ᐃᓄᑐᖃᕐᓂᖅ ᓴᐳᒻᒥᓂᐊᕐᓂᓂᕋᐅᑎ
ᐃᓄᑐᙯᑦ ᐊᑦᑕᓇᕐᑐᒦᑦᑌᓕᒋᐊᖃᕐᓂᖓ ᓄᓇᓕᑦᑎᓂ ᐱᒻᒪᕆᐅᔪᖅ ᐃᓘᓐᓇᑎᓐᓄᓗ ᑲᒪᒋᔭᐅᔪᑦᓴᐅᓱᓂ ᐃᓗᕐᖁᓯᑦᑎᓂᒃ ᑐᖕᖓᕕᖃᕐᓱᓂ.
2024-ᖑᑎᓪᓗᒍ ᐱᒋᐊᕐᑎᑕᐅᓚᐅᔪᖅ ᓄᓇᕕᒻᒥ ᐃᓗᓯᓕᕆᔩᑦ ᐸᕐᓇᓯᒪᒍᑎᖏᓐᓂ ᐃᓄᑐᙯᑦ ᐊᑦᑕᓇᕐᑐᒦᑎᑕᐅᒋᐊᖃᖕᖏᓂᖓᓂ, ᓄᓇᕕᒻᒥ ᐃᓄᑐᙯᑦ ᐊᑦᑕᓇᕐᑐᒦᑎᑕᐅᑦᑌᓕᓂᖓᓄᑦ ᓇᓪᓕᐅᓂᕐᓯᐅᓂᕐᒥᒃ ᖃᐅᔨᓵᕆᒍᑎᖃᕐᓂᖅ ᓵᖕᖓᓯᔪᖅ ᓯᕗᕐᖐᓯᒪᓂᕐᒥᒃ, ᖃᐅᔨᒪᓂᕐᒥᓂᒃ ᑲᒪᒋᔭᖃᕐᓂᒥᓪᓗ ᖃᐅᔨᓵᕆᓂᕐᒥᒃ, ᓄᓇᓕᒻᒥᒃ ᐃᓕᓐᓂᐊᑎᑦᓯᓂᕐᒥᒃ ᐊᑕᐅᓯᐅᓈᕐᑎᑐᓂᓪᓗ ᓄᑭᑖᕐᑎᓯᓂᕐᒥᒃ ᐃᓄᑐᙯᑦ ᖃᓄᐃᖕᖏᓯᐊᕆᖃᕐᓂᖓᓂᒃ.
ᐱᒍᓐᓇᓯᐊᓚᐅᔪᓂᖓᒍᑦ, ᖃᐅᔨᓵᕆᓂᖅ ᐊᑑᑎᔭᐅᖃᑦᑕᓚᖓᓕᕐᑐᖅ ᐊᕐᕌᒍᑕᒫᑦ ᔫᓂ 15-ᒥ. ᓄᓇᕕᒻᒥ ᐃᓗᓯᓕᕆᔩᑦ ᐱᓇᓱᐊᖃᑎᖃᖃᑦᑕᓚᖓᔪᑦ ᓄᓇᓕᓐᓂᒃ ᐱᕈᕐᑎᓯᒐᓱᐊᕐᓂᒧᑦ ᐱᓇᓱᐊᕐᑕᖏᓐᓂᒃ, ᐃᓄᑐᙯᑦ ᐊᑦᑕᓇᕐᑐᒦᒋᐊᖃᖕᖏᓂᖓ ᓯᕗᓪᓕᐅᔭᐅᑎᓪᓗᒍ ᓲᖑᓯᑎᑦᓯᒋᐊᕐᓗᑎᓪᓗ ᐃᓄᑐᙯᑦ ᐃᓅᓯᑦᑎᓄᑦ ᐱᒻᒪᕆᐅᓂᖏᓐᓂᒃ.
