦ, ᐃᓗᓯᓕᕆᓂᕐᒧᑦ ᐱᓇᓱᑦᑏᑦ, ᐃᓕᓴᕐᕖᑦ, ᓄᓇᓕᒻᒥᓗ ᐱᓇᓱᐊᖃᑎᒋᔭᐅᔪᑦ, ᑖᓐᓇ ᐱᓇᓱᐊᕐᑕᐅᔪᖅ ᖁᕕᐊᓲᑎᖃᕐᓂᒧᑦ ᐱᒻᒪᕆᐅᓂᖓᓂᒃ ᐃᓄᑐᙯᑦ ᐱᓂᐊᕐᓂᕆᓲᖏᓐᓂᒃ ᓄᓇᕕᐅᑉ ᓄᓇᓕᖏᓐᓂᒃ ᖃᐅᔨᒪᔭᐅᑎᑦᓯᒐᓱ.
ᓄᓇᕐᔪᐊᒥ ᐃᓄᑐᙯᑦ ᐅᓪᓗᖁᑎᖓ, ᖁᕕᐊᓲᑎᐅᔪᖅ ᐆᒃᑑᐱᕆ 1-ᒍᒍᑎᖓᓂ, ᐱᕕᑦᓴᓯᐊᖑᕗᖅ ᐃᓕᑕᕐᓯᓂᕐᒧᑦ ᖃᐅᔨᒪᔭᖏᓐᓂᑦ, ᐊᑑᑎᓯᒪᔭᖏᓐᓂᑦ, ᐅᖃᐅᓯᖏᓐᓂᑦ, ᐃᓗᕐᕈᓯᖏᓐᓂᑦ ᐱᕐᖁᓯᖏᓐᓂᓗ ᐃᓄᑐᙯᑦ ᑐᓂᔨᓯᒣᓐᓇᓂᖏᓐᓄᑦ ᐃᓚᒌᓄᑦ ᓄᓇᓕᓐᓄᓗ ᓇᓂᓕᒫᖅ ᓄᓇᕕᒻᒥ.
ᑐᓴᐅᒪᔭᐅᑎᑦᓯᒍᑏᑦ ᑐᕌᕋᖏᑦ
- ᓄᐃᑦᓯᒋᐊᕆᓂᖅ ᐱᔭᑦᓴᖁᑎᖏᓐᓂᒃ ᐱᒻᒪᕇᑦ ᓄᓇᓕᓐᓂ ᓄᓇᕕᒻᒥ.
- ᓇᓪᓕᐅᓂᕐᓯᐅᒍᑎᖃᕐᓗᑎᑦ ᐱᔭᕆᓚᐅᕐᑐᓂᑦ ᐃᓄᑐᙯᑦ ᐊᔪᕿᑦᑑᓯᖏᓐᓂᑦ ᐃᓗᕐᖁᓯᕐᒧᑦ, ᐅᖃᐅᓯᕐᒧᑦ ᐊᒻᒪᓗ ᖃᐅᔨᒪᔭᖏᓐᓄᑦ ᐃᓄᐃᑦ.
- ᓄᐃᑦᓯᒋᐊᕈᑎᖃᕐᓗᑎᑦ ᓲᓱᑦᓴᓂᕐᒥᒃ, ᐃᓚᐅᑎᑦᓯᓂᕐᒥᒃ ᐊᒻᒪᓗ ᐃᓚᐅᑎᑦᓯᓯᐊᕐᑐᓴᐅᓂᖏᓐᓂᑦ ᐃᓄᒻᒪᕆᓐᓂᑦ ᓄᓇᓕᒻᒧᑦ.
- ᑐᑭᓯᒪᔭᐅᑎᑦᓯᖃᑦᑕᓗᑎᑦ ᐃᓄᓂᑦ ᖃᓄᐃᖕᖏᓯᐊᕆᐊᖃᕐᓂᒥᒃ, ᐱᓇᓱᐊᕈᑎᖃᕐᓗᑎᑦ ᐃᓄᑐᙯᑦ ᐊᑦᑕᓀᑦᑐᒦᒋᐊᖃᕐᓂᖏᓐᓂᑦ ᐊᒻᒪᓗ ᐃᑲᔪᕐᑕᐅᕕᑦᓴᖏᓐᓂᑦ.
