ᓱᓇᒥᒃ ᐱᐅᓯᑎᑦᓯᒋᐊᕈᑕᐅᓯᒪᕙ ᓄᓇᓕᓕᒫᓅᓕᖓᔪᖅ ᒪᓕᒐᖅ ᐱᑦᔪᑎᓕᒃ ᐊᐅᓚᑕᐅᒍᓯᖏᓐᓂᒃ ᑕᑯᔭᐅᕕᑦᓴᒥᓂᒃ ᐅᑕᕐᕿᔪᑦ ᐊᓪᓚᑕᐅᓯᒪᒍᑎᖏᑦᑕ ?
- ᑖᓐᓇ ᒪᓕᒐᖅ ᐊᑐᐃᓐᓇᐅᓂᕐᓴᐅᑎᑦᓯᒍᑎᑦᓴᓕᐊᒍᓯᒪᔪᖅ ᐃᓗᓯᓕᕆᓂᕐᒧᑦ ᐱᒍᑦᔨᐅᑎᓂᒃ ᓄᓇᕕᒻᒥ ᑕᑯᔭᐅᕕᑦᓴᒥᓄᑦ ᐁᖃᑦᑕᖏᑦᑐᑦ ᐃᑭᓕᐅᒥᑎᒐᓱᐊᕈᒪᑦᓱᒋᑦ. ᑕᑯᔭᐅᒋᐊᓕᒃ ᓄᐃᖕᖏᑐᐊᕐᒪᑦ ᑕᑯᔭᐅᕕᑦᓴᒥᓂᓪᓘᓃᑦ ᐅᓪᓗᒥᒃ ᖁᔭᓈᕐᑐᖃᑐᐊᕐᒪᑦ ᐅᖃᕈᑎᒋᕚᓪᓗᓱᒍ, ᐊᓯᖏᑦ ᑕᑯᔭᐅᒋᐊᓖᑦ ᑭᖑᕙᑲᑦᑕᓲᒍᒻᒪᑕ ᐱᕕᑦᓴᐅᒐᔭᕐᑐᓗ ᐊᓯᐸᑐᐃᓐᓇᓂᐊᓕᕐᒪᑦ ᐱᓇᓱᑦᑏᓗ ᑕᒪᐅᙰᓐᓈᓱᑎᒃ.
- ᑖᓐᓇ ᒪᓕᒐᖅ ᐊᑐᕐᑐᖅ ᑕᑯᔭᐅᕕᑦᓴᓕᐅᕈᑕᐅᓯᒪᔪᓕᒫᓄᑦ, ᖃᐅᔨᓴᕐᑕᐅᓂᐅᒋᐊᓕᓐᓄᑦ, ᖃᓄᐃᓘᕈᓯᓕᐊᒍᓯᒪᔪᓄᑦ, ᖃᐅᔨᒋᐊᕐᕕᖃᕈᑕᐅᓯᒪᔪᓄᓪᓗ ᓄᓇᕕᒻᒥ ᓄᓇᕕᐅᓪᓗ ᓯᓚᑖᓃᑦᑐᓄᑦ.
ᐱᒍᓐᓇᐅᑎᑎᑦ ᒪᓕᒐᖅ ᒪᓕᑦᓱᒍ:
- ᐱᒍᓐᓇᐅᑎᖃᕐᑐᑎᑦ ᑲᒪᒋᔭᐅᑦᓯᐊᕆᐊᖃᕐᓂᒥᒃ, ᐃᓄᐃᑦ ᐃᓕᕐᖁᓯᖓᑎᒍᑦ ᐱᒍᑦᔭᐅᓂᕐᒥᒃ, ᑐᑭᓯᒪᔭᐅᓂᕐᒥᓗ.
- ᐅᖃᐅᑎᔭᐅᒐᔭᕐᑐᑎᑦ ᐊᑏᑦ ᐊᓪᓚᑕᐅᓯᒪᓕᕐᐸᑦ ᑕᑯᔭᐅᕕᑦᓴᒥᓂᒃ ᐅᑕᕐᕿᔪᑦ ᐊᓪᓚᑕᐅᓯᒪᒍᑎᖏᓐᓄᑦ.