ᖃᐅᔨᒪᔭᐅᑎᑦᓯᒐᓱᐊᕈᑎᐅᓂᐊᕐᑐᑦ
- Facebook-ᑯᑦ ᖃᐅᔨᓵᕆᒍᑏᑦ:
ᑕᕐᕿᓕᒫᒥ ᑲᐅᑕᒫᑦ ᖃᐅᔨᓵᕆᒍᑎᖃᕐᓗᑎᒃ ᓱᖃᑦᓯᑎᑦᓯᒍᑎᖃᕐᓗᑎᓪᓗ. - ᑕᕐᕋᒥᐅᒃᑯᑦ ᑐᓴᐅᒪᑎᑦᓯᒍᑏᑦ:
ᑕᒪᓐᓇ ᖃᐅᔨᓵᕆᒍᑎᐅᓚᐅᔪᖅ ᑕᕐᕋᒥᐅᒃᑯᑦ ᐊᒥᓲᓂᕐᓴᓄᑦ ᑐᓴᕐᑕᐅᓂᐊᕋᑦᑕ ᐊᖏᓕᒋᐊᕆᒍᑎᐅᓗᓂᓗ ᖃᐅᔨᓵᕆᓂᑦᑎᓂᒃ. - ᓄᓇᕕᒻᒥ ᐱᓇᓱᐊᕈᒪᒐᔭᕐᑐᑦ:
ᓄᓇᓕᓐᓂ ᐃᓄᑐᖃᕐᓂᒃ ᐊᑕᐅᑦᓯᑰᕐᑎᓯᔨᓂᒃ ᐱᓇᓱᐊᖃᑎᖃᕐᓯᒪᔪᒍᑦ, ᐊᑐᐃᓐᓇᕈᕐᑎᕆᖁᑦᓱᒋᑦ ᓱᖃᑦᓯᒍᑎᑦᓴᓂᒃ ᓄᓇᕕᒻᒥ ᐃᓄᑐᙯᑦ ᐊᑦᑕᓇᕐᑐᒦᑎᑕᐅᑦᑌᓕᓂᖏᓐᓂᒃ ᓇᓪᓕᐅᓂᕐᓯᐅᕈᑎᖃᕐᓗᑎᒃ. ᓄᓇᓖᑦ ᑭᐅᑦᓯᐊᓚᐅᔪᑦ, ᐊᒥᓱᓂᒃ ᐃᓄᓕᒫᓄᑦ ᑕᑯᔭᐅᒍᓐᓇᑐᕐᑎᒍᑦ ᓄᐃᑦᓯᓱᑎᒃ ᐊᓕᐊᓇᕐᑐᓂᒃ, ᐊᒥᓱᓂᓗ ᓄᓇᓕᓐᓂ ᐱᓇᓱᐊᕐᑎᓯᓚᐅᔪᑦᓱᑎᒃ ᓄᓇᓕᒃ ᓯᕗᓕᕐᑎᓗᒍ.
ᓯᕗᓂᕐᒧᑦ ᑕᑯᓐᓇᓂᖅ: ᓄᓇᕕᒻᒥ ᐃᓄᑐᙯᑦ ᐊᑦᑕᓇᕐᑐᒦᑎᑦᑕᐅᑦᑌᓕᓂᖓᑕ ᓇᓪᓕᐅᓂᖓ 2025
ᐸᕐᓇᓕᕐᒥᒐᑦᑕ ᐃᓄᑐᙯᑦ ᐊᑦᑕᓇᕐᑐᒦᑎᑕᐅᑦᑌᓕᓂᖓᓄᑦ ᓇᓪᓕᐅᓂᕐᓯᐅᓛᕐᑐᒥᒃ 2025-ᒥ, ᓄᓇᓕᒻᒥᐅᓕᒫᓂᒃ ᐱᓇᓱᐊᖃᑎᐅᖁᔨᖏᓐᓇᖁᒍᑦ, ᐃᓱᒪᒋᔭᓯᓐᓂᒃ ᐅᖃᕐᓗᓯᑦ ᐃᓚᐅᓗᓯᓗ ᓄᓇᕕᒻᒥᒃ ᐃᓄᑐᖃᕐᓂᒃ ᐃᓂᖃᕐᑎᓯᓂᕐᒥᒃ ᐊᑦᑕᓇᖕᖏᑐᒥᒃ. ᐱᓇᓱᐊᖃᑎᒌᒍᑦᑕ, ᓄᓇᓕᖃᕐᑎᓯᒍᓐᓇᕋᑦᑕ ᐃᓄᑐᖃᑦᑎᓂᒃ ᐅᐱᒋᔭᐅᑎᓪᓗᒋᑦ, ᓴᐳᒻᒥᔭᐅᓗᑎᒃ ᓲᓲᒋᔭᐅᑦᓯᐊᓗᑎᓪᓗ ᐊᑑᑎᒍᒪᔭᖏᓪᓗ ᐊᑑᑎᑦᓯᐊᓗᑎᒃ.