- ᓯᕗᓪᓖᑎᑐᐃᓐᓇᒥᒍᑦ ᐱᑐᑦᓯᒣᓂᕐᓴᐅᒋᐊᕐᓗᒋᑦ.
ᓱᖃᑦᓯᒍᑏᑦ 2026-ᒥ
- ᑐᓴᕋᑦᓭᑦ: ᐱᒋᐊᕐᑎᑕᐅᓂᖓ ᓄᓇᕐᔪᐊᓕᒫᒥ ᐃᓄᒻᒪᕆᓐᓀᑦ ᐅᓪᓗᖁᑎᖓᓂ 2026-ᒍᑎᓪᓗᒍ ᐊᒻᒪᓗ ᓄᐃᑕᐅᓂᖏᑦ ᑐᓴᕈᒥᓇᕐᑐᐃᑦ ᑐᕌᒐᖏᑦᑕ.
- ᖃᕆᑕᐅᔭᒃᑯᑦ ᑐᓴᐅᒪᑎᑦᓯᒍᑏᑦ (Facebook) : ᐱᓇᓱᐊᕈᓯᑕᒫᑦ ᑐᓴᕋᑦᓴᓂᖃᕐᓗᑎᑦ ᐅᐱᒍᓲᑎᖃᕐᓂᒧᑦ ᐃᓄᒻᒪᕆᓐᓂᒃ, ᖁᕝᕙᒋᐊᕐᓂᒥᒃ ᖃᓄᐃᖕᖏᓯᐊᕆᐊᖃᕐᓂᖏᓐᓂᒃ, ᐁᑦᑐᑐᐃᓂᕐᒧᑦ ᐃᑲᔪᕐᑕᐅᕕᑦᓴᓂᒃ ᐊᒻᒪᓗ ᓄᐃᑕᑎᑦᓯᓂᕐᒧᑦ ᐱᒋᐊᕐᑎᑕᐅᓯᒪᔪᓂᒃ ᓄᓇᓕᓐᓂ.
- ᑐᓴᐅᑎᒃᑰᕈᑏᑦ: ᑐᓵᔭᐅᖁᔨᒍᑏᑦ ᑐᓴᕋᑦᓴᓂᒃ ᓄᓇᕕᓕᒫᒥ ᐱᓯᒪᔪᓂᒃ ᐅᐱᒍᓲᑎᖃᕐᓗᑎᒃ ᐃᓄᑐᙯᑦ ᐊᒻᒪᓗ ᑲᔪᖏᕐᓴᐅᑎᒋᓗᒋᑦ ᐃᓚᐅᖁᓗᒋᑦ ᓄᓇᓖᑦ.
- ᓄᓇᓕᒻᒥ ᐱᓂᐊᕈᑏᑦ: ᐃᑲᔪᕐᓯᓗᑎᑦ ᑐᑭᒧᐊᑦᑎᓯᔨᖏᓐᓂᑦ ᐃᓄᑐᙯᑦ ᐋᕐᕿᓱᐃᒍᓐᓇᓂᐊᕐᒪᑕ ᓱᓇᓱᐊᕐᑎᓯᒍᑎᓂᑦ ᐊᒻᒪᓗ ᖁᕕᐊᓲᑎᓂᑦ ᓄᓇᓕᒻᒥᓂ.
- ᓄᓇᕕᒻᒥ ᐃᓄᑐᙯᑦ ᐅᖄᖃᑎᒌᓐᓂᖏᑦᑕ ᑐᕌᕋᖏᑦ: ᐊᕕᖃᑎᖃᕈᑎᐅᔪᕕᓃᑦ ᐱᒻᒪᕆᐅᓂᕐᐹᓂᒃ ᐅᖄᒍᑎᖃᕐᓱᑎᒃ ᓄᐃᑦᓯᓚᕿᓯᒪᔪᓂᓗ ᓯᕗᓪᓕᐸᐅᑦᔭᐅᒋᐊᓕᓐᓂᒃ ᓇᓗᓀᕐᑕᐅᓯᒪᔪᓂᒃ ᐃᓄᑐᙯᑦ ᐱᓇᓱᐊᖃᑎᖏᓪᓗ ᐅᖄᒍᑎᖃᕐᓱᑎᒃ ᐆᒥᖓ ᐊᑦᑕᓇᕐᑐᒦᑦᑌᓕᓂᖅ, ᐃᓪᓗᖃᕐᓂᖅ, ᐱᒍᑦᔨᒍᑏᑦ, ᐊᒻᒪᓗ ᐃᓅᓯᖃᑦᓯᐊᓂᖅ.