- ᐃᕐᙯᑎᑕᐅᒋᐊᖃᑦᑕᕋᔭᕐᑐᑎᑦ ᐅᕙᓂ ᐅᓪᓗᒥ ᑕᑯᔭᐅᕕᑦᓴᖃᕋᕕᑦ ᓚᔭᐅᓗᑎᑦ
- ᒪᑯᐊ ᕿᓄᒍᑎᒋᒍᓐᓇᑕᑎᑦ:
- ᑐᑭᓯᑎᑕᐅᑦᓯᐊᓗᑎᑦ ᓱᒧᑦ ᑕᑯᔭᐅᕕᑦᓴᓕᐅᕐᑕᐅᓯᒪᒻᒪᖔᕐᐱᑦ
- ᖃᐅᔨᒋᐊᕐᕕᐅᓗᑎᑦ ᖃᖓ ᐅᓪᓗᒥ ᐊᑐᐃᓐᓇᐅᓛᕐᒪᖔᕐᐱᑦ
- ᐊᓯᐊᓂᒃ ᐅᓪᓗᒥᒃ ᑕᑯᔭᐅᕕᑦᓴᓕᐅᕐᑕᐅᓗᑎᑦ ᑌᓐᓇ ᐅᓪᓗᖅ ᑕᑯᔭᐅᕕᑦᓭᑦ ᓈᒻᒪᓈᖕᖏᐸᑦ ᐃᓕᓐᓄᑦ
- ᓇᓪᓕᐊᓃᑦᑎᓗᑎᑦ ᖃᐅᔨᒋᐊᕐᕕᐅᒍᓐᓇᒪᖔᕐᐱᑦ ᑕᑯᔭᐅᕕᑦᓭᑦ ᐅᓪᓗᖅ ᐱᓪᓗᒍ
- ᐊᓪᓚᓯᒪᔫᑎᓪᓗᒋᑦ ᓱᕐᖁᐃᓇᕐᑎᓯᒍᑏᑦ ᐅᓪᓗᒥᒃ ᑕᑯᔭᐅᕕᑦᓴᓃᕕᑦ
ᑲᒪᒋᔭᑦᓴᑎᑦ ᒪᓕᒐᖅ ᒪᓕᑦᓱᒍ:
- ᓇᓕᐊᓃᑦᑎᓗᑎᑦ ᖃᐅᔨᒋᐊᕐᕕᐅᒍᓐᓇᒪᖔᕐᐱᑦ ᖃᐅᔨᒪᔭᐅᑎᖏᓐᓇᓗᑎᑦ
- ᐋᓐᓂᐊᕕᑦᓯᓄᑦ ᓯᕙᓂᕐᓗᑎᑦ ᑕᑯᔭᐅᕕᑦᓴᓂ ᑌᑲᓂ ᐅᓪᓗᒥ ᓄᐃᒍᓐᓇᓂᖕᖏᑯᕕᑦ
- ᑲᒪᒋᔨᒋᖃᑦᑕᑕᑎᑦ ᐊᐱᕐᓱᖃᑦᑕᓗᒋᑦ ᓇᒧᖕᖓᓕᐊᕆᐊᒥᒃ ᑐᑭᓯᒪᖕᖏᑯᕕᑦ ᓱᒧᓪᓗ ᑕᑯᔭᐅᒋᐊᖃᕐᓃᑦ ᐱᓪᓚᕆᐅᒻᒪᖔᑦ
- ᑲᒪᒋᔨᒋᖃᑦᑕᑕᑎᑦ ᖃᐅᔨᒪᑎᑦᓯᐊᓗᒋᑦ ᓱᒧᑦ ᑕᑯᔭᐅᒋᐊᕐᑐᕕᑦᓭᑦ ᓈᒻᒪᑎᓪᓗᒍ ᐁᖕᖏᑑᖃᑦᑕᒪᖔᕐᐱᑦ ᐊᑕᐅᓯᐊᕐᓇᒃ
ᓱᔭᐅᒐᔭᕐᖁᖓ ᑕᑯᔭᐅᕕᑦᓴᕋ ᓈᒻᒪᑎᓪᓗᒍ ᓄᐃᓐᓂᖏᒃᑯᒪ ᑭᖑᕙᕐᓂᕈᒪᓘᓐᓃᑦ ?
