ᑐᑭᖓ ᖃᓄᐃᒃᑳᑦ ᐅᕕᒃᑲᕗᑦ ?
2022 ᐅᑭᐊᑦᓴᖓᓂ, ᐃᓗᓯᓕᕆᔨᒃᑯᑦ ᖃᐅᔨᓴᕐᓂᖃᓚᐅᕐᓯᒪᒻᒪᑕ ᐳᕐᑐᓂᕐᓴᒥᑦ ᐃᓕᓐᓂᐊᑏᑦ ᖃᓄᐃᓐᓂᕆᔭᖏᓐᓂᒃ ᓄᓇᕕᒻᒥ. ᓯᕗᓪᓕᐅᓚᐅᔪᖅ ᑐᑭᓯᒐᓱᐊᕐᓂᖃᓚᐅᔪᖅ ᐃᓗᓯᖏᓐᓂᒃ ᖃᓄᐃᖕᖏᓯᐊᕐᓂᖏᓐᓂᓗ ᐅᕕᒃᑫᑦ ᓄᓇᕕᒻᒥ.
ᖃᐅᔨᓴᕐᓂᐅᓚᐅᔪᖅ ᐊᑐᑎᔭᐅᓯᓚᐅᕐᓯᒪᔪᖅ ᑯᐯᒃ ᖃᐅᔨᓴᕐᑎᖏᓐᓄᑦ ᐳᕐᑐᓂᕐᓴᒥᑦ ᐃᓕᓐᓂᐊᑐᓂᒃ(QHSHSS) ᐱᖓᓱᕕᑦᓱᓂ2010-ᒥᓂᑦ-2011-ᒧᑦ ᑯᐯᓕᒫᒥ, ᖏᑦᑕᑐᐊᕆᓱᒍ ᐊᓪᓚᐃᑦ ᓄᓇᖓᑦ ᐊᒻᒪᓗ ᓄᓇᕕᒃ.
ᐃᓕᓐᓂᐊᑎᓕᒪᑦᓯᐊᑦ ᓄᓇᕕᒻᒥ ᐃᓚᐅᖁᔭᐅᓚᐅᔪᑦ ᖃᐅᔨᓴᕐᓂᒧᑦ. ᓄᐊᑕᐅᑦᓱᑎᒃ ᐊᓪᓚᓯᒪᔪᑦ ᐊᑐᕐᓱᑎᒃ ᖃᕆᑕᐅᔭᒃᑯᑦ ᐊᐱᕐᓱᑎᓂᒃ ᑕᑭᓂᓕᓐᓂᒃ 60-90-ᒥᓂᑦᓯᓂᒃ.
ᐊᐱᕐᓱᑏᑦ ᐃᓕᖓᓚᐅᔪᑦ ᐅᑯᓄᖓ.
- ᐃᓄᒐᓱᐊᕐᓂᒧᑦ ᐱᐅᓯᐅᔪᑦ
- ᐃᓱᒪᒃᑯᑦ ᑎᒥᒃᑯᓗ ᖃᓄᐃᖕᖏᓯᐊᕐᓂᖅ
- ᐃᓄᖃᑎᒋᓐᓂᒧᓕᖓᔪᑦ ᖃᓄᐃᓕᖓᐅᓱᖏᑦ
ᑐᑭᓯᒍᑏᑦ:
- ᑕᓐᓇ ᖃᐅᔨᓴᕐᓂᖅ ᐱᓇᓱᐊᕐᑕᐅᓂᖃᓚᐅᔪᖅ ᑲᑎᕕᒃ ᐃᓕᓐᓂᐊᓂᓕᕆᔨᓄᑦ, ᐃᑲᔪᕐᑕᐅᓱᑎᒃ ᑯᐯᒃᑯᑦ ᐊᓪᓚᓯᒪᔪᓕᕆᔨᒃᑯᖏᓐᓂᒃ (ISQ).
- ᐃᓕᓐᓂᐊᑏᑦ 14 ᐊᑖᓂ ᐊᖏᕐᑕᐅᓯᒪᒋᐊᖃᓚᐅᔪᑦ ᐊᖓᔪᕐᖄᒥᓄᑦ ᑲᒪᔨᒥᓄᓪᓗᓃᑦ.
- ᐊᓪᓚᓯᒪᔪᑦ ᓄᐊᑕᐅᓚᐅᔪᑦ ᐃᓚᐅᓚᕐᑐᓂᑦ ᐅᖃᓗᑭᑕᐅᒋᐊᖃᖕᖏᑑᕗᑦ.