- ᐊᑭᓐᓇᒥᐅᑕᖅ ᑐᓴᐅᒪᔭᐅᑎᑦᓯᒍᑎᒃ: ᐁᑦᑐᑑᑎᐅᓛᕐᑐᖅ ᓄᓇᓕᓐᓂ ᓄᓇᕕᒻᒥ ᖃᐅᔨᒪᔭᐅᑎᑦᓯᒋᐊᕈᑎᒃ ᓄᓇᕐᔪᐊᒥ ᐅᓪᓗᖁᑎᖓᓂ ᐱᒍᑦᔨᓂᐅᑉ ᐃᓄᑐᙯᑦ ᑫᓪᓚᑐᐃᒍᑎᐅᓗᓂᓗ ᐃᓄᓐᓂᒃ ᐃᓕᑕᕆᔭᐅᑎᑦᓯᓂᕐᒧᑦ ᐃᓄᑐᖃᕐᓂᒃ.
ᖃᓄᖅ ᐃᒻᒥᓂᕿᑦᓯᐊᕈᓐᓇᕿᑦ ᐃᓄᑐᙯᑦ ᐱᔪᒥᒃ?
- ᐃᓘᓐᓇᑎᒃ ᑐᓂᕐᕈᓯᐊᖃᑦᑕᕋᔭᕐᑐᑦ ᖃᓄᐃᖕᖏᓯᐊᕆᐊᖃᕐᓂᖏᓐᓄᑦ ᐃᓄᑐᙯᑦ ᐱᔭᕆᐊᑭᑦᑐᓚᕆᓐᓄᑦ ᐅᖃᓪᓗᕆᐊᖃᖕᖏᑐᓄᑦ ᓲᓱᑦᓴᓯᐊᕐᓂᒥᒍᓪᓗ.
- ᐃᓄᒻᒪᕆᒻᒥᒃ ᑲᑎᓯᖁᔨᑦᓱᑎᒃ
- ᓂᕆᖃᑎᒌᓪᓗᑎᒃ
- ᑐᓵᒋᐊᕐᓗᒋᑦ ᐅᓂᒃᑳᖏᑦ ᐊᑑᑎᓯᒪᔭᖏᓪᓗ.
- ᖃᓄᐃᑉᐹ?
- ᖃᐅᔨᒪᑎᓗᒍ ᐱᓇᓱᐊᕈᑦᔭᐅᓂᖓᓂᒃ ᐅᐱᒋᔭᐅᓂᖓᓂᓪᓘᓃᑦ.
ᒥᑭᔪᐊᐲᑦ ᓱᖃᑦᓯᕙᓪᓛᓂᐅᔪᑦ ᐃᓚᑦᔪᓂᐅᔪᑦ ᐊᖏᔫᑎᑐᐃᓐᓇᖅ ᓄᐃᑦᓯᒍᓐᓇᖁᑦ ᐊᑦᔨᐅᖏᑦᑐᒥᒃ.
ᓇᑯᕐᒦᖁᒍᑦ ᐃᓘᓐᓇᖏᓐᓂᒃ ᐃᓄᑐᙯᑦ ᑲᔪᓯᑎᑦᓯᔪᓂᒃ ᑕᓯᐅᕐᓯᓂᕐᒥᒃ, ᐱᔪᒪᓕᕐᑎᓯᓂᕐᒥᒃ, ᓲᖑᓰᒋᐊᕈᑎᖃᕐᓂᒥᓪᓗ ᓄᓇᓕᓐᓂᒃ ᓄᓇᕕᒻᒥ.