- ᑕᑯᔭᐅᕕᑦᓭᑦ ᓈᒻᒪᑎᓪᓗᒍ ᓄᐃᓐᓂᖏᒃᑯᕕᑦ, ᕿᐱᓗᓐᓂᕈᕕᓪᓘᓃᑦ ᐱᖓᓱᕕᓪᓗᑎᑦ ᑕᑯᔭᐅᕕᑦᓭᑦ ᓈᒻᒪᑎᓪᓗᒍ ᐱᑦᔪᑎᑦᓴᖃᑦᓯᐊᓇᒃ, ᐊᑏᑦ ᐲᕐᑕᐅᑐᐃᓐᓇᕆᐊᓕᒃ ᑕᑯᔭᐅᕕᑦᓴᒥᓂᒃ ᐅᑕᕐᕿᔪᑦ ᐊᓪᓚᑕᐅᓯᒪᒍᑎᖏᓐᓂᑦ
ᓱᓀᑦ ᐱᑦᔪᑎᑦᓴᓯᐊᒍᓂᕋᕐᑕᐅᕙᑦ ᓄᕐᖃᑎᑦᓯᒍᑎᐅᒍᓐᓇᑐᑦ ᑕᑯᔭᐅᕕᑦᓴᓕᐊᒍᓯᒪᔪᒥᒃ ᐅᓪᓗᒥᒃ ᐅᕝᕙᓘᓐᓃᑦ ᓄᐃᖕᖏᒍᑎᐅᒍᓐᓇᑐᑦ ?
ᑐᑭᓯᒪᔪᒍᑦ ᐃᓅᓯᐅᑉ ᖃᐅᔨᒪᓇᖕᖏᑑᒍᑎᒋᓲᖏᓐᓂᒃ. ᐃᓛᓐᓂ ᐃᓄᐃᑦ ᑕᑯᔭᐅᕕᑦᓴᖓ ᓈᒻᒪᑎᓪᓗᒍ ᓄᐃᓲᒍᖕᖏᑐᑦ ᐱᑦᔪᑎᑦᓴᖃᑦᓯᐊᓱᑎᒃ — ᓯᓚᐅᑉ ᐱᔮᓄᑦ, ᐊᕐᕕᑕᕆᐊᖃᕐᓂᒧᑦ, ᐃᓚᒌᑎᒍᓪᓘᓃᑦ ᐅᐃᒪᓇᕐᓯᔪᖃᑐᐊᕐᒪᑦ.
ᖃᓄᐃᒐᓂᓗ ᓄᐃᖕᖏᓂᖓ. ᑭᓯᐊᓂ ᖃᐅᔨᑎᑦᓯᓴᐅᑎᒋᒋᐊᖃᕐᑐᓯ ᐋᓐᓂᐊᕕᑦᓯᓂᒃ.
ᒪᑯᐊ ᐱᑦᔪᑎᑦᓴᐅᒍᓐᓇᑐᓄᑦ ᐃᓚᐅᔪᑦ:
- ᐲᕐᓯᑐᐊᕐᐸᑦ ᓯᓚᕐᓂᓗᑉᐸᓘᓐᓃᑦ
- ᑎᒻᒥᔫᖅ ᑭᖑᕙᕐᓯᒪᑉᐸᑦ
- ᐃᓚᒌᑎᒍᑦ ᐅᐃᒪᓇᕐᓯᔪᖃᕐᐸᑦ
- ᖃᓂᒪᓂᕐᒧᑦ
ᑕᒪᒃᑯᓂᖓ ᐊᑑᑎᒋᐊᖃᕐᓂᕈᕕᑦ, ᐋᓐᓂᐊᕕᑦᓯᓄᑦ ᓯᕙᓂᕆᐊᖃᕐᐳᑎᑦ, ᑕᑯᔭᐅᕕᑦᓴᕆᓯᒪᔦᑦ ᐅᓪᓗᖅ ᖃᓄᐃᓕᔭᐅᒍᑎᒋᒍᓐᓇᖏᑦᑌᑦ ᐱᑦᔪᑎᑦᓭᑦ ᐱᑦᔪᑎᑦᓴᓯᐊᒍᓂᕋᕐᑕᐅᐸᑦ.
ᓴᓇᕐᕈᑎᑦᓭᑦ ᐃᑲᔪᕐᑐᓭᓪᓗ
- ᖃᕆᑕᐅᔭᕐᒥᑦ ᐊᑐᐊᕋᑦᑕᓵᕆᓗᒍ ᐊᑐᕐᑎᒨᓕᖓᔪᖅ ᐊᑕᐅᓯᕐᒥᒃ ᒪᑉᐱᑐᒐᓕᒃ (PDF)
- ᑕᑯᓗᒍ ᐊᑭᓐᓇᒥᐅᑕᖅ ᖃᓪᓗᓈᕐᑎᑑᕐᑐᖅ, ᐅᐃᒍᐃᑎᑑᕐᑐᖅ, ᐃᓄᒃᑎᑑᕐᑐᓗ
- ᐊᑐᐊᕐᓗᒍ ᓄᓇᓕᓕᒫᓅᓕᖓᔪᖅ ᒪᓕᒐᖅ ᐱᑦᔪᑎᓕᒃ ᐊᐅᓚᑕᐅᒍᓯᖏᓐᓂᒃ ᑕᑯᔭᐅᕕᑦᓴᒥᓂᒃ ᐅᑕᕐᕿᔪᑦ ᐊᓪᓚᑕᐅᓯᒪᒍᑎᖏᑦᑕ ᐊᑐᐃᓐᓇᖃᑦᓯᐊᓂᕐᓴᐅᖁᒧᑦ ᓄᓇᕕᒻᒥᐅᑦ ᐱᒍᑦᔨᐅᑎᓂᒃ (PDF)
ᑐᓴᐅᑎᒃᑰᕈᑎᖃᑦᑕᑕᑦᑎᓂᒃ ᓈᓚᖃᑦᑕᓗᓯ
Scheduled to air on TNI through the month of February, these three short messages explain:
ᑐᓴᕋᑦᓴᓕᐊᕆᔭᐅᓛᕐᑐᖅ ᑕᕐᕋᒥᐅᑎᒍᑦ ᕕᕗᐊᕆᒥ, ᑕᒪᒃᑯᐊ ᐱᖓᓱᐃᑦ ᓀᓪᓕᑎᕐᓯᒪᔪᑦ ᑐᓴᕐᑎᓯᒍᑏᑦ ᑐᑭᓯᓇᕐᑎᓯᒍᑎᐅᑦᓱᑎᒃ ᒪᑯᓂᖓ:
- ᓱᒧᑦ ᑕᑯᔭᐅᕕᑦᓴᓕᐊᒍᓯᒪᔪᑦ ᐅᓪᓗᐃᑦ ᐃᓘᓐᓇᑎᒃ ᐱᓪᓚᕆᐅᒻᒪᖔᑕ
- ᓱᔪᑦᓴᐅᒪᖔᕐᐱᑦ ᑕᑯᔭᐅᕕᑦᓭᑦ ᐅᓪᓗᖅ ᓈᒻᒪᑎᓪᓗᒍ ᐁᒍᓐᓇᓂᖕᖏᑯᕕᑦ
- ᓱᒧᑦ ᐱᓪᓚᕆᐅᒻᒪᖔᑦ ᖃᐅᔨᒪᑎᑦᓯᖏᓐᓇᕆᐊᖃᕐᓃᑦ ᓇᓪᓕᐊᓃᑦᑎᓗᑎᑦ ᖃᐅᔨᒋᐊᕐᕕᐅᒍᓐᓇᒪᖔᕐᐱᑦ ᑕᑯᔭᐅᕕᑦᓭᑦ ᐅᓪᓗᖅ ᐱᓪᓗ
[ᐃᓄᒃᑎᑑᕐᑐᒥᒃ ᓈᓚᓪᓗᑎᑦ]
ᐊᐱᕐᓲᑎᑦᓴᖃᕐᐲᑦ? ᐋᓐᓂᐊᕕᓯ ᖃᐅᔨᒋᐊᕐᕕᒋᓗᒍ
